رواية طفلي الصغير الفصل الخامس 5 - بقلم هدير عبد العليم

يمنى بدهشة: مين؟!! شيماء بسعادة: ممكن يدخل؟! يمنى باستفهام وقلق: أعرفه مين طيب؟ شيماء بابتسامة: ادخلي. يمنى لسه هتتكلم وتزعق، لاقيت حد في حضني: زين؟!! زين بدموع: أنا سألت عليكِ كتير أوي، أنا بدور عليكِ من زمان مكنتش أعرف إنك تعبانة. يمنى بدموع وفرح وحضن جامد: يا حبيبي عامل إيه؟ أنا كويسة الحمد لله. زين: مس يمنى أنا زعلان منك، أنا بحبك أوي ليه عايزة تبعدي عني؟ ليلى بصدمة: مين ده يا ماما؟!

يمنى بفرح: يا ها دي حكاية كبيرة، دا زين ابني الرابع. ليلى بتكشيرة: ابنك إزاي؟ يمنى بضحك: بحسه ابني لأني بحبه أوي، فهمتي يا غيورة. زين بفرح: وأنا بحبك أوي، أول ما عرفت إنك تعبانة جيت عالطول أنا وبابا، تعرفي بابا سأل عليكِ كتير أوي. يمنى: عامل إيه في المدرسة؟ زين بحزن: أنا نفسي تكوني معايا أوي وزعلان كمان إنك مش عايزة تكملي العلاج يا مس يمنى، كلنا محتاجين إنك تكوني معانا.

يمنى بكسرة وحزن: العلاج قوي أوي يا زين مش قادرة أكمله. زين بتفاؤل: بس أنتِ لازم تعيشي لأن وجودك مهم، لازم تكملي العلاج وهتكوني كويسة. يمنى: ادعيلي يا زين. زين: والله بدعيلك كتير بس لازم تكملي العلاج يا مس يمنى. ليلى: فيه حد بينادي عليك يا زين. زين: أكيد بابا. يمنى بحزن: هتمشي؟ زين بحضن ودموع: للأسف لازم أمشي، عندي درس بس هاجي لحضرتك تاني. يمنى: ماشي يا حبيبي ربنا يوفقك. تيتة: أبو زين كان مستنيني في الصالة.

يمنى: أكيد رافض يدخل علشان مينفعش يدخل وأنا تعبانة. شيماء بابتسامة: والله راجل عنده ذوق ومحترم. تيتة بتردد: آه فعلًا، لكن هو طلب إنك... ولا أقولك خلاص. يمنى باستفهام: طلب إيه؟ تيتة: ... يمنى بعصبية: ماما قول لي فيه إيه؟ تيتة: الباشمهندس عايز... شيماء بخوف: فيه إيه يا طنط. تيتة: عايز يساعدك تسافري تتعالجي بره وهو عارف دكتور شاطر بره مصري. يمنى بعصبية: بصفة إيه بقا إن شاء الله؟؟

شيماء بضحك: والله دا أنتِ معندكيش ذوق، حد جاي يساعدك تقولي بصفة إيه؟!! تيتة: يا بنتي الراجل مش قاصد حاجة، هو بيعمل كده علشان زين بيحبك ومتعلق بيكي. ليلى بعصبية: ماما فيه إيه يعني؟ حضرتك بصراحة مكبرة الموضوع. يمنى بصوت فيه خوف: وطي صوتك علشان سليم ومريم ميعرفوش إني تعبانة. ليلى: لازم كله يعرف إنك تعبانة، لازم كله يساعدك زي ما بتعملي معانا كلنا، هتفضلي مخبية عليهم زيي صح؟! يمنى: ...

ليلى بهدوء: مفيش مشكلة إنك تسافري تتعالجي بره، أنا عايزة أسأل سؤال واحد هو فين بابا من كله ده؟ يمنى بعياط: ليلى ينفع تسكتي. ليلى بعصبية: لا مش هينفع. يمنى: ... ليلى: أنا هكلم بابا أقوله إنك تعبانة. يمنى بخوف: ماما قولي لها بلاش، دي عبيطة وهتكلم فارس فعلًا. تيتة بحزن وتردد: أبوكِ عارف إن ماما تعبانة. ليلى: طب هو فين؟ مش ظاهر ليه؟ تيتة بدموع: بابا وماما خلاص انفصلوا. ليلى بصدمة ودموع: إزاي؟ وليه؟

تيتة بحضن: علشان تعب ماما؟ ليلى بدون فهم: يعني هو عارف إن ماما تعبانة؟ يمنى بحزن: ماما لي قولتي لها، ليلى هتتصدم في فارس. ليلى: ساكتة. يمنى: دا حق بابا يا ليلى، هو مكنش مقدر تعبي بس عادي يعني انتوا معايا بالدنيا وما فيها. ليلى بغيظ: ماما أنتِ لسه بتدافعي عنه بعد اللي عمله فيكِ؟! يمنى: ... ليلى بتفاؤل: ماما أنتِ هتسافري وهتكوني أحسن إن شاء الله. يمنى: وأنا قلت مش هسافر.

شيماء بعصبية وحب: وأنا قلت هتسافري، لأنك لازم تتعالجي عشان عيالك. ليلى بعصبية: إيه المشكلة لما تسافري؟ تيتة: وطالما الباشمهندس أيمن عارف دكتور شاطر هناك يبقى مفيش مشكلة. يمنى بأسف: علشان مش المفروض إن الباشمهندس أيمن هو اللي يشوف لي دكتور. تيتة: بلاش التفاهة دي يا يمنى، هكلم باشمهندس أيمن عشان يتفق مع الدكتور وهتسافري. يمنى بحزن: خايفة أوي.

شيماء: لازم تخافي لأنك واقفة مش بتعملي حاجة، مفيش خطوة واحدة للعلاج، يا ستي الطب اتقدم وربنا موجود محدش عارف بكرة فيه إيه فليه نخاف منه. يمنى باستسلام: اتصلي يا ماما. *** بعد أسبوع *** زين: بابا وعدني إنك هتكوني كويسة. يمنى بخوف: تفتكري؟ يمنى: تسلم. أيمن: إن شاء الله هتسافري يوم الأربع وترجعي وأنتِ كويسة. يمنى: يارب. ليلى: شكرًا جدًا يا عمو. أيمن: على إيه يا بنتي، كفاية تعامل ماما مع زين في المستشفى. *** بعد فترة ***

شيماء: شوفي اقرأي الكلام ده. يمنى: الكلام ده بجد. شيماء: ...