رواية طفلي الصغير الفصل الخامس عشر 15 - بقلم هدير عبد العليم

يمنى : أيمن حاسه إني تعبانه أوي. أيمن بقلق وخوف: ليه مالك؟ يمنى بتعب: مش عارفه أنا حتى مش قادرة أنزل الشغل. أيمن بقلق: حاسة بأي؟ يمنى: والله حاسة بتعب رهيب حاسة إني هموت. بدموع: أيمن العيال أمانة في رقبتك، ليلى وسليم ومريم، فعلاً شايفينك أب. أيمن بفزع: يمنى إياكِ تقولي كده، إحنا هنفضل مع بعض، مش هسيبك تروحي مني زي عبير. بتوتر بدأ يكلم الدكتور عشان ييجي. ليلى: ماما أنتِ كويسة؟ إحنا معاكِ.

يارا بدأت تدمع: إحنا مش هنقدر نكمل من غيرك. زين جاي يجري بسرعة وهو بيعيط وحضني: ماما أنا بحبك. سلمى: الدكتور جه يا بابا. الدكتور بعد الكشف بدأت تظهر عليه ابتسامة. أيمن: طمني يا دكتور. الدكتور: أنتِ أول مرة تكشفي من ٣ شهور صح؟ يمنى بدون فهم: آه. الدكتور: مبروك.. المدام حامل. أيمن بفرحة: بجد؟ ولسه هيقرب منها يحضنها. يمنى بكسوف وضحك: العيال موجودين. أيمن طلع مع الدكتور. زين: ماما أنا آسف بجد، أنا مش متخيل حياتي من غيرك.

يمنى: أنا والله بحبكم كلكم وبخاف عليكم من أي حاجة وأي حد. سلمى: إحنا كده كام بقى؟ استنى أعد. بدأت تعد: ليلى ويارا وسليم ومريم وزين، وياسين، وأنا كده ٧، وبابا وماما كده ٩، ونونو يبقى كده ١٠. يمنى بضحك: قولي ربنا يزيد ويبارك فيكم. سلمى: يارب. أيمن: من النهارده بقى عايزين راحة، يعني مفيش شغل لحد ما ربنا يقومك بالسلامة. يمنى: لا أنا مش عايزة الدلع ده، أنا هنزل الشغل بكرة. أيمن: للأسف يا يمنى مش بمزاجك.

يمنى بزعل: يعني إيه هتتحكم فيا؟ أيمن: يا ولاد ممكن تشوفوا مصلحتكم. (طلعوا) يمنى: عايزة أعرف إيه مش بمزاجي دي؟ أيمن: بعيد عن إني جوزك وعادي أتحكم فيكي وكلمتي اللي تمشي، إلا إني قلقان عليكي مش أكتر، الدكتور قال إنك لازم ترتاحي، أنا حتى كلمت ست شغالة تيجي تساعدك لحد ما الفترة دي تعدي. يمنى بدأت أهدى وأنا مش عارفة أرد مكسوفة جداً إني رديت كده وهو عامل عليا: تعرف أنا ملقتش حد أحن منك، ربنا يبارك فيك.

أيمن بضحك: تعرفي أنا ملقتش حد عصبي زيك. يمنى بضحك: ماشي يا عم شكراً على المعلومة. *** زين: ماما هنخرج النهارده؟ يمنى: يا حبيبي مش هينفع نخرج الفترة دي. زين بتكشيرة: ده ليه بقى؟ يمنى: مش هينفع لأن امتحانات ليلى ويارا قربت، ويا حبيبي دول ٣ ثانوي. زين بتكشيرة: أنا هخرج مع أصحابي. يمنى: كلم بابا قوله لو وافق أخرج. زين: أنا عارف إنه مش هيوافق لأني خرجت امبارح. يمنى بهدوء: خلاص بتقول لي أنا ليا؟ زين: يعني كده.

يمنى: يا حبيبي ما أنا قولتلك كلم بابا، هقوم أجهز أكل عشان أخواتك. زين بزعل: تمام. يمنى: إيه رأيك تروح عند تيته وخالو حسام؟ زين بصوت عالي: أنا عايز أخرج يا ماما، مش أروح عند تيته. يمنى بعصبية: تصدق أنا فعلاً غلطانة. زين: ولا أقولك خلاص هروح أنا وسليم عند تيته، هقول لخالو حسام يخرجنا. يمنى بضحك: زين امشي من هنا. زين: أروح يعني؟ يمنى: بالسلامة أخيراً هرتاح شوية. *** يمنى جاية من الشغل بخوف وبتنادي: ليلى، يارا.

أيمن: في إيه جاية خايفة كده ليه؟ يمنى: نتيجة التنسيق ظهرت. أيمن: بجد؟ ليلى بتوتر: بتقولي إيه بجد؟ عملنا إيه؟