رواية طفلي الصغير الفصل السادس عشر 16 - بقلم هدير عبد العليم

ليلى بتوتر: بتقولي أيه؟ التنسيق ظهر بجد؟ يمنى: أه. أيمن بسرعة: رقم الجلوس أيه؟ ليلى: ٦٨٩٤٩٧. أيمن: اتأكدي من رقم جلوسك تاني. ليلى: معلش ٦٨٩٤٤٩٧. أيمن بابتسامة: كأن حلمك أيه؟ ليلى بسرعة: بالله عليكِ قلبي هيقف من الخوف. هدخل أيه؟ أيمن بسعادة: حلمك اتحقق. علاج طبيعي. قولي بسرعة رقم جلوس يارا. هي فين؟ ليلى: ٦٨٩٣٣٣. أيمن بسعادة: بجد أنا مش مصدق. يمنى: عملت أيه؟ طمنيني.

أيمن: حلمها اتحقق. بحضن ودموع ليمنى. هتدخل طب يا يمنى. ليلى بدموع الفرحة: بجد شكراً جداً ليكم. تعبتوا أوي معانا. هطلع بسرعة أقول ليارا. أيمن: أنتوا اللي مجتهدين وشاطرين يا لولو. ليلى: ربنا يخليك يا بابا. وطلعت على فوق تقول ليارا. يارا بعصبية: الله يسامحك يا شيخة ديما. عاملة صداع. عمالة تنادي. صحتيني من النوم. ليلى بضحك: لا يا دكتورة متتعصبيش عليا. أنا على فكرة دكتورة زيك. يارا بتقوم بسرعة من على السرير: أيه؟

مين دي اللي دكتورة؟ ليلى بحضن: أجمل دكتورة في حياتي. يارا بسرعة: بجد؟ المهم طمنيني. عملتي أيه؟ ليلى بابتسامة: كلية علاج طبيعي. يارا: أوعي تزعلي. أنا عارفة إنها فرقت معاكي أكيد على الدرجة. بس علاج طبيعي جميلة. ليلى بسعادة: بالعكس. أنا كان نفسي في علاج طبيعي والحمد لله إنها جتلي. أيمن بسعادة: أيه مكان عايزين تروحوا فيه تحت أمركم. ليكم أسبوع كامل في المكان اللي تختاروه.

يارا بحضن ليمنى وأيمن: مش عارفة من غيركم كنت هدخل طب إزاي. أيمن: أعيش وأتعب عشانكم. هو أنا عندي أغلى منكم. زين: محمد ماله؟ يمنى: محمد أخوكي؟ (ابني من أيمن) زين: قاعد تحت حاسة زعلان. يمنى: ممكن عشان طلعنا هنا وهو تحت لوحده. زين تنسيق أخواتك يارا طب ويمنى علاج طبيعي. زين بسعادة: بجد؟ ألف مبروك. تستاهلوا كل خير. بضحك: هنخرج أمتي عشان أبدأ أحضر شنطتي. ليلى بضحك: يااابي منك. زين: سنة كاملة مش عارف أخرج براحتي بسببكم.

أيمن بسعادة: المكان اللي ليلى ويارا يقولوا عليه هنروح نقعد فيه أسبوع. ليلى: أنا لازم أروح دلوقتي لتيته أقولها إني دخلت كلية علاج طبيعي وهكون دكتورة. يمنى بسعادة: وأنا جاية معاكي. يارا دخلت كلية الطب، وليلى دخلت كلية العلاج الطبيعي. وبدأت المسؤوليات تزيد. الأولاد بيكبروا قدام عيني كل يوم والرعاية بتزيد أكتر. بعد فترة طويلة جداً. زين بصوت عالي لمريم: بت أنتِ تعالي هنا. مريم بعصبية: أنت إزاي بتكلمني كده؟ زين

بيلعب في شعره وكأنه بيفكر: بدون لف ودوران تعرفي باسم منين؟ مريم بدون فهم: باسم مين؟ زين بعصبية: شوفي.