رواية طفلي الصغير الفصل الثامن 8 - بقلم هدير عبد العليم

ليلى: الباب بيخبط. يمنى: استنى أنا هفتح. تيته بدهشة: مين؟ إزاى ده؟ يمنى بدموع وحضن وفرحة: جيتي إزاي؟ حسام بدموع: وحشتوني أوي، كأن لازم أنزل علشان أطمن عليكم. مالك يا يمنى؟ ألف سلامة عليكي. تيته بدموع: أنا مش مصدقة إنك جيت. أنت حسام ابني؟ حسام بدموع: كنت بعيد أوي صح؟ أنا عارف الغربة بتاخدنا من أقرب الناس لينا. يا ها ليلى كبرت. يمنى بابتسامة: اه كبرت. هي هتفضل صغيرة.

حسام بحنين: تعالوا جنبي، وحشتوني أوي. مهما كنت في أحسن الأماكن بس مكنتش مطمن. مفيش حد بيطمن غير وهو وسط أهله. إيه اللي حصل وتعبتي إزاي وإزاي تسافري من غير ما أعرف؟ كنت على الأقل جيت معاكي؟ يمنى باستسلام: يا ها دي حكاية طويلة أوي. الحمد لله فترة وعدت على خير. حسام بخوف: يعني أنتِ كويسة دلوقتي؟ يمنى: الحمد لله كويسة جدا. أنت اللي إيه أخبارك وأخبار السفر إيه؟

حسام: طب الحمد لله. أنا كويس الحمد لله. الغربة وحشة أوي كفاية إنها خلتني بعيد عنكم. فارس عامل إيه؟ تيته بحزن: نسيت أقولك يمنى انفصلت عن فارس. حسام بتكشيرة واستغراب: ليه؟ تيته: ليلى ادخلي جوه. ليلى: بابا لما عرف إن ماما تعبانة انفصلوا. حسام بحزن: اه كده فهمت. يا ها كله ده حصل وأنا مش موجود. يمنى بابتسامة وشوق: تعالى ناكل مع بعض. والله يا جدع مفتقدة وجودك.

حسام بفرح: وأنا كمان مفتقد وجودك أوي. استنى جايب آكل غريب معايا. يمنى بضحك: أنا مش قادرة أعمل أكل أصلا. ماما اللي كانت هتعمل، لأني جاية من الشغل تعبانة. حسام بدهشة: شغل؟ يمنى: أنا كويسة الحمد لله، ونزلت الشغل ومش تعبانة. حسام: مفيش شغل. أنا متكفل بعيالك كلهم، أهم حاجة صحتك. يمنى: أنا بكون مبسوطة وأنا بشتغل. أنا بحب أساعد الناس. تيته: خليها على راحتها يا حسام.

حسام: والله مش بفرض السيطرة. أنا بس عامل عليها وعايز راحتها. يمنى: عارفة والله. ربنا يخليك ليا. المهم أنا هروح أصلي وأطمن على مريم وسليم عقبال ما تغير البس. حسام: لا أنا هاجي أطمن عليهم معاكي. يمنى: ماشي، تعالى شوفهم. هم أكيد ناموا. ليلى: ماما تليفونك بيرن. يمنى: مين؟ ليلى: أبو زين، البشمهندس أيمن. يمنى: اعملي التليفون صامت وخليه على الشاحن. تيته: ردي طيب، ممكن يكون عايز حاجة. يمنى بعصبية: ماما تعرفي تسكتي؟

حسام باستفهام وابتسامة: مين زين ومين أبو زين؟ يمنى بابتسامة: دي حكاية طويلة. هتعرفها بس مش دلوقتي. عايزين نقعد مع بعض شوية. حسام بلهفة: أنا بقول كده برضو. يلا ناكل. تيته: اتفضلي يا شيماء. شيماء بحزن وعصبية: يمنى فين؟ تيته: جوا. في إيه؟ شيماء بدموع: ..