رواية طفلي الصغير الفصل الثالث عشر 13 - بقلم هدير عبد العليم

يمنى بدهشة: عايزني فى مصلحه؟ خير يا حسام؟ حسام بابتسامة فيه براءة: هي مش مصلحه أوى، هي حاجه لسه بفكر فيها و عايز رأيك؟ يمنى بلهفة: ما تقول أي؟ تيته بسرعة: أنا هقولك يا يمنى. حسام: قرار يتجوز. يمنى بفرحه: بجد؟ مين العروسة؟ طب أنا أعرفها؟ حسام بابتسامة: عز المعرفة. يمنى بضحك: والله؟ قمر زيي؟ حسام بضحك: لازم تكون قمر زيك مش صحبتي. يمنى: صحبتي؟ أيمن: لا دا كده أنا أطلع بره بقا، لحد ما أعرف مين هي بس بعدين.

تيته بسرعة: هو أنت غريب، شيماء. حسام: هو أنا عموماً لسه بفكر، بس شيماء كويسه و محترمة، أي راجل مش بيهمه فى الست إللي هيتجوزها غير إنها تكون محترمة و بنت أصول و تكون محافظه على نفسها لحد ما يجيلها الحلال إللي يرضى ربنا، تعرفي أنا لسه فاكر موقف المستشفى لما رافضت أوصلها، بصراحة أنا شايف شيماء كويسه. يمنى بضحك: و شايف أي كمان؟ دا أنت طلعت مش سهل. حسام بكسوف: كدبت يعني؟

يمنى: و كمان مخلصه و حنينه هتكون معاك في أي حاجه و أي وقت. حسام: تفتكري هتوافق؟ يمنى بضحك: أكيد لا علشان أنت أخويا. حسام بضحك: أنا برضو بقول كده، نكنسل الموضوع و بلاش نروح من الأول صح. يمنى بضحك: يلا يا بنى هنروح دلوقتى. حسام بضحك: والله فعلاً أنتِ عبيطه، مفيش معاد معايا. يمنى بضحك: دا بيتي التاني. أيمن: ان كان فيه خير عاجل بيه. تيته: و أنا قلبي و ربي راضيين عليك، يبقا أكيد خير. حسام: خلاص هلبس و نروح.

يمنى: بسرعة يا سى حسام. حسام بضحك: ساعتين و أكون لابس. يمنى: خمس دقائق مفيش غيرهم، بسرعة. حسام: حاضر. عند شيماء. يمنى بابتسامة و صوت واطي: قولتي لعمو؟ شيماء: لا اتكسفت. يمنى: يا بنتي مش كلمتك فى الفون و قولتلك أننا جايين. شيماء: مااا. يمنى بغيظ لان عمو هيستغرب إنى جايه ل شيماء رغم ان شيماء كانت عندي امبارح. شيماء: أنا قولتله إنك جايه بس مقولتش مين معاكي. يمنى: أنتوا هتفضلوا واقفين على الباب؟ تعالوا يا حسام، أيمن.

شيماء بكسوف دخلت بسرعه على جوا. يمنى دخلت على الركنه ما أنا حافظه المكان و بعد دقائق عمو جه. عمو: أزيك يا ام سليم، عامله آيه. يمنى: الحمد لله يا عمو، حضرتك عامل أي. يمنى بدأت أعرفه على حسام أخويا: و ده حسام أخويا. عمو: شرفتوا والله، منورين. حسام: الشرف لينا. يمنى: بصراحة يا عمو إحنا عايزين القرب. عمو بضحك: قرب أكتر من كده دا أنتِ بنتي يا يمنى و يعلم ربنا بعزك إزاي. يمنى بابتسامة: القلوب عند بعضها والله.

حسام بكسوف و خوف: بصراحة يا عمو أنا عايز أتجوز شيماء بنت حضرتك. عمو:…