رواية تغريد لادم الفصل الثالث 3 - بقلم كيان كاتبة

ادم داخل البيت ماسك تغريد من ايدها بقوة. تغريد بألم: ادم ايدي انت بتوجعني. ادم بغضب: إيه اللي وداكي هناك ها؟ عايزة حاجة اتصلي بي استنيني لما أجي... كمل بغضب أقوى لما افتكر نظرة الدكتور ليها... ولا إنتي تفرجي الناس عليكي وفرحانة وهي الناس بتبصلك. تغريد كانت واقفة بخوف من صوته العالي، هي مش عارفة تبرر تقول إيه أصلًا، تقوله جتلك عشان أطمن عليك خايفة عليك. : ماما. ده كان صوت ياسمين نازلة من على السلم بتعيط.

ادم قرب منها بهدوء وشالها. : مالك يا حبيبت عمو بتعيطي ليه؟ ياسمين بدموع: عشان إنت بتزعق لماما وهي بتعيط، متزعقش فيها تاني. ادم: حاضر يا حبيبتي مش هزعق فيها... وإنتي بطلي عياط. ياسمين وهي بتمسح دموعها: ماشي. ادم: يلا ننام بقى... ياسمين هزت رأسها وادم شالها وطلع بيها... وقف وبص وراه. : اللي حصل ده ما يتكررش تاني فاهمة. تاني يوم. ادم نايم وفي حضنه ياسمين، حس بحركة جنبه... فتح عينيه وكانت تغريد بتحاول تصحي ياسمين.

تغريد بتوتر: ص... صباح الخير. ادم مسح على وشه بنوم: صباح النور. تغريد: ياسمين اتأخرت على الحضانة وحضرتك كمان اتأخرت على المستشفى. ادم: تمام. تغريد رجعت بصت لياسمين اللي نايمة. : ياسمين حبيبتي اصحي هتتأخري. ياسمين مسكت في ادم أكتر. : لا مش عايزة أروح. تغريد: يا حبيبتي يعني إيه مش عايزة تروحي؟ عشان تنجحي وتبقي شاطرة. ياسمين: لأ... ونبي يا عمو خلينا منحروحش النهارده وإنت كمان متروحش ونقضي اليوم كله سوا.

ادم بتفكير: اممم ماشي يا ستي. ياسمين بفرحة: هااااي. تغريد: بس كده ا... ادم: خلاص ما هيحصل حاجة لو غابت يوم. تغريد: طيب يلا عشان تاخدي دش ولا هتكملي نوم. ياسمين: لا هقوم عشان نخرج أنا وعمو ادم. تغريد وهي بتشيلها وتطلع لبرا. : دلوقتي تقوم... ادم بص عليهم قبل ما يطلعوا... لحد ما اختفوا ورجع رما نفسه على السرير ونام تاني. بعد شوية كان ادم نازل وهو لابس هدومه والكل على السفرة بياكل...

ياسمين قامت من على السفرة وجريت عليه وادم شالها. : كلي يا عمو. تغريد بضيق: ياسمين حبيبتي مينفعش تقومي من على الأكل ده. ياسمين ببراءة: آسفة يا ماما. ادم خدها وقعد على السفرة. : هاتي أنا هاكلها. أبو ادم كان قاعد ومتابع كل حاجة بهدوء. : ادم بعد الفطار عايزك في حاجة مهم. ادم باستغراب: تمام يا بابا. الفطار خلص ويارا وتغريد بيلموا السفرة... ادم وباباه قاعدين في المكتب. ادم: خير يا بابا. : تغريد مرات أخوك.

ادم باستغراب: مالها. : لسه برضه مصر على رأيك ومش هتتجوزها. ادم: بابا الموضوع ده خلص. : تمام لو إنت مش هتتجوزها غيرك هيتجوزها، البنت صغيرة ولسه العمر قدامها طويل. ادم بضيق: بابا هي عايشة مع بنتها ومش ناقصها حاجة. هشام قام: الدكتور مدحت زميلك في الشغل متقدم ليها وأنا موافق. هنا ادم مشافش قدامه. : إزاي يعني موافق وإيه... وبعدين هو يعرفها منين أصلًا؟ مستحيل تطلع بره البيت ده وآخر كلام عندي... وأنا هتصرف مع ابن ال...

وطلع زي الإعصار على برا. ادم بص على تغريد نظرة جحيم. : كتب كتابي عليكي النهارده ي... يا أم ياسمين.