رواية تغريد لادم الفصل الثامن 8 - بقلم كيان كاتبة

تغريد طلعت بالقهوة وخبطت على الباب. ولما سمعت صوته بيسمح لي بالدخول، دخلت. ادم بسخرية: دي مش أوضة أخو جوزك آدم عشان تخبطي قبل ما تدخلي. دي أوضة جوزك، فاهمة؟ تغريد بهدوء: فاهمة. القهوة. ادم أشار على الترابيزة اللي جنبه: حطيها هنا. تغريد قربت تحط القهوة وحطتها. ولسه هتلف وتتمشي، آدم مسكها من إيدها ولفها ليه بسرعة. تغريد شهقت بخضة وهي بتحط إيدها على صدره. ادم: إيه؟ ما كنتيش متعودة على الحركات دي مع جلال؟

تغريد بتحاول تبعد: آدم.. ابعد... تغريد سكتت لما لاحظت حاجة على رقبة آدم. تغريد بتركيز: إيه ده؟ آدم حط إيده مكان ما بتبص وطلع علامة حمرا في إيده: معرفش جه منين. تغريد بدموع: يعني إيه متعرفش جه منين يا أستاذ آدم؟ روج وعلى رقبتك هيكون جه منين؟ آدم افتكر قرب عزة منه وعرف إن الروج ده بتاعها: ده تقريبًا السكرتيرة بالغلط. تغريد: والله السكرتيرة بالغلط؟ تغريد سحبت إيدها بضيق. ماشي.

ومشت. آدم اتجه للمراية وهو بيشتم بضيق وبيشيل الروج. عند يارا: يارا: يا حبيبتي اهدي، مش كدا. تغريد في حضن يارا بتعيط: بقولك بيخ*وني. شفت الروج على رقبته واضح زي الشمس. يارا تمتمت: بيخ*ونك!!! وكملت بصوت عالي: اسمعيه، أكيد عنده عذر. وبعدين مش هو ده آدم اللي عمي قلك خدوا بالكم من جوزك وإنتي تنشطي؟ تغريد بعدت عن حضنها: عارفة إني كنت مقصرة معاه وبتكسف منه، بس مش لدرجة يبص برا في اليومين دول. يارا:

اهدي، وإن شاء الله خير. امسحي دموعك وأنا هنزل أعملك عصير لمون. تغريد مسحت دموعها، ويارا طلعت. قبل ما تقفل الباب وراها، ظهر قدامها آدم. آدم: تغريد فين؟ يارا: منهارة من العياط جوه. آدم: تمام، روحي انتي. آدم فتح الباب بهدوء ودخل. كانت تغريد واقفة في نص الأوضة بغضب. تغريد: بيخ*وني أنا. آدم بهدوء: والله ما خنتك. تغريد لفت بخضة: أنا.. اتشجعت وكملت. أمّال إيه الروج اللي على رقبتك؟ آدم:

أول حاجة، إنتي عارفة إني مش مضطر أكدب عليكي ولا أخونك. هقول بخونك ومحدش هيغلطني عشان إنتي مقصرة فعلاً. اتنهد وكمل. قلتلك إن الروج ده جه بالغلط. تغريد: إزاي؟ آدم: السكرتيرة النهاردة كانت بتعمل حركات غريبة وبتقرب مني، وطبعًا إنتي عارفة حركات الستات. تغريد: وطبعًا إنت كنت مبسوط؟ آدم: تغريد، مش ناقصة جنان. يلا عشان ترجعي أوضتنا. هنزل أعمل مكالمة وأطلع ألاقيكي فيها.

ومشي. تحت، يارا كانت واقفة بتعمل العصير والتليفون رن برقم غريب. يارا ردت باستغراب: مين؟ محمود: إممم، معجب. يارا: استظرف، مش عايزة. هتقول مين ولا أقفل؟ محمود: اهدي يا ستي، مش كدا. وخطيبك معاكي؟ يارا فضلت مستغربة شوية لحد ما فهمت وابتسمت بخجل: وخطيبها عايز إيه؟ محمود: يتكلم معاكي شوية. يارا: آه، وماله. محمود: بتعملي إيه؟ يارا: عصير لتغريد. محمود: ونبي، أختك دي جدعة أوي.

يارا شالت الكوباية وطلعت بعد ما فهمت إن تغريد اللي عطت الرقم لمحمود. يارا: وجدعة ليه بقا إن شاء الله؟ محمود: يعني إنتي مش عارفة اللي فيها؟ يارا ضحكت بنعومة. محمود: لا، أنا كده أضعف. يارا ابتسمت بخجل ودخلت الأوضة ملقتش تغريد. خدت العصير وطلعت البلكونة تكمل كلامها مع محمود. عند تغريد: ياسمين: حلو أوي يا ماما. تغريد: بجد، يعني هيعجب عمو آدم؟ ياسمين: طبعًا.

تغريد ابتسمت وهي بتمشط شعرها لورا بعد ما لبست قميص نوم محترم. هي بس عايزة تبقى حلوة في عين آدم. وفي نفس الوقت خلت ياسمين موجودة معاهم عشان تتحامى فيها. آدم خلص المكالمة وطلع فتح الباب ودخل. وتنح شوية في تغريد اللي واقفة. تغريد بتوتر: يلا يا ياسمين ننام. آدم فاق ودخل ياخد دش. شوية وطلع وكانت ياسمين نامت وتغريد بتمثل إنها نامت. آدم قرب من الجهة اللي نايمة عليها تغريد و...