رواية تغير قلبي بها الفصل السابع 7 - بقلم وحيدة كالقمر

رفيف بقوة: قول أنت عايز إيه؟ شريف: بصي يا حلوة، قدامك خيارين. تخرجي من هنا بس هتاخدي الورق ده وأدم هيمضيه. وفي حالة رفضك، الخيار التاني هو موتك. رفيف سكتت شوية وقالت: والورق ده بتاع إيه؟ شريف: الورق ده هيورط أدم في قضايا غسيل أموال. رفيف: وأنا موافقة أساعدك. في بيت أدم. أدم: هتكون راحت فين؟ أعمل إيه؟ أسيل وهي بتشد بنطلونه وبتفرك عيونها: هي رفيف لسه مرجعتش؟ لا يا روحي، أنا هنا.

أدم بص ناحية الصوت ولقى رفيف واقفة قدامه. رفيف قعدت على ركبتها وفتحت ايديها لاسيل اللي جريت حضنتها. أدم بصدمة: كده؟ أنا مش فاهمك. منين تسيب البيت وترجع لوحدك؟ رفيف بصتله وقالت بحدة: عايزة أتكلم معاك. أدم: أكيد. رفيف بابتسامة: هروح أكلم بابي في موضوع مهم وهرجعلك. أسيل بفرحة: ماشي. رفيف دخلت الأوضة وأدم قفل الباب. وهي لفت تكلمه، شدها لحضنه وقال: أنا مغرور يا رفيفي. رفيف بضيق: ابعد عني. وإيه رفيفي دي؟

أنا لازم أقولك على حاجة مهمة. أدم: قولي. رفيف: فيه واحد اسمه شريف خطفني وطلب مني تمضيك على ورق هيورطك في بلاوي. أدم: ومعملتيهاش ليه؟ رفيف: عشان أنا مش غدارة زيكم. أدم وهو بيرجع شعرها ورا ودنها: وعشان طيبة وقلبك نضيف. رفيف بحزن: وخدت إيه من طيبتي غير إني اتاذيت منكم؟ أدم: مكنش بإيدي. أنا لحد دلوقتي بموت. عايز انتقم من يوسف. عايز أقهرُه. بس أنا غلطت لما اخترت الوسيلة اللي هي انتي.

رفيف زقته وقالت بدموع: شوف هتتصرف إزاي مع اللي اسمه شريف عشان نخلص ونطلق. رفيف كانت هتخرج، شدها لحضنه وقال: ليه مصممة؟ ليه؟ ولا تكوني لسه بتحبيه؟ رفيف بعدم فهم: هو مين؟ أدم وهو بيضغط على وسطها: مالك؟ رفيف بلعت ريقها وسكتت. وهو قال: ردي. رفيف بتوتر: أظن إجابة السؤال ده متهمكش. أدم زقها على السرير وزعق وقال: لا يهمني قوي. أنتي مراتي يا رفيف. ردي عليا، بتحبيه؟ رفيف: آه بحبه.

أدم ملامحه اتغيرت وفجأة ضرب رفيف بالقلم وفتح زراير قميصه وقرب منها. رفيف بخوف: ابعد عني. أدم مسك ايديها الاتنين وهي غمضت عيونها بخوف وهو قال: هدفعك التمن، بس مش بالطريقة دي أبداً. أدم بعد عنها وقفل قميصه وخرج. ورفيف بقت تعيط جامد.