رواية ذات 17 عاما ولكن الفصل التاسع 9 - بقلم ايه طه

صباح الخير ياقلب ماما. إنتي بتعملي إيه هنا. اقعدي ياحبيبتي واتكلمي مع ماما وأنا هطلع أطمن على أبوكي وأروح المكتب. وسبهم ومشي. جلست رهف أمام والدتها وعينيها مليئة بالدموع. إيه يارهف دا استقبال بردو ياحبيبتي وأنا قولت زماني وحشتك.

وحشتيني والله إنك عارفة الكلمة دي أنا بقى موحشتكيش انتي لاسألتي عليا وأنا مسافرة إمتى ولا أي حاجة ولا اهتميتي إنّي بقولك هقعد في مصر ومش راجعة ولا حتى اطمنتي عليا إذا كنت وصلت ولّا لأ ولا أنا عملت إيه الفترة اللي فاتت دي وإنتي جاية تعاتبيني أنا بجد. حبيبتي انتي عارفة إنّه غصب عني إنكل المنشاوي ووائل مانتي كنتي عايشة معانا وعارفة إيه اللي بيحصل انتي محتاجة إنّي أشرحلك يعني.

لأ مش محتاجة أنا طول الوقت عارفة إنهم عندك أهم من بنتك مش حاجة جديدة طب أبويا اللي كان تعبان وكانوا بيكلموكي ليه مقولتليش حاجة عن الموضوع دا. مكنتش عايزة حاجة تعطلك عن دراستك وحياتك. وإنتي ليه مهتمتيش بدراستي ولا حياتي لما قولتلك إنّي نازلة مصر ومش راجعة ليه مهتمتيش ولا سألتي ولا عرفتي.

أمال ياحبيبتي أنا بعمل إيه هنا مش علشان أعرف ياحبيبتي ها قوليلي أدمتي في مدرسة ولا لسه أنا عندي علاقات هنا تدخلي المدرسة اللي انتي عايزاها بس قوليلي. متأخر والله ياماما أبيه جاسر وجدو قاموا بالواجب وهبدأ مدرسة بكرة. إنتي بقى نازلة مصر علشانّي. طبعًا علشانك أنا جيت من المطار على هنا على طول. بجد ياماما انتي جاية علشانّي أنا. طبعًا ياحبيبتي يلا اطلعي جهزي شنطتك علشان تيجي تقعدي معايا.

أيوه بس مينفعش أسيب بابا بصي انتي اديني عنوانك أنا هبقى أجيلك كل يوم بعد المدرسة. طب ماتعكسيها ياروحي تعالي اقعدي معايا وابقى تعالي لأبوكي بعد المدرسة واقضي معاه اليوم وآخر النهار ترجعيلي تاني. مش عارفة ياماما.

وتذكرت كلام مرات عمها إنّها نحس وكدا وزعلها من جاسر اللي قرر يحبسها ومد إيده عليها هنا قررت رهف بصي ياماما أنا هروح معاكي النهارده وأجي بكرة لبابا بعد المدرسة لاقيت الموضوع بالنسبالي عادي ومرتاحة هطلع أجيب حاجتي وأعيش معاكي. طب ليه وجع القلب دا ما من الأول يابنتي. معلش ياماما أنا كدا هكون مرتاحة. طب يلا بسرعة علشان منتأخرش على أونكل المنشاوي ولسه هنروح البنك أنا وإنتي قبل مانعدي على البيت.

أونكل المنشاوي هنا بيعمل إيه في مصر وبنك إيه اللي نعدي عليه. أونكل المنشاوي ياحبيبتي عنده صفقة مهمة هنا في مصر وهيقعد فترة وإنتي عارفة مش بعرف أقعد لوحدي فجيت معاه وهنعدي على البنك علشان ترجعي حسابك تاني علشان انتي خلاص هتعيشي معايا. دا أنا كنت مغفلة بجد وأنا كنت مفكرة إنك سبتي الدنيا وجيالى اتاريكي انتي كدا كدا كنت نازلة مصر بس قولتي تستفادي من قعدتك هنا صح وبعدين موضوع إنك متقعديش لوحدك هو وائل معاكو هنا.

إيه اللي انتي بتقوليه دا وإزاي تكلميني بالطريقة دي واه إحنا عيلة واحدة وبنتحرك مع بعض وإنتي عارفة كدا كويس. صح عارفة كدا كويس زي ما أنا عارفة إنّي مش من العيلة دي واتفضلي امشي وسيبيني وروحي لعيلتك وانسيني تماماً أنا مش عايزة أعرفكم تاني. وسبتها وجريت على غرفتها. إنتي قليلة أدب علشان حد يكلم أمه كدا بالطريقة دي دي آخرة دلالي فيكي. خرج الجد على صوت منال العالي: منااااال هنا مفيش صوت يعلى أبدا سامعة.

أسفة ياعمي بس حضرتك شايف بتكلمني وبتعاملني إزاي مين مقوي قلبها عليا كدا ياعمي. عيب يامنال اللي انتي بتقوليه دا إحنا لو عايزين نعمل كدا كنا عملناها من زمان وخدناها منك بس اهدى أنا هطلع أشوف مالها وأرجعلك مهو مينفعش بردو تكلمي والدتك بالأسلوب دا ميصحش. لأ معلش ياعمي أنا مضطرة أمشي بس دا رقمي وحضرتك حاول تفهم مالها بس واسمحلي أتواصل مع حضرتك علشان أطمن عليها وعلى مستقبلها ودراستها. طبعًا من حقك.

ومشيت منال وخرجت من البيت. صعد الجد عند غرفة رهف ودخلها وجدها بتبكي بشدة اقترب منها وأخدها في حضنه: مالك ياحبيبتي بتعيطي جامد كدا ليه طب لو هي وحشاكي كدا انتي ممكن تروحي تقعدي معاها يومين ولا حاجة واحنا مش هنزعل والله. دي مش جاية علشاني دي جاية علشان الحساب اللي في بنك عايزاني أفتحهالها تاني. إيه بتقولي إيه أكيد لأ لأ انتي فهمتي غلط بس. وهي بتتشحف من كتر العياط وهي بتحكيله اللي حصل تحت بينها وبين مامتها.

لأ حول ولا قوة إلا بالله في كدا إيه اللي عميها كدا في حد يعمل كدا في ضناه حتة منه. وطبطب على رهف ويقولها اهدى متزعليش نفسك ياحبيبتي انتي اهو في وسطنا وكلنا بنحبك وبعدين كمل كلامه بسخرية انتي عارفة لو كنتي سمعتي كلامي وروحي اقعدتي معاها يومين ولا حاجة كنت هزعل بصراحة. أنا عارفة ياجدو بيبان عليك لما تكدب على فكرة. اه يامفعوصة في حد بيقول لجده انت بتكدب ويزغزها. هههههه حقك عليا والله مكنتش أقصد أنا آسفة.

تعالي ياحبيبتي واخدها في حضنه وطبطب على ضهرها. جدو عايزة أقولك على حاجة بس تجاوبني بصراحة. قولي ياروحي. انت حكيت لابيه جاسر على موضوع وائل اللي كلمتك فيه. لأ طبعاً مش دا كان سرنا إحنا إزاي يعني أقوله عليه. ياجدو طب عيني في عينك كدا. شوفوا البت اللمضة يلا ريحي شوية عقبال ما الغدا يجهز وعلشان تتغدى ونيمها على السرير وقام. لأ ياجدو لو سمحت خليهم يبعتولي الغدا على هنا أنا مش قادرة أنزل معلش. ماشي ارتاحي انتي طيب.

وخرج ووقف على باب الغرفة وسأل رهف: انتي كنتي بتسألي إذا كنت حكيت لجاسر ولا لأ ليه. لأ ولا حاجة أنا بس كنت عايزة أعرف وأطمن إنك بتحافظ على السر ياجدو. يابت بطلي لمضة أهي لمضتك دي هتوديك في داهية. وسابها ومشي.

رهف بتفكير في اللي حصلها وليه مقلتش لجدها إنها هتاكل هنا علشان جاسر طلب منها كدا لا طلب إيه قصدي أمرها بكدا وانه خوفها امبارح وحكا موضوع وائل لو جده مقلهوش هو عرف منين تشهق رهف وتجلس على السرير معقول يكون أبيه جاسر بيلمع أكر لالا دا كبير وعاقل ميعملش الحركات دي لا