رواية ذكرى الفصل العشرون 20 - بقلم سلمى ابراهيم

رامز: أنا لازم أطلقك. ليان بصتله بصدمة وحست قلبها هيوقف لما نطقها. ليان: تطلقني يا رامز؟ رامز: احمدي ربنا إني مش هبلغ عنك. ليان فضلت مصدومة وحاسة قلبها هيقف. فكرة إنها ممكن تكمل من غير رامز عمرها ما جت في دماغها. رامز بالنسبة لها أبوها وحبيبها وجوزها وكل حاجة ليها في الدنيا. ليان قربت عليه ودموعها مالية عينيها. ليان: رامز.. انت بتهزر صح؟ هو انت ممكن فعلاً تسيبني؟

رامز بص لها وقلبه حن عليها. عمره ما كان يطيق يشوف دموعها، دلوقتي بتعيط قدامه وكمان بسببه. رامز بدموع: عملتي كده ليه يا ليان؟ ليه عملتي فيا وفي نفسك كده؟ ليان بعياط شديد: يعني انت مصدق يا رامز إني أعمل كده؟ مصدق عادي إني أفكر حتى إني أقتل؟ رامز مقدرش يبص لها في عينيها وكان مش قادر يشوفها بتعيط كده ونفسه ياخدها في حضنه. ليان بعياط أكتر: أنا بنتك يا رامز. انت اللي مربيني. تفتكر بنتك تعمل كده يا رامز؟

رامز: ليان.. مفيش غيرك يعملها. حسن معندوش أعداء. وشروق مين عارفها أصلاً غيرك. واللي كان ناوي يقتل كان جاي لشروق أصلاً. كفاية كذب بقى، مش هتبقى قاتلة وكمان كذابة. ليان حطت إيديها على صدره. ليان: أنا كل ده مش هاممني. والله العظيم مش أنا اللي عملتها. بس أنا اللي هاممني دلوقتي، أنا مقدرش أبعد عنك. لو بعدت عني هموت يا رامز. انت كل حاجة بالنسبة ليا. انت أبويا وأخويا وجوزي وحبيبي وصاحبي. إزاي أقدر أبعد عنك ها؟ مش هقدر.

رامز: انتي اللي عملتي كده بتصرفاتك يا ليان. وعشان خاطر نادين وعشان خاطر متبانيش قدامهم بالصورة اللي أنا شايفك بيها دي، هنقولهم إني خونتك وإنتي قفشتيني بخونك. مع إنهم مش هيصدقوا لأنهم عارفين إن روحي فيكي. بس هو ده الحل الوحيد. من بكرة تروحي تقعدي مع أبويا وتقوليلو إنك عاوزة تطلقي مني وإنك شوفتيني بخونك. فاهمة؟

ليان بصت له وعيطت أوي بصوت وحطت إيديها على وشها وصوت شهقاتها طلعت أوي وعمالة تعيط أوي. قلبه اتقطع عشانها ومبقاش قادر يشوفها بتعيط كده. عمره ما طاق حتى يشوف دموعها.

وهي بتعيط وهو واقف قدامها، ساندت راسها على صدره وعيطت أوي ودخلت جوه حضنه ومسكت فيه أوي وهي بتعيط أوي ومش قادرة تمسك نفسها من العياط. هو فضل واقف مش قادر يعمل أي حاجة. رفع دراعاته عشان يضمها ليه ويطبطب عليها ويخليها متعيطش قدامه، لكن كل شوية يفتكر اللي هي عملته. فضلت دراعاته متعلقة في الهوا مش عارف يعمل إيه. ليان بانهيار في حضنه بسبب تصرفه: انت كمان مش عاوز تحضني يا رامز؟ ها؟ هين عليك عادي؟

رامز قال من ورا قلبه: إذا كان هونتي على نفسك.. مش هتهوني عليا. ليان مسكت فيه أكتر: أنا مش هقدر أعيش من غيرك يا رامز. مش هقدر. هموت. رامز لنفسه: أنا اللي هموت لو بعدتي عني. إزاي هقدر أعيش من غيرك إزاي؟ فضل سايبها تحضنه براحتها وتعيط في حضنه. لكن هو مفيش في إيده حاجة يعملها. بعدها بشوية بعدت عنه وبصت له وعينيها مليانة دموع وحمرة أوي.

ليان: أنا معملتش كده يا رامز. بس انت مدام شكيت فيا إني عملت كده، يبقى انت متعرفنيش وكمان متستاهلنيش. رامز: مفيش غيرك عملها يا ليان. كل الأدلة بتقول إن انتي.. كل حاجة بتقول ليان اللي عملت كده. ليان: انت متعرفنيش ولا عمرك فهمتني. سابته ومشيت تنام. راحت غطت وشها باللحاف وعيطت أوي بتحاول تكتم صوتها لكن طالع وهو سامعه وقلبه بيتقطع عشانها، لكن هيعمل إيه بس.

عدى اليوم وجه الصبح. فتح عينه حسن وفضل يبص حواليه بتعب وعينه مقفلة شوية. عينه جابت جنبه الكنبة اللي شروق نايمة عليها. حسن بتعب: أنا فين؟ وإيه حصل؟ شروق.. شروق؟ سمعت صوته فتحت عينيها بسرعة وجريت عليه بلهفة. شروق: حسن حبيبي.. انت كويس؟ حسن بتعب: براحة يا شروق، متجريش كده. انتي حامل. شروق قعدت على الأرض قدامه ومسكت إيده بلهفة ودموع. شروق: انت كويس.. صح؟ حسن حط إيده على خدها بحنية. حسن: أنا كويس يا حبيبتي. متخافيش.

شروق باست إيده اللي على خدها. شروق: كده.. كده ترعبني عليك. حسن بضحكة ألم: متخافيش عليا. مش هموت دلوقتي. متخافيش. شروق بعياط: بعيد الشر عنك يا حسن. أوعى أقول كده. ربنا يخليك يارب. حسن: ويخليكي ليا يا حبيبتي. وأغلى حد عندي. قومي. قامت شروق وقفت ولسه بتعيط. حسن اتعدل براحة ووسع مكان جنبه. حسن: تعالي جنبي هنا. شروق بكسوف ودموعها نازلة: انت تعبان. حسن: روحي اقفلي الباب من جوه وتعالي.

قامت شروق قفلت الباب وراحت جنبه. سحبها في حضنه بعيد عن الجرح. حسن بيشم ريحتها اللي بالنسبة له أوكسجين. حسن: وحشتيني أوي يا شروق.. أوي. ورفع إيده مسح دموعها بحنية. متعيطيش يا حبيبتي. أنا كويس والله. بحبك.

شروق فضلت تبص له باشتياق. وحشها قربه منها وحشها كل حاجة فيه. دفنت وشها في رقبته وفضلت تشم ريحته اللي بقت تحسسها بالأمان بعد ما كانت مصدر خوفها وضعفها. ومسكت فيه أوي وغمضت عينيها. حسن كان واخدها في حضنه أوي وف نفس الوقت هي بعيد عن الجرح. فضلت كده هي كده مرتاحة مش عاوزة تخرج من حضنه أبداً. صحي الصبح رامز غير هدومه عشان يروح لحسن. وليان كانت نايمة على السرير. صحيت على صوت نكشة في الأوضة. ليان فتحت عيونها بزعل.

ليان: انت رايح فين يا رامز؟ رامز: رايح لحسن. اللي كان هيموت بسببك ده. كلامه بيكسر قلبها أكتر. ليان: هو ممكن أجي معاك؟ رامز: ليان.. انتي هتقولي لأبويا اللي اتفقنا عليه امبارح. فاهمة؟ ليان دمعت كده وقامت من على السرير بتعب شديد، غير قلبها كمان اللي وجعها. قامت مشيت خطوتين. بعدها حست رجليها مش شايلها. وقفت كده وحطت إيديها على ركبها. رامز بص لها بقلق. رامز: مالك يا ليان؟ ليان بعياط شديد وتعب: تعبانة أوي. جري عليها بخوف.

رامز: مالك بس.. طمنيني. في إيه؟ ليان بعياط أوي: رجلي مش شايلاني. حاسة إن قلبي هيقف. رامز قلق أوي عليها. رامز: مالك بس حصل إيه؟ ليان بتعيط كأنها أبوها: احضني يا رامز. أنا محتاجة حضنك أوي دلوقتي. احضني أوي وطبق إيدك عليا أوي. دخلني جوه ضلوعك. احضني وحشتني أوي.

رامز بقى واقف مش قادر يشوفها كده، ولا قادر يشوف ضعفها أكتر من كده. من غير كلام ولا تفكير، مسك إيديها وخدها في حضنه أوي أوي وهي مسكت فيه وفضلت تعيط أوي وهو فضل يملس على شعرها بحنية وهي تعيط أوي. ليان بعياط وصوت مخنوق: وحشتني أوي.. وحشتني. حست نفسها بدأ يروح وحاسة إنها بتتخنق. رامز برعب عليها: أهدي بس مالك. أهدي عشان خاطري. ليان بصوت مقطع: هتطلقني وتسيبني؟ هتخرجني بره حضنك؟ رامز لقي حالتها صعبة أوي وشفايفها ازرقت.

رامز: حبيبتي أهدي. أنا في حضنك أهو. أنا ملكك انتي وبس. عشان خاطري. وشالها حطها على السرير وهي بتعيط أوي. قرب على شفايفه با*سها. هي مسكت فيه كأنها بالنسبة لها إدمان. فضلت ماسكة فيه أوي وهو با*سها بيطمنها إنه جنبها. بعدت شوية تاخد نفسها وبعدها قربت تاني. فضلت لحد ما حست إنها متطمنة شوية. بعدها بعدت حاجة بسيطة وفضلت تشم نفسه وقريبة من شفايفه أوي. رامز بحنية: أهدي يا ليان. عشان خاطري. ليان: عاوز تسيبني لمين؟ ها؟

أنا مليش غيرك. أنا مبحبش حد في حياتي غيرك. انت كل حاجة ليا يا رامز. رامز: مينفعش يا ليان. مش هينفع تاني بعد اللي انتي عملتيه. ليان اتعدلت وبصت له بانهيار. ليان: أحلفلك بإيه إنه مش أنا. والله العظيم مش. وحياة بنتي نادين مش أنا. وحياة حبي ليك. مش أنا. صدقني بقى بالله عليك. أوعى تسيبني أو تطلقني. والله هموت بجد. رامز: أومال مين بس. مين عمل كده؟ ليان حطت إيديها على بطنها بوجع. ليان: معرفش. معرفش. رامز: مال بطنك؟ في إيه؟

ليان قامت وقفت. ليان: ملكش دعوة بيا. حتى لو هموت. ملكش دعوة. قام وراها ومسكها. رامز: هو إيه اللي مليش دعوة. زق*ته ليان: وسع كده وابعد عني. مشيت خطوتين. مقدرتش تتمالك نفسها وقعت في الأرض. رامز جري عليها. رامز: ليان.......... في غرفة تحقيق. الظابط بتهديد: أيوه. أنا بقى هموت وأسمع منك من الصبح. مين قالك تعمل كده؟ انطق بدل ما أوديك ورا الشمس. بخوف شديد: هقولك يا باشا خلاص والله. واحدة اسمها عليا. هي اللي قالتلي أعمل كده.