رواية ظل حبيبي الفصل السادس 6 - بقلم نجلاء عبد الظاهر

تقى: نزلت جري، يا لهوي يا لهوي! فهد: (بتنزل تلاقي فهد ماسك إيده وإيده محمرة جامد ومحروقة، بتاخد إيده بسرعة وبتحطها تحت المياه) تقى: (بتبص له) شفت عملت إيه في نفسك وفي المطبخ بتاعي؟ فهد: (بغيظ) ومين اللي قالي أطبخ؟ أنتِ ومش هاكلك من أكلي، ها؟ تقى: (بتبص له) علشان أنت مستفز. (بتشيل إيده من تحت المياه وبتطلع تحط له مرهم للحروق) تقى: ها، بقيت أحسن؟ فهد: آه، شكرًا. تقى: طب تعالى كل معايا، كده كده ما كنتش هقدر آكل لوحدي.

فهد: ماشي، أوعى تفتكري علشان أنا جعان يعني، لأ أنا جاي بس علشان مزاجي كده. تقى: (بضحك) لا والله! طب تمام. (وبيطلعوا ياكلوا سوا) تقى: فهد أنا عايزة أشتغل. فهد: لا. تقى: لا أنا عايزة أشتغل، أنت عايز تهد كياني وأحلامي ولا إيه؟ فهد: (بيبص لها) تمام يا تقى، تعالي معايا الشركة، أنا كده كده كنت محتاج سكرتيرة أصلًا. تقى: ماشي هقوم ألبس.

فهد: استني اقعدي، أنا مش بتهاون في العمل أبدًا، ومحدش يعرف إنك مراتي تمام، وتلبسي لبس محترم كده وأنتِ جاية معايا فاهمة، وأي غلطة هتعمليها هطردك. تقى: ماشي خلصت، ممكن أقوم ألبس؟ فهد: آه قومي خلاص. (وبيقوم يجهز نفسه، بيلبس بدلة سوداء وبيلبس ساعته وبيحط البرفان بتاعه) تقى: (بتكون لبست بليزر زيتي وبنطلون زيتي وتيشرت أبيض وكوتشي أبيض) فهد: (بيطلع وبيخبط على أوضتها) تقى خلصتي؟ يلا. تقى: (من جوه) حاضر طالعة أهو. فهد: تمام.

تقى: (كمان شوية بتطلع وبتنزل بيكون مستنيها) فهد: أهم حاجة تعرفيها ممنوع تتأخري، أنا بحب اللي بيلتزم بالمواعيد فاهمة. تقى: امم ماشي. (بيطلعوا بيركبوا العربية وعربيات الحراسة وراهم) تقى: ليه ده كله؟ إيه عربيات الحراسة دي كلها؟ فهد: واحد ناجح في شغله وعنده أعداء كتير، عايزة مني أمشي إزاي يعني؟ تقى: آه ماشي. (بيوصلوا الشركة وبيطلعوا) السكرتيرة ماهي: (بدلع) اتفضل يا فندم. تقى: (في نفسها) مالها البت دي؟

فهد: شكرًا يا ماهي، هاتي ورق الصفقة بتاعت النهاردة. ماهي: ماشي يا فندم. فهد: بيدخل مكتبه وتقى بتيجي تدخل وراه. ماهي: (بتقف في وشها) استني يا بتاعة أنتِ، أنتِ مين يا شطورة؟ آه افضلي واقفة لحد ما مستر فهد يقولي أدخّلك. تقى: (بعصبية) نعمم بس أنا جاية مع فهد. ماهي: (بضحك) هاها فهد! (وبتمسك إيد تقى بتضغط عليها جامد) اسمه مستر فهد يا شطارة فاهمة؟ تقى: (بدموع) ابعدي إيدك دي. فهد:

(بيكون جوه شايف ده كله في الكاميرا وبيطلع من المكتب) تقى تعالي ورايا. تقى: بتدخل وراه. فهد: أنتِ هتشتغلي هنا، ما تعمليش مشاكل فاهمة؟ وماهي هتفهمك كل حاجة بره. تقى: قصدك الشرشوبة اللي بره دي؟ فهد: (بعصبية) مدام تقى احترمي نفسك، هنا دي زميلتك، ما أسمحلكيش تتكلمي عليها كده. تقى: (بوعيد) ماشي يا فهد. فهد: مستر فهد، يلا اتفضلي وماهي هتفهمك كل حاجة. تقى: طب عايزة أسأل حاجة، طب ما أنت عندك سكرتيرة أهي، جبتني أنا ليه؟

فهد: أنا حر، حابب يبقى عندي سكرتيرة تانية، ويلا دلوقتي بره أنا مشغول. تقى: بتطلع بره. ماهي: تعالي يا بتاعة أنتِ. تقى: مدام تقى لو سمحتي. ماهي: أيًا كان، خدي ترجمي الملفات دي وتكون في نص ساعة عند مستر فهد. تقى: (بصدمة) أنا مش هلحق. ماهي: (بغرور) ماليش دعوة اتصرفي. تقى: بتروح بسرعة تترجم الملفات، بتخلص ترجمتهم وبتروح تدخل لفهد من دون ما تخبط على الباب. (بتلاقي ماهي قاعدة على رجل فهد)