رواية ظل حبيبي الفصل الخامس 5 - بقلم نجلاء عبد الظاهر

تقى: أنا عايزة أطلق. نرمين: يا لهوي! ليه كده يا بنتي؟ تتطلقي تاني يوم ليه؟ فهد: بيبصلها بهدوء. جمال: إيه يا تقى يا حبيبتي؟ فهد مزعلك؟ تقى: لسه هتتكلم، فهد قام وشد إيدها ودخل جوه. تقى بعصبية: إيه! ابعد عني، أنت هتخلص مني أهو، مش أنت اتجوزتني إجبار وأنا بخلصك من ده وخلاص نتطلق. فهد: بصلها بهدوء: تقى، عمي تعبان ومريض قلب، ولو عرف اللي بينا وإننا ممكن نتطلق ممكن يحصله حاجة.

تقى بعصبية وبتفضل تزق فيه: والله لو أنت خايف عليه أوي كده كنت راعيت بنته، كنت عاملتني حلو، أنت عارف يا فهد كام واحد اتقدملي وأنا رفضت؟ فهد بصلها بغيرة: نعم؟ كام واحد يعني؟ تقى باستفزاز: كتير، بس تعرف إنك مش تستحقني أبدًا، وأنا هطلق منك خلاص. فهد بيمسك إيدها: فكري في عمي الأول قبل ما تاخدي القرار. تقى بتزقه وتطلع بره. جمال: تعالي يا حبيبتي، احكيلي، أنتِ وفهد اتخانقتوا؟

تقى بتبصله وبتبص لفهد: لا يا بابا، كنا متخانقين بس خلاص صالحني. جمال: ماشي يا حبيبتي، يلا إحنا يا نرمين نمشي ونسيب العرسان. فهد: ما تقعدوا يا عمي شوية. جمال بياخده على جنب: فهد، خلي بالك من تقى، تقى دي حياتي، مش هسمح لحد ياذيها أبدًا فاهم؟ فهد: في عيوني يا عمي. تقى من وراه: كداب، كداب. فهد بيبصلها: إيه؟ وفي نفسه: الله يخربيتك! تقى بتروح تقف جنبه: أنا في قلبه يا بابا، وبتغمز لفهد. فهد في سره: آه يا بنت...

والله ماشي يا تقى، بتلعبي معايا. تقى: مع السلامة يا بابا، وبتحضنه. بيمشوا أهلها وهي بتدخل المطبخ تاكل من الأكل اللي مامتها جابته. فهد: أنا عايز أكل. تقى: ما كنتش الخدامة بتاعتك، وبخصوص الأكل ده بتاع أمي هي اللي جايباه ليا، عايز بقى قولي: لو سمحتي يا تقى اديني أكل. فهد بعصبية: ليه من الأكل؟ هشحت منك ولا إيه؟ تقى بضحك: خلاص اطبخ لنفسك لأن الدادة تعبانة ومش قادرة تطبخ. فهد بكبرياء: هطبخ، قومي أنتِ بس كده اطلعي بره.

تقى بضحك: هاها، طالعة أصلًا علشان آكل الأكل بتاع مامي حبيبتي اللي جايباه ليا. فهد: على فكرة أنا ممكن أتصل بطنط أقولها وهتقول إن الأكل ليا وليكي. تقى بضحك: أنا عندي فكرة أحسن، أتصل أقولها على اللي أنت بتعمله فيا وهي هتقولي أعمل إيه. فهد بصلها بغيظ: على فكرة أنا مش بتهدد، فاهمة؟ تقى بعياط: يا لهوي! خفت يا سي السيد! وبعدين بتقع على نفسها من الضحك: هاهاها، مش قادرة، يا لهوي أنا عليا تمثيل. فهد: ماشي والله، ولسه رايح لها.

تقى قامت تجري وطلعت له لسانها: هاها. فهد فضل يطبخ في المطبخ وخلص طبخ بس نسي الغاز مفتوح. فهد بيدوق: يع إيه ده؟ طب ما أطبخ حاجة تانية، وبيولع بالولاعة. بوووم، حصل انفجار. تقى بتسمع الصوت بتنزل جري: يا لهوي يا لهوي فهد! يا ترى حصل إيه؟