رواية ظل حبيبي الفصل السادس عشر 16 - بقلم نجلاء عبد الظاهر

فهد بعصبية: أنت طالق. تقى: تمام. وتأتي لتخرج. فهد يمسك يدها: أنت رايحة فين؟ تقى بعصبية: وأنت مالك؟ أنت مش جوزي دلوقتي، يبقى ملكش دعوة. فهد بعصبية: تقى، اتقي شري. تقى تبعد يده وتزقه: إيه، هتعمل إيه تاني؟ هتضربني ولا هتحطني في أوضة ضلمة؟ فهد: لو طالت إني أكتفك وأحبسك علشان مش تطلعي، أعملها. تقى: يا أخي ابعد عني بقى. عارف يا فهد أنا بكرهك، أنت عمرك ما هتتغير أبدًا. فهد: تقى، اطلعي فوق. تقى: لا، أنت مش طلقتني خلاص؟

أنا رايحة لأهلي. فهد: مش هسيبك تمشي لوحدك، تعالي أوصلك. تقى بعناد: لا، ابعد عني وبس. ده اللي أنا عايزاه، أنا هروح لوحدي. فهد: تقى، بلاش تعاندي، هتروحي إزاي لوحدك؟ تقى: وأنت مالك؟ هات فونك. فهد بخبث: فُوني؟ طب تمام. ويطلع يجيبه ويكسره: شوفي هتتصلي إزاي بقى. تقى بعصبية: أنت مجنون. فهد: أه مجنون بيكي. تقى: فهد، احترم نفسك. عمومًا، ولا يهمني، عادي هروح لوحدي. وتطلع برا.

تفضل تمشي بس هي مش عارفة أي حاجة، ولا هي فين ولا هتوصل إزاي. تقى: يا ربي، كان لازم أعند؟ ما كنت سيبته يوصلني. وهي ماشية، شابين طلعوا عليها. الشاب: إيه القمر، عايزة خدمة؟ تقى: أنت واحد حيوان. الشاب: تمام، طب يلا يا عسل انجري قدامنا بدل ما نوريكي الحيوان. تقى: ابعدوا عني، عايزين إيه؟ الشاب: تعالي يا حلوة. ويحاول يشدها وهي بتضربه. الشاب ضربها بالقلم: بس بقى. تقى: آآآه فهد. وأغمى عليها.

بعد أربع ساعات، تقى بتصحى بتلاقي فهد قاعد على الكرسي. تقى: إيه ده أنا كنت كنت. وتبدأ تعيط أول ما تفتكر. فهد يروح يحضنها: بس يا حبيبتي، اهدي. ملحقوش ياخدوكي، أنا ضربتهم وجبتك وزمانهم بيتروقوا دلوقتي في المخزن شوية. تقى بكسوف: فهد ابعد، أنت طلقتني. فهد: تقى، أنا هتجوز. تقى بصدمة: إيه!؟