رواية ظل حبيبي الفصل السابع عشر 17 - بقلم نجلاء عبد الظاهر

تقى بصدمة: إيه؟ فهد: أيوة، هتجوز. تقى: طب تمام، اطلع برا وروح اتجوز بعيد عني. فهد: مش عاوزة تعرفي هتجوز مين؟ تقى: لأ، مش عاوزة، واطلع برا. فهد: طب رأيك إنها حلوة أوي! تقى بصراخ: يا أخي ابعد عني واطلع برا، مش عاوزة أعرف عنها حاجة ولا عنك أنت كمان، يلا بقى برااا! فهد: أنا طالع. تقى بتبص له بقرف وبتنام تاني. تاني يوم الصبح، فهد بيصحى بينزل يحضر فطار، بيلاقي تقى لابسة وقاعدة. فهد: إيه ده؟ رايحة فين كده على الصبح؟

تقى: تعالى وصلني، هنرجع لبابا. فهد بمكر: مش كنتي بتقولي هتروحي لوحدك؟ تقى: لأ، منا ما أعرفش الطريق، وأنت جايبنا الساحل ليه آه؟ فهد: كنت عاوز نقضي يومين هنا بس واحدة نكدية نكدت عليا وقلبتها غم. تقى بلا مبالاة: امم، طب يلا البس وتعالى وصلني. فهد: هفطر الأول. تقى: ماشي ماشي، هروح أنا أتمشى على البحر شوية. فهد: تمام. تقى بتطلع تتمشى على البحر وبتقعد تفضل تعيط.

تقى: يااه، كنت بحبه أوي، بس خلاص كله انتهى، لازم أرميه من حياتي. واحد جنبها: وطالما بتحبيه سبتيه ليه؟ تقى بتبص له وبعدين بتبص قدامها تاني. الشاب: آسف لو بتدخل في حاجة ما تخصنيش، بس حسيتك جواكي وجع. تقى: وجعي اللي هنا أكبر بكتير. وتشاور على قلبها. الشاب: طب ما أنتِ تقدرِ تنهيه، ابعدي لو عاوزة ترتاحي. تقى: للأسف ده بيوجع أكتر. الشاب: يبقى حبتيه، بصي أيًا كان الموضوع ممكن تبعدي ولما ترتاحي ارجعي.

تقى: وده فعلًا اللي هعمله، شكرًا ليك بجد. الشاب: العفو، أنا غيث وأنتِ؟ تقى: أنا تقى. غيث: اتشرفت بمعرفتك. تقى: وأنا كمان، عن إذنك هقوم بقى. غيث بابتسامة: تمام. تقى: باي. وتمشي تروح الفيلا بتلاقي فهد قاعد مستنيها. تقى: يلا. تقى: إيه، احنا وصلنا؟ فهد: آه. تقى: تمام. وتنزل ترزع باب العربية: ما أشوفش وشك هنا تاني يا فهد، سامع! فهد بص لها وركب العربية ومشى. تقى بتدخل بتلاقي جمال ونرمين قاعدين. تقى بتروح تحضنه: وحشتيني.

جمال: وأنتِ كمان يا حبيبتي، أنتِ كويسة؟ تقى: آه، ما تخافش. نرمين: ومال فين فهد يا حبيبتي؟ تقى: بابا أنا وفهد اتطلقنا خلاص. جمال: تقى! تقى: أيوة. جمال: عيطي يا حبيبتي. تقى بتحضنه وبتعيط: حبيته أوي بس مش قادرة أسامحه على شكه فيا. جمال: تعالى يا حبيبتي علشان تنامي. تقى: بابا ما تسيبنيش. جمال: مش هسيبك يا روحي. عند فهد، ساق العربية بغضب واتصل بتميم. فهد: عرفت مين اللي بعت الصور؟ تميم: آه، أنت فين؟

فهد: رايح على الفيلا، تعالى ليا. تميم: فهد أنت كويس؟ فهد بحزن: لأ. تميم: أنا جاي ليك حالًا. عند بنت قاعدة بتكلم واحد. البنت: هاها، مش قادرة، وقعناهم في بعض. الشاب بشر: ولسه، تقى دي ملكي أنا بس مش هسيبها تروح ليه. البنت: أنت تاخد تقى وأنا آخد فهد. الشاب بيبص لها باستحقار: ما تنطقيش اسمها على لسانك. ويمشي ويسيبها. البنت: والله ما هسيبهم. يا ترى مين البنت والشاب دول و بيعملوا كده ليه؟