رواية ظل حبيبي الفصل الثامن عشر 18 - بقلم نجلاء عبد الظاهر

تقى بضحك: بابي حبيبي. جمال: تعالى يا حبيبتي نفطر سوا. تقى: يلا يا بابي. نرمين بقلق: تقى أنتِ كويسة؟ تقى: أيوة يا ماما أنا كويسة جدًا، خلاص أنا قررت أنسى فهد وأمحيه من حياتي. جمال: أنتِ متأكدة؟ أنتِ عارفة إني دايمًا واقف معاكي في أي قرار. تقى: أيوة متأكدة. جمال: ماشي. يجلسون ليفطروا كلهم. تقى: بابا أنا عوزاك في حاجة. جمال: إيه يا حبيبتي؟ تقى: عاوزة أشتغل، هاجي معاك الشركة. جمال: فهد هيبقى موجود.

تقى: أظن إن نسبتي أكبر منه، أنا واخدة 30%. جمال: أيوة يا حبيبتي، بس فهد جدير إنه يبقى مدير الشركة. تقى: بابا هتخليني أشتغل ولا لأ؟ جمال: أنا ما أقدرش أرفضلك طلب، خلاص اعملي اللي أنتِ عاوزاه. تقى: تمام، هبدأ من بكرة، هروح دلوقتي أشتري شوية هدوم. جمال بضحك: يااه، ده أنتِ مجهزة نفسك بقى. تقى: كنت عارفة إنك هتوافق، لذلك عاوزة أشتري هدوم جديدة. جمال: ماشي، هتروحي مع مين؟ تقى: مع صحبتي. جمال: ماشي يا حبيبتي.

تقى: تمام، هاخد عربيتي وأعدي عليها نروح. جمال: خدي الحراسة معاكي. تقى: حاضر. تطلع تقى لتعدي على نسرين في المستشفى، تأخذها ويروحون. نسرين: تقى أنتِ كويسة؟ تقى: جدًا، أنا مش هوقف حياتي. نسرين: أنتِ لسه بتحبيه؟ تقى: بحبه، بس أدوس على قلبي لو فكر يجرحني، بس خلاص. نسرين: طب انسى، يلا هتشتري إيه؟ تقى: يلا بينا هننبسط أوي. نسرين: يلا. *** عند فهد يقابل تميم: ها عرفت إيه؟ تميم: عز وماهي هما اللي بعتوا الصور.

فهد: آه يا ولاد... والله لأوريهم. تميم: بص يا فهد، مش تتهور دلوقتي. فهد: هندمهم على اليوم اللي فكروا فيه يخونوني. تميم: طب أنت عملت إيه مع تقى طيب؟ فهد: أنا طلقتها. تميم: ليه؟ فهد: طلبت كده، مش قادرة تنسى وتعيش معايا، فطلقتها، على الأقل أكون عملت حاجة صح وأسيبها تعيش حياتها. تميم: غلط غلط، وغبي كمان، زمانها افتكرت إنك ما صدقت واتخليت عنها، ما كانش ينفع أبدًا تسيبها. فهد: أهو اللي حصل بقى.

تميم ينظر إليه: صلح غلطك وتعالى. فهد: أنا رايح الشركة بكرة، عاوزك تراقبلي عز. تميم: ماشي. في الصباح، تقى تقوم تلبس جيب لحد الركبة وتيشرت وتنزل. جمال: ها هتروحي برضه؟ تقى: آه، سلام يلا. تطلع تركب عربيتها وتدخل الشركة. ماهي: أهلًا يا تقى. تقى بسخرية: اسمي بشمهندسة تقى. ماهي بعصبية: نعمم! غورِي يا بت. تقى تمسك يدها: بت مين؟ أنتِ هبلة؟ أنا مديرة الشركة هنا، يعني أطردك في ثانية، روحي غوري من وشي. ماهي بصدمة: إيه!

تقى: أيوة. توجه كلامها للكل: أنا مديرة الشركة الجديدة، نسبتي أعلى من فهد، يعني الشركة المفروض أكون أنا المديرة. تدخل مكتبه وتقعد على الكرسي. عند فهد يقوم يلبس بدلته وينزل يروح الشركة. يدخل فيجد ماهي جاية عليه بتعيط. فهد: فيه إيه؟ ماهي بتمثيل: مستر فهد، تقى اتكلمت معايا وحش أوي وبتقول إنها المديرة. فهد: هي تقى هنا؟ يروح يدخل على مكتبه بسرعة. تقى بعصبية: برا قبل ما تدخل، تخبط بعد كده يا محترم. فهد: إيه ده؟ مكتبي.

تقى تقوم من على الكرسي: لأ، أنا المديرة الجديدة هنا، والمكتب من حقي. فهد: تقى، اتقي شري. ينظر على لبسها: نهارك أسود، أنتِ جيتي كده؟ تقى بتحدي: آه، كنت جوزي ولا حاجة، أجي زي ما أنا عاوزة. فهد بغيرة: لأ يا هانم، على الأقل احترمي إن ابن عمك. واحد من وراه: وأنتَ ما بك بيها؟ دي هتبقى خطيبتي أنا بس اللي أقولها. تقى بسعادة: غيث! تروح تسلم عليه. فهد بغضب: تقىىىىىى!