رواية ظلم القاصرات الفصل الرابع 4 - بقلم شيماء رمضان

سعديه هشغلها رقاصة ياخويا لحد ما ييجي زبون لها مش هتقعد لنا كده. سالم: رقاصة إيه يا ولية، الناس تقول علينا إيه؟ سعديه: يوه، الناس هتصرف منين يا عينيا؟ من الليلة هتروح الكباريه، أنا اتفقت مع صاحبه هتشتغل رقاصة هنا. نوال: خرجت من الأوضة، رقاصة؟ عايزاني أشتغل رقاصة؟ مش كفاية بعتوني لواحد وراني العذاب ألوان ولسه مستنين زبون جديد؟ حرام عليكم، أنتوا مش بشر.

سالم: البنات في الدنيا دي لو مفيش مصلحة وفلوس من وراها يبقى موتهم حلال. ماجدة: بابا، متعملش كده، حرام عليك، إحنا بناتك، ليه تعمل فينا كده؟ كفاية سلوى بعتها ونوال بعتها ولسه عايزين تاجروا بلحمنا، حرام عليكم. سالم: قرب عليها ومسكها من شعرها، انتي مالكيش كلام فاهمة ولا لأ؟ لحد ما يجيلك زبون وهتتجوزي زيهم. ماجدة: قصدك تبعني وتقبض تمن؟ نوال: مش هشتغل رقاصة، والي يحصل يحصل، ولا هسمحلكم تبيعوا. ماجدة: فاهمين ولا لأ؟

سالم: لا، دا أنتي عايزة تتربي يا بنت 🐕. ومسك حزام ودخلها أوضة ونزل فيها ضرب وهي تصرخ وتقوله: برضو مش هشتغل رقاصة، أنت إزاي تعري جسم بنتك عشان الفلوس؟ سالم: يزيد ضرب عليها. ماجدة: دخلت جري بعد ما خلصت نفسها من مرات أبوها وحضنت أختها وخدت الضرب كله عليها. سعديه: وشوشت سالم. سالم: ساب البنات وخرج وقفل عليهم الأوضة. عند سلوى، قاعدة خايفة تنزل تحت لحد يزعلها ولا حاجة، لأنها خوافة جدا أكتر من أخواتها كلهم.

دخلت عليها ناهد: إيه يا زفتة، حملتي ولا لسه؟ سلوى بخوف: لسه. ناهد: يعني إيه، بقالك شهر ومحملتيش؟ سلوى: طيب أعمل إيه بس؟ ناهد: كانت زهقانة عشان حمزة بقى كل ليلة عند سلوى ومبقاش يبات عندها. ناهد: انتي بتردي عليا يا حيوانة؟ وضربتها بالقلم. سلوى: أنا عملت لك إيه بس؟ ناهد: مزاجي كده. وترفع إيديها تاني تضربها. حمزة: مسك إيديها. حمزة: حصل إيه؟ ليه بتضربيها؟ ناهد: بترد عليا، مش خدامة زي دي ترد عليا، لازم تتربي.

حمزة: رفع إيده ضربها قلم. حمزة: الخدامة دي تبقى مرات حمزة أبو الوفا، فاهمة؟ ناهد: انت بتضربني عشان دي؟ حمزة: بضربك عشان اتجرأتي ومديتي إيدك على اللي شايلة اسمي. ناهد: طيب أنا هعرفك تمن القلم ده. وسابته ومشيت. سلوى: خايفة، والله والله ما عملت لها حاجة. حمزة: عارف، جهزي نفسك، هنروح لدكتور نشوف الحمل اتأخر ليه. سلوى: حاضر. عند سالم، عايز إيه يا سعدية؟ سعديه: عندي حل يخلي نوال تسمع كلام. سالم: أي هو؟

سعديه: سيبها بس عليا. وسابته وخرجت لنوال. سعديه: اخرجي يا ماجدة، عايزة نوال. نوال بتعب: اخرجي يا ماجدة، متخافيش. ماجدة: خرجت وهي خايفة على أخته. نوال: عايزة إيه؟ سعديه: …… بعد فترة، خرجت نوال وعلامات وجهها لا تبشر بخير. ماجدة: نوال، عملت فيكي إيه؟ مالك؟ قالت لك إيه؟ متخافيش، محدش هيقدر يعملك حاجة. نوال بجمود: هنروح إمتى يا خالتي؟ ماجدة: هتروحوا فين؟ فاهمين؟ نوال بعصبية: هشتغل رقاصة؟ إيييه؟

وكمان هقعد على طربيزات مع الزباين؟ ماجدة: انتي اتجننتي؟ إيه الي بتقوليه ده؟ نوال: الي سمعتيه، اياكي تدخلي، فاهمة؟ ماجدة: انتي هددتيني بحاجة صح؟ انطقي، متخافيش، خلاص محدش هيقدر يغصبنا على حاجة. نوال: قربت منها وضربتها قلم على وشها، وفجأة……