رواية ظلم القاصرات الفصل الثالث 3 - بقلم شيماء رمضان

حمزه: بس لازم أخلف عيل. سلوي: لا والنبي. حمزه شدها. حمزه: مفيش. سلوي: سبني. وخدها رماها على السرير وخد حقوقه بكل وحشية. بعد فترة، قام وولع سيجارة. سلوي بتعيط وبتخبي جسمها. حمزه: أنا معملتش حاجة حرام، انتي مراتي شرعًا وده حق. سلوي قامت من تجر جسمها، دخلت الحمام تاخد شاور يغسل كل اللي حصلها. عند نوال، خلاص اتعودت على اللي الحيوان اللي متجوزها ده بيعمله كل يوم. ياخد حقه منها غصب عنها، لو رفضت ضرب وإهانة.

جوزها: خلاص فاضلي كام يوم والعقد يخلص وترجعي لأهلك. نوال: ... لا رد. جوزها: اتكلمي، إيه القطة أكلت لسانك؟ نوال: ارحمني، انت إيه؟ سيبني بقى، ابعد بقى وسبني. جوزها: إنت اتجننتي يابت؟ بتعلي صوتك عليا؟ ومسك الحزام ونزل فيها ضرب لحد ما اغمي عليها. سابها بكل برود وخرج وسابها لا حول لها ولا قوة. عند سلوي، خلصت شاور وخرجت ولبست هدومها. حمزه دخل خد شاور وخرج وسابها من غير ما يتكلم معاها ونزل.

سالم: بت يا ماجدة، هاتي ولعة يابتا. ماجدة: حاضر. طلعت ماجدة ولبسة عباية وطرحة. حطت الولعة. أبوها قاعد مع رجالة أو أشباه رجالة بيحششوا ويشربوا خمرة، وكله بفلوس بيع البنات. قاعد واحد حط عينه على ماجدة. الراجل: بقولك إيه يا سالم. سالم: قول يا زميلي. الراجل: البت بنتك دي تلزمني. سالم: البت صغيرة ياعم، اسكت تكبر حبة عشان يطلع مصلحة حلوة. الراجل: ما أنا هدفع. سالم: كام؟ الراجل: خمس ألف جنيه، هما اللي معايا.

سالم: ها ها ها، لا يفتح الله. الراجل: هطولها، يعني هطولها. سالم: خلاص ياعم مش عايز. خد اشرب. سالم: لا، أنا شربت كتير. سالم: ياعم اشرب، هي مراتك فينك؟ سالم راحت لأمها. سالم: أحسن أشرب، أشرب. الراجل: طيب، هنقوم إحنا بقى يا سالم. سالم: طيب، بسلامة. الراجل: وإنت مش ماشي؟ سالم: لا، لسه السهرة طويلة. كلهم مشيوا، واللي عينه على ماجدة ده قعد يسكر أبوها عشان يطولها. ربنا يسترها بقى. عند ناهد، ناهد: بقولك إيه يا ماما.

أم حمزه: قولي يا ناهد. ناهد: متعرفيش حصل حاجة ولا لسه؟ أم حمزه: حصل، متقلقيش، اطمني. ناهد: إيه عرفتي؟ أم حمزه: سألت حمزه وهو نازل، وكان زعلان إنه عمل كده مع البت عشان صغيرة، بس أنا عرفت أقنعه إن لازم ده يحصل عشان يبقى له عيل في الآخر، وهنعوضها بفلوس تاني. ناهد: طيب كويس. أم حمزه: اطمنتي؟ ناهد: أه اطمنت، هروح أنا بقى. النا: ... عند ماجدة، خلاص سالم مبقاش دريان بالدنيا من كتر الشرب.

دخل على ماجدة الأوضة لقاها نايمة. رجليها باينة، بلع ريقه وقرب عليها وبدأ يلمس جسمها. قامت مخضوضة. ماجدة: إنت مين؟ عايز إيه؟ الراجل: عايزك يابت، هبسطه. وبيمسك جسمها. ماجدة: ابعد عني يا بابا، الحقني يا بابا. أبوها ولا هنا. الراجل: اسمعي الكلام، محدش هينجدك مني. ماجدة: الحقوني، ابعد عني. وبتزق فيه وبتخربش فيه. وهوا بقي يقطع هدومها، وكتف إيديها بإيد وبيتهجم عليها بإيده التانية. ماجدة تعبت من المقاومة بضعف.

ماجدة: ابعد عني، أبوس إيدك. الراجل: بوسي، اتهدي بقى يا بت. ماجدة عيونها بتقفل والرؤية مبقتش واضحة. آخر حاجة شافتها كان السكري ده بيقرب عليها وعيونه مبرقة وبيقرب عليها وبيقلعها هدومها. فجأة، حد خبطه على دماغه من ورا. عند سلوي، قاعدة في الأوضة مبتتكلمش. جه حمزه سكران بيطوح ودخل عليها. سلوي خافت منه، شكله مش طبيعي. قرب عليها وملس على شعرها بحنان. حمزه: إنت حلوة قوي يا سلوي. سلوي: أستاذ حمزه، إنت سكران.

حمزه: هشششش، من غير أستاذ، إنت مراتي. وقرب عليها وبدأ يبوسها ويعمل علاقة معاها، بس المرة دي براحة ورومانسية. عند نوال، قامت على وجع جسمها وقررت تعمل أي حاجة يطلبها لحد ما الوقت يعدي. ماجدة بتفتح عيونها. شافت مرات أبوه. ماجدة: خالتي، الحقيني، ده كان، كان عاوز. سعدية: اهدي يابت، أنا ضربته. قال عايز ياخدك ببلاش. ده إنتي لازم أحافظ عليكي لحد ما يجي اللي يدفع دم قلبه. ده إنتي أجمل أخواتك.

ماجدة دفنت راسها في الغطا وكتمت شهقاتها في المخدة. سعدية خرجت رمت جردل مياه على جوزها. سعدية: قوم يا سبع، شوف الزفت ده. سالم: ليلة طين، إيه اللي عملتيه ده؟ ده أنا هو. سعدية: اتلّهي، الزفت ده دخل كان عايز يغتصب بنت. سالم: إيه؟ يغتصبها؟ سعدية: قوم ارميه بره يا أخويا، لحقت البنت في آخر لحظة. سالم: أصيلة يا سعدية. سعدية: اتوكس، أنا عملت كده عشان طول ما البت سالمة تجيب أكتر. سالم: أه عندك حق. وأخده ورماه بره البيت.

خلصت مدة عقد نوال، لأنها كانت شهر بس، ورجعت تاني بيت أبوها مكسورة وتعبانة من كتر الضرب واللي حصلها. عدت الأيام وحمزه بدأ يتعود على وجود سلوي ويحس بتعلق من ناحيتها. وناهد صابرة لحد ما تحمل. سالم: البنات دول هيفضلوا كده؟ ماتشوف حد يتجوزهم يا أخويا، إيه وقفت الحال دي. سعدية: يعني أعمل إيه؟ سالم: ... سعدية: نوال تنزل تشتغل. سالم: وهتشتغل إيه بقا يا ختي؟ سعدية: رقاصة يا أخويا، لحد ما ييجي زبون لها.