رواية ثمن تلك البراءة الفصل الثاني 2 - بقلم جميلة السلطان

هند بصدمة: انت بتت*حرش بيا؟ مازن: نعم ياختي! أتح*رش بمين يابت! انتي اتجننتي! هند: بقولك إيه، أنا ممكن أفرج عليك الشارع كله وييجي يضربك دلوقتي. آه، أنا متتخدعش بوشي البريء المليون ده، ده من أمبابة يابا. مازن بقرف واضح جداً: أنا بنادي عليكي يا أستاذة عشان الجرح والقميص كله بقى دم، وانتي هنا عمالة تتخانقي لحد ما دمي يتصفى بسببك. هند بحرج: يالهوي!

أسفة أووي والله مخدتش بالي وفهمتك غلط. طـ.. طب اقعد هنا، هجيب العلبة وجاية. يحيى: البت جامدة أووي ياض يامازن. مازن بقرف: اتجوزها ياخويا، طالما عاجباك أوي كده. يحيى: لا، ماهو أنا كفاية عليا أختك ونكدها. مازن: ماتتلم ياعم انت، دي اختي. يحيى: والله يامازن هرمونات الحمل بتاعتها دي موديني في داهية، وكل شوية تتوحم على حاجة أغرب من اللي قبلها. هند: فين الجرح حضرتك؟ مازن وهو يخلع قميصه: بصي، انتي هتخيطي بالراحة، فاهمة؟

وبلاش حقن لو في حاجة غيرها، ماشي. هند بخجل: أنا مكنتش اعرف ان الجرح كبير كده. استنى، اتصل بالدكتور لاني مش هعرف، أنا بشتغل هنا مش أكتر. مازن: خلصي، أمال بتتفذلكي لي من الأول؟ اتصلت بالطبيب ليحضر بعد دقائق ويبدأ لمعالجته. مازن: روح اشتريلي قميص تاني يايحيى، خلص. يحيى: هو ده كمان على حسابي أنا! فلست بسببك انت واختك خلاص. رايح اهو. الطبيب وهو ينظر لهند: ازيك يا هند؟

هند: الحمد لله يادكتور عصام. أنا هعمل لحضرتك شاي، بما انك جبت بقى، معلش قلقتك. عصام: لا، قلق إيه بس، ده انتي طلباتك أوامر. هند وهي تحاول تجاهل كلامه: اجيب الشاي بقى وأجيب للاستاذ عصير عشان يعوض الدم. مازن بغيظ وهو ينظر لذلك الطبيب: اتعوض بالمحن ياحيلتها. هند بغيظ: انت اصلا معندكش دم. أنا همشي. في نهاية اليوم. علي: جرا إيه ياست هند؟ مالك النهاردة؟ هند: اـ.. أنا حامل.