رواية ظننا انه باب الامل الفصل الثاني والأربعون 42 - بقلم ملك ناصر

العربيتين اتقلبوا كذا مرة ووقعوا في الميه والناس اتلموا. طلبوا الإسعاف وبعد وقت مش كتير وصلت الإسعاف وطلعوا العربيات. لكن ملقوش غير شخص واحد بس. عند كيان.. كانت قاعدة بملل زي العادة وبتكلم بطنها المنتفخة: "هيبتاكل فشار.. هييييح ياترى انت ولد ولا انتى بنت؟! امممممم طب ياترى هسميك او هسميكي إيه.. يارب تطلعواشبهي يارب عشان نحسن النسل.." جه من وراها جاسر اللي ضربها على راسها بخفة: "نسل إيه يامعفنة دانا قمر.." كيان:

"واحلى قمر يا جسورة والله.. انا بقول يعني لو ببسكوته صغيره كده تبقا شبهى.. ولا انت ليك رأيي تاني؟! أيوه قول.. قول انى مش عاجباك ومش عايز عيالك تكون شبهي.. واخدني لحم وهترميني عضم يا جاسر يابن صافي.." جاسر بسرعة لأنه عارف اللي هيحصل بعد الجملة دي: "لا لا ياحبيبتي أنا مقولتش كده دانتي بسكوته واحلى بسكوته كمان.. يالا يا حبيبتي باي انتي بقا عشان أنا رايح مشوار.." كيان: "رايح فين ان شاء الله.." جاسر:

"هخرج مع عدي وباسم واحمد شوية.." كيان لوت بوزها وقالت بتمثيل: "اخرج اخرج.. اخرج انت مع صحابك وانبسط وغير جو وسيبني أنا قاعدة كده بين أربع حيطان أنا وابنك.. حسبي يالله ونعم الوكيل.." جاسر مسح على وشه بملل وغيظ: "طب انتي عايزة إيه دلوقتي.." كيان قامت ببطئ وهي ماسكة بطنها: "عايزة اخرج معاك.." جاسر: "نعم؟! كيان بحزن:

"والله يا جاسر أنا زهقت أنا قاعدة في الأوضة دي ومش بخرج منها خالص نفسي اغير جو نفسي اشوف العالم يا ناااس.." جاسر: "يا كيان يا حبيبتي مانتي عارفة إن ده غلط عليكي تخرجي دلوقتي انتي بتتعبي لما تنزلي تاكلي تحت حتى هتمشي معايا ازاي.." كيان بحزن وهي بتربع أيديها: "مليش دعوة اتصرف.." جاسر اتنهد: "طيب خلاص البسي أما نشوف آخرتها.." كيان بفرحة: "هيي هييي هخرج.. خمس دقايق واكون جاهزة ياباشا.."

جاسر ضحك عليها وهو مش مصدق إن دي كيان اللي قابلها أول مرة بغرورها وصوت كعبها اللي بيسمع في المكان. *** في المستشفى.. "اتصلتوا بحد من أهله.." "لقينا تليفونين وبنحاول نشغلهم ونتصل بأهلهم.." "لقيتوا الراجل اللي في العربية التانية.." "لا للأسف العربية مفيهاش حد.." "تمام دخلوا المريض ده لغرفة العمليات فورا حالته خطيرة يالا بسررررعة.." *** جاسر وهو بيسوق العربية: "ها يا ستي عايزة تروحي فين.." كيان بتفكير:

"اممم مش عارفة وديني أي مكان هادي أو جنينة عايزة اشم هوا نضيف.." جاسر: "انتي تأمري يا كياني.." كيان بصتله بابتسامة وحب. فجأة جاسر وقف بعربيته. كيان: "في إيه.." جاسر: "مش عارف الطريق مقفول ليه.. وإيه كل الناس والعربيات اللي واقفة دي.. استنى هنزل أشوف.." كيان مسكت إيد جاسر برفض وخوف. جاسر: "ماتخافيش هنزل بسرعة وراجعلك.."

نزل جاسر ومشي أودام شوية لحد ما وصل لمكان فيه زي نهر كده وعربيات وناس واقفة كتير وغواصين بيدوروا على حاجة في الميه. جاسر سأل واحد كان واقف: "هو إيه اللي حصل.." الراجل بحزن: "دول عربيتين كانوا ماشيين عكسي فجأة اتخبطوا في بعض ووقعوا هما الاتنين في الميه. والإسعاف وصلت طلعوا العربيتين ورجل بس الغريبة إنهم ملقوش في العربية التانية الشخص اللي كان سايقها لحد دلوقتي بيدوروا عليه في الميه.." جاسر بصدمة وحزن:

"إيه إزاي ده حصل.." الراجل: "زي ما بقولك كده يا أستاذ.." فجأة وهما بيتكلموا تليفون جاسر رن من رقم غريب. جاسر: "الو.." جاسر بصدمة وهو بيبص على مكان الحادثة: "إيه؟!