رواية ذيب الغربية الفصل الثاني والعشرون 22 - بقلم طيبة وليد

انرگع راسي بقوه واسمع صوت الضجه الحواليه. فتحت عيوني ببطء. باوعتً على شاهين الي واگف كدامي ووجهـه يقره كل معالم القلق. زحت نضري عنه وباوعت علـى علي. لحظه، هـذه مو ابن اخو؟ قاطع تفكيري صوت شاهين. شاهين: دحگـي زينـه انتـي يولـي تاتهـجـسين بألـم؟ هـزت راسي لأ وتلمست مكان گصتـي. من دغيتهـا كشوت وجهـي بألم. فززنـي صوت علي. علي: دحگـي هـيام حگج عليـه. هـيام: ليش هـو شصار؟ تلمس گصتـي شاهين وحجه: فگدتـي الذاگرهً يولـي؟

دفعت ايده مگشوله ملامحي بألم. نزل ايده وابتسم. تحمحم علي وكال: عمـي نسى نضارتـو وجبتهـا ألو. هـيام: گل هـذه سويته علمود نضاره؟ باوع بوجهـي بالكوه خافي ضحكته وحجه: اسف حگج عليِه. هـزيت راسي وحجيت: مصار شي. فزينـا ثنينـا على صرخه شاهين: تـاااااخر الوگت تاتروووووح علي. باوعتله بصدمه طبله أذاني انزرفت وعلي ضحك بصوت عالي وراح لسيارته يمشي ويحجي ويطك إصبع.

علي: أغار أغار أغار من كلشي صرت اغار لو لحظه عني راح اشتعععل بناررر. حجاهـا وصعد سيارته وانطلق. انداريت على شاهين سد الباب وراح على الباب مالته شغل السياره وطلع. رجعت راسي على الگشن. راسي بيِ ألم خفيف. فزيت على لمسه ايده وهـو يأخذ ايدي بين ايده ويحجي. شاهين: شلونـو راسـج اخذج للمستشفى يولـي؟ هـيام: لا زين ماكو داعي. شاهين: تانروح من صدگ هـالمره لبيت عمج جاسر. هـيام: ليـش! احنـا وين جنه نريد نروح؟ شاهين: مفاجأة.

هـيام: صدددك؟ مكان حلوو؟ شاهين: كلشش حلوو. هـيام: يله لعد نروح أصلا راسي ما بي ألم. ضحك ضحكه طويله وجر راسي باس خدي وهـز راسه بمعنى " اي". عينه ما زاحهـا مني ايده محاوط بيهـا ايدي. حجيت. هـيام: وين حـ نروح؟ شاهين: مجـان حلو تاتحبـي؟ هـيام: ملابسـي مناسبـه اله؟ شاهين: يولـي ملابسـج مو مناسـبه ألـي. هـيام: شااهـين. شاهين: نـبضـو؟ هـيام: خجلتنـي بأخلاقك. شاهين: ههههههه ولـ يـابـا ما تنگحمـلين تلعبـين بگلبـي لعب.

هـيام: لا لا صدك يعني ملابسي مناسبه؟ شاهين: اي. هـيام: ما اثـق بيك شاهـين. عگد حاجبه: عش يولـي؟ هـيام: لا فهـمتي غلط اقصد انِ خاف مكان مو مناسب لملابسي وهـيج وصلت؟ شاهين: لا مناسب ، ثقـي بيـه بس انـا استاهـل.

هـزيت راسي وسگتتت إلا اجفص بأن السالفه بداء يفتح مواضيع ثانيه ونجحي باشياء ومواضيع حلوه والطريق طوييل مدا يخلص. مرينا من يم بساتين كومه حلووواات والطريق كله نخل وزرع. الأجواء رهـيبه بس ماكو بيوت. باوعتً على شاهين واردفت. هـيام: شاهـين شـو ماكـو بيـوت؟ ابتسم وجاوب: ياعينـي تمااخطفج.

ضحكت وسگتت. مرت فتره قليله وصلنـا كدام باب. نزل فتح باب البيت ورجع صعد بالسياره دخلهـا بالطارمه ونزل. نزلت من السياره أشوف من الجهـتين عباره عن حديقه طويله حيل وحلوه مليانه أشجار وزرع وثيل وبناهـيه الحديقه بيت كلش حلو. فزيت من لزم ايدي شاهين. ابتسم وهـو هم ابتسم. هـيام: شااهـين كلشش حلوو المكااان. شاهين: اي.

أخذ ايدي وتمشينـا للبيت. اباوع على الزرع والأشجار شكد حلوووات ومنظر الخضار مريح للعين كلش وريحه المكان تجننن. وصلنا كدام الباب طلع مفتاح وفتح الباب. دخلت شفت مطبخ صغير وراه تجي صاله وبيهـا كعده تهبل وشباك زجاجي يطل على الحديقه من الجهه الثانيه. انداريت فتحت الباب شفت غرفه هم كلش حلوه وغرفه ثانيه فتحتهـا هـم غرفه وفتحت الغرفه الثالثه شفت بيهـا أدوات مال جم. سديت الباب وباوعت لشاهـين.

شاهين: عجـل اليوم تاتضليـن تفرفريـن؟ هـيام: شاهـين غير دا استگشف. شاهين: تاتشتگشفيـن عجل شنهـو جايبج گهـف؟ هـيام: هـه هـه هـه. ضحك بصوت عالي ورجعت احجي: شاهـين هـاي الغرفه تتمرن بيهـا؟ هـز راسه اي ورجعه الغي: شاهـين يعني عضلاتك مو من الله؟ رمقني بنضره اخترقتني. گمزت احجي: حـ اروح للحديقه.

حجيتهـا وطلعت. بعدني بـ الباب وطلع شاهـين وياي. ابتسم وأخذ ايدي وهـو يشرحلي عن الحديقه واكو اسطبل مال خيل هـنا ومن جان صغيرون هـو يهـتم بالمزرعه ويحب الخيل وعنده خيل مفضل اله. واني أجاوبه واتفاعل ويا. وصلنا ليم الخيل. وطلع حصان لونه جوزي يجننننن فد نضيف وحلو وشعره حلوو. باوعلي وحجه: هـيري هـين تاتصعدين. هـيام: اصعد! شاهين: اي؟ هـيام: لا لا لا ما اصعد. شاهين: تخافين يولـي؟ هـيام: احمم، اي.

ضحك بقوه: يولي لگفنـا شي نخوف العرمه بي! هـيام: العرمه!!؟؟؟ جر ايدي بسرعه حطني بصف الحصان ويحجي وياي: عجـل انـي خيالـج وتخافـين. حجاهـا بثقه. آمنت بي رغم خوفي من الخيل بشكل غريب ما احبه. بابا جان يكول الخيل حيوان مؤذي عگس الداشوفه حاليا. صعدني بسرعه على الخيل وصعد وراي. حاوط خصري وبأيده الحبل الي لازم الخيل منه. باس مكان النبض وحجه. شاهين: انتـي مهـره وانـا بـس خيالهـا.

ابتسمت وبده الخيل يرگض بينا. اضحك بدال ما اخاف وابجي. شاهين بضهـري ساندني يضحي بروحه علمودي. ما انطاني مجال حتى اخاف من الخيل بكلماته وبـ غزله حببـني حتى بـ الخيل. ضلينا نفتر شويه ورجعنا للسطبل. طفر شاهـين للأرض واني بعدني على الحصان. باوعلي واردف: يلا؟ باوعتً للمسافه الي بين الأرض والخيل وخفت انزل. حجيت: بعيده شاهـين! شاهين: لا تخافين يولي زتـي روحج وأنا هـين الگفج.

فعلا ذبيـت روحي على الأرض وكل وعقلي راح اوكع او اتگسر بس ما صار. لزمني شاهـين نزلني على الأرض ولسه محاوط خصري. ابتسم بسرسريه وباس خدودي. طفرت بسرعه اركض للبيت وأسمعه يضحك.

فعلا طبيت للبيت جانت تجريه تاخذذذ العقل. الزرع والخضار المحاوط المكان يزيدنا بالطاقه الايجابيه. البيت واسع وحلو حيل. ابتسمت ودخلت گعدت بالصاله بالأرض گدام الشباك الزجاجي طويل صاير كلش من السگف للارض. هـو زجاجي ما ينفتح ابد مجرد تباوع شكو بره والخضار شكد حلووو. ثواني وسمعت طبگه الباب. دخل باوعلي وگعد وراي. شم كصيبتي بشوغة وباسهـا. گزبرت من صارت انفاسه تضرب على ركبتي وحجيت. هـيام: يووه شبيك بس تشمشم!

ضحك بخفوت: اخـخ تاگضب لسانج اگصو. هـيام: تايهـتلك. شاهين: عاشگـج. هـيام: شاهـين هـسه مو دنحجي بـ موضوع مهـم ليش تعترفلي بحبك؟ حجه مستهـزء يجاريني بتفاهـتي: وينـو الموضوع المهـم يولي؟ هـيام: أحمم، هـا نسيت شنو جنه نحجي ؟؟ رفع أكتافه بعدم معرفه وحجيت: هـو انتَ أصلا لو تحبني جان عرفت الموضوع ؟؟ شاهين: جنـا نحجـي بالسانـح تاريد اگضبو واگصو. هـيام: ينطيك كليك تسوي بيه هـيج؟ شاهين: احبج. هـيام: شكرا.

لطم على وجهـه وكام للغرفه. ضليت كاعده بمكاني ليش ينزعج شأحجي مثلا؟ عفت الموضوع ورجعت افگر بأمي شكد مشتاقتلهـا. احبهـا حيل روحي معلگه بذگراهـا. اخـخ لو يرجع الوگت وما انام هـذيج اليله. ضليت على حالي هـذه فتره ومسحت وجهـي بأيدي وانـي احجي بداخلي عيشي حياتج هـيام امج تريدلج السعاده دائما امج تحبج ما تريد اذيتج ارتاحي بهـيج مكان شاهـين يستاهـل كل خير. ابتسمت من تذكرته وخطرت ببالي فكره خطيرره هههيهيهيااااايييييييييي.

رگضت للحمام أدور على ماسك اسود او اي شي اسود. دورت بالمجرات ودورت كومه وأيّست الكه. وكفت يأسه بعدين تذكرت جنطتي بيهـااا كحللل. ركضت على جنطتي جبتهـا دورت ولكيت بيها كحل. جبت وكعدت اخط بوجهـي خط هيهيهااااااي لحد ما صار وجهـي اسود حرفيا!

ابتسمت بخبث ورحت للغرفه البيهـا شاهـين. فتحتهـا على كيفي الغرفه ضلمه اي عفيه وبارده هم. سديت الباب ورحت اتسحـب لا يلگفني. صرت بوجه شاهـين وهو نايم او مغمض. ضليت دقائق هـيج وهو ما صاحي. تأفأفت ودفرت الجربايه برجلي. طلعت صوت قوي فز شاهـين من شافني بوجه عاط واني گعدت بالكاع اضحك ضحك هـستيري من شكله. انتهـييييت من الضحك. طفر فتح الضوه وشافني مسح وجهه وصاح: مهـبووووله معثوررره ؟؟؟؟؟؟

اريد اسكت وأتأدب واخاف من الصياح ماكووو ابددد. انتهـيت من الضحك وهـو كدامي صافن عليه شلون اضحك. بعدين استوعبت شويه شويه وتربعت بالكاع اباوعله بنضرات بريئه بوجهـي المصخم. صفن لحظات يوجهـي وحجه. شاهــين: اهـجسج مو عاقله يولي؟ هـيام: شااهـيـن. حجيتهـا بصوت دلوع وهو كومني من الأرض وابتسم يباوع لوجهي. شاهين: مصخمتـو لوجهـج! هـيام: عادي راح اغسله.

تقرب يريد يطبع بوسه على خدي واني فلتت أخذت ملابس ودخلت للحمام سبحت واجلف بوجهـي جلف جلف جلف بلكوه ياله راح من وجهي صدك اجيب طياح حظي لروحي ويني وين هل سوالف التعبانه. لفيت الخاولي على راسي وطلعت من الحمام منتعشه رغم ألألم هيهيهي. دخلت للغرفه صار بوجهي شاهين امدد وحاط ايده على عيونه. حمحمت وخر ايده من على عيونه ابتسم وهـو يباوعلي. كام جرني من ايدي حط ايده جوه راسي وحاوط خصري ونمت بعمق ودفوً.

فزيت على صوت طگات قويه اخترعت وكمت أنفاسي متضاربه ، من الهـبطه فزيت على حضنه شاهين ألي جرني عليه ضمني بين ايده حاضني بكل قوته يحجي. شاهين: مطر يالنبـض مطـر. هزيت راسي ساكته. شاهين: عـش هج خفتي يولي؟ هـيام: مادري اخترعت لان جنت نايمه وفزيت. بس الحقيقه ما جانت هيج. خفت لا مثل هذاك الأمان والحضن يروح مني بلحظه! خفت اكعد من النوم والكى البيت محروك وشاهين يحترك كدام عيني!

خفت ارجع افقد الأمان افقد الحنان افقد احساس الدفئ المحاوطني من أكون ويا شاهين! نفضت افكاري وضبطت أنفاسي وشاهين يهـدى بيه عباله اخاف من المطر. هـيام: يووه شاهيني ما اخاف من المطر والله. شاهين: شنهو؟ هـيام: ما اخاااف من المطر والله. شاهين: لا الكبلهـا يولي. هـيام: شنو شكلت شبيك؟ هـيام: شاهـيني! شاهين: اي واذا شنو يعني مو حلوه بعد ما أكولها؟ هـيام: لا لا يولي عيديهـا. شاهين: ليش اعيدهـا! هـيام: عيدي. هـيام: شاهـينـي.

شد على حضني اكثر وعيونه ذبلت طبع بوسه بمكان النبض وهو يحجي: نـبضـووو نبضــووو. ضحكـت بقوه وحجيت: ياعيني سوده عليه هاي كلها لان كلتلك شاهيني اي والله بعد شتسوي هو هذه الياخذ هـيام يعيش بتقشف على الكلمه يعيوني. شاهين: هـنيالوو الياخذج هـنيالوور. سيلت عيوني بغرور وحجيت: اي والله هنياله. ضحك بقوه وجر راسي يبوس بوجهي. دفعته ومادري منين خطرت ببالي الفكره العبقريه. هـيام: شاهين خل تطلع بالمطرررر بليزززز. ابتعد

عني زاح نضره عني وكال: لا يولي تا ما تمرضين. هـيام: لا حبااااب ما اتمرض خل نطلع؟ شاهين: لا يولي. هـيام: علموووددي. شاهين: لا يولي تا ما تتمرضين. يحجي ويهرب بعيونه منا ومنا. جريت وجهه حطيت عيوني بعيونه وحجيت بدلع: علمووووددي. شاهين: يله.

ضحكـت بقوه وطفرت من الحربايه لـ الباب اركض ماعرف شعندي متحمسه اساساً بس عجبني الموضوع اول مره بالعراق أكون وتمطر وأول مره ويا شاهين. دائما أشوف عصافير. الحب بـ بتركيا جوه المطر يا بـ مضله واحده يا يغطيهـا بجاگيته. احنه ماكو داعي نشوف مسلسلات لان نشوفها بارض الواقع. فتحت الباب وبارعت على المنظر شكد حلو الخضار كله متبلل وصاير يجننن شكله والريحه كابه وجماااال المكااان. فزيت على حضنه شاهين ألي اخذت ايده وطلعت بره.

گزبرت من لاحني المطر وعطت بخفوت. شاهين مبتسم وخايف بنفس الوقت لا اتمرض. ضحكت بقوه وافتريت بالمطر اضحك واگمز حسيت روحي طفلة. فزيت من شالني شاهـين من خصري اوضحكت وشاهين يضحك على ضحكتي. وجهه كدام وحهـي مبتسم وعيونه تقره شكد يحب ضحكتي وولهـان. ابتسمت بدون صوت.

قطرات المطر تنزل علينا. نضراته الوالهـانه، حبه الواضح ، خوفه ، اهـتمامه ، رجليه مرفوعه عن الأرض ، أيديه محاوطه رگبته ، أيديه محاوطه خصري ، قاطع كل هـذه وهـو يفرني ويكول. شاهين: اضحكـي يولـي صوت ضحكاتـج طرب لگلبـو لشاهين اضحكـي يا نبضـو يا قـوتـو يا راحتـو يـا عمرو يا جنتـو يا نبضـو الما يعيش مندونـو. ضحكـت بقوه وهو نزلني على الأرض وأيديه لسه محاوطه خصري وأيديه صارت على لحيته. ابتسمت وحجيت بغباء.

هـيام: شاهـين شعرك كفش. ضحك بقوه ودنك باس مكان النبض. شعور غريب اجتاحنـي تحت المطر ، ويا زوجي ، ويا شخص احبه ، حياتي صارت حلوه ، لكيت شخص احبه سعيده ويا ، معيشني مثل الاميره وكلماته بلسم على جروحي ، غزله ، حبه ، كلشي بي يخليني اعشقه مو بس احبه. ابتسمت من شفته صافن بوجهي. رفعت نفسي على طرف اصابيعي طبعت بوسه على شفايفه وهـمست بصوت هـادئ. هـيام: احــــبــــك .....