رواية تخلت عن كبريائها من اجله الفصل العاشر 10 - بقلم رونا

بتخلص شذي الاجتماع وتروح البيت وتكون شيري وصلت. شذي: هاي شيري. شيري: هاي شذي. شذي: صح، عملتي إيه في ديكور الأتيليه؟ شيري: مستنية يخلص التصميمات المناسبة ونتقابل ونشوف هنعمل إيه. شذي: تمام، على فكرة أنا مسافرة دبي بعد يومين. شيري: ليه؟ شذي: شغل. شيري: هو مش المفروض عمار مظبط كل حاجة؟ شذي: آه، بس عادي، في حاجات محتاجني فيها. شيري: طب وهتقعدي قد إيه؟ شذي: لسه مش عارفة. شيري: أوكي.

يخلص اليوم ويخلصوا اليومين ويجي ميعاد سفر شذي وبتسافر فعلاً. في الشركة، بتوصل نيرة وتدخل مكتب شذي. نيرة: هاي يا سلمي. سلمي: هاي يا فندم. نيرة بمرح: لا أنا غير شذي هانم خالص ومبحبش الألقاب، انتي سلمي وأنا نيرة عادي. سلمي بابتسامة: اللي تشوفيه يا نيرة. نيرة: طب إيه اللي المفروض يتعمل النهارده؟ سلمي: بتشرح لـ نيرة الشغل. نيرة: كل ده، الله يكون في عون شذي. سلمي: متقلقيش، أنا معاكي وبشمهندس حمزة هيساعدك كتير.

نيرة: أوكي، ابعتيلي بشمهندس حمزة وهاتيلي نسكافيه. سلمي: أوكي. وتبلغ حمزة وبييجي. حمزة: بيدخل المكتب، تحت أمرك يا فندم. نيرة: اتفضل اقعد الأول، تشرب إيه؟ حمزة: مالوش لازمة. نيرة: لا، لازم تشرب حاجة. حمزة: ممكن قهوة. بتدخل سلمي في الوقت ده بالنسكافيه. نيرة: هاتي واحد قهوة للبشمهندس. سلمي: أوكي. نيرة: بصي بقى، سلمي جابتلي الملفات دي وأنا مش فاهمة حاجة خالص وقالتلي إنك هتساعدني. حمزة: تمام. ويبدأوا يشتغلوا.

عند تامر في مكتبه بيكلم شيري. تامر: هاي شيري. شيري: هاي تامر. تامر: أنا خلصت التصميمات، تحبي نتقابل في الشركة ولا في الكافيه؟ شيري: أي حاجة، بس أنا بقول الكافيه أحسن، أصل مابحبش جو الشركات والرسميات الخنقة دي. تامر: أوكي، مفيش مشكلة، هنتقابل في الكافيه الساعة… شيري: أوكي. في دبي، بتوصل شذي الفندق وبتقابل عمار هناك. شذي: ازيك يا عمار؟ عمار: تمام، إنتي عاملة إيه وشيري ونيرة أخبارهم إيه؟

شذي: كلنا كويسين.. المهم، حجزت الأوض؟ عمار: آه، وده المفتاح بتاعك الدور… أوضة… جنب أوضتي عشان لو حصل حاجة. شذي: تمام، يلا نطلع بقى. عمار: يلا. في أوضة شذي بيجيلها مكالمة من المافيا. المتصل: نورتي دبي يا شذي هانم. شذي: ميرسي.. إيه المطلوب؟

المتصل: متستعجليش، هانت وهقولك هتعملي إيه، بس أنا قلت أعرفك إنك تحت عنينا لحظة بلحظة، بدليل إن عمار حجز الأوض جنب بعض في الدور… إنتي أوضة رقم… وهو أوضته رقم… أصل الفندق اللي قاعدة فيه ده بتاعنا، استني مكالمة بالمطلوب، باي. ويقفل من غير ما يستنى ردها. شذي بتتوتر وتكلم عمار تقوله اللي حصل. عمار بقلق بس مش بيبين: اهدي وكله هيتظبط.. كلمي البنات في مصر طمنيهم عليكي. شذي: أوكي. وبتكلمهم. شذي: هاي نيرة، عاملة إيه؟

نيرة: هاي شذي، بخير، إنتي عاملة إيه؟ شذي: تمام، لسه واصلة، الشغل عامل إيه؟ نيرة: متقلقيش، كله ماشي كويس.. سلمي وحمزة مش سايبني. شذي: تمام، باي. بتقفل مع نيرة وتكلم شيري. شذي: هاي شيري، عاملة إيه؟ شيري: هاي شذي، بخير، إنتي عاملة إيه؟ شذي: تمام، أخبار شغلك إيه؟ شيري: تمام، هقابل البشمهندس تامر النهارده عشان يوريني التصميمات. شذي: أوكي، باي.

في مصر، تحديداً في الشركة، بيخلص حمزة ونيرة الملفات وبيروح حمزة مكتبه. بيدخل تامر. تامر: سألت عليك قالولي إنك في مكتب شذي. حمزة: آه، كنت بفهم نيرة الشغل. تامر: مش غريبة إنها قاعدة في مكتب شذي مش مكتبها؟ حمزة: ولا غريبة ولا حاجة، الأوراق كلها في مكتب شذي وسلمي هي اللي هتظبط الشغل، فطبيعي تقعد في مكتب شذي. تامر: بس ده كده هيصعب مهمة سلمي. حمزة: مهمة سلمي إزاي؟

تامر: هقولك، النهاردة قبل الشغل، قابلت سلمى في الكافيه وطلبت منها تدور في الملفات أو على اللاب على حاجات معينة تفيدنا. حمزة: آه، فهمت، طب هي متواصلتش معاك تاني تعرفك الدنيا فيه؟ تامر: بعتتلي رسالة قالتلي مش هينفع تنفذ النهارده. حمزة: أكيد نيرة كل شوية أسئلة في الشغل. تامر: أكيد، المهم أنا هقابل شيري النهاردة الساعة… وهحاول أخّرها على قد ما أقدر في التوقيت ده، تروح إنت الفيلا تشوف أي حاجة ممكن تفيدنا. حمزة: اشطا.

في دبي عند شذي في أوضتها بتجيلها مكالمة تاني من المافيا. شذي: المطلوب؟ المتصل: تقابليني إنتي وعمار في المكان… دلوقتي. شذي: تمام. بتبلغ عمار وبيروحوا المكان بعد وقت وصلوا. الشخص: أهلاً شذي، أهلاً عمار. شذي وعمار: أهلاً. عمار: صح، مش هتقول اسمك إيه؟ الشخص: مش مهم. وبفتح شنطة فيها هيروين. الشخص: المطلوب منك يا شذي ترجعي مصر بالشنطة دي ومعاها شنطة كمان زيها. شذي: نعم، إنت عايز توديني في داهية ولا إيه؟

الشخص: لا داهية ولا حاجة، إنتي أكيد مش هتسافري بيهم كده، إنتي هتداري كل كام كيس وسط شنطة من الشنط اللي معاكي، ولما توصلي مصر تشيلهم في الخزنة السرية لحد ما أقولك تعملي إيه. شذي: طب إشمعنى، ما إنت كل مرة بتدخلهم بطريقتك وسط البضاعة بتاعة الشركة. الشخص: البوليس في مصر ابتدا يشك، فلازم نغير الطريقة. شذي: موافقة. الشخص: وإنت يا عمار. وبفتح كرتونة فيها آثار. الشخص: هتاخد دي معاك الفندق، وإحنا هتوزعها إزاي بعد كده؟

عمار: نعم، إشمعنى؟ الشخص: عشان البوليس هنا ابتدا يشك بردو، وإنت معروف إنك رجل أعمال، يعني محدش هيشك فيك. عمار: موافق. الشخص: وإنتي يا شذي يومين كده وتنزلي مصر بالحاجة زي ما قلتلك، ولحد ما تنزلي مصر الحاجة هتبقى معاكي في الفندق بس هنبعتهالك بطريقتنا على الأوضة، أما إنت يا عمار هتقابلني بكرة في المكان… الساعة… وهقولك تعمل إيه، وبرضو هنبعتلك الحاجة بطريقتنا تبقي معاك. بيرجعوا شذي وعمار الفندق.

في أوضة شذي بتفتكر الخطة بتاعت اللي قالها اللواء جمال قبل ما تسافر بيوم. (فلاش باك) اللواء جمال بيتصل بيها.

اللواء جمال: بصي يا شذي، الهدف من إنهم يسافروكي هيطلبو منك تدخلي ممنوعات، إيه بالظبط مش معروف، بس مش مهم إيه، المهم هتتصرفي إزاي، هتعملي إنك معترضة في الأول وبعدين هتوافقي، وهبعتلك سلسلة دلوقتي على البيت فيها جهاز تسجيل، تلبسيها لما تقابليهم، ولما توصلي المطار هنا هيتقبض عليكي، أو بمعني أصح هنمثل إن اتقبض عليكي وهتتحجزي فعلاً، ساعتها هيقلقوا وييجوا مصر ويتصرفوا تصرفات مش محسوبة، وإحنا هنعرف نوصلهم.

شذي: أوكي، طب وعمار؟ اللواء جمال: متقلقيش، أنا هكلمه وأفهمه هيعمل إيه. شذي: تمام. (نهاية الفلاش باك) شذي لنفسها: هانت أوي. (فلاش باك)

اللواء جمال: بص ياعمار، الهدف اللي عايزينه منك إنك توزع لهم آثار هناك، في الأول هتعترض بس بعد كده هتوافق، وأه البوليس هناك هيبعتلك ساعة فيها جهاز تسجيل، تلبسها لما تقابلهم وهتسايرهم، وإحنا هنكلم البوليس هناك وهيقبضوا عليك ويرحلوك على مصر، متقلقش، كل ده تمثيل لأنك متعاون معانا، بس لما تترحل مصر هيقلقوا وينزلوا على مصر وهيتصرفوا تصرفات مش محسوبة وإحنا هنعرف نجيبهم. عمار: طب وشذي؟

اللواء جمال: متقلقش على شذي، أنا عرفتها تعمل إيه. عمار: تمام. (نهاية الفلاش باك) عمار لنفسه: هانت. ياترى الخطة هتنجح ولا هتفشل؟ ياترى حكاية حمزة وتامر إيه وخطتهم هتتنفذ ولا لا؟