رواية تخلت عن كبريائها من اجله الفصل الثاني عشر 12 - بقلم رونا

في الوقت ده بيجي فون لتامر. تامر: ده تلفون من القائد. القائد: …………… تامر باستغراب: تحت أمرك يا فندم. حمزه: مالك يا تامر في إيه؟ تامر: القائد بيقول نوقف كل حاجة وعايزنا نقابله دلوقتي. حمزه: طب يلا بينا. بعد وقت بيقابل حمزه وتامر القائد. حمزه: خير يا قائد في إيه؟ القائد: هتقدموا استقالتكم بكرة لنيرة والخطّة هتوقف. حمزه وتامر بيصُبّوا لبعض باستغراب. تامر: بعد إذنك يا قائد ممكن نعرف ليه؟

القائد: ببساطة شذي مش مجرمة وأكبر دليل إنكم ملقتوش حاجة تثبت إنها مجرمة في الشركة والبيت. حمزه باستغراب: فعلاً مالقتش حاجة بس إزاي برضه مش مجرمة وهي كانت بتساعد المافيا؟ القائد: لأنها متعاونة معانا عشان نوقعهم والهدف من وجودكم إنها تبقى تحت مراقبتنا عشان نتأكد من إخلاصها ونعرف هي بتساعدنا فعلاً ولا بتغطي على شغلها معاهم. ومع مراقبتكم وشغلنا معاها طلعت مخلصة فعلاً. تامر: طب ليه حضرتك مقلتش كده من الأول؟

القائد: لأن في الأول حسب المعلومات اللي جات لنا إن هي شغالة مع المافيا عشان كده زرعتكم هناك عشان نقدر نمسك عليها حاجة بس بعد كده هي كده وطلبت مساعدتي بشكل شخصي مش رسمي لأن بينا سابق معرفة بس أنا أقنعتها إن خلي الموضوع بشكل رسمي وتبقى متعاونة معانا وعشان أتأكد من إخلاصها زي ما قلت لكم خليت خطتنا تمشي زي ما هي ومرضتش أقول لكم منعا للتشتيت لأن الموضوع كله كان احتمالات وبكده وجودكم في الشركة ملوش لازمة.

حمزه: يعني دورنا انتهى كده؟ القائد: دوركم كمهندسين انتهى لكن كضباط لسه. تامر: إزاي؟ اللواء جمال: طبعاً أنتم عرفتوا إن شذي مسافرة دبي في شغل. حمزه وتامر: أيوه. اللواء جمال: وأكيد أنتم شكيتوا إن ده مش صح لأن فرع دبي تحت إدارة عمار الجارحي ابن عم شذي. حمزه: طبعاً بس ده مجرد شك مفيش دليل.

اللواء جمال: والشك طلع مضبوط شذي مسافرة بأمر من المافيا في الأول مكنتش تعرف ليه بس أنا كنت حاطط احتمال كبير إنهم يطلبوا منها تدخل ممنوعات بنفسها وحطيت خطة لكده وحكيت لهم خطة شذي اللي هي (فلاش

باك اللواء جمال: بصي يا شذي الهدف من إنهم يسافروكي هيطلبوا منك تدخلي ممنوعات إيه بالظبط مش معروف بس مش مهم إيه المهم هتتصرفي إزاي هتعملي إنك معترضة في الأول وبعدين هتوافقي وهبعتلك سلسلة دلوقتي على البيت فيها جهاز تسجيل تلبسيها لما تقابليهم ولما توصلي المطار هنا هيتقبض عليكي أو بمعنى أصح هنمثل إن اتقبض عليكي وهتتحجزي فعلاً ساعتها هيقلقوا وييجوا مصر ويتصرفوا تصرفات مش محسوبة واحنا هنعرف نوصل لهم نهاية الفلاش باك)

مش بس كده عمار كمان بقى معانا. تامر: إزاي؟ اللواء جمال: المافيا طلبت من شذي إن عمار يبقى معاهم وشذي بلغتني وأنا قولتلها إن لازم عمار يبقى معانا وبرضه كنت متوقع إنهم يطلبوا منه ينفذ عملية تهريب هناك فحطيت خطة اللي هي (فلاش

باك اللواء جمال: بص يا عمار الهدف اللي عايزينه منك إنك توزع لهم آثار هناك في الأول هتعترض بس بعد كده هتوافق وأهو البوليس هناك هيبعت لك ساعة فيها جهاز تسجيل تلبسها لما تقابلهم وهتسايرهم واحنا هنكلم البوليس هناك وهيقبضوا عليك ويرحلوك على مصر متقلقش كل ده تمثيل لأنك متعاون معانا بس لما تترحل مصر هيقلقوا وينزلوا على مصر وهيتصرفوا تصرفات مش محسوبة واحنا هنعرف نجيبهم نهاية الفلاش باك)

. ونسقت مع الحكومة هناك وشكوكي طلعت في محلها. أظن كده عرفت دوركم إيه. حمزه: هننفذ الخطة ونقبض على شذي وعمار ونروح القسم فعلاً ونعمل تحقيقات ونحجزهم والخبر ينتشر إعلامياً عشان نوهم المافيا إنهم وقعوا ويبدأوا يتصرفوا غلط عشان نمسك عليهم دليل. اللواء جمال: بالضبط كده استعدوا عشان هننفذ بكرة. حمزه وتامر: تمام يا فندم. *** {في دبي} بيجي ميعاد مقابلة عمار والمافيا. الشخص: جبت المطلوب. عمار: آه الشنطة أهي.

الشخص: بيفتحها تمام. في الوقت ده بيجي البوليس ويقبض على عمار والشخص اللي تبع المافيا بيهرب وبيترحل عمار على مصر عشان يتحاكم. {عند شذي بتوصل مطار القاهرة} وبتتفتش وبيلاقوا معاها هيروين. العسكري اللي بيفتشها: لاقينا معاها هيروين يا حضرة الضابط. حمزه: بيحط في إيد شذي والـ عسكري الكلبشات.

شذي بتتصدم إن حمزه طلع ضابط وبتفهم إنه كان بيضحك عليها وإنه لامعجب بيها ولا بيحبها ولا حاجة. مبتتكلمش بس بتصب له نظرة عتاب وصدمة وخذلان كأنها بتقوله متوقعتش إنك تعمل فيا كده ودي أول مرة متقدرش شذي تتحكم في نفسها وتداري مشاعرها وحمزه بيهرب من عينيها وبيفهم إنها حبته وإنه وجعها بس بيمسك نفسه وبيقبض عليها.

وبعد وقت بتوصل شذي القسم وفي نفس وقت وصول شذي للقسم بيوصل عمار وهو مقبوض عليه وبيلاقوا الصحافة متجمعة وبتصورهم وبينتشر الخبر إعلامياً القبض على شذي الجارحي بتهمة تجارة وتهريب الهيروين والقبض على عمار الجارحي بدبي وترحيله لمصر بتهمة تجارة وتهريب الآثار. *** {في القسم} في مكتب تامر. تامر: طبعاً إنتي عارفة إن التحقيق والمحضر اللي هيتعمل والحجز برضه ده شكلي.

شذي: بتتصدم لتاني مرة في تامر وبتحس إنها كانت مغفلة بس مش بتبين. بتفوق من سرحانها بسرعة وبترد على تامر: أيوه عارفة. تامر: بس ده مينعش إنك اتعاملتي معاهم واحتمال تكوني وصلتي لحاجة تفيدنا بجد. شذي: آه بس هما حريصين أوي وكل مرة بيحصل حاجة بيتعامل معايا شخص مختلف وبيقي مخبي وشه. تامر: ولما هو مخبي وشه عرفتي منين إنه مش هو نفس الشخص؟

شذي: فرق الطول والجسم والصوت حتى لما بيكلموني من رقم برايفت الصوت بيبقى مختلف ومعنى كده إنهم أكتر من واحد وكل مرة بيتعامل معايا واحد مختلف. تامر: تمام طب ملاحظتيش حاجة غريبة تاني؟ شذي: لا. في مكتب حمزه. حمزه: طبعاً إنت عارف إن التحقيق والمحضر اللي هيتعمل والحجز برضه ده شكلي. عمار: أيوه. حمزه: بس ده مينعش إنك اتعاملت معاهم وممكن تكون لاحظت حاجة تفيدنا.

عمار: لا ملاحظتش لأن مش هما اللي كلموني عشان أبقى معاهم التعامل كله كان من خلال شذي. أنا اتعاملت معاهم مرة واحدة بس لما طلبوا من شذي تسافر دبي ونتقابل كلنا هناك وملاحظتش أي حاجة. حمزه: بس اتعاملت معاهم مرة تانية لما كنت بتسلمهم الحاجة. عمار: مضبوط بس ملاحظتش حاجة لأنه نفس الشخص اللي قالنا على الخطة هو نفس الشخص اللي قابلني ساعة التسليم. حمزه: تمام. شذي بتتحجز انفرادي وعمار برضه. {في مكتب اللواء}

اللواء جمال: برافو عليكم يا رجالة خلصنا نص الخطة بنجاح. حمزه: ده حقيقي بس لسه بقالنا النص الأصعب. تامر: فعلاً خاصة إن التحقيقات موصلتناش لحاجة. حمزه: حتى التسجيلات مفهاش حاجة تفيدنا. اللواء جمال: مفهوم طبعاً بس ده مينعش إننا حققنا إنجاز كويس. تامر: طب الخطوة الجاية إيه؟ اللواء جمال: الخطوة الجاية عليهم واحنا هنتصرف حسب تصرفهم بس لازم نكون مستعدين لأي حاجة تحصل. تامر وحمزه: مستعدين يا فندم. *** {في النادي}

قاعدة شيري مع دينا بتوريها الديكور اللي هتعمله بتلاقي نيرة بتتصل بيها. نيرة: شيري الحقي شذي وعمار اتقبض عليهم. شيري: بتقولي إيه إزاي ده حصل؟ نيرة: معرفش الدنيا مقلوبة وأنا مش عارفة اتصرف. شيري: طب إنتي فين وأنا أجيلك. نيرة: أنا في الشركة بس مش هينفع نتقابل هنا تعالي الفيلا عندي. شيري: أوك. {في الشركة} نيرة بتدي الموظفين إجازة النهارده لحد ما تعرف هتعمل إيه وبتروح الفيلا عشان تقابل شيري. بعد وقت شيري ونيرة وصلوا.

{في فيلا نيرة} شيري: بقولك أنا هكلم أونكل جمال جارنا هو لواء واكيد هيساعدنا. نيرة: أوك اعملي كده. شيري بتتصل بيه. شيري: أونكل جمال شذي اتقبض عليها هي وعمار ولسه هتكمل. اللواء جمال: عرفت يا شيري عايزك تهدي خالص التحقيقات لسه شغالة واحتمال يكونوا متورطين وأنا كلمت محامي عشان يبقى معاهم. شيري: طب ينفع نيجي أنا ونيرة نشوفهم. اللواء جمال: مش هينفع لأن الزيارة ممنوعة وأنا هبقى أطمنك. شيري: أوك. نيرة: الموضوع ده في سر.

شيري: سر إيه؟ نيرة: مش عارفة بس بتفتكر وتحكي لشيري (فلاش باك في يوم دخلت عليها لقيتها مصدومة وقلقانة. نيرة: بخضة مالك يا شذي في إيه؟ شذي: في حد بيهددني بيقول عايز أوراق تخصه وإلا هياخد حياة شيري وأنا معرفش الأوراق دي بتاعت إيه ولا فين أصلاً. نيرة: طب وعرفتي مين ده؟ شذي: لا مرضيش يقول وكلمني من رقم برايفت. نيرة: طب ما تكلمي البوليس؟

شذي: مينفعش عشان حياة شيري. وبعدها بفترة سألتها قالتلي إنها سلمتهم الأوراق. نهاية الفلاش باك) شيري: قصدك تقولي إن الموضوع مخلصش وهي مرضيتش تقلك عشان متقلقيش. نيرة: أيوه ده حتى مقلتش أوراق إيه. شيري: جايز ربنا يستر. نيرة: في حاجة غريبة حصلت النهارده. شيري: حاجة إيه؟ نيرة: هقولك (فلاش باك الصبح في الشركة في اتنين مهندسين تامر وحمزه قدموا استقالتهم.

نيرة: الاستقالة مرفوضة أنا مينفعش آخد قرار زي كده لأن موجودة بشكل مؤقت لما شذي ترجع أبقى اعملوا اللي انتو عايزينه. تامر: بس إحنا مش عارفين شذي هانم هترجع إمتى. حمزه: ده غير كمان مش عارفين هترجع إزاي وعلى فين. نيرة: قصدكم إيه؟ تامر: هتفهمي النهارده ومش مهم تمضي على الاستقالة إحنا كده كده ماشيين يلا يا حمزه. نهاية الفلاش باك) نيرة: ده أكيد. شيري: أنا مش فاهمة حاجة. نيرة: ولا أنا بس لازم أفهم.