رواية تخطى حدود العشق الفصل الثالث 3 - بقلم يارا عبد العزيز

شهقت بصدمة أول ما سمعته بيتكلم مع صاحبه. نوح: بس جدع، أنا كنت مفكرك هتسمع كلام جدك وتتجوزها. أسـر: دي مطلقة يا عم، عايزني أتـ..ـجوز واحدة مطلقة؟ لا يابا، أنا مبلمش من ورا حد. نوح: جدع، خليك ثابت على قرارك. هتعمل إيه مع روان؟ حطت إيديها على بؤقها وهي بتكتم صوت شهقاتها. خدت نفس عميق وخبطت على الباب. أسـر راح فتح الباب. ملك: مرات خالي بعتت العصير ده، اتفضل. أسـر: تمام، شكراً يا ملك. ملك: الشكر لله. أسـر: عن إذنك.

ملك: اتفضل. أسـر قفل الباب. ملك مقدرتش تستحمل، فتحت باب الشقة وخرجت. نزلت تحت في الشارع فضلت تلف وهي بتعيط بشدة. رجليها جابتها عند كورنيش النيل. بصت للمياه وفضلت تبكي بشدة وصوت شهقاقتها يعلى. ملك: حسبي الله ونعم الوكيل فيك يا بابا، أنت السبب. وأسـر، أنا مكنتش متوقعة منه كدا. حسبي الله ونعم الوكيل فيكم كلكم. أنا بكرهكم. بصت للمياه بتردد. مدت جسمها لقدام وهي بتحاول ترمي نفسها في المياه.

ملك: مش عايزة أعيش، مش عايزة قلبي يوجعني تاني. أنا الأحسن أروح عند ماما، هي أكيد هتفهمني. هتاخدني في حضنها وتقولي معلش زي ما كانت بتعمل معايا وأنا صغيرة. مشيتي وسبتني ليه يا ماما؟ أنا محتاجك أوي. كانت لسه هترمي نفسها بس فجأة حد شدها بسرعة. أسـر: أنتِ اتجننتي؟ هتـ..ـموتي نفسك؟ ملك بغضب: وأنت مالك؟ أسـر بعصبية: هو إيه اللي أنت مالك؟ يلا تعالي روحي معايا، جدو لو عرف إنك خرجتي هيزعق.

ملك: آه، قول كدا بقى خايف من جدك. امشي يا ابيه. أسـر: ملك بلاش الأسلوب ده وتعالي معايا يلا، أنتِ كبرتي على حركات الأطفال بتاعتك دي. ملك: أنا حابة أكون لوحدي شوية، امشي أنت وأنا هبقى أجاي. أسـر: عايزني أسيبك بعد ما كنتي هتمـ..ـوتي نفسك؟ ملك: فارقة معاك أنا أوي؟ اطلع برا حياتي يا أسـر. أنا مش عايزة أعرفك تاني. أنا هقول لجدو وهسافر أكمل دراستي برا وأبعد عنك. عايز تتجوز روان أو غيرها، دا شئ ميخصنيش.

أسـر: وأنا مش موافق على اللي أنتِ بتقوليه ده. أنتِ مش هتبعدي عني. ملك بصتله بانتباه. اتكلم بتوتر: أسـر: قصدي.. قصدي مش هتبعدي عننا كلنا. وكمان جدو روحه فيكي وأنتي عارفة كدا كويس. ملك بسخرية: مكنتش متوقعة إن تفكيرك محدود أوي كدا يا أسـر، بجد. كان أول مرة يسمع اسمه منها. ضربات قلبه زادت وهو مش عارف إيه السبب، بس هو حابب يتكلم معاها أكتر. حس إن روحه بتطلع منه أما قالت أنا هسافر. أسـر: يلا عشان نروح.

ملك: مش هروح معاك. روح أنت وأنا هاخد تاكسي وأجاي. أسـر قبض إيده وهو بيحاول يتحكم في عصبيته: متخلنيش أزعلك ويلا. ملك: قولتلك مش جاية معاك. أنت مش بتفهم. روح أنت وأنا هاخد تاكسي وأجاي وراك. أسـر وهو بيجز سنانه: طب يلا يا ملك عشان مزعلكيش وماتختبريش صبري أكتر من كدا. ويلا أحسنلك. ملك بخوف راحت ركبت عربيته. بصلها وابتسم على طفولتها. ركب وطلع بالعربية. أسـر: كنت حابب أطلب منك طلب.

ملك كانت بتقلب في فونها في محاولة إنها تتجاهله. أسـر: ملك بكلمك على فكرة. ملك: عايز إيه؟ أسـر: عايزك تتكلميلي روان. أنا عارف إنها أعز صحابك. ملك بدموع وحزن: تمام. أسـر: شكراً. ملك: تمام. أسـر: بقولك شكراً. ملك بدموع وحزن: العفو. روحت ملك البيت. دخلت أوضتها صلت ركعتين لله وهي بتدعي إن ربنا ميعلقهاش بيه أكتر من كدا. فضلت تعيط لحد ما نامت على سجادة الصلاة. في الصباح، في كلية الهندسة جامعة القاهرة. ملك: ها، قولتي إيه؟

روان: أنتِ بتهزري صح؟ أكيد طبعاً مش موافقة. ملك: صدقني أنا راضية جداً ومش زعلانة. وهو بيحبك، وافقي بقى يا روان. روان: بس أنتِ بتحبيه يا ملك. ملك: مش مهم أنا، المهم هو عايز مين. وهو عايزك أنتِ. وعلى العموم، يستي أنا هكلم جدي وهسافر أكمل تعليمي في لندن بإذن الله. روان: بس. ملك: مفيش بس يا روان، أرجوكي. روان: تمام.

روان معجبة بأسـر من ساعة ما دخلت سنة أولى، وكانت ديما بتشوف نظرات الإعجاب منه. بس كانت مش بتحطه في دماغها عشان ملك. وبالفعل اتخطبوا روان وأسـر وحددوا معاد كتب الكتاب بعد أسبوع. وجيه يوم كتب الكتاب. صحت ملك على صوت زغاريط في البيت اللي فوقهم من شقة خالها. حسيت بنغزة في قلبها، بس سرعان ما افتكرت كلام أسـر عليها. خدت نفس عميق وقامت اتوضت وصـ..ـلت. لبست وطلعت شقة خالها. سارة: ملوكة، تعالي ساعديني ممكن؟

ملك: ماشي. هو أسـر فين؟ سارة: في أوضته بيجهز. ملك: تمام. بعد حوالي نص ساعة كانوا سارة وملك خلصوا. ملك كانت خارجة من أوضة سارة بس قابلت أسـر على الباب. أسـر بغضب: والله. ملك: فيه إيه؟ أسـر: إيه القر..ف اللي أنتِ حاطاها على عينيكي ده؟ ملك ببرود: أي شادو وأي لاينر يا ابيه. سارة حاطتـ..ـهولي، حلو صح؟ أسـر بعصبية: زي الز..فت القر..ف ده يتمسح فوراً. ملك: جدو شافهم ومقالليش حاجة. أسـر: ده عند جدك هااا؟

ومتعصبنيش أكتر من كدا يا ملك وامسحيهم. متختبريش صبري عليكي أكتر من كدا. ملك: مش ماسحاهم عشان أنت مش حاجة عشان تحكم عليا. أسـر بغضب: والله العظيم يا ملك، والله العظيم لو الز..فت اللي أنتِ حاطاه على عينيكي ده ماتمسحش لهكون مزعلك مني وأوي. أنا ماشي وأبقى أشوفك حاطة في الفرح. مش كفاية عينيكي اللي بتسحر. قال كلامه ومشي من قدامها وهو مش فاهم تصرفه، ولا هي قادرة تفسره. ملك: عادي يا ملك، ما أنتِ بنت عمته. أنتِ بنت عمته وبس.

اتنهدت بحزن ودخلت الحمام تمسحه. فردوس: أسـر. أسـر: نعم يا أمي. فردوس بحدة: سيب ملك في حالها. أنت كتب كتابك على غيرها انهاردة وأنت اللي اخترت. أسـر: مش فاهماك. فردوس: لا، أنتِ فاهمني كويس أوي. وأنا بقولك أهو، بلاش يا أسـر. كفاية على ملك كدا منك. اتخليت عنها وبقيت واحد راجعـ..ـي عشان اتجوزت وبقيت مطلقة. أنا عارفة إن حقك ترفضها بعد ما اتطلقت، بس خلاص. مالكش دعوة بيها، خليك في اللي هتبقى مراتك انهاردة. أسـر

بضيق: ماما، أنتِ بتقولي إيه؟ ملك. فردوس بمقاطعة: ملك أختك. تمام؟ أختك الصغيرة وبس. وبلاش عشان جدك ما يزعلكش. أنت عارف كويس أوي ملك عند جدك إيه. أسـر بضيق: تمام.

جهزوا كلهم وركبوا العربيات. أسـر راح يجيب روان من الكوافير والباقي سبق على القاعة. فكانت عبارة عن قاعة مفتوحة وشكلها بسيط وجميل جداً. دخل أسـر وروان. ملك بصتلهم بحزن، بس سرعان ما استغفرت ربنا. اتمنتلهم الخير وابتسمت وهي بتحاول تتأقلم، بس غصبن عنها قلبها وجعـ..ـها جداً. جت تروح الحمام بعد ما حست إنها مش هتقدر تحضر كتب الكتاب وتشوفه وهو بيقول زوجني ابنتك واللي هتكون روان. بمجرد ما اتخيلت قلبها اتقـ..ـطع. جت تروح جدها وقفها.

عادل: رايحة فين يا ملك؟ ملك بصوت مخـ..ـنوق: الحمام يا جدو. عادل: تمام، متتأخريش. هنكتب الكتاب كمان نص ساعة. ملك: تمام. جريت على الحمام. حمدت ربنا إن مكنش فيه حد. نزلت النقاب وبصت في المرايا. نزلت دموعها ودخلت في نوبة بكاء. مسحت دموعها. ملك: خدي نفس و خليكي قوية. دي صاحبة عمرك ودا ابن خالك، وأنتِ سمعتي بنفسك قال لصاحبه إيه عليكي. أهدي يا ملك، أهدي و خدي نفس عميق. هو ميستاهلكيش ومختاركيش. أهدي.

حاولت تستجمع قوتها. خرجت من القاعة لاقت أسـر جاي مع جدها وخالها ومعاهم المأذون. خدت نفس عميق. راح المأذون قعد على كرسي قدام التربيزة وقعد جانبه أسـر. غمضت عينيها بحزن وهي بتتمنى إن تكون فقدت سماعها في تلك اللحظة عشان متسمعش أي حاجة. فتحت عينيها على صوت المأذون وهو بيبصلها. المأذون: مين وكيلك يا عروسة؟ بص الجميع للمأذون باستغراب، وخصوصاً روان اللي احمرت أوي. روان: حضرتك فاهم غلط. العروسة هي أنا مش ملك.

المأذون: إزاي يبنتي؟ في الورق اللي قدامي اسم العروسة هو ملك عبدالله الشافعي.