رواية تقي الزين الفصل التاسع 9 - بقلم فاطمة حسن

تاني يوم الصبح. عند معتصم وضيم. معتصم فتح عينه بكسل واتعدل. هو ماسك دماغه بوجع. معتصم بدأ يركز وبص جانبه بصدمة. معتصم قام بسرعة من ع السرير وهو بيهز رأسه برفض. "لاا. لاا. أكيد معملتش كده. أكيد لا." معتصم لبس هدومه وخرج برا ع طول. عند تقي وزين. تقي قامت من النوم وهي بتسحب الملاية ع جسمها وبتبص حواليها. تقي غمضت عينها وهي بتحاول تكتم دموعها. لحد ما باب الحمام اتفتح وخرج زين. هو بيلف فوطة حوالين وسطه.

زين بص عليها بسخرية وبدأ يلبس هدومه ونزل من غير ولا كلمة. تقي قامت ودخلت الحمام وفضلت تبص ع نفسها بقرف. مش طايقة زين وطريقته كمان مخلياها تكرهه أكتر. تقي لنفسها. "خلاص ي تقي. دي حياتك. خلاص مفيش حاجة قدامك." تقي أخدت دش ولبست ونزلت تحت بهدوء. تحت. كانوا كلهم بيجهزوا البيت والأكل لأن خالد في الطريق. تقي وقفت لوحدها مكنتش عارفة تعمل إيه أو تروح لمين خصوصاً بعد كلامها امبارح مع فاطمة.

فاطمة بصت عليها وهزت رأسها بقلة صبر منها. زين كان بيتكلم مع أبوه لحد ما فونه رن. زين. "الو…" زين قام وخرج برة. زين. "في إيه؟ ع الناحية التانية معتصم. معتصم بتوتر. "مش عارف. مش عارف إزاي ي زين. مش عارف عملت كده. هتجنن." زين بهدوء. "ممكن تهدأ. دي مراتك. ومش فاهم فين المشكلة." معتصم بجنون وصوت عالي. "كل اللي حصل دا هو المشكلة. مكنش المفروض يحصل ي زين. مكنش المفروض يحصل." معتصم مسح ع شعره بجنون. "هعمل إيه؟ هقول إيه؟

أنا مرعوب لما تقوم." ثم أكمل بضعف. "خايف ي زين. خايف أخسرها." جوا. فاطمة بهدوء. "تعالي ورايا ي تقي." فاطمة طلعت ودخلت أوضتها وتقي وراها. فاطمة قعدت. "تعالي." تقي بصت عليها بسخرية. "لاا شكراً. حضرتك عايزة تقولي حاجة؟ فاطمة قامت وسحبتها. "اللي حصل امبارح وكلمي…" تقي قطعتها. "كلامك هو الصح مش كده. طبيعي يكون كلامك كده لأنك أمه." فاطمة.

"هو فعلاً صح. بس مش علشان أمه. زين هو الوسيلة الوحيدة اللي مخليكي معانا ومخليكي أبوكي يبعد عنك. عارفة إنك زي أي بنت عايزة تتجوز عن حب. بس دا اللي حصل. ليه مجربتيش تحبي زين؟ زين كويس صدقيني مش علشان ابني." تقي. فاطمة مسحت ع شعرها. "صدقيني أنا مش عايزكي غير كويسة. ومصدقت إن عرفت أجيبك وتكوني معايا بعد السنين دي كلها. لو زين سابك أنا مش هعرف أحميك أو تفضلي معايا." فاطمة قامت وبوستها ونزلت. وتقي فضلت تبص ف أثرها بهدوء.

تحت. زين كان قفل الفون وهو بيمسح ع وشه بعد ما أقنع معتصم بصعوبة. زين دخل لقاها نازلة بهدوء. بص عليها شوية ورح لأبوه. عند معتصم. قفل الفون واخد نفس. راح اتحرك ناحية الأوضة بتوتر. معتصم فتح الباب. لقاها قاعدة ع السرير وهي دفنة وشها في أيدها. معتصم بتوتر. "ضي…" وهي لسه دفنة وشها في أيدها. "لااا. لاااا. اخرج. اخرج برا." معتصم قرب منها وحاول يسحب إيدها وسط حركاتها. لحد ما رفع وشها وقال. "دا أنا." ضي بدموع ووشها كله أحمر.

"انت أبيه مش كده. اللي ح. ح. حصل. انت…" معتصم بقوة. "أنا جوزك وانتي مراتي ع كتاب الله وسنة رسوله." ضي اتفتحت مرة واحدة في العياط. "ابعد. ابعد عني." معتصم خرج وهي دفنت راسها في المخدة. عند أيهم وأهله. كانوا في العربية وقربوا يوصلوا. وبعد شوية وصلوا ونزلوا من العربية وبعد السلامة. أيهم كان قاعد بفضول بيحاول يعرف الفلاحة من وجهة نظره عاملة إزاي. عبدالرحمن. "يلا الأكل جاهز." أيهم بدون كسوف. "أمال مش هشوف العروسة ولا إيه؟

محمود وأحمد ضحكوا وافتكروا أيهم مستعجل عشان يشوفها. محمود. "طب كل الأول." أيهم. "لاا معلش ي عمي. أنا أحب أتكلم معاها الأول." خالد بص ع زين. زين لمرات عمه. "فين ياسمين ي مرات عم؟ سماح. "ثانية واحدة." سماح طلعت ع فوق بسرعة ودخلت الأوضة ع بنتها. سماح وهي بتمسك ياسمين جامد. "لو قال نص كلمة عليكي هتكون بموتك ي بنت بطني."