رواية طليق اختي الفصل السادس 6 - بقلم اية زين

داليا بوجع: ااه.. أنا فين! أي اللي حصل! الممرضة بشفقة: معلش يا حبيبتي.. جوزك جابك هنا سايحة في دمك والحمدلله إننا لحقناكي. داليا بوجع وتحاول تقوم: ااه.. أنا جسمي واجعني أوي.. في أي! وبطني واجعاني ليه.. ااه.. الممرضة: احمدي ربنا إنها جت على قد كده.. دي مجرد كدمات بس.. بس طبيعي إن بطنك توجعك يا بنتي.. إنت لسه طالعة من عملية. داليا بصدمة: عملية! عملية إيه! عملتوا فيا إيه.. اااااه.

الممرضة: اهدي علشان الجرح بس.. إنتي جيتي عندك نزيف في الرحم وللأسف اضطرينا نستأصله. ام احمد: إنت مالك يا أختي بتعملي كده ليه! احمدي ربنا إننا هنرضى بيكي على عيبك. احمد بخبث: يا ماما داليا مهما كانت مراتي حبيبتي برضه. داليا: وهو أنا لو مراتك حبيبتك كنت عملت فيا كده! إنت حرمتني إني أبقى أم.. إنت فاهم إنت عملت فيا إيه!

ام احمد بقسوة: يا أختي إنت محسساني إنك مخخلفتيش قبل كده.. اللي يشوفك ميقولش إنك رميتي ابنك ولا حاجة يعني. داليا: أنا معتبرة نفسي مخلفتش قبل كده.. ابن يوسف مش ابني ولا عمره هيكون ابني.. وأنا هخليهم يحسوا بحرقة قلبي اللي حساها دلوقتي.. متحرمش أنا مش الخلفة وهما يعيشوا حياتهم عادي.. أنا عايزك تعرفلي يا احمد وصلوا لإيه.. ويا أنا يا هما. بعد شهر رقية: مالك يا يوسف في أي! يوسف: مفيش يا حبيبتي.. متشغليش بالك.

رقية بملل: اتكلم يا حبيبي عشان هتحكيلي في الآخر.. قولي مالك! يوسف: صاحب الأرض عايز فلوس الأرض كلها كاش.. وأنا كنت متفق معاه إننا نكمل تقسيط.. على الأقل على ما نلحق نبيع الشقة دي.. وكمان إحنا بدأنا الشركة على النت وفجأة لقيت كل العملاء بيشتكوا من سوء التعامل.. أنا مش عارف هو فيه إيه بالظبط. رقية بتشده ليها: طب واللي يلاقي لك حل لمشاكلك دي.. هتعمله إيه! يوسف بحب: ده أنا أديله عيوني يا عيوني.. قوللي.

رقية: إنت عارف إني كنت بدأت شغل وأنا في الكلية.. يعني أنا بقالي أكتر من 12 سنة بشتغل ووفرتلي قرشين حلو. يوسف بمقاطعة: طب اسكتي بقى عشان بدأتي تغلطي أهو.. مستحيل آخد منك حاجة.. فاسكتي خالص. رقية: يا ابني اسمعني.. إنت كتبتلي نص الشركة باسمي.. فيا سيدي خد بقية المبلغ مني على اللي معاك وسدد صاحب الأرض والباقي كمل بنا في الشركة والشقة. يوسف: يا رقية مينفعش والله.

رقية: لا هينفع.. وحياة رقية عندك لتوافق.. أنا عايزة نبدأ سوا من جديد.. وبعدين أنا وانت عارفين إن احمد وداليا هما اللي ورا المشاكل دي كلها.. فخليني أساعدك عشان نعدي الفترة دي سوا. يوسف: بس يا حبيبتي أنا حتى لو خدت كده فالفلوس مش هتكفي تكميل بنا الشقة والشركة. رقية: امممم ودي تفوت عليا برده!

إنت يا روحي هتصحى بكرة تبيع عربيتك الجميلة اللي واقفة تحت دي ونكمل بعربيتي.. أنا عارفة إنها أصغر من عربيتك بس أهي على قدنا أنا وانت ومحمد. يوسف بيبوس ايدها: يسلملي اللي بيفكر فينا. احمد: يا ستي احمد نزل يبيع عربيته النهاردة.. شكله مزنوق في الفلوس أوي أوي يعني.

داليا: أحسن.. والست رقية طلباتها مبتخلصش.. أما نشوف هيصمدوا كده لحد امتى.. واه صح.. خليك ورا صاحب الأرض ده إنه يصر على إنه ياخد حق الأرض كله كاش.. مش عايزينه يتساهل معاهم.. وراضية يا سيدي من فلوسي.. واهوه كله من خير يوسف برده. احمد: طب أي! مش كفاية راحة كده وتنزلي الشغل بقا! داليا بزهق: يووووه.. هنزل هنزل.. متعرفش تشيل مسؤولية البيت لوحدك يعني!

احمد ببرود: والله إنت اللي طلباتك كتير.. فكفي نفسك وبعدين عشان تعرفي تدفعي كويس عشان تخلصي من يوسف. رقية: لا كده كتير أوي والله.. وصلت لدرجة إنهم ينزلوا في سعر الشقة! بس تمام يا يوسف.. متقلقش.. أكيد هنشوف حل. يوسف بتعب: أنا تعبت يا رقية.. أنا تعبت والله.. هما ليه بيعملوا فينا ده كله؟ ما إحنا قولنا هنسيب لهم البلد كلها ونمشي اهو.. نعمل إيه أكتر من كده؟ رقية: ولا هنعمل حاجة.. إحنا نقوم دلوقتي نسافر اسكندرية.

يوسف: هنعمل إيه في اسكندرية دلوقتي! وبعدين هنقعد فين هناك! رقية: متقلقش.. هنروح نقعد في أوتيل نرتاح فيه شوية وأنا قدمت على شغل في مستشفى هناك.. وبعدين إنت أصحابك لسه بيبعتولك شغل تشتغل من البيت.. فممكن تعمله واحنا هناك.. كده احمد وداليا هيفكروا إننا يأسنا.. بس لا.. إحنا هنبدأ لسه.

يوسف: أنا عارف إني ضاغط عليكي كتير الأيام دي يا رقية.. لا بتخرجي ولا بتشتري هدوم زي العادي بتاعك.. حتى الأكل بقيتي بتوفري على قد ما تقدري.. أنا آسف يا رقية.. آسف.. آسف إني هخليكي تشتغلي عشان نعرف نعيش. رقية بحب: ما إنت ياما خرجتني وجيبتلي هدوم.. ولو على الأكل فماله الأكل بيتي بدل بتاع المطاعم والمصاريف!

أهم حاجة إننا منقصرش في حق محمد يا يوسف.. وبعدين متنساش إنها كده كده كنت هشتغل عشان أنا بحب الشغل.. فمتزعلش.. كله هيهون طالما إحنا سوا. يوسف بتوهان: أنا آسف على كل حاجة والله.. بس هنجيب منين فلوس الأوتيل ده! الفلوس الباقية يا دوب تكفي إننا نكمل الشركة والشقة.

رقية: دهبي موجود.. إنت عارف إني مليش في الدهب أصلاً.. وبابا لما اتجوزتك جابلي دهب عشان إنت اللي اتكفلت بالشقة كلها.. وقبل ما تقول حاجة.. فإنا شريكتك في الشركة ومراتك.. وطبيعي أساعدك في كل حاجة.. وقوم يلا بقا عشان نجهز الشنط قبل محمد ما يصحى وتتخانقوا سوا. يوسف بغيرة: ما هو اللي لازق فيكي على طول.. عيل رخم. رقية بتفكير مصطنع: يمكن عشان صغير وعايز أمه معاه دايما!

يوسف بيقرب منها: ما أنا كمان صغير وعايز أمي معايا دايما.. هتبقي معايا دايما يا ماما! رقية بتقرص خدوده: دايما يا روح ماما والله. ~~~~~ داليا: بس قولي يا احمد صحيح.. إنت ليه بتساعدني في كل ده؟ احمد بخبث: مش مراتي حبيبتي! طبعاً لازم أساعدك.. وبعدين مش يوسف ورقية ظالمينك برده! داليا بتوتر: ااه.. ااه طبعاً ظالمني.. متنساش إنه طلقني عشان يعرف يتجوزها. احمد باستهزاء: وأنا بساعدك تجيبي حقك اهو.

داليا بخبث: طب كويس أوي.. كده ننقل على الخطوة التانية.. معايا يا احمد! احمد بخبث: طبعاً يا حبيبتي معاكي. ويكلم نفسه: قال ظالمينك قال.. لولا إن نور اختي مفهماني كل حاجة كنت اتخدعت فيكي والله.. بساحلي حاجة فيكي إنك بتبعدي رقية عن يوسف وتقربيني أنا منها.. نفسي يجي اليوم اللي يطلقوا فيه وأخلص منك وأتجوز أنا رقية بقا.