رواية طليق اختي الفصل الثالث 3 - بقلم اية زين

يوسف وهو بيفتح الباب: مالك يا روكا مبترديش لـ... يوسف يدخل يلاقي رقية مغمى عليها. يوسف وهو بيحضنها: لالالا.. أنا أسف والله بس متعمليش كده.. أنا أسف والله بس متسبنيش.. يوسف يجري على أوضة محمد ويشيله ويوديه لجيرانه. يوسف: معلش يا أم مؤمن.. ممكن تخلي محمد معاكي! مراتي تعبت ولازم أوديها المستشفى. أم مؤمن بتاخد محمد منه: ولا يهمك يا ابني.. روح أنت وسيب محمد معانا.. ربنا يطمنك عليها يارب.

يوسف يطلع يشيل رقية ويروح على المستشفى. يوسف للدكتورة: لو سمحتي طمنيني عليها.. الدكتورة: الضغط واطي جدا.. كويس إنك لحقت تجيبها.. إحنا معلقين ليها محاليل دلوقتي وإن شاء الله شوية وهتفوق. يوسف: طب ممكن أدخلها؟ الدكتورة: أنا مش عارفة إيه السبب في تعبها.. فلو فيه مشاكل بينكم يستحسن تقول لحد تاني يكون جنبها لما تصحى.. يوسف بسرعة: لا يا دكتورة مفيش مشاكل بينا.. أنا هخليني جنبها لحد ما تفوق وأعرف إيه اللي حصل.. عن إذنك.

~~~~~ يوسف يدخل لرقية. يوسف يجري عليها ويمسك إيدها: روكا.. مالك يا رقية! فيكي إيه! كده تقلقيني عليكي! ويكمل بعياط: عايزة تبعدي عني بعد ما لقيتك ليه! عايزة تاخدي مني أمي بعد ما لقيتها ليه يا رقية! يا ترى إيه اللي حصل خلاكي كده! يفتكر يوسف إن والدتها اتصلت عليها. يوسف: أصل يكون حد في البيت حصله حاجة.. أنا لازم أكلمهم أعرف فيه إيه. الأب بنوم: أيوة يا يوسف! خير يا ابني فيه إيه! يوسف بسرعة: أيوة يا عمي.. انتوا كويسين!

الأب باستغراب: أيوة يا ابني الحمد لله.. متصل بدري كده ليه! حد فيكم تعبان! يوسف: طنط كلمت رقية من شوية كده وفجأة رقية اغمى عليها وخدتها على المستشفى.. فكنت عايز أعرف قالتلها إيه! الأب بفزع: إيه اللي حصل لبنتي! طمني يا ابني الله يخليك.. دي أمها لسة نايمة.. كلمتها إمتى دي! يوسف بتوتر: هيا متعلق ليها محاليل دلوقتي.. بس إزاي طنط مكلمتهاش! هيا قالتلي إنها بترن عليها.

الأب: طب يا ابني إحنا هنلبس ونيجيبلكم.. انتوا في مستشفى إيه! يوسف: مستشفى..... أقرب مستشفى لبيتنا يا عمي. الأب وهو بيقوم: ماشي يا ابني مسافة الطريق.. سلام. الأب بصوت عالي: اصحي يا أم رقية اصحي! الأم باستغراب: خير يا حاج فيه إيه! الأب وهو: قومي بنتك رقية في المستشفى. الأم بفزع: يالهوي! بنتي جرالها إيه يا حاج! بنتي مالها! الأب: انت كلمتيها النهاردة! أصل يوسف بيقول إنك اتصلتي عليها وتعبت بعدها.

الأم: لا والله يا حاج.. ده حتى داليا خدت تليفوني من امبارح. الأب بانتباه: داليا خدت تليفونك تعمل بيه إيه! الأم: قالت معهاش رصيد وعايزة تكلم واحدة صاحبتها. الأب: آه يا بنت ال..... قسما بالله لو ليها علاقة باللي حصل لرقية ما هرحمها. الأب بيخرج من الأوضة وبصوت عالي: بت يا داليا! انت يا زفتة! داليا بتمثيل النوم: خير يا ب.... الأب بزعيق: كلمتي اختك قولتيلها إيه يا داليا! داليا بكدب: مكلمت...

الأم: كلمتي اختك قولتيلها إيه يا زفتة.. اختك في المستشفى. داليا: ده كله عشان ست رقية تعبانة! بس أنا فعلا مكلم... الأم بتمسكها من شعرها: قولتي لاختك إيه يا بنت بطني خلاها تتعب كده! انطقي قولتيلها إيه! داليا بتشفى: قولتلها اللي قولته وخلاص.. خلوني أحس إني أحسن منها في حاجة.. والاستاذ يوسف لما يلاقيها تعبانة مش عارفة تخدمه هييجي هنا يرميهالكم.. هو عايز وا.... الأب يضربها: بس بقا.. انت شيطانة!

أنا معرفتش أربيكي فعلا.. بس بقولك اهو يا داليا.. أول واحد يخبط الباب هخليكي تتجوزيه.. عشان تعرفي قيمتنا وقيمة يوسف اللي مش عاجبك ده. داليا باستفزاز: وأنا فيه عريس متقدم لي.. كان عايز ييجي من 3 شهور فاتوا بس كويس إنها جت منكم انتو. الأم بضعف: لا حول ولا قوة إلا بالله.. يلا يا حاج نلحق البت الغلبانة. ~~~~~ يوسف قاعد على الأرض ماسك إيد رقية وبيعيط: رقية.. اصحي بقا كفاية نوم لحد كده.. الباب

يخبط فيقوم يوسف للدكتورة: هيا مصحيتش لحد دلوقتي ليه يا دكتورة.. الدكتورة بعد ما كشفت عليها: اطمن يا أستاذ يوسف.. دقائق وهتفوق إن شاء الله.. أنا هسيبكم بقا عشان تكونوا على راحتكم.. وممكن تخرج النهاردة إن شاء الله. يوسف: روكا.. اصحي بقا.. أنا محتاجك أوي.. أنا مش عارف أروح أقول لمين وأحكيله عشان يطمني.. أنا صليت ودعيت ربنا إنك تقوميلي بخير. رقية بوجع: ب.. بابا.. يوسف بسرعة: رقية.. انت كويسة! أنادي الدك...

رقية بضعف: اهدى.. اهدى يا يوسف أنا كويسة. يوسف بدموع: إيه اللي حصل يا حبيبتي مالك بس! رقية: أنا آسفة يا يوسف.. أنا آسفة إني دخلت حياتك من ال... يوسف بيحضنها: اشششش.. مش عايز أسمع صوتك.. وجودك في حياتي أحلى حاجة حصلت في حياتي عايزة تحرميني من أمي تاني ليه! رقية: اتطردت من شغلي بسببي يا يوسف. يوسف بيبعد عنها ويقعد جنبها: كل حاجة هتهون لو انت معايا... بس ثواني! انت عرفتي منين؟

رقية بدموع: داليا.. داليا كلمتني وقالت كل اللي حصل في الشغل.. ليه مقلتليش من الأول يا يوسف! يوسف بيطبطب عليها: داليا قالتلك إيه! قوليلي وأنا أقولك أنا مقولتلكيش ليه. رقية بنهيدة: هحكيلك.. بس بالله ما تتعصب. فلاش باك * طبعًا يوسف نكد عليكي امبارح وعمل حوار! رقية: داليا! داليا: أيوه شاطرة.. وأنا عشان متقعديش تفكري كتير فأنا هقولك يوسف كان زهقان امبارح ليه.. عشان تعرفي إني أخت أصيلة بس. رقية: انت مل...

داليا: انت اسكتي واسمعيني للآخر.. وتكمل ببرود: يا ستي جوزك اتطرد من شغله... وده ليه يا ترى!!!

بسببي أنا.. آه يا ستي متستغربيش كده.. جوزك اتطرد عشان أنا قولت لكام حد هناك كده إنه طلقني عشان كان بيحب أختي وهيا بتحبه.. وانتوا أثبتوا ده لما اتجوزتوا فعلاً.. ف يا حرام كل الشركة بقت بتتكلم على قد إيه هو ندل ومش بيتقي ربنا في بنات الناس.. فالمدير آخر ما زهق قال يرتاح من الوش ده كله ويرفده.. وريني بقا هتتصرفوا إزاي دلوقتي.. تؤ تؤ.. بتعيطي ليه دلوقتي!

بس أحسن.. عشان سي يوسف يعرف الفرق بينا ويعرف قد إيه انت نكدية.. سلام يا... يا أختي. يوسف بعصبية: شوفتي يا رقية! شوفتي عمل... رقية بدموع: ممكن متتعصبش! أنا بخاف منك كده. يوسف بسرعة: تخافي مني أنا يا رقية! وبعدين يا رقية كنت هقولك إيه! كنت هقولك إني خسرت شغلي بسبب طليقتي اللي هي أختك! يا ستي متقلقيش.. وبالنسبة للمص... رقية بسرعة: أنا مجاش في بالي الفلوس يا يوسف. أنا خوفت أبقى عقبة في مستقبلك.

يوسف بيمسك وشها: انتي مستقبلي يا رقية.. وبعدين انت عايزة أفتح شركتي أنا.. وعايزك معايا.. هتشتغلي سكرتيرتي.. إيه رأيك! "بغمزة" رقية بدموع: أكيد موافقة.. بس أخاف تندم في الآخر. يوسف بيقعد جنبها ويضمها ليه: أنا هندم فعلاً لو ضيعتك من إيدي.. من بكرة هندور سوا على مكان للشركة ونبدأ من جديد أنا وانت ومحمد.. موافقة! رقية بحب: بكل ممنونية يا يوسف. يوسف

بتنهيدة ويضمها ليه أكتر: أنا مش عارف اللي فيه ده اسمه حب ولا لا.. بس إني أكون شايفك أمي وأختي وبنتي وكل حاجة.. ده كفاية عندي والله.."اكتفيت بك عن الناس أجمع وكلي يقين أنك ستكفيني يا ضي يا عيني" بحبك يا روكا. رقية بكسوف: مجربتش الحب قبل كده بس شكلي حبيتك يا چو. يوسف: يا قلب چو ان... * بنتي حبيب.... إحنا آسفين أوي.. يوسف بتوتر: أهلاً يا عمي.. اتفضلي يا طنط. الأب بإحراج: معلش يا ابني كنا قلقانين على رقية.

رقية: ولا يهمك يا بابا.. وبعدين اطمنوا يا جماعة أنا بخير الحمد لله. الأم: متزعليش من اخت.... رقية: ماما لو سمحتي خلاص.. مش عايزة أتكلم في الموضوع ده دلوقتي. الأب: طب يلا يا بنتي عشان هتيجي معانا على البيت. يوسف بسرعة: لا معلش يا عمي.. رقية مش هتروح غير على بيت جوزها. الأم: يا ابني رقية عايزة رعاية وكمان محمد.. هيبقى حمل تقيل عليك لوحدك. يوسف: لا معلش يا طنط.. رقية هتروح على بيتها وأنا هخدمها بنفسي. الأب: بس يا ابن...

يوسف: مع احترامي لحضرتك يا عمي بس رقية مكانها مع جوزها وابنها. رقية: معلش يا بابا.. كده هبقى مرتاحة أكتر. ~~~~~ داليا باستهزاء: خير! رجعتوا من غير المحروسة ليه! الأب: انت ملكيش دعوة بأختك وجوزها من النهاردة.. سامعة ولا لا! داليا: أحسن برضه.. المهم هتقابل العريس اللي جاي ده ولا إيه! الأب بسخرية: والاستاذ عرفتيه منين إن شاء الله! داليا: أحمد أخو نور صاحبتي. الأم: نووور!

قولتيلي اهو دول اللي حلال فيكي.. انتي موافقة عليه يعني! داليا: آه.. ومتنسوش إني ممكن أجوز نفسي عادي بس اهو عشان كلام الناس يعني. الأب: كتر خيرك.. خليه ييجي الخميس الجاي ومعاه المأذون عشان أخلص منك.. عشان متخليش سيرتنا على كل لسان. ~~~~~ رقية: يا يوسف خليني أقوم أشوف محمد. يوسف بزعل: هو كله محمد محمد! ما هو واكل ونايم.. فكري فيا أنا بقا شوية. رقية: يا ابني أفكر فيك إيه!

انت لازق فيا من ساعة ما رجعنا.. وأكلتني وكلت معايا.. بس محمد اللي لسة صغير. يوسف: طب ما تعتبريني محمد وتنيميني في حضنك النهاردة! هبقى مؤدب والله. رقية: اتلم وقوم هات محمد جنبي هنا. يوسف: وأنا كمان يا ماما وأنا كمان. رقية بضحك: وانت كمان يا آخرة صبري.. روح هات الواد يلاا. ~~~~~ داليا بغل: وعزة جلال الله ما هخليك تتهني في حياتك يا يوسف.. لا انت ولا رقية..

وتكمل بخبث: خليني أعرف بقا أحمد هيتعامل إزاي مع طليق مراته وهينتقملي منه إزاي.