رواية طوق الحب الفصل التاسع 9 - بقلم هدير عبد العليم

سيف بحزن: للأسف آه. اترفضت من شركتي. رغد بعصبية: إللي هو إزاي؟! سيف بحزن: زي ما أنتِ اترفضتي بالظبط يا رغد. رغد بصوت عالٍ: بس أنا اترفضت ظلم وعلشان ده مش مكاني ولا شركتي. سيف بكل أسف: هو نفس الظلم إللي أنا اترفضت بيه. رغد بعصبية: يا بني أنت عبيط، بس ده مكانك وشركتك؟! سيف بعصبية: كأن يا رغد، افهمي بقا. رغد: ..

سيف بحزن: عارفه أمتي الناس هتقدر تيجي علينا وتظلمنا لما نتنازل علشان بنحبهم. الحكاية بدأت لما نزلت أشتغل ليل نهار علشان الشركة تكبر. الشركة دي لما وقعت كنت أنا أول حد بيحاول إنها تنجح مش علشان سليم، كنت بعمل كله ده علشان العيلة. وأهو الشركة لما كبرت اتخلت عني. رغد: بس أنت ليك جزء كبير فيها؟

سيف بابتسامة حزينة: حتى دي كمان طلعت عبيط فيها. لما كانت الشركة هتقع كأن لازم شخص واحد يكون مسؤول عنها علشان الضرائب وكده. ف أنا اتنازلت عن كل حاجة لسليم. رغد بعصبية: أنت عبيط؟! دا لو عبيط مش هيعمل إللي أنت عملته ده. سيف: ... رغد: أنا آسفة بس بجد زعلانة عليك أوي. سيف: زعلانة عليا ولا إنك خلاص هتتجوزي واحد فقير؟ رغد بدموع: أنت شايف كده؟

أنا مش كده ومستحيل أكون كده. عموماً أنا ماشية. لما تعرف مين رغد إللي كنت ديما بتقول إنك شبهها وزيك ممكن تبقا تيجي بيتنا إللي مفتوح ليك في أي وقت يا بشمهندس. سيف بدهشة وحزن: أنتِ ماشية؟ استني كلميني. أحمد: فيه إيه صوتكم عالي كده ليه؟ رغد بدموع: يلا يا أحمد. أحمد: فيه إيه عايز أفهم؟ رغد بعصبية ودموع: بقولك يلا نمشي من هنا. أحمد: إيه إللي حصل؟ رغد بدموع: مفيش. أحمد: واضح جداً أنه مفيش. رغد: .. أحمد: سيف زعلك؟ رغد: ..

أحمد: أي اتنين مخطوبين بيحصل بينهم مشاكل عادي. عندك أنا وسلمى ناقر ونقير من يوم الخطوبة بس مليش غيرها. رغد: الموضوع أكبر من كده. أحمد: .. رغد: أنا مش هكمل مع سيف. أحمد بصدمة: أنتِ بتقولي إيه؟ أنتِ عبيطة!!!؟ رغد: أبقى عبيطة لو كملت مع حد مش فاهمني. أحمد: إزاي؟ رغد بدموع: مش قادرة أتكلم يا أحمد. أحمد حضنها: مش لازم تتكلمي بس عايز أقولك إنك جميلة أوي.. حتى وانتِ بتعيطي عيونك حلوة. رغد بابتسامة: بتكسف.. على جنب يا أسطى.

أحمد: لا كمل يا أسطى. رغد: بيتنا أهو. أحمد: يلا نروح نشرب قهوة مع بعض. رغد: مش قادرة. أحمد: كمل يا أسطى. كافيه لؤلؤة. أحمد بابتسامة: إيه رأيك في القهوة؟ رغد: جميلة. أحمد: عارفة الناس إللي بوش واحد دي جميلة أوي زي القهوة بالظبط. رغد بابتسامة: إيه علاقة القهوة بالناس؟ أحمد: سيف خطيبك. رغد: ماله!!؟؟؟

أحمد: هو زي القهوة بالظبط لما زعل قالك.. حسيت من كلامه وأنا بعيد أنه مش عارف يعبر عن حاجات كتير جوه. كل إللي كنت حاسه في عينيه لما جيتي تمشي أنه بيقولك متسبنيش وأنا كده.. استنى خليكِ جنبي أنا محتاجكِ بس أنتِ مشيتي يا رغد. رغد بدموع: مشيت علشان كأن لازم أمشي يا أحمد.

أحمد: لا مكنش لازم تمشي.. غير لما يكون كويس. لما بنحس إن حد شبهنا بنتكلم قدامه بكل حاجة في قلبنا مش بنخاف أنه يزعل.. لأننا بنكون عارفين أنه هيفهمنا حتى وإحنا ساكتين.. فاهمه. رغد: بابا بيتصل؟ أحمد: ليه؟ رغد: مش عارفة استني هرد. بابا: أنتِ فين؟ رغد: أنا مع أحمد أهو. بابا: ممكن تجيلي دلوقتي حالا. رغد: أنتوا كويسين؟ بابا: الحمد لله. رغد: طب فيه إيه؟ بابا: لما تيجي هتعرفي. أحمد: بابا عايز إيه؟

رغد: مصمم إننا نرجع دلوقتي.. ممكن يكون شايف إننا اتأخرنا.. ما أنت عارف بابا بيقلق علينا. أحمد: يلا ونكمل كلامنا في البيت. رغد: يلا. رغد: إيه إللي جابك هنا؟ سيف بابتسامة: هو ده إللي بيتك مفتوح ليا في أي وقت؟ رغد بابتسامة: مقصدش، بس أنت جيت بسرعة أوي. سيف: مقدرتش على البعد. رغد بابتسامة: لا لسه البعد هييجي متقلقش. سيف: بس أنا مقدرش على البعد. رغد بكسوف: احمم. سيف: ساكتة ليه؟ رغد: هقول إيه؟

سيف: أنا إللي هقول.. هقول إنك مينفعش تزعلي مني علشان إحنا لبعض. بابا: بصراحة ملكيش حق تزعلي يا رغد. رغد رفعت حاجبي: أنت أبويا ولا أبوه؟ بابا بضحك: أنا مع الحق.. يعني سيف لو مش غني كنتِ هترفضيه؟ رغد بدهشة: مين قال كده؟ أنا زعلت من كلامه ليا إللي هو يا بني أنا مش فارق معايا أنت ابن مين أنا فارق معايا أنت، فارق معايا سيف وبس.. فارق معايا إنك تحترمني. سيف: يعني موافقة ب سيف الفقير؟

رغد بضحك: لا مش موافقة.. لما تبقى صاحب شركة.. يا عم أنا هتجوزك أنت مش هتجوز فلوسك. بابا: يا بني أنت لما جيت اتقدمت أنا قولت لأمي إحنا بنشتري راجل. سيف: وبنتك دي هشيلها في عيني علشان كلامك ده يا عمي. بابا: إحنا موافقين إن رغد تتجوز في شقة بالإيجار والفرح بعد سنة. سيف: بجد مش عارف أقولكم إيه؟ بابا: ولا أي حاجة إحنا بنعمل الواجب يا ابني. ربنا يكمل فرحتكم على خير. سيف: ممكن بقا نخرج أنا ورغد؟

أحمد بضحك: وأنا جاي معاكم برضو. سيف: يابني منك.. تعالى يا عم. في بيت سيف: ماما: فيه إيه؟ مبسوطة كده ليه؟ كنت فين؟ سيف: كنت عند رغد. ماما بضحك: إيوه بقا.. لازم تيجي وشك منور. سيف بضحك: ماما بتكسف. ماما: هتعملوا إيه؟ سيف: الفرح بعد سنة. ماما: ربنا يكملك على خير.. ويرزقك وتشتغل في شركة كبيرة. سيف: يا رب يا ماما. بعد ١٠ شهور: سليم: ألف مبروك يا بشمهندس. سيف: تعرف تسكت. سليم: سمعت إنك كتب الكتاب النهارده. سيف: آه.

سليم: طب مبروك. سيف: الله يبارك فيك يا سيدي. سليم: ليك عندي مفاجأة. سيف بصدمة: إيه!!!! سليم: ..