رواية تتمة الفصل السابع 7 - بقلم ايمان

رسيل: فتاة في الـ 22 من عمرها، تتميز بطيبة قلبها، جميلة جدًا، مطلقة.. لسبب سنعرفه مع الأحداث. رسيل ملهاش حد غير أخوها، وقاسٍ عليها أوي، وجوزها أسامة صاحبه بعد ما أخد منه 200 ألف جنيه. بصت رسيل للباب بشرود وقالت: مستحيل يا عدي، مستحيل مش هكرر الغلط مرتين. *** في صباح يوم جديد. صحي قاسم من النوم، وكالعادة عمل رياضة ولبس هدوم بيت ونزل. لكن حس بحركة في البيت وفرح جدًا، لأن البيت بقى فيه روح.

سمع صوت تكسير في المطبخ، دخل وهو خايف إن عشق يكون حصلها حاجة. قاسم: انتي كويسة؟ ههه.. انتي عاملة كدا ليه؟ عشق وهي تتوسطه: عاملة إيه يا قاسم بيه؟ كان المشهد كدا: كانت عشق لابسة دريس بيت وفوقه الطرحة، وكان معاها برطمان نوتيلا بس وقع اتكسر، وكان وشها كله عليه شوكولاتة، كان عايزة تتاكل. قاسم: لا لا مفيش، هو انتي جبتي الشوكولاتة دي منين؟ عشق بغباء: من فلوسي. قاسم: ههه لا مقصدش، أقصد جبتيها منين إمتى يعني؟

عشق: ههه لا دي أنا جايباها في شنطتي، دي العشق.. على اسمي. قاسم: ماشي يا عشق. عشق: ثواني هتلاقي الفطار جاهز، بس لما ألم الإزاز دا عشان محدش يتعور. قاسم: لا حاسبي أنا هلمه. عشق وهي بتقعد على ركبتها: لا يا جدع والله أبداً، أنا اللي هلمه، وطريقتنا بقى. قاسم بصدمة: طريقتكوا؟ طيب يا عشق. ومشي، وهي بتلم الإزاز، إزازة دخلت في إيدها، فصرخت، فقاسم اتخض. قاسم: ينهار أسود، في إيه تاني؟ لكنه راح بسرعة المطبخ عشان فيها نيلة.

قاسم: يا بنتي إيه دا؟ كل دا دم، اكتميه بسرعة. بعدين قاسم راح وجاب علبة الإسعافات، وبعدين شالها وقعدها على رخامة المطبخ. وطلع علبة الإسعافات وكتم الجرح وقعد ينفخ فيه. قاسم: هوووف، لسه بيوجعك؟ قولتيلي من الأول هلمه مرضتيش. تعالي.. هووبا. عشق بإحراج: احم.. انت يا أستاذ.. مينفعش تشيلني كدا.. و.. قاسم: افصلي بقا.. لوكلوك لوك لوك.. بلعة راديو. عشق بدموع: متزعقش. قعدها قاسم على الكرسي وقال: هو انتي أي حاجة كدا بتعيطي عليها؟

خلاص بقا. عشق بتمسح دموعها بضهر إيديها زي الأطفال: طيب. قاسم وهو قايم يطلع: بصي أنا هطلع فوق ألبس وأروح الشركة، وهنادي لحد يعمل المطبخ. أكمل بتحذير: اياكي تروحي هناك. عشق: هو أنا ممكن أجي معاك الشركة؟ وأكملت بحزن: ولا مش ممكن؟ قاسم بابتسامة: هطلع ألبس، لو ملقتكيش جاهزة همشي وأسيبك. عشق بصحك وهي بتجري: لا أنا هلبس قبلك. قاسم وهو بيطلع: مجنونة. دخلت عشق الأوضة وطلعت كل الهدوم، وهي بتقول بحيرة: ألبس إيه؟ ألبس إيه؟

ألبس دول؟ لا.. خلاص هلبس دي.. لا برضو وحشين.. خلاص هلبس دول. *** بعد مرور ربع ساعة. نزل قاسم من فوق بطلته الرجولية اللي بتخطف الأنفاس. قاسم بصوت عالي: عشق يا الله. عشق بصوت عالي عشان يسمعها: خمس دقايق بس يا قاسم بيه وجاية. قاسم: خمس دقايق بس. عشق: أو أقل كمان. قاسم: ماشي. خرج قاسم برا الفيلا وراح عند الجراج وطلب من محمد البواب إنه يجيب حد ينضف المطبخ. وراح قاسم عند الجراج وجاب عربية BMW.

قاسم: لما نشوف الخمس دقايق بتوع ست عشق. بعد مرور ساعة إلا خمس دقايق. خرجت عشق وراحت عند العربية. قاسم: هو دا الخمس دقايق ياهانم؟ عشق: قلبك أبيض يا كبير. قاسم: كبير.. اركبي يا عشق، اركبي يا حبيبتي. دق قلبها من كلمة حبيبتي وركبت بجانبه، وساق هو بنفسه ورايح الشركة.