رواية تيمو الفصل السابع والعشرون 27 - بقلم ولاء فتحي

ايه الكلام ده وبعدين هنعمل ايه، دي كارثة. ملك: والله يا ميسون مخي وقف ومش قادرة أفكر، قولت أتكلم معاكي، انتي تعرفي أخوكي أكتر مني. ميسون: علشان أنا أعرفه بقولك دي كارثة. دا فضل مخاصم ماما 4 سنين علشان المنوم. ملك: منوم إيه و4 سنين، يالهوي دا قلبه حجر. ميسون: لأ بالعكس، تميم دا أطيب وأرق إنسان في الكون، وأحن وأعظم وأجمل، بصي هو خلطة متتكررش كتير. ملك: لو مكنش أخوكي كنت قولت إنك هتخطفيه.

ميسون: هو أخويا وأبويا. بصي، إحنا بابا كان راجل سياسي من الدرجة الأولى وأكثر، بس كان قلبه جامد وقاسي ومخه ناشف. لولا بيلا علشان عارفة ابنها هي اللي كانت بتاخدنا في حضنها. بس بابا من وتميم 6 سنين كان بياخده معاه في كل مكان، علشان كدا طلع زي بابا في كل حاجة، بس مطلعش قاسي. ملك: طيب سيبك دلوقتي يا ميسو، إحنا هنسكت.

ميسون: مش قادرة أفكر، دا أنا معرفش إلا من نظراته يوم قراية فاتحتك إنتي وشريف أخويا، رجع تاني بعد 4 سنين جمود. بس هو مخه صعيدي على تركي. ملك: ملوش مدخل. ميسون: للأسف لأ. سعاد: شكلكم بتخططوا لمصيبة، خلوا بالكم باسل وشريف غلابة أوي، ولو اتفقتوا عليهم أنا... ميسون: إنتي إيه يا سوسو يا حبيبتي، وترمت في حضنها كالقطة. سعاد: هتفق معاكم طبعًا، إنتي عندك... شكمالك: ربنا يخليكي لينا يا طنط. على جانب آخر، جلست ليلي وشيما وبيلا.

شيما: إزيك يا ليلي، وحشاني يا حبيبتي. ليلي: الحمد لله يا طنط. شيما: طنط إيه يا ليلي، قوليلي نانو زي العيال، إنتي ذيك ذيهم. ليلي: حاضر يا نانو. شيما: اسمعي يا ليلي، أنا عاوزة آخد رأيك في موضوع وعاوزاكي توافقي ومتكسفنيش. إنتي معزتك من معزة تميم وميسون. (نفتكر كدا شيما أم سعاد، جدة تميم وميسون، وأخت بيلا) ليلي: يا خبر يا نانو، أنا أقدر.

شيما: إنتي عارفة إني خلاص هنزل أستقر في مصر وتعبت وكبرت وعايشة لوحدي في الفيلا. عاوزاكي تجيبي نسمة وتيجي يا بنتي تعيشي معايا، إنتي مبقاش ليكي قعدة لوحدك إنتي وبنتك بعد وفاة باباكي، وأنا لوحدي ناخد حس بعض. ليلي: بس يا طنط، أصل...

شيما: يا بنتي أنا خايفة أموت ومحدش يحس بيا، وكمان نسمة وجوده معايا هيحسسني إني عايشة. إنتي شايفة أنا كبرت، وكمان سعاد مشغولة مع ميسون وتميم، وأختها مسافرة في شغلها، إنتي عارفة إنها دكتورة. وبيلا جوزها رجع من سفرية العلاج وهتنشغل معاه. وإحنا يا بنتي محتاجاكي جنبي نتكلم سوا ونقعد، بقي أعلمك تعملي مفارش ونتسلى سوا. ليلي: هفكر يا طنط.

بيلا: تفكري في إيه يا ليلي، إنتي يا بنتي صغيرة وحلوة، وكمان الأولاد كانوا رايحين جايين عليكي علشان باباكي معاكي، دلوقتي مش هيعرفوا. وإنتي أمانة من مهاب وباباكي موصي تميم عليكي. مفيهاش قولان، اعملي حسابك تاخدي ميسون معاكي و2 شغالين يلموا حاجاتكم إنتي ونسمة، الصبح العربية هتروح تاخدها. معندناش بنات تعيش لوحدها، وإنتي بنتنا يا ليلي. ليلي: ربنا يخليكم ليا، وأنا فعلاً بحس إنكم أهلي، ربنا عالم بحبكم إزاي.

شيما: دا أنا اللي بحبك يا بنتي، ربنا يسعدك ويكرمك في بنتك. ألا إحنا مش هناكل يا بيلا، ولا إنتي جاية تعزمينا. بيلا: لأ إزاي، وبصوت عالي: يا ميسون، خدي ليلي وملك ويلا ادخلوا حطوا الأكل. ميسون: حاضر يا بيلا، يلا ملوكة، يلا يا ليلي. .................................... باسل: الو، أيوه يا شريف. شريف: مش مطمن يا ابني لحزب الستات دا. باسل: طيب قول أزيك يا باسل الأول. شريف: أزيك يا باسل، ثم إننا كنا مع بعض الصبح.

باسل: أصلك جديد في الموضوع، وصدقني ابقي قابلني لو عرفت إيه حصل الاجتماع دا بالتحديد. سر حربي، فاتعود بي، وأهلاً بمراتك في حزب ستات العيلة. شريف: طيب دا حاجة حلوة ولا وحشة. باسل: أنا بس بنصحك، قبل اليوم الشهري دا، أوعي تزعل ملك، أحسن هتكون إنت محور الاجتماع. شريف: ربنا يستر، كدا حوارتي هتكتر. باسل: الحق بقي نفسك أحسن لك. شريف: عرفت آخر المصايب. باسل: لأ، بس أكيد إنت مكلمني تعرفني. شريف: مش تميم عاوز يخطب ليلي.

باسل: طيب ممتاز، مبروك. بس أنا كنت فاكر إنها هتكون مايا، دا بتخاف عليه أوي وشكلها بتحبه. شريف: لأ مش ممتاز ولا مبروك يا ابني. مايا بتحبه جدًا وهو بيحبها. باسل: لما كدا، هو هيتجوز ليلي علشان بيحب مايا. شريف: بص يا باسل، مش إنت أكبر مني، بس مش حاسس بكدا خالص. عاوز يتجوز ليلي علشان نسمة. باسل: مالها نسمة، يعني ماهي بخير أهي، ومايا. شريف: إنت فين يا باسل. باسل: أنا بجهز لعملية وبفحص أشعة مريض.

شريف: علشان كدا مش مركز معايا في الكلام. خلينا نتكلم لما تفضي. باسل: طيب تمام، وفكرني أقولك على سيد. شريف: ماله سيد. باسل: عاوزين نخطب له رولا. شريف: إيه رولا! مهقول. باسل: لما أشوفك بقي، علشان كدا المريض هيروح مني في داهية، خليني أركز. شريف: سلام. ........................................ بعد يومين. في التليفون. تميم: اتصلي بمديرين الفروع، إن في اجتماع كونفرانس معايا الساعة 1.

السكرتيرة: تمام، وبالنسبة لمشروع القرية دا يا فندم، حضرتك قولت هتشوفه بنفسك. تميم: أي حاجة تخص شركة النوبي أنا هشوفها بنفسي. السكرتيرة: تمام يا فندم، وأبلغ مستر شريف بالاجتماع. تميم: لأ، أنا هبلغه. بلغي رولا كمان تحضر الاجتماع. السكرتيرة: تمام يا فندم. يدخل شريف المكتب وهي بتقفل. شريف: في إيه جديد. السكرتيرة: مستر تميم عامل اجتماع الساعة 1، وهو هيبلغ حضرتك. شريف: طيب هاتي ورق القرية دي.

السكرتيرة: مستر تميم أدي أوامر إنه هيخلصه بنفسه. شريف: طيب شوفي تميم قالك على إيه، وأنا في مكتبي. نص ساعة وابعتي خدي ورق المناقصة، ارفعيهاله على الميل. السكرتيرة: تمام يا فندم. مدير مصنع الحديد سأل عليك 3 مرات. شريف: لما تاخدي الملف اطلبيه وحوليهولي، ومتنسيش تبعتيلي قهوتي. ........................... تميم: الو، أيوه يا شريف، في اجتماع الساعة 1 في قاعة الكونفرانس، عاوز أقولكم آخر بنود العقود.

شريف: تمام، وإنت أخدت ليه شغل النوبي يا تميم. تميم: هخلصه بنفسي. شريف: ودا إحساس بالذنب ولا مكافأة نهاية حب. تميم: بطل أسلوبك دا يا شريف، كل الحكاية وأنا هنا، جاتلي فكرة ونزلت شوفت كذا حاجة، وعاوز أعمل حاجة مختلفة، متنساش إنه هيضيف لشغلنا. شريف: بطل تضحك على نفسك. تميم: عملت إيه في موضوع ليلي. شريف: كنت مشغول لأنها نقلت حاجاتها هي ونسمة، وهيعيشوا مع جدتك. تميم: مع بيلا، معقول.

شريف: لأ، مع نانو شيما، مهي خلاص استقرت في مصر ومش هتسافر تاني. تميم: ودا اقتراح مين بقي. شريف: أنا معنديش فكرة، إنت عارف الاجتماع الشهري لستات العيلة، ملك أول مرة تحضره، فـ عرفت منها بالصدفة. تميم: طيب كويس كدا، ممكن لما أنزل أجهز الشقة براحتي، طالما مع شيما. شريف: إنت كلمت ليلي يا تميم، وهي أفكارك ورتبت عليها كل حاجة بدون ما تسألها. تميم: وإيه لازمته السؤال دا، أنا وهي مصلحتنا واحدة، وهي نسمة.

شريف: طيب. هترجع إمتى. تميم: كمان 3 أيام إن شاء الله، بعتلك تفاصيل الاجتماع، ابعتلي المناقصة ضروري. شريف: نص ساعة وهتكون عندك. تميم: برافو عليك يا شريف. شريف: تلميذك يا أستاذ، معرفش لما أطلع شهرين تلاته عسل هتعمل إيه. تميم: شهرين تلاته عسل دا كدا إنت بتحلم وخيالك واسع. هما أسبوع واحد. شريف: لأ دا كدا أوفر بقي. تميم: خلاص متعيطش، أسبوعين، ولا تزعل، اقفل بقي وشوف شغلك أحسن. أنزلك من يوم الصباحية.

شريف: مفتري وتعملها يا تميم. سلام. ................................... ميسون: الموضوع دا عاوز اجتماع طارئ يا بيلا. بيلا: إنتي عرفتي الموضوع دا منين. ميسون: ملك حكت لي، مهي صاحبتها. بيلا: علشان كدا بقي. ميسون: شكلك عارفة كل حاجة، هو تميم حكالك. بيلا: لأ، شريف قالي، بس تفتكري حد بيقدر على أخوكي. ميسون: الله معقول، إحنا الـ 7 مش هنقدر عليه. بيلا: 7 مين دول. ميسون: إنتي وشيما وسوسو وأنا وملك وشريف وباسل.

بيلا: دا العصابة كلها بقي. ميسون: طبعًا. بصي بقي أنا رأيي... بيلا: يالهوي، إنتي اتجننتي. ميسون: لا أبدًا، صدقيني نعمل اجتماع بس وندرس الموضوع. بيلا: خلاص بكره على العشا، بس ليلي قاعدة عند شيما، هنقولها إيه. ميسون: أنا عندي فكرة، إحنا نودي رامي يلعب مع نسمة، ونتصل بـ شيما إنك تعبانة، فـ ليلي مش هتقدر تسيب نسمة ورامي. بيلا: تعرفي يا بت يا ميسون، إنتي مصيبة. ميسون: شكرًا على المجاملة دي، تلميذك يا باشا.

بيلا: يعني أنا مصيبة يا بت. ميسون: أنا قولت كدا، دا إنتي كارثة يا بيلا، لما تحطي حد في دماغك يبقي خلاص. بيلا: الواد دا طالع شبه أبوه، ودا اللي مجنني، كتووم أوي، محدش يعرف أبوكم، ادي الله يرحمه. ميسون: الله يرحمه يا حبيبتي. .................................... مايا: إنتي فين يا ملك، بقالك فترة مشغولة. ملك: إنتي عارفة، كنت بتعرف على أهل شريف. مايا: وإيه الأخبار.

ملك: عيلة زي السكر يا مايا، من أول جداتهم لميسون أخت تميم، بجد متعرفيش الناس دي جميلة إزاي، ولا طنط سعاد مامة تميم. ما تيجي معايا المرة الجاية. مايا: أنا وأيجي بصفتي إيه، لا، أتكسف. ملك: ما ليلي بتروح، هما أي ست تروح تبقي من العيلة. مايا: ليلي مين. ملك: مامة نسمة، البنت اللي... مايا: آه، افتكرت. ملك: مايا، مالك، في حاجة. مايا: لا خالص، ضغط شغل. ملك: طيب، متقلقنيش عليكي، لو تعبانة نروح لدكتور.

مايا: أنا كويسة، إنتي عارفة بقي أغلب شغلك أنا بعمله، علشان عندنا عروسة. ملك: حبيبتي، هما شهرين تلاته وهفضي لك. مايا: قصدك مش هتلاقي وقت ليا. ملك: لأ، أنا قايلة له مش هسيب ميوي خالص. مايا: لأ، غلطانة، إنتي تشوفي الأنسب ليكم، واعمليه، المهم سعادتك يا قلبي. ملك تنظر لها وتسرح، مما جعل مايا تشعر بالقلق. ويقطع حديثهم تليفون ميسون. ملك: مايا، أنا هروح أرد على ميسون وأشوف شغلي. مايا: أوك، تمام.

........................................ ملك: ميسو حبيبتي، إزيك. ميسون: بقولك إيه، بكرة بليل في اجتماع محارب. ملك: ودا بقي نعمل فيه إيه. ميسون: هتعرفي لما تيجي. ملك: كنت عاوزة أجيب مايا تتعرف عليكم، دا بقي بيكون في أنه اجتماع. ميسون: دي نعملها مقابلة مخصوص يا قلبي. بيلا بترتب واحنا ننفذ. فكرة شريف معانا في الاجتماع، أحيانًا بنحن عليهم وبنرضى بوجودهم معانا. ملك: بتضحك، طيب في جدول أعمال.

ميسون: لأ يا ملوكة، متنسيش، تيجي دماغك مرتاحة وشغالة. ملك: متخافيش، دا أنا ملك السعداوي اللي مبعرفش أخسر تعاقد. ميسون: أهلًا بيكي في العصابة بتاعتنا. ................................... رائف بالتليفون. رائف: يا بابا، ياريت تتصرف وتقف جنب خالي وتخرجه من السجن، وأنا هقنعه إنه يسافر. الأب: لأ يا حبيبي، السجن أضمن إنه يبعد عنك، أنا مبسوط بالتغيير اللي حصل لك، ولو كنت أقدر كنت حبسته بنفسي من زمان.

رائف: متنساش إنه خالي برضه، وأمي هتتجنن. الأب: تخيل يا رائف، إني لو اتدخلت شغلي هيتمسح. تفتكر أضحي بشغلي علشان أمك اللي خدتك وبعدت بيك، وأخوها السبب في ضياعك. ومش بس كدا، قررت بعدها مخلفش، علشان مشوفش المر ده تاني. تفتكر الاتنين دول يستاهلوا. أنصحك يا ابني تفوق لنفسك، وخالك يستاهل أكتر من كدا كمان. رائف: أنا برضه الطرف الضايع بينكم، ياريتك أخدت قرار عدم الخلفة دا من بدري، من قبل ما أمي تجيبني وأبقى لعبة في إيديكم.

الأب: صدقني، محدش بيختار أهله وقدره، بس ممكن تختار تمشي صح أو غلط. رائف: سلام يا بابا، وأنا هغير رقمي، ومتحاولوش تعرفوه. ....................................... بيلا: ها، كل واحد فيكم عرف دوره، مش عاوزة أي لخبطة. وإنتي يا ملك تجيبي مايا معاكي بكره، عاوزها. شريف: إنت أقرب حد لـ تميم، عرفت هتعمل إيه. باسل: عرفت دورك. باسل: والله أنا معرفش إيه دخلني، طب ما كتم تدخلوني كلية الشرطة، كنت طلعت ظابط.

ميسون: الله، وكنت أقعد أنا على أعصابي بقي إن شاء الله، وكل يوم تجيلي مضروب بالنار. باسل: كل يوم مضروب بالنار إزاي يعني يا بنتي، هو أنا بلاستيك. إنتي لسه بتقري روايات، اللي يضرب بالنار ويطلع تاني يوم جبال وينط في النيل ويجري. ميسون: آه، آخر رواية البطل نزل بينزف النيل وأنقذ البطلة. باسل: يا سلام يا بنتي، أنا رصاصة واحدة كنت ضيعت منك. ميسون: بعد الشر عليك يا باسولتي. باسل: خايفة عليا يا ميسو.

والجميع ينظر لهذا الثنائي وهم مكملين حديث. سعاد: ما تتلموا إنتو الاتنين، دا وقتك. شيما: هو جوزك مجوّزش العيال دي لغاية دلوقتي ليه، بدل النحنحة والتلزيق، يا نبيلة. بيلا: قال شهرين يا أختي، ويتجوزوا، ربنا يصبرنا عليهم. شريف: ما تيجي نتنحنح زيهم يا ملك. ملك: تنظر لهم بكسوف مما يحدث، وهي تقول: شريف، احترم نفسك. سعاد: يا بنتي، لو فضلت تتكسفي كدا ووشك يحمر وسط العالم دي، هتتاكلي. ربنا يصبرنا عليهم.

شريف: لأ، متعرفوهاش، دي لسانها... ملك بحده: ماله لساني إن شاء الله. شريف: بينقط سكر. أنا اتكلمت. سعاد: أيوه كدا، ناس تخاف متختشيش. سيبتوا المهم وشغالين في أمور تانية. شريف: لأ يا خالتي، إحنا جاهزين، يلا بينا. بيلا: يلا، بيكم رايح فين. شريف: على السفرة يا بيلا، جعان. شيما: يا عيني عليكي يا بنتي، خدتيه مفجوع، أكله كويس بدل ما ياكل دراعك ولا حاجة. ملك: حاضر يا نانو، أنا مطمئنة إنه ميقدرش يقرب مني علشان في حمايتكم.

باسل: شوفت، اتعلم عليك، ابقي شوف بقي هتناقر وتستفز فيها تاني إزاي، دلوقتي اجتماع انهارده، وقتها هيكون عليك. شريف: اخرج إنت منها يا جزار إنت. باسل: جراحة يا جاهل، أعمل إيه، ما إنت بتاع طوب ورمل. شريف: طيب بعد الأكل تقعد تحكيلي بقي موضوع سيد ورولا. باسل: لأ، أنا النهارده خارج مع ميسو، مش فاضيك. ........................... تبكي بانهيار: إيه، إزاي كدا! أنا بقي اللي مش عاوزاه خلاص، ولو عمل إيه، انسوا إني أقبله أصلًا.

وفجأة.