رواية تيمو الفصل السابع والثلاثون 37 - بقلم ولاء فتحي

في اليوم التالي "يعني إيه اختفي؟ انت بتهزر؟ دي هيضيع فيها رقاب! "والله يا دكتور كان في الجنينة تحت وفجأة ملقناهوش." "أقول إيه أنا يعني؟ مريض اكتئاب حاد وبيحاول ينتحر اختفى؟ انتو كلكم هتروحوا في داهية، دا تبع الأونر نفسهم." "احنا بنعمل اللي علينا يا دكتور وبندور." في مكان ما يجلس كارم يرتدي بدلته الرسمية وينتظر أن تأتي تلك الصغيرة ليرسمها كما وعدها. وتأتي ليلي ومعها نسمة، ونسمة سعيدة جداً جداً بأنها ستتعلم الرسم.

.............. في الموعد المحدد يذهب تيمو إلى منزل علاء ليطلب إيد مايا، مصطحباً معه أسرته، وهو في أبهى صوره. وتأتي مايا ترتدي فستاناً بسيطاً ولكنه جميل جداً. ويطلب يد تلك الجميلة، وبعد قراءة الفاتحة تجلس الأسرة في جو من المرح. أخيراً تيمو فك حصار قلبه. وهنا يلاحظ تميم نظرات خفية بين والدته وسعاد، ولكنه لا تعليق. "برضه انت محكتش إيه حصل يا تميم؟ "دا وقته برضه يا مايا."

"اللي حابب أقوله البركة في عمي، هو ساعدنا كتير وقريب أوي هتشوفي في الأخبار إيه حصل." "الله! قصة بوليسية! أموت في السسبنس." "بس كدا! أنا كل يوم هخطفك وأعيشك أحلى سسبنس." "بجد يا بسولتي؟ "بجد يا عيون باسولتي." "يا دي النيلة! ما بيصدقوا تسبيل وتلزيق." "أهو تميم رجع أهو! نحدد معاد الفرح ونلمهم في بيت بقي بدل الفضايح دي." "وأنا يا جماعة نفسي أتلم بقي ولا إيه يا ملك؟ "يالهوي! هو انت مش ملموم يا شريف؟ "ملموم على شلة صيع!

عايز أتوب منهم وأتلم أنا وانتي." يضحك الجميع. وهناك نظرات عشق في جانب آخر دون أي إفصاح أو حديث، ولكنه حديث متواصل في صمت يفضي كل منهم للآخر عن سعادته وإحساسه بالآخر. "طيب احنا بقي عاوزة أقول إنك هتنوري الفيلا عندنا يا مايا، ولو عاوزة فيلا خاصة بيكي احنا مفيش مشكلة خالص، بس كدا كدا ميسون هتتجوز والفيلا هتكون فاضية." "والله يا طنط أنا مشغولة على بابي، إزاي هيكون لوحده؟

"لأ، متقلقيش عليا، المهم سعادتك يا حبيبة وقلب بابي." "لأ، أنا كدا أغير بقي من حضرتك." "تغيير مني أنا الراجل العجوز على قمري دي؟ "لأ طبعاً يا بابي، انت قمر ودمك خفيف وأحلى بابي في العالم." "احنا تحت أمركم بقي بخصوص أي تعديلات مايا عاوزاها، ومن بكرة فيه مهندسين ديكور هيكونوا معاكي لأي تعديل انتي حباه." "والله الحاجات دي بقي تخصهم ولا إيه يا جماعة؟ "خلاص الخميس كتب الكتاب ولا إيه يا مايا؟ "مايا كدا بابي يشوفه."

"خلاص اتفقنا، بس تكون حفلة بسيطة ولا إيه يا تميم؟ "لأ يا عمي، أنا هعمل حفلة كبيرة جداً بالمناسبة دي وبمناسبة الشراكة اللي هتكون بينا طبعاً، وكمان لو حضرتك قلقان من العصابة خلاص 24 ساعة وكل حاجة هتنتهي. اللي ساعدنا هنقف جنبه، واللي حاول يضرنا هنمسحه من الدنيا." "متشغلش بالك انت بالموضوع دا، انت جهز للحفلة وسيب الباقي عليا. دلوقتي اعتبرني والدك ولا إيه يا جماعة؟ "يشرفني طبعاً." ..............

"استاذ كارم، كدا بقي تقدر ترجع المستشفى، أنا بلغت دكتور باسل إنك معانا علشان الأمن ما يتعاقب." "أنا بقيت كويس صدقيني، نسمة نستني الدنيا وطلعتني من حالة الحزن دي." "الله يكون في عونك." "انتوا ساعدتوني بجد كتير، وعاوز أقولك تقبلي تكملي معايا حياتك." "إيه؟ أنا مفكرتش بعد المرحوم أبداً في أي ارتباط."

"ليلي، مش هقول أنا بحبك، هكون بخدعك، وعارف إن صعب تتقبلي الفكرة حالياً، بس أرجوكي فكري. نسمة محتاجة أب، وانتي محتاجة سند، وأنا محتاج أسرة نقدر نكمل بعض. كل واحد فينا محتاج التاني." "دي بقت صفقة مش جواز."

"احنا احتياجنا معنوي، مفيش صفقة، بالعكس أنا شايف إننا هنكون أسرة ناجحة، بس قبل أي حاجة عاوز أقولك إني فعلاً مشدود ليكي وبهدوئك وطريقتك جدعة محترمة واضحة متدينة، يعني ست يحلم بيها أي شاب. ولو معترضة عليا أنا هنسحب فوراً." "حضرتك إنسان محترم وكويس، ونسمة حبتك، بس أنا الموضوع كله مكنتش بفكر فيه، كنت عايشة على ذكرى زوجي الله يرحمه."

"صدقيني الحياة صعبة ومحتاجة نتشارك ونتسند ونقف جنب بعض علشان نكمل. احنا اتزوجنا عن حب قبل كدا، خلينا نجرب نتزوج بالعقل، وخصوصاً لو في بداية مشاعر، وأوعدك هكون أب لـ نسمة." "ممكن تسيبلي فرصة أفكر، بس من فضلك بدون ضغوط." "ممكن تفكيرك دا ما يأثرش على علاقتي بـ نسمة." "حاضر، تمام. بس دلوقتي ممكن ترجع تكمل علاجك؟ "لو إني بقيت كويس، بس حاضر." .............. "انت إيه جابك الشركة هنا؟

"للسكرتيرة، ممكن تبلغي علاء بيه إني موجود." "يا بجاحتك بجد! انت ليك عين؟ "آنسة ملك من فضلك، أنا عندي موعد مع علاء بيه، لو سمحتي مش عاوز شوشرة." "أهلاً رائف، تعالي اتفضل." "أونكل، هو في إيه؟ مايا لو شافت الإنسان ده." "ملوكة، ثقي فيا. عن إذنك." .............. "تميم، شريف، كويس إنكم هنا. الموضوع مهم جداً ومش هيتأجل أكتر من كدا."