رواية تيمو الفصل الثالث 3 - بقلم ولاء فتحي

تميم: شريف تعالي مكتبي عاوزك. بعد لحظات يدخل شريف. شريف: خير يا تميم. تميم: انت شوفت الميل ده؟ شريف: إيه؟ طب وبعدين؟ تميم: أنا مضطر أسافر عشان كده خامات المطعم هتتأخر. شريف: والاجتماع؟ تميم: اتصرف. أنت عارف المطعم ده الحاجة اللي بحبها ولازم الخامات تيجي بالمستوى اللي عاوزه عشان جودة الأكل ما تقلش. شريف: تميم أنت مدي أغلب اهتمامك للمطعم على حساب الشركة. تميم: هو يومين في الأسبوع بقوا أغلب اهتمامي؟

وبعدين أنا جايب الجيش اللي بيساعدني ده وبدفع رواتب لهم ليه عشان أتفحت طول الأسبوع؟ شريف: مقصدش. بس أنت عارف العقد ده مهم إزاي. تميم: خلصوا كل حاجة، ووعدهم إن لما ظروفي تضبط هنعمل حفلة على شرف مشروعهم وهحضرها بنفسي. متنساش موضوع سفري ده سري، هو بالكتير أسبوع وعاوزك ترتبه بنفسك. معلش مش عاوز حد عنده علم بيه. وكده كده كل فرع هيفتكرني في الفرع التاني. وخليك معايا 24 ساعة على وي شات صوت وصورة أعرف الشغل فيه إيه.

شريف: وطنط سعاد. تميم: أنا مش ناقص يا شريف. انسي إنها خالتك وإننا أصحاب، ده شغل. شريف: أنت قاسي عليها أوي يا تيمو وعمرك ما كنت كده. تميم: ضيعت حلمي وحطمت كل حاجة بعد ما بابا مات. كل ده ليه؟ عشان رغباتها. شريف: تميم مش عشان رغباتها عشان... تميم: خلاص يا شريف مش عاوز كلام في الموضوع ده. ياريت تنفذ وهات أي أوراق هتحتاج توقيعي عشان الشغل ما يعطلش. شريف: تمام يا تميم بس الموضوع ده لازم نتكلم فيه. عن إذنك. وسابه وخرج.

تميم بينفخ: أنا قلبي بيتقطع وأنا بعمل معاها كده، بس اللي حصل كتير أوي يا سعاد هانم. .............................. مايا: خير يا ملك عاوزة إيه. ملك: زهقانة يا مايا. مايا: ملك أنا عندي شغل وأنتي عندك شغل. ملك: مايا في اختراع اسمه بريك نقدر ننزل ونغسل وشنا ونشرب قهوة، عصير، ناكل ساندوتش. ارحميني يلا اقفلي وتعالي. مايا: متخلنيش أندم على شغلك في الشركة. أنا عندي شغل. علاء: إيه يا بنات مالكم.

ملك: يا فندم بقولها إن ده بريك ننزل ناخد ساندوتش وعصير. مش راضية. شايف وشها أصفر إزاي دي بقت أنيميا. مايا: ملك بطلي زن. عندي شغل. علاء: مايا انزلي البريك. دول ساعتين اتغدى عشان ملك عندها حق. ملك: شوفتي أونكل إزاي عنده حق. مايا: أونكل دي في البيت. ملك: إحنا بريك أهو مش كده يا أونكل. ابتسم علاء: طول عمرك صح. يلا يا مايا أنا كمان عندي معاد ونازل بريك. اقفلي وانزلي يلا. مايا بضيق بتقفل: تمام يا فندم.

ملك: أونكل أوعى يكون راند فو؟ أصل أنا مرة عليك راجل كده قمر وهيبة ولطيف. مفيش منك. علاء بيضحك: يا بنت يا شقية بطلي بكش. يلا هتأخر سلام. مايا وهي نازلة: إيه الزن زن ده. ملك: تعالي الأول نغسل وشنا وبقولك في مطعم جنبنا هنا نروح فيه بدل قاعدة كافتيريا المتنشية دي. مايا: المطعم؟ اممم شكل المطعم عجبك. ملك: ياه ده تحفة. مايا: بس المطعم خميس وجمعة بس يا ملك. ملك: ليه مطعم ويك إند؟ يالهوي! أنتي قصدك يا شيخة؟

حرام عليكي والله أنا أصلا عجبني المكان بس... مايا: طيب يلا بينا. ................................... سعاد: يا ماما أنا تعبت. وهو مش مصدق. وأنا معيش دليل. أنا خلاص بفكر أسافر بره أنا وميسون وأسيبه. والدة سعاد: يا سعاد. الأم لازم تتحمل وهو مع الوقت هيقتنع. وبعدين هتهدي كل اللي عملتيه معاه وعلشانه عشان مفيش دليل تقنعيه. مش يمكن أنتي بتفكري غلط. سعاد: إزاي يا ماما؟ كنتي... عاوزاني أعمل إيه؟ كنتي عاوزاني أسيبه يضيع؟

ويضيعنا كلنا بعد وفاة أبوه؟ مامة سعاد: لأ طبعًا. افهمي قصدي يا بنتي. يمكن أنتي بتستنفذي وقت ومجهود في إقناعه. الأفضل دوري على دليل. توريهولك هتلاقيه هو اللي بيبوس رجليكي قبل إيديكي ويشكرك. سعاد: عندك حق يا ماما بس الموضوع صعب أوي. مامة سعاد: مفيش صعب عشان ابنك يرجع حضنك. .................................... رولا: أهلاً يا فندم نورتي المطعم. مايا: أهلاً بيك. إحنا عاوزين أسرع حاجة عندكم للغدا. ملك: ليه أسرع؟

ما في ساعتين. مايا: ساعة واحدة ورايا شغل. رولا: تحبي تجربي الهوت بوت يا فندم. مايا: مش عارفة محستوش أوي وغير إنه بيكون حراق. رولا: أرشحوه لحضرتك من عندنا مميز بجد وبيكون الخضار اللي بتفضليه والنكهة اللي تحدديه. ملك: أنا هجربه. مايا بقلة حيلة: تمام. أوك نجرب. رولا: أستأذنكم هنجهزه هناك وحضرتكم هتتنقلوا. ملك: طيب ما تيجي يا مايا نتفرج على المطعم على ما يجهز. رولا: أنا 5 دقائق وهكون مع حضراتكم لو تحبوا. مايا: مفيش مانع.

رولا: عن إذنكم. و5 دقائق وهكون معاكم. وتركتهم وانصرفت. مايا: المكان لطيف بس حقيقي أنا عندي شغل ف يا ملك تخلصي بسرعة. ملك: هتعيشي وتموتي في الشغل. عيشي يا مايا حرام عليكي نفسك. أنتي آخر مرة روحتي سبا إمتى؟ آخر مرة روحتي أكوا؟ آخر مرة روحتي ساونا جاكوزي؟ مايا: استني. ده الشركة ردت. ملك: مايا حبيبتي أنتي نسيتي أصلا إنك أنثى ومسحولة في البيزنس. مايا: لا كدا مش حلو خالص. ملك: فعلاً مش حلو خالص. أنتي أخيراً حسيتي.

مايا: أنتي بتتكلمي عن إيه؟ أنا بتكلم عن الإيميل. شكلنا هنكسل الغدا ونمشي. ملك: لأ ده على جثتي إني أضيع البريك بتاعي وهنتغدى. ولا أقسم بالله أكلم أونكل علاء حالا ويا قاتل يا مقتول. مايا: إيه بس خلاص. أكبري شغل عيال. ده هناكل مفجوعة. ملك: طيب. رولا جايه تعالي بقي نتفرج على المطعم. أنا حاسة إنه من عالم تاني. ................................. شريف: تميم أنا حجزت التكت الطيارة فاضل عليها 12 ساعة. تميم: كويس جداً.

شريف: حجز الفندق متأكدش. تميم: أنا هنزل في بيتنا اللي في كوانزو. هكلم السيكيورتي هناك يجهزوه. شريف: بس يا تميم البيت مقفول من يوم... تميم: متفكرنيش يا شريف. شريف: أرجو يا تميم إنك متروحش هناك. أنا قلقان يكون كلام طنط سعاد صح. في الحالة دي حياتك هتكون في خطر. تميم: أنت بتصدق برضه؟ دي بتتحكم فيا كأني عروسة ماريونت. شريف: تيمو علشان خاطري نكون حذرين خصوصاً بعد الحادثة.

تميم: أدار كرسي مكتبه للناحية الأخرى وأغمض عينيه وشعر بغصة في قلبه وبدأ يتذكر ما حدث. فلاش باك. وفجأة يشعر بدوخة التي لا يستطيع أن يوقفها. وبدأ يحاول أن يتحدث بصوت طبيعي: شريف اتفضل دلوقتي.