رواية تيمو الفصل الثالث عشر 13 - بقلم ولاء فتحي

محمود بسرعه علي البيت. محمود: شكلك تعبان يا باشا. تميم: لاء متشغلش بالك بس نرجع بس علي البيت. محمود: تميم باشا انت بتنزف. تميم بضعف: علي البيت يا محمد لو سمحت بدون ولا كلمة. وقبل البيت ممكن بس تساعدني البس الجاكت مش الوالدة مريضه ومش عاوز اخضها. خلي بالك يا محمود ممنوع تحكي. محمود: الي تشوفه يا باشا.

وفجأة بدأ تميم يشعر بإغماء. اتصل محمود بسرعة على شريف الذي طلب منه الذهاب به إلى المستشفى وتواصل مع باسل ليكون في استقباله. وأكد على الجميع إخفاء الموضوع عن كل الأسرة، فهو يعلم جيدًا مدى حرص أخيه وصديقه على مراعاة مشاعر الآخرين. في المستشفى. باسل: لازم يدخل عمليات فورًا ومحتاج دم لأنه تحامل على نفسه ونزف ومفروض ما يتحركش. شريف: اتصرف. وأنا هتصرف مع خالتك ومش عاوز ميسون تعرف. باسل: بس أصل... شريف نظر له بعنف

وضغط على أسنانه وهو يتحدث: لسانك فلت وقولت لها مش كدا. روح شوف تميم وأنا هتصرف. متسبوش إلا لما نطمن وأنا جاهز لنقل الدم. أنت عارف إن أنا وهو نفس الفصيلة. شريف: طيب بالراحة راعي إني مدير المستشفى. تعالي معايا. ذهب شريف معه وهو في حالة من الخوف والغضب والضيق والقلق. ... ملك: هو شركة شومان لسه ما ردوش على الميل بتحديد مواعيد الاجتماع لمناقشة بنود العقود؟ السكرتيرة: لأ يا فندم لسه. ذهبت لـ

مايا وهي منفعلة: الزفت دا لازم نشوف معاه صرفة. ما ردش على الميل. مايا بهدوء: اعملي تعجيل بالرد. ملك: عملت 4 تعجيلات. مايا: خلاص اتصلي بيهم. ملك بتردد: أتصل بالمستفذ دا؟ لأ طبعًا أنا مش هتصل بيه تاني. دا شايف نفسه ومستفز. مايا ترفع لها نظرتها بخبث: هو مين؟ ملك: الزفت اللي اسمه شريف شومان. هو صحيح يبان أنه... وتبتلع باقي حديثها. بس مش هتصل بيه. مايا بمراوغة: هو أنا جبت سيرة شريف شومان يا ملك؟ ولا هي دلالة سيكولوجية؟

ملك بتوتر: تقصدي إيه؟ مايا: قبل ما نتعرف عليه كان إيه الإجراء المتبع في الحالات دي؟ ملك: ما كانوش بيتأخروا. مايا بنفاذ صبر: مع أي شركة كان إيه الإجراء المتبع؟ ملك: مدير التعاقدات بيتصل بإدارة التعاقدات في الشركة. مايا: يعني حضرتك بتتصلي بشكل رسمي بإدارة التعاقدات فيها يا آنسة ملك؟ ملك بشرود: هايب. حاضر.

مايا: ولو إنك ممكن تختصري ده وتتصلي بمكتب الإدارة من خلال السنترال وتطلبي موعد رسمي واستعجال من خلال المدير المسؤول هناك. ملك: عندك حق. حاضر. والتفتت لتمشي. مايا: ملك. شريف شومان سمعته ممتازة ومهذب. وأكيد فيه سوء تفاهم. ما تخليهوش يأثر على شغلك. ملك: هو مين اللي يأثر على شغلي؟ مايا: سوء التفاهم يا ملك. ولا إنتي شايفة حاجة تانية؟ ملك: أنا ورايا شغل. هروح أخلصه.

ابتسمت مايا على صديقاتها، فهي كالقطة تحب أن تجعل من يهتم بها هو الذي يلاعبها حتى ولو أطالت أظافرها الحادة. ... نسمة بضيق: ماما. بابا مش بيرد على تليفون. عاوزة أطمن عليه. ليلى: يا حبيبة قلبي. قولنا بابا مش فاضي. وأكيد لو فاضي هيرد عليكي. ادخلي ذاكري يلا. الجد: نسمة بقت متعلقة بتميم جدا يا ليلى. وهو بصراحة عمره ما قصر في حقها ولا خلاها تشعر إنها محتاجة له ومش جنبها. حتى حضوره معاها في المدرسة.

ليلى: ربنا يخليه لينا يا بابا. بجد مش عارفة من غير اهتمامه اللي زيادة دا كانت هتتحمل إزاي. الجد: مشكلته مش قادر أحدد مشاعره معاها. حب أبوي ولا إحساس بالذنب. بس أي كان. المهم نسمة. أنا مش عايش ليكم؟ ول عمري. ليلى: ربنا يخلي لينا. احنا عايشين في حمايتك. ... ملك: أيوه يا أستاذ شريف. شريف وهو غير مبالٍ بمن تحدثه، لقلقه على تميم فهو يجلس بجواره وينتظر أن يطمئن عليه. شريف: أيوه مين؟ ملك: مش معقول. مش مسجل الرقم. شريف

بعد أن انتبه على صوتها: أيوه يا رجاء. معلش التليفون غير الأرقام. ملك: أنا مش رجاء. شريف: معلش يا شوشو. ملك وتنفخ بضيق: ولا شوشو أنا. قاطعها شريف وهو يضحك بمرح عليها وهو يلاعبها: تبقي فريدة. معلش يا فريدة. ملك صرخت به: اسكت بقي. إيه فاتح مدرسة بنات؟ أنا ملك مديرة تعاقدات شركة النوبي. وكويس إنك مش مسجل اسمي. دا موبايلك دا شبهه أصلًا. شريف ببراءة ويمثل الجدية

وهو يتخيل ملامحها ويبتسم: أهلاً آنسة ملك. معلش دول بنات العيلة. ملك: أه. ماشي. ما أنتو كل عيلتكم بنات. المهم دا شئ ما يخصنيش. أنا بتكلم بخصوص. شريف وهو يبتسم ويقاطعها: أهلاً يا منه. اتفضلي. خلصي شغلك وهكون معاكي. ملك: يا أستاذ شريف ارحم نفسك بقي وارحم أهلي. مش ممكن. إنت مش عاتق. إنت فاكر نفسك إيه؟ فالنتينو. شريف: جرا إيه يا ملك. مالك كدا. إيه مزعلك؟ مش فاهم. المهم إنتي متصلة عاوزة إيه؟ عشان منه مستعجلة.

لتبتسم منه الممرضة عليه وتفهم أنه يزول وينكش فتاة بها وتتحدث: خلاص بقى. هاجيلك وقت تاني. وخرجت. شريف: كدا أهي مشيت. ملك تستمع وتتسع حدقة عيناها وتغلق الخط وهي تتمتم بكلمات. تراها مايا. مايا: إيه متزرزرة ليه؟ ملك: الزفت دا اللي بتقولي محترم طلع ماية من تحت تبن. دا فاتح مدرسة بنات. أنا اتصلت بيه وبداني بكل الأسماء. وكان عنده واحدة ومعرفش بيهبب إيه. مايا تضحك على صديقتها: واضح إنه استحوذ على تفكيرك. ملكيش سيرة غيره.

ملك: مين دا؟ بتاع البنات دا. مايا: المهم عملتي إيه معاه؟ ملك: قفلت السكة في وشه طبعًا. مايا وهي تبتسم: على فكرة إنتي متغاظة ليه؟ ملك: عشان هو بني آدم مش محترم. ... تيمو: لأ جامد ياض بصراحة. شريف: تيمو إنت صاحي من إمتى؟ تيمو: من أول الرسم. شريف: إنت أخدت بالك؟ تيمو: يا ابني دا أنا كنت هصدقك لولا إني أعرف إن كل الستات اللي في حياتك هي أمي وأمك وبيلا. كنت صدقتك. شريف: بصراحة بنرفزها.

تميم: طيب ليه كدا. تديها عنك فكرة الصايعة دي. شريف: أصل عماد أكد لي إن البنات بتحب الشاب الصايع. تميم: الله يخربيتك وبيت عماد. اطلع يا ابني بره. أنا صحتي ما تتحملش الغباء. شريف: سيبك إنت. إيه كنت فين وإيه خرجك وإنت تعبان كدا؟ تميم: كان لازم أروح لـ نسمة. إنت عارف أنا كنت واعده نخرج لأنها جابت درجات حلوة. شريف: يا ابني كنت قولي. كنت روحت خرجتها أنا.

تميم: إنت عارف إنها متعلقة بيا إزاي ومقدرش ما أروحش أحسن تزعل مني. وأنا مقدرش على زعلها أبدًا. شريف: أه. كفاية بابا تيمو من بقها. يا لهوي. يا ريت أنا يتقالي كدا. تميم: يتقالك بابا شرشر بقى. بقولك إيه أنا لازم أخرج. نادي الواد باسل. قوله يفك القرف دا. شريف: بس أصله يسمعك يزعل. تميم: بسولتي بيزعل يا أختي كميلة. روح يا ابني نادي الواد أخوك يفك القرف دا. وعاوزة أرجع قبل سعاد ما تتخض.

شريف: إنت هنا بقالك يومين يا باشا وسعاد فاهمة إنك في شرم في مؤتمر. وبعتلها صورك في شرم كمان. تميم: إيه وعملتها إزاي دي؟ شريف: البركة في هاني بقى. ظبطنا بفيديوهات قديمة وغير عليها البيانات عشان سعاد وقلب سعاد وابن سعاد. تميم: ما تنشف يا شرشر كدا. ولا البت لحست عقلك. ... مرت الأيام والأسابيع. وتميم تحسن وبقي كويس. ميسون مشغولة في مذاكرتها.

سعاد اتعودت على مقابلة علاء كل يوم ليها في النادي. وهو خلاص حسم أمره. يمهد لابنته. ولو تقبلت الموضوع يشوف رأي سعاد. ملك قررت تخلص شغل مع شريف بنفسها. وسط مشاكلهم ومشاغباتهم التي أصبحت تبتسم عندما تتذكرها. وتغيرت فكرتها عنه. ومضت معه بعض العقود. وهو أصبح يريد الإفصاح عن رغبته للبوح بمشاعره. وفجأة أتى يوم غير الكثير.