رواية تزوجنا لمنع الثار الفصل الحادي والعشرون 21 - بقلم بسنت اشرف

ابرار بصوت ضعيف: لسة محرمتش السفر ده ولا انت ناوي نموت بجد. اسد: بعد الشر عليكي ي ابرار، ده انا كنت خايف عليكي أوي. ابرار بتعب: اه عشان كده عايز تسفرنا تاني. اسد: انا اسف مقدرتش احميكي، بس انت اللي عاندتي معايا ومش بتسمعي الكلام خالص. لو كنت فتحتي الباب و نطيتي مكنش جرالك ده كله. ابرار: مكنتش هقدر انزل واسيبك لوحدك ابدا. اسد: يعني عاجبك اللي حصلك ده. ابرار: طالما احنا مع بعض كل حاجة تهون. اسد بخبث: شكلك حبيتينا أوي.

ابرار بتوتر لان مشاعرها متضاربة مش عارفة تحددها. اسد: قولي قولي متتكسفيش. ابرار: بس يا اسد سيبني انام عشان تعبانة أوي. اسد بحنان: الف سلامة عليكي، نامي وارتاحي براحتك. ابرار: روح ارتاح انت كمان. اسد: اهم حاجة انتي تكوني بخير. ابرار: انا كويسة اهو، المهم انت. *** في شقة نور، كانت قاعدة هي وعمها ومراته مع أهل شادي. حيدر: طبعًا حضرتك عارف، احنا هنا عشان نطلب إيد بنت حضرتك لابني. ناصر: ودي حاجة تشرفنا طبعًا يا باشا.

صفاء قاعدة معاهم وهتتشل من اللي بيحصل، وكل شوية ترمي بالكلام عليهم وهما ساكتين، محدش راضي يتكلم لأنها في بيتهم. شادي: لا طبعًا يا عمي، احنا هنتعزم فرح على طول، وكمان نادين هتيجي تعيش معانا. صفاء: ليه إن شاء الله؟ حد قال إننا فاتحين بيتنا ملجأ وابني هيتجوزها هي؟ إيه اللي يخليه يتكلف بأختها بقى؟ نور باحترام: حضرتك يا طنط، دي أختي الصغيرة، وزي ما حضرتك عارفة بابا وماما متوفيين، وأنا مش هقدر أسيبها لوحدها.

صفاء: واحنا مالناش دعوة بظروفك، أي عريس تاني هيجيلك مش هيوافق. شادي: خلاص يا ماما لو سمحت، أنا موافق، ونادين زي أختي الصغيرة بالظبط، ما فيش داعي لكلامك. حيدر: طبعًا يا بنتي، ما فيهاش أي مشاكل، انتي هتبقي مرات ابني وزي بنتي بالظبط انتي وأختك. صفاء: لا أنا مش موافقة، دول بيستغلوكي. سناء: ما تهدي علينا يا أختي، لما انتي مش عاجباكي الجوازة، إيه اللي جايبك؟ إحنا بنتنا ألف مين يتمناها.

صفاء: أنا أصلًا ميشرفنيش أناسب ناس زيكم. شادي: إيه يا ماما اللي بتقوليه ده؟ أنا اللي هتجوز وأنا اخترتها وهتجوزها، غصب عن الكل. وبعدين أنا مش هعيش معاكم عشان ترتاحي. صفاء: قولتلك ده مش نسب، وبنت صحبتهم. لم تكمل كلامها بسبب صفعة نزلت على وشها من جوزها. حيدر: مش كلها ناس خلاص، مفيش داعي لكلامك اللي ملوش لازمة. نور بدموع

حاولت جاهدة لتخبيتها: لو سمحت، طالما احنا مش من مستواكم، فأنا مش قابلة العلاقة دي. أنا أستحمل أي حاجة إلا إن حد يهين أهلي. صفاء: هيكون أحسن برضه. شادي: أنا غلطان إني جبتك معايا، بجد مكنتش أعرف إنك هتعملي الحركات دي. حيدر: خلاص يا بنتي، معلش، امسحيها فيا أنا. نور: ليك كل الاحترام يا عمي، بس أنا مش بقبل الإهانة. ناصر: خلاص يا بنتي، معلش المرة دي عشاني أنا. سناء: لااا، إحنا نوافق، ليه أصلًا؟ دول مش ناس تعيش معاهم.

صفاء لسه هتتكلم. حيدر: انتي اخرسي خالص دلوقتي. وقعدوا واتفقوا من أول وجديد على إن الفرح هيكون بعد شهر. فهل هتكمل ويتجوزوا ولا للقدر رأي آخر. *** عند أسد وأبرار، كانت العيلة كلها موجودة عشان يطمنوا عليهم. حسام: متعرفيش كنت هموت عليكي قد إيه. ابرار: بعد الشر عليك يا بابا، ربنا يخليك ليا. حسين: حمدلله على سلامتك يا بنتي. ابرار: الله يسلمك يا عمو. مروة: ربنا يخليكم لينا وتفضلوا سند لبعض دايما يا ولاد.

فراس: يوسف اتقبض عليه تاني وشددوا الحراسة جامد عنده. ابرار بحزن: ربنا يشفيه بجد، مش عارفة إيه اللي حصل له. مكنش في أحسن منه وكنت بحبه أوي. اسد بغيرة: نعم يا روح أمك. ابرار: أسد بس متجبش سيرة ماما تاني، وبعدين يوسف كنت بحبه زي أخويا، على فكرة. اسد: بحسب. فراس: لا يا خويّا متحسبش تاني، عشان حسباتك دايمًا غلط. اسد: اخرج برة، هي مش ناقصة ظرافتك دي. فراس: خلاص يا عم، براحة عليا. خرج فراس برة الأوضة.

وفي نفس الوقت دخل حسن وياسين ونوال. حسن: الف سلامة عليكم، وكمل بحزن وأسف بسبب كل اللي حصل بسبب يوسف. اسد: الله يسلمك يا عمي، وبعدين انت مليكش ذنب في الموضوع. ابرار: أسد معاه حق يا عمو، إحنا مش زعلانين. نوال: طول عمرك قلبك أبيض يا بنتي، وجوزك زيك. ابرار: ربنا يخليكي يا نونا. ياسين: خدي جبتلك ورد معايا. ابرار: وجاي على نفسك أوي. ياسين: حقًا، مفيش حاجة تعجبك أبدًا. وقعدوا شوية وبعدين الكل مشي وسابهم. ***

فراس: يخررب بيت كده، ياشيخة بطلي عناد واسمعي الكلام. كارما: يووه، بقولك مش عاجبني التصميم، أنا حرة. فراس: لا مش حرة، أنا عاجبني التصميم وهنستخدمه. كارما: وأنا قولت مش هنستخدمه. فراس: يخررب بيت ده اليوم الأكحل اللي اشتغلت معاكي فيه. كارما: بس يا مستر فراس، مش بحب الكلام الكتير. فراس بتنهيدة: إيه رأيك نكون صحاب؟ كارما باستغراب: نكون أصحاب إزاي يعني؟

فراس: بصراحة، أنا قرفت من الطريقة اللي بتتعاملي بيها دي، فـ أنا بقول نكون صحاب، يعني ونكون كويسين مع بعض. كارما: مش بحب صحاب شباب. فراس: أنا مقولتلكيش هنعمل حاجة غلط، هي هتكون صداقة شغل مش أكتر. كارما: اممم، أفكر الأول. فراس: اعتبري إنك موافقة بقى، وهنكون صحاب، وهتحكيلي كل حاجة عنك، ما أنا مش بصاحب حد معرفش حياته ماشية إزاي. كارما: على فكرة أنا موافقتش لسه.

فراس: أنا اعتبرتك وافقتي، مليش دعوة. بصي، أنا معنديش أصدقاء، وأنتي أول صديقة ليا. كارما: وأنا كمان. فراس: اسمعي ي ستي، هحكيلك قصة حياتي. *** عند أسد وأبرار، كانت أبرار قاعدة بتعيط من الوجع، وأسد قاعد بيحاول يهديها. اسد: خلاص بقى كفاية، انتي لازم تبقي قوية. ابرار بتعب وعياط: مش قادرة، هموت والله. اسد: بعد الشر عليكي يا ابراري، متقوليش كده تاني. ابرار: بجد يا أسد، الألم لا يحتمل. اسد: يا ريتني كنت أنا وانتي لا.

ابرار ببكاء: بعد الشر عليك انت كمان. اسد: هنجيب لك الدكتور الغبي ده يجي يديكي أي حاجة مسكنة للألم. ابرار: اه والنبي يا أسد، لحسن هموت. وأبرار داس على الزرار اللي جنب السرير، وبالفعل جت الممرضة، وأسد خلاها تنادي للدكتور. الدكتور جه وأداها مسكن وهي نامت، وأسد قعد جنبها.