رواية تزوجنا لمنع الثار الفصل الرابع والعشرون 24 - بقلم بسنت اشرف

كارما بصدمة: انت بتقول إيه؟ فراس بابتسامة: بقولك تقبلي تتجوزيني. بصي يا كارما، انتي متعرفيش بقيتي غالية عليا قد إيه. بصي، بحس بإحساس جميل أوي وأنتي جمبي، بقيت مقدرش يعدي يومي من غير ما أشوفك. بصي، انتي بقيتي محور حياتي أصلاً. كارما: بصراحة، انت صدمتني أوي. فراس: طب يلا فوقي من صدمتك بقى عشان رجليا وجعتني. كارما: فصل أوي. كمل حاجة لآخرها، أنا كنت بحسبك رومانسي مش فصل. فراس: طب اخلصي يا بت عشان رجليا خلاص هتوقف.

كارما: خلاص موافقة عشان أنا عارفة إن مفيش حد في الدنيا دي هيستحملني غيرك أصلاً. فراس: عشان تعرفي قيمتي بس. وقرب ومسك إيدها عشان يلبسها الدبلة، راحت هي شدت إيدها منه. فراس برفعة حاجب: إيه؟ كارما: لا، مش هلبس الدبلة غير لما تيجي وتخطبني من أهلي الأول. فراس: إشطا. كارما: إشطاااات. *** ابرار: أسدي، عايزة أروح عند بابا. أسد: حاضر هوديكي بس مش النهاردة. ابرار: لا ي أسدي، عايزة أروح النهارده، مليش دعوة.

أسد: تؤتؤ، مش هنروح النهاردة. ابرار: براحتك، أنا زعلانة منك. أسد: مقدرش ع زعلك ي قمري. ابرار: لا ما انت خلاص زعلتني. أسد: يبقى أصالحك طبعاً. ابرار: لما نشوف ي أسد. أسد فضل ماشي بالعربية لغاية ما وصلوا ع مطعم "Luxury". ابرار: واو، المطعم ده جامد أوي بس أكيد غالي. أسد: مفيش حاجة تغلى عليكي أبداً. ابرار: لا بجد، انت معاك فلوس ولا هتفضحنا جوه؟ أسد: ي بت انت متعرفيش جوزك ده، أنا معايا فلوس كتير.

ابرار: نينينيني، كداب. أنا عارفة إن معاك فلوس بس مش كتير أوي يعني. وبعدين يلا ندخل ناكل ولا جاي تفرجنا ع المطعم؟ أسد: يلا ي محترمة. ابرار: يلااا. *** في قاعة من أكبر القاعات، نلاقي موجود فيها ناس كتير من رجال الأعمال وزوجاتهم وقرايب العريس والعروسة. ونلاقي ع الاستيدج شادي ونور قاعدين ع الكراسي المخصصة للعرسان.

كانت قاعدة نور بتفتكر إزاي طلبت منها حماتها إنها تاخد فلوس ومتحضرش الفرح وترفض الجواز من شادي، وإزاي هي كسفتها وموافقتش ع عرضها، وإزاي كانت عايزها تعمل كده في شادي وتسيبه، وهي حبته وهو أقرب إنسان لقلبها وأكتر إنسان حبها، كان بيظهر حبه ليها في كل حركة وكل إحساس، كانت بتحس بحبه. قاطع تفكيرها شادي: بتفكري في إيه ي حرمي المصون؟ نور بابتسامة: بفكر فيك ي شادي، وفي حياتنا ومستقبلنا هيكون إزاي.

شادي: هتكون أحلى حياة وأحلى مستقبل بإذن الله. نور: وأنا متأكدة من كده طالما انت موجود معايا. وجه ناس يباركوا للعرايس. باركوا ونزلوا، وبعدين جه حيدر وصفاء. حيدر قرب عند ابنه وحضنه. حيدر: ألف مبروك ي شادي، طول عمري بتمنى اليوم اللي أشوفك فيه عريس. شادي: الله يبارك فيك ي بابا، وتشوف ولادنا وتفرح بكارما كمان. حيدر: يااه، أنا مش متخيل اليوم اللي كارما هتتجوز فيه. شادي: قريب بإذن الله. حيدر: ألف مبروك ي نور ي بنتي.

نور: الله يبارك فيك يا عمو. صفاء قربت عند شادي: طول عمري بحلم باليوم اللي هشوف فيه ابني عريس، لكن للأسف مش قادرة أفرح. شادي: مفيش داعي بكلامك ده ي ماما، وأنا مبسوط أخر انبساط، مش لازم تنكدي عليا. صفاء: براحتك. ونزلوا هي وحيدر وراحوا عشان يشوفوا الضيوف بتاعتهم. *** فراس: الفرح جميل جداً، عقبال فرحنا. كارما: أيوه فعلاً، أنا مبسوطة جداً لشادي، بجد هو طيب ويستاهل، ونور كمان كويسة خالص.

فراس: ربنا يخليهم لبعض ويرزقهم بالذرية الصالحة. كارما: يا رب. فراس: وعقبالنا. كارما: مخلاص بقى. فراس: خلصنا ياختي ارتاحي. واشتغلت أغنية رومانسية "اوعديني" ورقصوا العريس والعروسة عليها "slow". وانضموا كل كابلز ليهم. وبعدين رجع كل واحد مكانه. وكان خلاص نهاية الفرح. طلعوا ناصر وسناء ونادين ع المسرح. ناصر حضن نور: ألف مبروك ي حبيبتي. نور: الله يبارك فيك يا عمو. سناء: مبروك ي حبيبة قلبي. نور: الله يبارك فيكي يا مرات عمي.

سناء: هاخد نادين معايا النهاردة. نور: ماشي يا مرات عمي، ابقي جيبيها معاكي بكرة. سناء: ماشي يا حبيبتي بإذن الله، ربنا يسعدك يا رب. *** أسد وأبرار كانوا في العربية. ابرار: واو بجد، المطعم ده أكلوا روعة. أسد: بالهنا والشفا ع قلبك. ابرار: عايزة كولا عشان أهضم. أسد: حاضر من عنيا، أول سوبر ماركت هيجي في وشي هجبلك منه علطول. ابرار: وبالمرة هاتلي شوكولاتة وشيبسي ولبان تشيكلز. أسد: حاضر، حاجة تانية؟ ابرار: أه، وهاتلي شيتوس.

أسد: أوامر تانية؟ ابرار: أه، وبالم... قاطعها أسد: بالم مرة أجيبلك المحل كله وأريح؟ ابرار: لا مش للدرجة. أسد: صحيح نسيت أقولك إني هسافر عشان شغلي. ابرار: وأنا؟ أسد: براحتك، عايزة تقعدي هنا ماشي، عايزة تيجي معايا ماشي. ابرار: لا أنا هاجي معاك، وع فكرة أنا قاعدالي 3 سنين في الكلية بتاعتي، فقدميلي في القاهرة معاك. أسد: إيه ده، هو انت في كلية؟ بس كلية إيه؟ ابرار: مش عارف مراتك في كلية إيه لغاية دلوقتي.

أسد: مجتش فرصة وانت مقولتيش. ابرار: عموماً ي سيدي، أنا في كلية طب. أسد بتريقة: أه، طب بيطري، صح؟ ابرار: لا، ع فكرة أنا طب بشري وهبقى دكتورة أطفال كمان. أسد: وأنا الغبي اللي هصدق. ابرار: ي ابني والله العظيم في طب. أسد: مش باين عليكي أبداً. ابرار: لااا والله، أنا هكون أحسن دكتورة في العالم أصلاً. أسد: واثق فيكي طبعاً. *** في شقة شادي. وصلوا والناس مشيوا اللي كانوا جايين ورا العروسة والعريس.

شادي قرب من نور وحضنها: أنا مبسوط أوي بجد ومش مصدق نفسي، حاسس إني بحلم. نور قرصته في إيده: ي غبية، بتقرصيني ليه؟ شادي: عشان تصدق إنها حقيقة مش حلم. نور: أنا بحبكك أوي ي نوري. شادي: تصدق، وأنا كمان بموت فيك. بص، بعشق أمك، ولا أقولك، مجبش سيرة طنط أحسن، هي مش طيقاني طبيعي. شادي كان حاضنها جامد: ده أنا اللي بعشقكك وبموت فيكي وبحبك فوق ما تتخيلي. نور: انت طلعت رومانسي أوي يعني.

شادي: انت لسة شوفتي حاجة، ادخلي "bedroom" وانت هتعرفي، وغيري هدومك وبعدين ناديني، ومتنسيش تتوضي عشان نصلي. نور: ماشي. *** دخلت نور الأوضة لقتها مليانة ورد أحمر والسرير معمول عليه قلب كبير بالورد وجواه قلب صغير وفيه حرف ال "N و Sh". والأرض كمان مليانة ورد. راحت هي غيرت الفستان ودخلت التواليت لقتوا مليان ورد هو كمان. اتوضت ولبست هدومها، وبعدين لبست الإسدال من فوق. وخرجت ل شادي، وهو كمان كان غير هدومه. راحت عنده وحضنته.

نور: أنا بحبك أوي ي شادي، متسبنيش أبداً. شادي: أنا مقدرش أعيش من غيرك أصلاً، ويلا نصلي أحسن ما أتهور. نور: يلااا. وصلوا وبدأوا حياة جديدة معاهم، ونور بقت مرات شادي وأم عياله.