رواية تزوجنا لمنع الثار الفصل الثلاثون 30 - بقلم بسنت اشرف

ماما مروة إحنا جينا، فينك أنتِ، رحتِ فين يا ماما؟ مروة: حبايب قلبي، وحشتوني جداً. تعالوا. ابرار قربت عندها وحضنتها. ابرار: وأنتِ كمان وحشتيني جداً يا ماما. والله. أومال عمو فين وفراس؟ مروة: حسين لسه جاي من الشغل وطلع ياخد شاور عشان نتغدى. وفراس في الشغل. ابرار: ربنا معاهم. وحشوني أوي هما كمان. أسد: يا جماعة أنا موجود والله. مش شايفاني يعني؟ يا ماما اندمجتي معاها وأنا ولا كأني ابنك اللي جاي من السفر.

مروة: تعالى يا حبيبي. هو أنا أقدر أنساك؟ ده أنت في القلب. تعالى، تعالي. أسد: حبيبتي يا ست الكل. وحشتيني أوي. مروة: وأنت يا قلب أمك. والله. ابرار: عملنالك مفاجأة. مروة بتسرع: يا ألف نهار أبيض! قولي إنك حامل وهتجيبي لي حفيد! ابرار: لا كده وسعت منك أوي يا ماما. مروة: وسعت إيه يا بت؟ ما أنتوا متجوزين. وبعدين أنا عايزة أشوف عيالكم. أسد: إن شاء الله يا ماما في أقرب وقت. وبص لأبرار وغمزلها وهي زغرطتله بعينيها.

حسين: حمد الله على السلامة يا شباب. ابرار: الله يسلمك يا عمو. أسد: عامل إيه يا أبويا؟ حسين: الحمد لله يا ولدي. مروة: مش هتقولولي إيه المفاجأة؟ ابرار مسكت فونها وبعتت مسدج. وبعد شوية دخلت فاطمة وجوزها وشايل ابنها. مروة برفعة حاجب: إيه اللي جابك؟ إنت مش حبيتي البعد خلاص؟ روحي ومتجيش تاني. حسين: اسكتي يامروة! إيه اللي بتقوليه ده؟ تعالي يا بطوط، وحشتيني أوي. فاطمة حضنت أبوها: وأنت كمان وحشتني أوي يا بابا.

فاطمة قربت عند مروة. فاطمة: وحشتيني أوي يا ماما. مروة: وأنت فارقة معاكي أمك أصلاً؟ فاطمة: أنتِ اللي مش بترضي تقابليني. مروة: أنتِ اللي اخترتي البعد. فاطمة: بحبه يا ماما، مقدرش أعيش من غيره. طب أنتِ يرضيكي؟ كنت أتجوز حد من هنا؟ بس مش هعيش سعيدة أبداً. مروة: طالما هو أغلى مننا، روحي معاه ومتجيش تاني. فاطمة: أنتِ أمي وهو جوزي. مفيش غنى عنكم انتوا الاتنين.

مروان: خلاص يا طنط سامحيها، معلش. عمرها ما كانت سعيدة أبداً عشان كانت عايزة أمك تكون مبسوطة بيها. ده حتى لما خلفت عمر مكنتش قادرة تتأقلم على الوضع، وكان نفسها تكوني جنبها. ابرار: أنتِ قلبك أبيض يا ماما مروة. وفاطمة طيبة جداً زيك. معلش متزعليش منها. أسد: أيوه يا ماما رجاءً، كفاية عقاب أكتر من كده. حسين: سامحيها يا أم أسد. فاطمة بدموع: رجاءً يا ماما، خلاص كده. متزعليش مني بليز.

مروة حنت لدموع بنتها، فهي بقالها 3 سنين مش بتكلمها. مروة قربت عند فاطمة ومسحتلها دموعها وأخدتها في حضنها. مروة: خلاص، متعيطيش يا قلب أمك. فاطمة عيطت كتير في حضن أمها. فاطمة: وحشتيني أوي يا ماما. حضنك وكل حاجة وحشتني. مروة: خلاص يا بطوط، متعيطيش. عمر زي أي طفل لما بيشوف أمه بتعيط بيعيط هو كمان. مروة: بس كفاية. شوفي ابنك بيعيط. فاطمة شالت ابنها وسكتت. وبعدين أدته لأمها تشوفه. في المستشفى.

كانت نادين فاقت، وكانت نور قاعدة جنبها بتعيط على حالها، وشادي قاعد يهدي فيها. نور: حبيبتي، افوقي. أنتِ كويسة؟ نادين بصوت ضعيف: تعبانة أوي. جسمي كله واجعني يا نور. مش قادرة. هموت. نور: بعد الشر عليكي يا حبيبتي. شادي، نادي الدكتور والنبي. شادي: ماشي. الدكتور دخل وكشف عليها. الدكتور: لأ كده تمام يا بطلة. بقيتي زي الفل أهو. نادين: لأ، أنا تعبانة أوي. الدكتور: معلش، دلوقتي هتبقى زي الرهوان. بس استني.

وضربلها حقنة في المحلول. الدكتور: ده مسكن هيخليها تنام دلوقتي. الدكتور خرج. شادي: تعالي نرجع البيت عشان تغيري هدومك. إحنا من امبارح هنا، وترتاحي شوية. نور: لا طبعاً. مقدرش أسيب نادين لوحدها أبداً. قاطعها دخول كارما وفراس مع بعض. كارما: مالها نادو؟ ألف سلامة عليها. نور: عملت حادثة. فراس: ألف سلامة عليها. شادي: الله يسلمك. ووجه كلامه لكارما. هنرجع إحنا البيت عشان نور تغير هدومها وبعدين هنيجي. خلي بالك منها.

نور: لا، أنا مش هسيبها. قلتلك. كارما: نادين زي أختي يا نور. هحطها في عيني لغاية ما أنتِ تيجي. متقلقيش. نور: عارفة. بس مش هقدر أسيبها. كارما: شادي، خلاص. شكلها مش واثقة فيا. براحتها. أنا همشي. هتعوزوا مني حاجة؟ نور: لا يا كا... قاطعتها كارما: خلاص يا نور. يلا يا فراس. وخرجت هي وفراس. نور بتنهيدة: والله أنا واثقة وعارفة إن نادين زي أختها. بس أنا مش هقدر أسيب نادين والله. شادي: ماشي يا حبيبتي. على راحتك. ***

في عربية فراس. فراس: أنتِ زعلتي منها؟ هي أكيد متقصدش. كارما: ما أنا عارفة. بس أنا كنت عايزة أقف معاهم. فراس: سيبك من الكل. واقفي معايا أنا. كارما: ما أنا أهو واقفة وقاعدة معاك. فراس: مش هنتجوز طيب؟ كارما: لا، استنى شوية. مش هينفع لما نادين تخف. فراس: وأنا ذنب أهلي إيه إني أفضل صابر؟ كارما: لازم تصبر عشان حبيبتك. فراس: أنا عنيا لحبيبتي عشان بحبها موت. كارما: وحبيبتك بتعشقك. *** بطوط وحشتيني.

فاطمة: فراس وحشتني أوي يا أخويا. فراس: وأنت يا قلبي وحشتني أوي كمان. والواد عمر حبيب خالو. فاطمة: عمر قاعد مع مروان. جو عند بابا. مروة: يلا يا بطوط تعالي. فراس: يا صلاة النبي أحسن! ده إيه الروقان ده يا جماعة؟ بطوط ومروة مع بعض! مروة: ما تتلم يااض! بلا مروة؟ بلعب معاك أنا. فراس: خلاص يا ماما. لما أروح أشوف عمور ومروان. *** أهلاً أهلاً. إزيك يا مروان؟ مروان: إزيك يا نسيبي. عامل إيه؟ فراس: عامل خط وماشي عليه. وأنت؟

مروان: كويس جداً. فراس: هات الوااد عمور. تعالي يا حبيب خالو الصغنون أنت. فراس شال عمر وأخده وقعد يلعب هو وهو. واتصوروا مع بعض وبعت الصور لكارما. كارما: مين القمر ده؟ فراس: ده عمور ابن أختي. كارما: حلو أوي. يخلاصة عليه. فراس: إيه رأيك نجيب واحد زيه؟ كارما: يا ريت. ده حلو أوي وأنا بحب الأطفال جداً. فراس: نتجوز بس ونجيب مزرعة أطفال. كارما: ههههههه. مش للدرجة. هما طفلين بس. فراس: لما نشوف. قابلت يوسف أول امبارح.

أسد: أوعى يكون قرب منك أو عملك حاجة؟ ابرار: متخافش. هو بقى كويس وخرج من المستشفى. أسد: كويس. عارفة لو كان قرب منك كنت قتلته. ابرار بغيظ: لااا! ابن عمي حبيبي. بعد الشر عليه. أسد بغيرة: متقوليش حبيبي دي تاني. ابرار: أقول براحتي. وأنت مالك؟ أسد: ابرار، متتعصبنيش عليكي. ابرار: هتعمل إيه يعني؟ هتضربني؟ أسد قرب وشدها عليه. أسد: هعمل كده. وقرب وباسها من شفايفها. ابرار زقته: يغبي! قطعت نفسي. ناوي تموتني ولا إيه؟

أسد: بعد الشر عليكي. وشدها عليه وشالها وقرب وحطها ع السرير. وقرب منها وكان بيبوسها وهي بتبادله. وبعدين افتكرت لما هو مش بيحبها بيقرب منها ليه. راحت زقته من عليها. ابرار: ابعد عني يا أسد. ومتumericش مني تاني لو سمحت. أسد: أنا مبقربش منك غصب عنك. كله برضاكي. أسد خرج من الأوضة وسابها. قعدت تعيط.