رواية تزوجني صعيدي الفصل الأول 1 - بقلم منة محمد

صعيدي يا بابا عايزني اتجوز صعيدي. الأم: وماله الصعيدي يا اختي، ما ابوكِ اهو صعيدي وسيد الرجالة. منة: أنا ما قولتش حاجة، بس انتو عارفين حياتي ازاي، خروجاتي ولبسي ازاي، هقدر اتأقلم مع صعيدي يا بابا؟ الأب: ابن عمك جاي بكرة هو وعمك ومش عايز كلام تاني. ذهبت منة إلى غرفتها بدون أن تتشاجر معه. أما نسيت أعرفكم بنفسي، أنا منة، خريجة كلية تربية. النهاردة بابا صدمني في أكتر قرار حساس في الدنيا. بابا بيجبرني اتجوز شخص مش بطيقه.

آه والله، ابن عمي ده مش بحبه، واد كدَ مغرور. هو آه حلو وكل حاجة، بس مش بحبه ومش عايزة اتجوزه. أنا بحب زميلي معايا في الكلية وهو كمان بيحبني. وكنت ناويه أتكلم مع أهلي في الموضوع، بس لقيتهم صدموني بالقرار ده. طبعاً ما عرفتش أقولهم حاجة. مش عارفة إيه اللِ مكتوب لي وإيه نصيبي، بس بتمنى إنه يكون خير. في الخارج. كان يتحدث والدها في الهاتف وقد أخبره أخاه بأنه سيأتي غداً هو وابنه وليد لخطبة ابنته منة. فماذا سيحدث يا ترى؟

في الصعيد. حل المساء وكانت العائلة جالسة تتناول العشاء. توفيق (عم منة) : إن شاء الله أنا بكرة رايح أنا ووليد هنخطب لوليد منة بنت أخويا مجدي إن شاء الله. فرح الجميع لذلك الخبر وهنوه جميعاً. ولكن صُدمت تلك الجالسة أمامهم، ألا وهي ابنة عمه الثاني. صُدمت مما سمعته للتو، فهي تعشق وليد وهو فارس أحلامها. فكيف سيخطب غيرها؟ فماذا سيحدث يا ترى؟ عند منة. تتحدث في الهاتف. منة: والله العظيم ما عارفة أعمل إيه يا مروة. مروة

(صديقتها) : اهربي. منة (بصدمة) : مستحيل. مروة: طب قوليلي هتعملي إيه؟ هتتجوزي واحد مش بتحبيه ومش بتطيقيه وتنسي حبك لـ سليم بالسهولة دي؟ منة: مش هقدر أعمل حاجة وما ينفعش أعمل اللي قوليلي عليه. أنتِ عارفة إن بابا تعبان ولو عملت كدَ ممكن يروح فيها. مروة: يعني هتعملي إيه؟ منة: هوافق يا مروة وخلاص، سلام. أغلقت الهاتف وداخلها بركان تود لو أنها تنفجر في أي شخص الآن. يوم جديد ومصير جديد وحياة جديدة.

استيقظت منة من نومها على صوت والدتها. الأم: يلا يا منة، الناس زمانهم على وصول. منة (بنعس) : يا ماما لسه بدري. الأم: الساعة 2 الضهر، اخلصي. استيقظت منة من نومها وبدلت ملابسها لفستان رقيق باللون الزهري وحجاب باللون الأبيض. بعد وقت جاء عمها وابنه. وبعد سلامات وترحيبات وقبولات. وليد: عمي، أنا عايز أكتب الكتاب على طول. صُدمت تلك التي كانت تسمع من خلف الباب. وفجأه.... ماذا حدث يا ترى؟