رواية تزوجت العمدة الفصل العشرون 20 - بقلم سارة خالد

في صباح اليوم التالي، جاءت جنات إلى بيت فارس لمقابلته. جنات: حضرتك طلبتني؟ مهران: أيوه، عاوز أتكلم معاكي في حاجة. جنات: اتفضل. مهران: إنتي بتحبي ولدي؟ جنات: طبعاً بحبه، إحنا كنا مع بعض في الجامعة وسيبت كل حاجة في القاهرة وجيت معاه. مهران: طيب يا بتي، مدام بتحبيه يبقى هتتمنيله السعادة، صح؟ جنات: أكيد. مهران: تمام، أنا عايزك تسيبي الشغل هنا وترجعي بلدك. جنات: ليه؟ مهران: أنا مش عاوز بيت ولدي يخرب بسببك.

جنات بدموع: بس هو بيحبني، إحنا بنحب بعض. مهران بغضب: بس هو بقى راجل متجوز دلوقتي، مينفعش تفضلي تكلميه ويشوفك في الشغل كده، هو بيخون مرته. جنات: بس هو مش بيحبها، ومتفقين إنهم هيطلقوا. مهران: إيه اللي بتقوليه ده؟ جنات: والله هو دا فعلاً اللي اتفقوا عليه، وغزل دي لسه بتحب خطيبها، ويمكن لسه بتكلمه. مهران بغضب: اخرسي وامشي من هنا أحسن لك، سامعة؟ مش عاوز أشوف وشك في البلد. جنات: تمام. ثم رحلت.

فارس: اتكلمت معاها في إيه يا أبويا؟ مهران: إنت لمست غزل؟ فارس: إيه الكلام اللي بتقوله ده يا أبويا؟ مهران: إنت سمعتني كويس، رد عليا، لمستها ولا لأ؟ فارس: لأ يا أبويا. مهران بغضب: لييييه؟ فارس: في إيه يا أبويا؟ هي مش مستعدة. مهران: مش مستعدة ولا علشان تتطلقوا بعدين؟ فارس: إنت عرفت منين؟ مهران: يعني الكلام اللي عرفته صح؟ فارس: أيوه صح، أنا مش بحبها، وطول ما أنا مش بحبها، جوازنا مش هيكمل. مهران: عتخرف تقول إيه؟

فارس: مش بخرف يا أبويا، دي الحقيقة. مهران: هيكمل، أنا مستني حفيدي بفارغ الصبر، وفي الآخر أعرف إنكم بتكرهوا بعض ومتفقين تطلقوا. فارس: فعلاً بنكره بعض. مهران: اختفي من وشي. خرج فارس من المكتب وصعد إلى غرفته، وجد غزل تقف في البلكونة. فارس: بتعملي إيه عندك؟ غزل: مبعملش. فارس بصوت عالي: أمال واقفة بتعملي إيه؟ غزل: وإنت مالك؟ فارس: واقفة علشان حبيب القلب صح؟ والناس تقول عليا خروف ومش عارف أحكمك؟

غزل: احترم نفسك، أنا واقفة عادي. اقترب منها فارس وأمسكها من شعرها وقال: لا والله، مفروض أصدق؟ أنا أصلاً مستنيكي تغلطي علشان أفرغ غضبي فيكي. ثم ضربها على وجهها: بسببك متجوزتش اللي بحبها، ياريتك ما جيتي. ثم أزاحها على الحائط لتخبط رأسها بها وتنزف بكثرة، ثم قال: ياريتك ما جيتي، بكرهك، وزي ما بعدت عن حبيبتي، هبعدك عن اللي بتحبيه. غزل: بكرهك. ثم فقدت الوعي. فارس: خليكي كده، هسيبك تموتي. ثم نزل وذهب إلى الشركة.

بعد وقت، وصل فارس إلى الشركة. عدي: نورت. فارس: هات ورق آخر صفقة. عدي: حازم جه وكان عايزك. فارس: بعدين، مش ناقصة الحكاية. عدي: مالك؟ فارس: مفيش، هات اللي قولتلك عليه واخلص. عدي: طيب، بس قولي مالك، في إيه؟ حكى له فارس ما حدث. عدي وهو يركض للخارج: يخربيتك. ثم خرج من الشركة وذهب إلى بيت فارس. بعد وقت، وصل إلى البيت. مهران: مالك يا ولدي بتجري لييه كده؟ عدي: ابنك المجنون ضرب غزل وسايبها سايحة في دمها. مهران: إيه؟

اطلع بسرعة شوفها يا ابني. عدي وهو يصعد: طيب. مهران بصوت عالي: عنيات، عنيات. عنيات: نعم يا بي. مهران: اطلعي شوفي غزل يا بتي. عنيات: حاضر يا حج. ثم صعدت. في غرفة غزل، صعد عدي إلى الغرفة وخلفه عنيات. عنيات: يا لهوي، ست غزل، إيه اللي حصلك؟ عدي: لسه هنسأل، لبسيها بسرعة علشان أوديها المستشفى. ألبست عنيات غزل ملابس سريعا، ثم حملها عدي وذهبوا إلى المستشفى. مهران: محمود يا ولدي، اطلع بينا ورا عدي بسرعة.

محمود: حاضر يا حج، اتفضل. مهران: يارب استر. محمود: خير يا حج، إيه اللي حصل؟ مهران: مرات ولدي تعبانة. محمود بقلق: ربنا يقومها بالسلامة. مهران: يا رب. عند عدي، كان يقود السيارة بسرعة شديدة. عنيات: هنموت يا بيه، براحة. عدي: براحة إيه، اسكت. بعد وقت، وصلوا المستشفى. عدي: دكتور بسرعة. دكتور: حصلها إيه؟ عدي: وقعت على راسها. دكتور: جهزوا العمليات. بعد وقت، وصل مهران إلى المستشفى. مهران: طمني يا ولدي. عدي: أهي دخلت العمليات.

مهران: ربنا يحميها وتقوم بالسلامة. عدي: يا رب. مهران: وفارس ولدي، هعرف أربيه من تاني كويس. عدي: خير إن شاء الله. ثم بعد قليلا، وقام بالاتصال بفارس. عدي: فينك؟ فارس: في الشركة. عدي: يا أخي، يا أبو برودك، إنت متخلف؟ البنت كانت هتموت، عملت إيه لكل ده؟ فارس: عادي، بفش غضبي فيها. عدي: طيب تعال وخلي عندك دم، ربنا يستر، أبوك مستحلف لك. فارس: طيب، جاي. عدي: الله يخربيتك يا أخي، ربنا يستر وتعدي على خير.