رواية تزوجت العمدة الفصل الحادي والعشرون 21 - بقلم سارة خالد

في صباح اليوم التالي، ذهب حازم إلى المشفى. عنيات: مين حضرتك؟ حازم: أنا صاحب فارس وجيت عشان أسأل على المدام. عنيات: بس ياباشا هو مش هنا. حازم: تمام، هسلم على المدام وأستناه جوه. عنيات: طيب، اسم حضرتك إيه؟ حازم: اسمي حازم. عنيات: طيب، اتفضل. بعد دخوله، أمسكت هاتفها وقامت بالاتصال بفارس. فارس بنوم: في إيه ياعنيات؟ حصل حاجة ولا إيه؟ عنيات: في واحد صاحبك جه هنا. فارس وهو يقوم: صاحبي مين؟ عنيات: اسمه حازم يابيه.

فارس اتنفض: نعم؟ هو فين دلوقتي؟ طلعيه بره وخلّيكي مع غزل، أنا دقايق وجاي. عنيات: حاضر يابيه. دخل حازم وجلس على الكنبة. حازم وهو يعطي ورد لغزل: ألف سلامة عليكي. غزل: شكراً، الله يسلمك. بس مين حضرتك؟ حازم: أنا حازم. غزل: تقربلي إيه؟ حازم: لا، أنا أقرب لجوزك، أكون صاحبه. غزل: آه، بس هو مش هنا. ثم قاطعهم دخول عنيات. عنيات: فارس بيه بيقول لحضرتك استناه بره معلش. حازم: ليه؟

عنيات: معلش، أصله راجل صعيدي وبيغير على حريم بيته. غزل: عيب ياعنيات، خلاص خليه يستنى هنا. عنيات: دي أوامر فارس بيه ولازم تتنفذ. غزل: مش هو هييجي؟ عنيات: أيوه. غزل: طيب، خلاص. عنيات: طيب ياهانم. ثم جلست. في الفيلا. مهران: السلام عليكم، إزيك يامحمد؟ محمد: وعليكم السلام. إنت عامل إيه؟ مهران: الحمد لله بخير. محمد: غزل عاملة إيه؟ مهران: كويسة، بس هي في المستشفى دلوقتي. محمد بخضة: بنتي في مستشفى؟ ليه؟ حصلها إيه؟ طمني.

مهران: ووقعت وساحت دم. محمد: مستشفى إيه؟ مهران: ****** محمد: تمام. ثم أغلق الهاتف ونادى شمس. شمس: نعم يابابا؟ محمد: البسي أي حاجة بسرعة، هنروح عند غزل. شمس: ليه؟ مالها؟ محمد: أبو فارس اتصل وقال إن غزل في المستشفى. شمس بخضة: ليه؟ حصلها إيه؟ محمد: بيقول وقعت ونزفت. البسي بسرعة، اخلصي. شمس: حاضر. ثم ذهبت إلى غرفتها لتلبس ملابسها. بعد نصف ساعة، وصل فارس إلى المشفى. كاد أن يفتح الباب لكن أوقفته ضحكة غزل.

فارس وهو يفتح الباب بقوة: إيه؟ القعدة حلوة ولا إيه؟ حازم: أهلاً يافارس، أنا كنت بقولها نكتة بس مش أكتر. فارس: عنيااااات! أنا قولتلك إيه؟ عنيات: والله قولت اللي حضرتك قولتيلي عليه، بس ست غزل... فارس بزعيق: مالها؟ عنيات: قالت عيب وكده، وإنه صحبك ومينفعش. فارس: بس أناااا قولت زفت حاجة يبقى تتنفذ، ومالكيش دعوة بيها ولا بكلامها. عنيات: حاضر يابيه. فارس: وأنت استنى بره، وهجيلك.

حازم بغيظ: طيب يافارس، أنا ماشي خالص، نتقابل في الشغل. ثم خرج. غزل: هو فيه إيه؟ بتكلمه ليه كده؟ مش دا صاحبك؟ فارس: ملكيش دعوة أنتِ، مالك؟ أكلمه زي ما أنا عاوز. ثم قاطعه رنين هاتفه. فارس: الو. جنات: الو يافارس، فينك؟ فارس: ليييه؟ جنات: أنا هرجع القاهرة. فارس وهو يخرج من الغرفة: هترجعي ليييه؟ ومقررة من غير ما تقوليلي كمان؟ جنات: باباك طلب مني كده. فارس: أبويا طلب منك ترجعي القاهرة؟ جنات: أيوه.

فارس: بس مش أنا اللي قولت روحي الشركة واشتغلي عادي. جنات: هتيجي إمتى؟ فارس: معرفش، أنا في المستشفى. جنات: بتعمل إيه؟ أنت كويس؟ فارس: أنا تمام. جنات: أمال مين اللي في المستشفى؟ فارس: غزل. جنات: مالها؟ فارس: اتعصبت وخبطها في الحيطة، ففقدت الذاكرة. جنات: بجد؟ فارس: أيوه. جنات: ألف سلامة عليها. طب هي فاكرة حاجة ولا مفيش خالص؟ فارس: لا، مفيش أي حاجة فكراها. جنات: طيب، هقفل أنا، سلام. ثم أغلقت.

بعد أن أغلق مع جنات، قام فارس بالاتصال بوالده. فارس: الو. مهران: إيه يافارس؟ يولدي، شوية وهنجي. فارس: لا، متجوش. أنا هاخدلها إذن خروج ونرجع البيت. مهران: متأكد؟ فارس: أيوه. مهران: طيب. فارس: سلام. ثم أغلق ورجع إلى الغرفة. فارس: يلا عشان هنرجع البيت. غزل: طيب. فارس: ساعديها ياعنيات تغير هدومها. عنيات: حاضر. فارس: خلصوا ونادوا عليا. ثم خرج. غزل: هو بجد إحنا بنحب بعض؟ عنيات: طبعاً ياهانم.

غزل: أمال أنا ليه حاسة بقساوته عليا؟ عنيات: يمكن تعبان وضغط شغل ياهانم. غزل: هو إيه اللي حصل خلاني أنسى كل حاجة؟ عنيات: وقعتي، ويلا ياهانم عشان منتأخرش على فارس بيه. غزل: حاضر، يلا. ثم خرجوا. فارس: خلصتوا؟ غزل: اممم. فارس: طيب، يلا. غزل: عنيات. عنيات: نعم ياهانم. غزل بصوت واطي: معلش تعالي اسند عليكي عشان حاسة إني دايخة. عنيات: اسندي ياهانم. غزل: شكراً. فارس: اركبو. ثم أدار السيارة وفي طريقهم إلى الفيلا. في بيت مهران.

مهران: الو يامحمد، غزل طلعت وفارس هيجيبها على أهنه؟ محمد: طيب، هجيلك البيت. مهران: طيب، سلام. ثم أغلق. عفاف: صحي عدي. عفاف: حاضر. ثم ذهبت إلى غرفة الضيوف. عفاف: عدي يواد ي عدّي. عدي بنوم: نعم؟ فيه إيه؟ عفاف: قوم كلم عمك، عاوزك. عدي: حاضر. ثم قام وذهب إلى المرحاض وخرج إلى عمه. عدي: كنت عاوزني؟ مهران: أيوه، فارس هيجيب غزل. عدي: كان سابها هناك، الممرضين هيهتموا بيها.

مهران: والله يابني مانا عارف. وبعدين هو ماعادش هيبات هنا؟ عدي: ليه يا عمي؟ مهران: مشفتش اللي عمله فيها. دي أمانة عندنا. عدي: يمكن هي عصبيته، إحنا منعرفش اللي حصل. مهران: أنا عارف. عدي: خلاص ياعمي، سماح. مهران: قولت لعفارس. فارس: أنا جاي آخد هدومي أصلاً. مهران: يكون أحسن. تعالي يابتي، اتفضلي. غزل: شكراً. فارس: أنا طالع آخد هدومي. غزل: ليه؟ هو فيه إيه؟ أنا مش فاهمة حاجة. فارس: مش لازم تفهمي. مهران: اطلع بالسلامة.

فارس: تمام. ثم صعد. غزل: هو رايح فين؟ فارس: ملكيش دعوة. اقتربت منه غزل وأمسكت يده. غزل: إزاي؟ مش أنا مراتك؟ نظر لها فارس ولم يرد. غزل: طب هي المشكلة اللي حصلت بينك وبين باباك بسببي؟ فارس: طبعاً. غزل بدموع: بجد؟ فارس: أوعي، خليني أطلع باقي الهدوم. غزل: هتروح فين؟ فارس بزعيق: قولت ملكيش دعوة، أروح مكان ما أنا عاوز. غزل بخوف: طيب. ثم نادت عنيات حتى تنزلها. في غرفة الضيوف. مهران: اتفضلوا. شمس بخوف: غزل فين؟

غزل من خلفهم: أنا اهو. إنتي مين؟ شمس: يعني إيه أنا مين؟ أنا اختك يغزل، مالك؟ غزل: بجد؟ شمس وهي تنظر إلى عدي ومهران: إيه اللي حصل؟ مهران: وقعت وفقدت الذاكرة. شمس: وقعت تاني؟ إزااااي؟ ها؟ أكيد بسبب ابنك. انتهت كلامها ثم خرجت وصعدت إلى غرفة فارس. شمس: اللي حصل لأختي كان بسببك، صح؟ فارس: أنا مش فاضيلك. شمس بصوت عالي: أنت السبب ولا لأ؟ فارس: وطّي صوتك يابت، وقولت مش فاضيلك، إيه؟ مسمعتيش؟ غزل بتعب: خلاص، محصلش حاجة.

اقتربت شمس من فارس وضربته على وجهه. شمس: حذرتك إنك تأذي أختي. أخد كلامي بهزار وإني طفلة؟