رواية تزوجت العمدة الفصل الخامس عشر 15 - بقلم سارة خالد

غزل…مش بخاف غير من اللي خلقني، مش انت اللي تخوفني. فارس….لا والله. غزل….يلا روح العب بعيد يا شاطر، باخد بكلام الرجالة مش العيال. فارس بغيظ….والله هتيجي في مرة وتخليني أقتلك بإيدي. غزل….هتتعدم بعدي. فارس….ولو متعدمتش؟ غزل….مش هسيبك، هرعبك في أحلامك. فارس….هههه، روحي نامي ولما تصحي هشغلك الكرتون. غزل….شايفني طفلة زيك؟ فارس….انتي عندك كام سنة صحيح؟ غزل….29. فارس….بجد؟ غزل….آه. فارس….كدابة، تلاقي لسه مراهقة.

غزل….ابعد عن وشي، مش ناقصاك. وخلي بالك القلم اللي أخدته النهاردة مش هسكت عليه. فارس….هتعملي إيه؟ غزل….هردُهولك. فارس….يا شيخة، دانا أكسر إيدك لو فكرتي تعمليها. بس انتي عبيطة، معندناش حريم تضرب رجالة. غزل….اممم، تمام. فارس….يلا شوفي هتتخمدي على الكنبة ولا على الأرض. غزل….مش بقول كلك رجولة. فارس….شفتي. غزل في سرها (بغل، والله العظيم بغل) . هنام في أوضة الضيوف. فارس….أحسن. ثم فجأة قلع القميص.

غزل….إيه يا بغل، انت في حمام؟ فارس….قولتي إيه؟ غزل….بقولك إيه، عدي الليلة، أنا مش ناقصة صداع. كادت أن تخرج من الغرفة لكن أوقفها صوته. فارس….اتزفتي اتخمدي هنا، علشان أبويا، أنا مش عاشق عنيكي عشان أنام معاكي في نفس الأوضة. غزل تجاهلت كلامه وجلست على الكنبة. ثم دخل هو الحمام. غزل….وحياة أبوك لآنام على السرير. ثم نامت وفردت جسمها على السرير بأكمله. بعد وقت قصير خرج فارس مرتدي ترنج أسود.

فارس….نعم يا أختي، قومي يا بت انتي يا زفتة. إنتي نايمة بالطول ولا بالعرض؟ في حد يتخمد كده؟ قومي، أنا عارف إنك صاحية. ثم أخذ يهز بها. غزل….أوووف، تماااام. الأيام جاية. ثم ذهب ونام على الكنبة. في الصباح جاء الموظفين الذين يعملون بالشركة ليباركوا له. فارس….اتفضلوا يا جماعة. الجميع….شكراً يا فندم. مهران….نورتوا الدار. الجميع….بنور حضرتك يا فندم. فارس في سره (ربنا يستر وأبويا ميفتكرش جنات) البنات….أمال فين العروسة؟

فارس….فوق، هطلع أناديها. مهران….خليك معاهم، وأنا هخلي عنيات تنده عليها. فارس….طيب. بعد وقت قصير نزلت غزل ودخلت أوضة الضيوف. ألقت السلام ثم جلست بجانب فارس. فارس بهمس….ابتسمي شوية. غزل….ملكش دعوة. فارس….هو إيه اللي ملكش دعوة؟ غزل….هو كده. ثم دخلت عنيات وضايفتهم. غزل….أووف، مصدعة. ثم نظرت إلى فارس وجدته ينظر إلى فتاة. غزل في سرها (حاسة إني شفت البنت دي قبل كده، بس فين….آه دي البنت اللي حضنها، أكيد حبيبته)

غزل بتلاعب….إلا قولي يا فارس. فارس….إيه؟ غزل….البت اللي لابسة أزرق هناك دي، حاسة إني شوفتها قبل كده بس مش فاكرة فين. فارس….إيش عرفني أنا. غزل بمكر….افتكرت، مش دي اللي حضنتها برضه؟ فارس….غزل، لمي نفسك أحسنلك. غزل….هو أنا قولت حاجة غلط ولا إيه؟ مش ده اللي حصل؟ فارس….طيب، خلاص. غزل….هو باباك يعرف؟ فارس….ولو عرف، وحياة ربنا ما هرحمك. غزل….ههههههه، مش هتعرف تعملي حاجة. فارس….لا أعرف. غزل….ههه، كلام. فارس….لا، وأفعال.

غزل….اممم، قولتيلي اسمها إيه بقا؟ فارس….ملكيش فيه. غزل في سرها (والله لأرعبكم، أهو نتسلى ونشوفه وهو بباه بيهزقه قدامي) غزل….اممم، طيب هعرف أنا. ثم وقفت واتجهت إليها. غزل….إزيك؟ أنا غزل، وإنتي؟ جنات….جنات. غزل….اسمك حلو يا جنات. جنات….وإنتي كمان. غزل….حبيبتي، شكراً. إيه رأيك نطلع نتمشى شوية؟ جنات….مفيش داعي، أنا شوية وماشية. غزل….ودي تيجي؟ يلا يا بنات نطلع الجنينة. البنات….تمام، يلا. غزل….أمسكت يد جنات. يلا.

جنات….طيب. فارس في سره (آه يا قادرة) فارس….طيب، يلا يا شباب نطلع نشم هوا إحنا كمان. الشباب….تمام يا فندم. بنت….الله، الجنينة تحفة ماشاء الله. بنت أخرى….شجرة إيه دي؟ غزل….أنا أول مرة أنزلها، فما أعرفش. ثم اقتربت من جنات. غزل….إنتي تعرفي فارس؟ جنات….آه، مديري، أكيد أعرفه. غزل….ههه، مديرك بس؟ جنات….آه. غزل….أهلك معلموكيش إن الكدب بيودي النار؟ جنات….إنتي عايزة إيه؟ غزل….كل خير. ثم قاطعهم مهران. مهران….مبسوطة يا بتي؟

غزل….آه جداً. ثم نظر مهران إلى جنات. مهران….إنتي بت مين يا بتي؟ جنات بتوتر….أنا مش من هنا، أنا من القاهرة. مهران….أهلاً، أصل بشبه عليكي أكده. غزل بتدخل….آه، هي قاعدة في البلد هنا. مهران….آه. غزل ببرأة مزيفة….شفته وهو بيحضنها، فكرتها أخته أو قريبتهم. مهران….إيه الكلام الفارغ ده؟ غزل….مبكذبش، بس ده فعلاً اللي شوفته يوم ما اشترينا الدهب. مهران ابتعد عنهم واقترب من فارس وقال بغضب: تجيب مراتك وتجولي على أوضة المكتب.

فارس….حاضر يا أبويا. جنات….هتستفادي إيه؟ غزل….اممم، بصراحة معرفش، بس حبيت أعرفه. جنات….وفارس سهل إنه يعرفه إنك هربتي مع اللي كان خطيبك. غزل….هقول إن ابنه ضربني عشان شوفته بيحضنك، وقولتله إني هقول لأبوك، وهثبت من ماما إني روحت عندها أنا وأختي. جنات….طلعتي مش سهلة. غزل….ومش هكون. جنات….فارس كمان مش سهل، وخلي بالك، ولا أنا كمان. غزل….ميهمنيش. جنات….هنشوف. غزل….عن إذنك، هروح أشوف جوزي بيشاورلي. ثم ذهبت له.

فارس….إنتي قولتي حاجة لأبويا؟ غزل….لا، مالك خايف ليه؟ فارس….مش خايف، بس عايزنا نروح المكتب. غزل….وفيها إيه؟ فارس….مفيش، يلا. (في غرفة المكتب) مهران….فيه بنت من البنات اللي بره، افتكر إنك جبتها هنا وقولت إنك عايز تتجوزها، صح؟ فارس….اممم. مهران بصوت عالي….رد عليا زين. فارس….آه. مهران….ومراتك بتقول شافتك وأنت بتحضنها؟ نظر فارس لها نظرة لم تفهم غزل معناها. فارس….آه يا أبويا. مهران بصوت عالي….أخاف. غزل….إزاي تعمل كده؟

ثم اقترب منه وضربه بالقلم. وفي الشارع من غير حياء. بالخارج كانت جنات تستمع إلى حديثهم. جنات….وحياة القلم اللي خده فارس بسببك يا غزل، لهوريك. فارس….يا بابا، أنا بحبها وجايبها لحضرتك. مهران….جبتها وقولتلك، لع، عايزني أجوزلك واحدة قبلت تحضنك، وفي الشارع من غير كسوف. فارس….بحبها. مهران بغضب….مفيش حب، وأي كان مانعك تقولي في الوقت اللي قولتلك اختار واحدة، ما ترد. فارس….مفيش.

مهران….يبقى مش بتحبها. اسمع، غلطة كمان يا فارس وهحرمك من كل حاجة، ولا تطول ورث ولا شركة ولا عمودية، سامع؟ فارس….حاضر يا أبويا. مهران….وإنتي، أي حاجة هتحصل تيجي طوالي تخبريني، ومتخافيش من حد واصل، مفهوم؟ غزل….مفهوم. مهران….كلامي خلص، اتفضلوا. ثم خرج. فارس….ارتحتي؟ غزل رغم زعلها عليه، لكن ظهرت عكس ذلك. غزل….اممم، كده ردتلك القلم بطريقة غير مباشرة. فارس….تمام، انتي اللي بدأتي، استحملي للآخر بقى. ثم خرج للموظفين.

غزل….تمام. ثم صعدت الدرج. ما إن وصلت لنهايته حتى نادت عليها جنات. جنات….غزززززل. غزل وقفت….نعم. جنات وهي تصعد حتى وصلت لها….عايزة أعرف ليه عملتي كده؟ أبوه ممكن يطرده من البيت. غزل….وأنا مالي، هو وأبوه. جنات وهي تضع يديها على كتفها….وكان أنا وهو، أدخلتي ليه؟ غزل….لأنه حشري، وتدخل بيني وبين خطيبي. وبعدين دلوقتي مين اللي مراته فينا؟ أنا صح؟ يبقى خلي فيه كرامة كده، وحبي حد تاني. أعتقد كلامي مفهوم. جنات….وإنتي مالك؟

هو لسه بيحبني. غزل….بس مش هيتجوزك، لأنك بقيتي قدام أبوه رخيصة. ومش بعيد تكوني بتحبيه هو، يمكن مركزه أو فلوسه. جنات رفعت يديها وضربت غزل كف، ارجعها للوراء لم تتوازن فوقعت من على الدرج. غزل….آآآآه.