رواية تزوجت العمدة الفصل الثالث عشر 13 - بقلم سارة خالد

في صباح اليوم التالي، استيقظ فارس مبكرًا وذهب إلى غرفته. فارس: غزل افتحي يا غزل. غزل بنوم: مين؟ فارس: أنا يا أختي. غزل: لسه عايزة أنام تاني. فارس بكذب: افتحي، أبويا زعق لي وخرب الدنيا وقال إنه هيوريكِ إزاي تعملي كده. قامت غزل مفزوعة. غزل: بجد؟ فارس: أيوه يلا. غزل وهي تقوم: طيب. ثم أمسكت المفتاح وفتحت له. عندما فتحت الباب، دخل وأغلقه بقدمه. ثم اقترب منها وأمسكها من عنقها وأزاحها لتلتصق بالحائط.

فارس: أنا تطلعيني بره أوضتي وتخليني أنام في أوضة الضيوف؟ مين سمح لك تعملي كده؟ غزل وهي تختنق: أبعد عني، هموت. فارس: في ستين داهية. غزل بحركة سريعة ضربته تحت الحزام وأسرعت إلى الحمام. فارس: آآآه يا بنت الـ****. ماشي يا غزل، والله لأربيكِ. غزل: سبق وقلت لك إني هبقى وحدة تانية، يعني مش هسكت لك على حاجة. فارس: هنشوف. اتزفتي خلصي علشان أدخل وننزل نفطر. غزل: طيب. بعد نصف ساعة، خرجت من الحمام. فارس: إيه، جربانة؟

غزل: وأنت مالك؟ اقترب منها فارس ووضع يده على خصرها. فارس: احترمي نفسك أحسن لك يا غزلي. غزل بتوتر: طيب، أبعد. فارس: ولو مبعتش... ثم قاطعهم رنين هاتف فارس. أخرجه من جيوبه ووجد الاسم: جنات. ورأته غزل. فارس: ألو يا قلبي. غزل أزاحته بعيدًا عنها. غزل: بجح. ثم خرجت إلى البلكونة. جنات: ألو يا فارس، أخبارك إيه؟ فارس: تمام يا قلبي. جنات: ألف مبروك. فارس: الله يبارك فيكي. جنات: لمستها؟ فارس: هههه، لا طبعًا. جنات: بجد؟ فارس: آه.

جنات: هاجي أبارك لك. فارس: مش النهاردة، لا. جنات: خلاص، بعد كام يوم. فارس: تمام، هقفل أنا، سلام. ثم اتجه إلى البلكونة. غزل: ليه قبلت بيا مدام بتحبها؟ فارس: مش عارف. غزل: لا أكيد عارف. أنت كده بتعذبها وبتعذبني وبتعذب نفسك. دا لو حبيتها فعلاً. فارس: حبيتها، بس ارتحت لك إنتي. غزل: يعني مرتحتش للي بتحبها؟ فارس: بصراحة مش عارف، وبحب أضايقك. غزل: ما أنا أعرف أضايقك. فارس: ههههه، إزاي؟ ثم قاطعهم دق الباب. صوت: مين؟

صوت: أنا، يبه. البيه الكبير بينادي عليك عشان الفطار. فارس: تمام، نازلين. هدخل الحمام على السريع وننزل. غزل: طيب. بعد عشر دقائق، خرج فارس وذهب إلى البلكونة. فارس: لسه واقفة؟ يلا علشان نفطر. غزل وهي تنظر إلى محمود: مش عايزة. لاحظ فارس أنهم ينظرون لبعضهم. فارس: خلاص، للأسف بقيتي مراتي أنا، مش مراته. وأول حاجة لازم تعرفيها إني مش بحب مراتي تبص لراجل غيري. تمام يا غزلي؟ غزل: وأنت مالك؟

فارس: لا، فوقي يا قلبي ويلا علشان نفطر. وبعد الفطار هعرفك أنا مالي إزاي. غزل: وريني آخرك. فارس: ههههه، تمام. يلا ننزل. على السفرة. مهران: عوقو (تأخرتوا) ليه كده؟ عفاف: عرسان جداد يا حج. فارس: أنا جيت أهو. مهران: أهلاً يا عريس. عفاف: صباحية مباركة. مهران: إزيك يا بنتي؟ غزل: تمام، الحمد لله. مهران: لو زعلك الواد دا، تيجي تقولي لي طول الوقت (على طول) غزل: حاضر. مهران: يلا افطر. فارس: أبويا. مهران: نعم؟

فارس: أنا عايز أطرد الواد السواق اللي اسمه محمود. مهران: غلط معاك في حاجة؟ فارس: أيوه، رد عليا رد ما عجبنيش. مهران: أنت مش هيعجبك العجب. دا واد طيب، جه من أسبوعين قال إنه عايز شغل عشان يتجوز اللي بيحبها. غزل دمعت ورآها فارس. غزل: بس أنا عايزة ما يشتغلش هنا. مهران: وأنا مش هقطع عيشه، خليه يبني نفسه ويتجوز خطيبته. غزل: عن إذنكم، شبعت. عفاف: استني لما جوزك يخلص هو كمان، وبعدين قومي يا بتي. فارس: أنا خلصت أصلاً.

ثم صعدوا إلى غرفتهم. فارس: امممم، أفهم إيه من الدموع اللي نزلت دي تحت؟ غزل: مش لازم تفهم. فارس: امممم، تمام. هلمحك بتبصلي له بس، والله يا غزل لأخليه يتشفشف على شغل ومش هيلاقي يأكل حتى. غزل: إنت إزاي كده؟ فارس: عادي. وبعدين زمانه كرهك وتلاقيه هيتجوز واحدة غيرك. غزل: أبوك قال إنه جاه من أسبوعين على شغل، يعني مكنتش لسه شفت خلقتك، يعني كان قصده إنه يتجوزني أنا. فارس: اممم. غزل بتحدي: وحتى لو بطل يحبني، أنا هفضل أحبه.

فارس: لا والله. غزل: آه والله. فارس: غزل، أنا لحد دلوقتي هادي معاكي، ودا أول يوم لينا، ومينفعش نتخانق ولا أي حاجة. فعدلي كلامك وفكري فيه قبل ما تقوليه. غزل: أنا عارفة بقول إيه كويس أوي. فارس: تمام، قولي براحتك وأنا هعمل براحتي. غزل: هتعمل إيه يعني؟ فارس: هوريكِ. ثم نزل وخرج من الفيلا واتجه إلى محمود. غزل: غبي ومتخلف. ثم خرجت إلى البلكونة ووجدت فارس يتجه إلى محمود. غزل بخوف: يلهوي، هيعمل إيه الغبي ده؟

فارس: أنت ياض، عايزك زي الشاطر تروح لأبويا وتقوله عايز أسيب الشغل. محمود وهو ينظر إلى غزل: مين يعرف، يمكن تعدي الأيام وترجع لي. فارس: آخر كلام، تسيب الشغل من هنا أحسن لك. محمود: ولو مسبتش... اقترب منه فارس و...