رواية تزوجت ارمل الفصل الثامن 8 - بقلم منى محمد

شريهان: مروان لازم يعرف اللي بتعمليه في ذكريات ملاك وهو مش موجود. مروان: بصي، عملت إيه؟ شريهان: كانت فاتحة دولاب ملاك وبتفتش فيه. ولما قولتلها مينفعش اللي انتي بتعمليه ده، مروان مش بيحب حد يقرب من حاجة ملاك، كلمتني بقلة أدب وطردتني من الأوضة. وانت شوفت بنفسك. قرب مروان من شمس بغضب. مروان: أنا مش قووووولتلك متقربيش من أي حاجة تخصني أنا وملاك. إيه مش بتفهمني؟ شمس ببكاء: انت بتشخط ليه؟

الموضوع مش مستاهل. مش كفاية إني رضيت أعيش في أوضة كلها ذكريات لمراتك ومتكلمتش. ولو واحدة غيري مكنتش قبلت. مش كفاية الولية دي بتدخل في حياتنا. انصدمت شمس لما لقت كف نزل على وشها. مروان بغضب جحيمي: اعتذررررري منهاااا فوراً. ردت بعناد: والله ما أنا معتذرة منها وهسيبلك البيت وماشية. مسك مروان إيدها بغضب. مروان: مش هتتحركي خطوة من هنا وهتعذري منها. شمس: وغلاوة أهلي اللي عمري ماشوفتهم، هسيبلك البيت. خليها بقى تنفعك.

زقته شمس ومشيت. مكنتش عارفة هتروح فين، بس مش هتستحمل أكتر من كده. في منزل زينة. الخادمة: في واحد اسمه وليد عايز يشوفك يا زينة هانم. زينة: إيه الل جابه ده؟ محدش يدخله. دخل وليد بغضب. وليد: لا هدخل، لازم أتكلم معاكي. زينة: اتفضل انتي وسبينا لوحدنا. زينة: انت مش بتفهم؟ قولتلك مش عايزة أكلمك. بابا خرج. لو جه وشافك هنا مش عارفة ممكن يعمل إيه. وليد: أنا مش خايف من والدك.

زينة: خلينا نتفاهم، أرجوكي. أنا بحبك والله مش عايز أخسرك. قرب منها وباس راسها. وليد: أنا هعوضك على كل حاجة، بس اديني فرصة تانية. لو مش عشان خاطري، عشان خاطر ابننا. بصتله زينة وهي مترددة توافق ولا لأ. موقفها اتغير لما شافت بوسى. بس مكنتش لوحدها. بصت بوسى بصدمة. مكنتش تتوقع تلاقي وليد عندها. وليد محذرها متروحش لزينة، بس انكشفت قدامه. نصدمت زينة صدمة عمرها، لأن ده معناه إنه بيخدعها بقاله ٥ سنين.

كان الجو ضلمة والوقت اتأخر. وشمس كانت في الشارع مش عارفة تروح فين. لقت شوية شباب بيقربوا منها. جت تبعد، بس واحد مسك إيدها وطلع مطوة. الشاب: تعالي معانا بالذوق بدل ما أغرس المطوة دي في بطنك ياقمر.