رواية تزوجت ارمل الفصل الثاني عشر 12 - بقلم منى محمد

شمس: أنا حاسة أوي بالذنب يا ماما. ليلى: ليه يا بنتي؟ شمس: لو مكنتش قولت قدام دكتور وليد إن زينة اتخطبت وهتجوز، مكنش حصل كل ده. ليلى: بتلومي انتي كمان يا بنتي؟ فاكرة إن وليد هو اللي خطفها؟ أنا مربية ابني كويس وعارفة إنه مستحيل يعمل كده. حست شمس بالندم إنها قالت الكلام ده قدام أمها. شمس: أنا آسفة يا ماما، والله مش قصدي. ليلى: محصلش حاجة يا بنتي. وسكتت وهي بتفكر في كلام شمس. يا ترى فعلاً وليد ابنها هو اللي خطف زينة؟

قلبها رافض يصدق، بس اتمنت من ربنا إن ابنها يطلع بريء. -بعد ما زينة اختفت من أسبوع. زياد كان كل يوم يسأل عنها. مبقاش بياكل زي الأول ولا بيتكلم مع حد. حتى أهل زينة كانت حالتهم صعبة. عملوا محضر في وليد، بس مقدروش يثبتوا حاجة عليه. حتى السكرتيرة وكل اللي شافوا زينة في المستشفى أنكروا أصلًا إنهم شافوها، خافوا لو وليد يرفدهم من الشغل. صوت أم زياد: خايفة أوي على الولد يا أمين.

أمين: من أسبوع وهو على نفس الحال، مش بيتكلم مع حد. فينك يا زينة يا بنتي. في الوقت ده جه مروان ومعاه ملك ومليكة، سلم على والد ووالدة زينة. أمين: أنت عارف يا ابني، أنا مش بطيق أخوك، بس أنت غيره، أنت إنسان محترم. أتمنى يا ابني تساعدني نلاقي زينة بنتي. مروان: حاضر يا عمي. صدقني لو عرفت إن وليد هو اللي عمل كده، أنا اللي هجبلكم حقها منه. مليكة: أبلة زينة هتيجي يا زياد، متخافش. ادعي ربنا كتير أوي وهيا هترجع.

لما ماما شمس غابت كتير ومكانتش تيجي، دعيت أنا وملك ورجعت، مش كده يا ملك؟ ملك: أيوه. زياد: يارب ماما ترجع. مروان وهو بيحضنه: هترجع يا حبيبي إن شاء الله. -بيسان: إيه يا حبيبتي، أنتِ هتفضلي ساكتة كده مش بتكلميني؟ بصتله زينة باحتقار وسكتت. جه وليد يحضنها، بس هي زقته. زينة: أوعى تفكر تقرب مني مرة تانية. وليد بابتسامة: على راحتك يا حبيبتي. ها، تحبّي تاكلي إيه النهاردة؟

ردت زينة على الفور: مش عايزة حاجة من وشك. كل اللي عايزاه إنك تسبني في حالي. وليد: دي مش هقدر أعملها، أنتِ كل حياتي يا زينة، مش هقدر أسيبك. حاولي تفهميني. زينة بغضب: أنت اللي افهم. أنا مستحيل أرجعلك مهما عملت. أنت كده بتضيع وقتك يا دكتور. حتى لو فضلت حابسني هنا علطول، أنا مش هرجعلك. زينة بصدمة: أنت بتقول إيه؟ وليد: ردي يا زينة، بتحبيه ولا لأ؟

ريحيني وقولي وأنا أوعدك إني هسيبك. عرفيني أنتِ لسة بتحبيني ولا لأ، وأنا هسيبك والله، وحياة ابننا.