رواية تزوجت جميله لكن معاقه الفصل الخامس 5 - بقلم دنيا فادي

سام بإستغراب وتستوعب الموقف: ايي ده، مين دي وماسكة إيدك كده ليه؟ يقترب منها بغيره ويشيل إيديها من على إيده. زينه بعدم استيعاب: إيه اللي إنتي عملتيه ده؟ إنتي مين أصلاً وبتعملي إيه هنا؟ سام بنظرة تكبر وترجع شعرها لورا: أنا أبقى بنت عمو وخطيبته يا حبيبتي، إنتي مين وبتعملي إيه في أوضته؟ زينه: ساميه؟ سام: عرفتي اسمي منين؟ زينه: عشان أنا أبقى بنت عمك. سام وتنظُر لها من أعلى لأسفل: إنتي بقيتي زينه؟ زينه وتكمل بثقة:

ومرات آدم. سام بإنفعال: نعمممم؟ آدم! هو ده الوعد؟ مش قولت هترجع عشان الشغل وبس؟ مش قولتلي كده؟ رد عليا! آدم: اهدّي. سام بعصبية: واللهِ! إيه برود الأعصاب ده؟ إنت مش سامعها بتقول إيه؟ آدم بيشدها من إيديها ويخرج من الأوضة ويقفل الباب. آدم بتشويش: أنا مبحبهاش، بحبك إنتي. متنسيش إن لازم أتجوزها عشان أورث. سام: بجد يا آدم؟ آدم: أيوة. سام بتكشيرة: وأنا إيه اللي يضمنلي إنك متحبهاش؟ آدم: و هحبها إزاي دي؟ سام:

ما إنت عينك زايغة وبتبص لأي واحدة. آدم: وهو الي يشوفك يقدر يبص لغيرك؟ سام وتربع إيديها: ماشي يا آدم، لما نشوف آخرتها إيه. زينه بزعل: ياربي إيه حظي ده؟ ده أنا كنت لسه هفرح إنها بنت عمي تطلع بتحبه. آدم بيدخل ويقفل الباب وراه. زينه بلهفة: آدم، هي اللي قالته ده صح؟ آدم: آه، وهو أنا مش قولتلك اخرجي من أوضتي؟ زينه: طيب وكلامنا؟ أنا لسه مخلصتش. آدم: إحنا مفيش بينا كلام. هو إنتي إيه معندكيش دم؟

بقولك متجوزك مصلحة وإنتي لسه لازقة. واحدة غيرك كانت طلبت الطلاق. زينه بإبتسامة: يعني إنت شايف كده؟ طب طلقني. آدم بتفكير: هاه!! مش دلوقتي طبعاً، لما آخد حقي. زينه: بس يبقى طول الوقت تسيب نفسك ليا. آدم بعدم فهم: قصدك إيه؟ زينه: قصدي إن طول الفترة دي أنا هخليك تحبني. آدم بتريقة: وده بالسحر ولا بالشعوذة؟ زينه بإبتسامة: بمجهودي. آدم وياخد نفس طويل: متحاوليش، أنا بحب سام. زينه بتفكير للحظات: قصدك ساميه؟

آدم ويهز رأسه بمعنى أه. زينه: وأنا بقى هنسيك اسمها. آدم: وإيه الثقة العمياء دي؟ زينه بتحدي: وتشوف؟ آدم بإنبهار من ثقتها: نشوف. زينه: اتفقنا. آدم: يلا اخرجي برا أوضتي. زينه بزهق: كل شوية اخرجي اخرجي اخرجي، هو فيه إيه؟ آدم: مش ملاحظة مثلاً إن مش حابب وجودك معايا؟ زينه: لا، أنا هخرج عشان إنت بدأت تلغط بالكلام. *** كوثر: يعني الواد ميخدش حقه عشان خاطر عيون حضرتك؟ سام بقمص: ومالها عيوني يعني؟ كوثر: لا، إنتي هبلة. سام:

هبلة فعلاً عشان بحب ابنك. كوثر: إنتي تطولي؟ سام: استغفر الله العظيم. خلاص يا مرات عمي. كوثر: عايشة عشان تحرقي دمي وبس. ويقاطعهم صوت زينه. زينه: إيه ده، مفطرتوش؟ كوثر: مستنينك إنتي وآدم. زينه: ممم، آدم جاي ورايا. ويخرج من أوضته فعلاً. كوثر: تعاليَ ياحبيبي افطر. آدم: لا، أنا رايح أقابل واحد صاحبي. كوثر بإستغراب: وصاحبته إمتى ده؟ آدم: أعرفه من زمان. زينه: زياد؟ آدم بإستغراب: وإنتي تعرفيه منين؟ زينه:

ده كان صاحبك الوحيد وإنت صغير. مش بقولك أنا فاكرة كل حاجة ومش ناسيه. آدم بتجاهل: همشي أنا بقى. سام: ترجع بالسلامة يا حبيبي. آدم بيبتسم ليها ويمشي. كوثر: طيب، أنا هطلع أنام. خلي بالك على زينه يا ساميه، ها يحبيبتي، إنتو ولاد عم مش غُرب. ساميه بإبتسامة خبيثة: دي في عيني. سام عينيها بتفضل عليها لحد ما تطلع أوضتها وتسمع صوت الباب اتقفل. سام بغل وتمسك السك*ينة اللي قصادها وتبص لزينه:

بقي إنتي يا مشلولة يا خطافة الرجالة تاخدي حبيبي مني؟ أنا هوريكي.