رواية تزوجت جميله لكن معاقه الفصل السابع 7 - بقلم دنيا فادي

ادم بص لعصير اللي اتكب على التيشيرت بتاعه ادم بعصبية: العصير كله اتكب عليا! أنا اللي متخلف؟! مروة: واللهِ انت لو كنت فاتح وانت ماشي مكنش اتكب عليك يا سكر. ادم بسرعة رفع إيده وضَم كفُّه بقوة، فاكر إنها بنته. مروة بإستفزاز: إيه؟ هتضربني؟ ادم: لولا إنك بنت كنت ظبطتلك وشك الحلو ده. سارة بصوت منخفض: مروة، انتي اللي غلطانة. ادم سابهم ومشي. مروة بعلو الصوت: خد هنا استنى! والعصير! ادم تجاهلها وكمل ماشي.

سارة: يلا يا مروة، يا حبيبتي. مروة: ابدأ! هستناه يخرج ويجيبلي عصير غيره. سارة بجنون: يالهوي! من امتى مخك صغير كده؟ هجبلك أنا يا مروة، استنيني هنا. *** كوثر بعدم استيعاب: انتوا بتعملوا إيه؟ إيسا: بصي يا مرات عمي، عملت إيه. زينة تبصلها برفع حاجب. إيسا وفهمت نظرتها: يعني هي قالتلي وأنا عملت. دوقي كده وقوليلي رأيك. زينة بإبتسامة: ها؟ حلوة صح؟ كوثر تهز راسها بمعنى آه. إيسا بإبتسامة لما سمعت صوت خبط الباب: ده أكيد آدم.

وتجري تفتح الباب، بس طلع مش هو. إيسا بصدمة وفرحة: بيبو! بهاء بإبتسامة: عاملة إيه يا روحي؟ وبيدخل بهاء ووليد وحنين. سام تحضن بهاء: أنا كويسة الحمد لله. معقولة أول ما أنزل مصر أشوفك على طول؟ أنا فرحانة أوي. كوثر بإبتسامة وتمد إيديها تسلم: أهلاً يا وليد، ازيك يا حنين؟ حنين ووليد في نفس الوقت: الحمد لله. زينة بإبتسامة: جدو عامل إيه؟ بهاء ويقرب ليها ويحضنها: قلب جدو، أنا كويس طول ما شايفك قدامي يا حبيبتي.

كوثر بتشويش: سلمي على عمك. سام بإبتسامة: ازيك يا عمو وليد؟ وليد: الحمد لله يا بنتي، انتي عاملة إيه؟ وطمنيني على أبوك. سام: لو عليا أنا تمام. اومال أبويا من امتى وحضرتك بتطمن عليه؟ على العموم هو أخوك، لو عايز تطمن عليه اطمن بنفسك. وليد بفهم: إن شاء الله يكون بخير. *** مروة: مبسوطة إني شوفتك. زياد: لو على كده بقى، انتي تشوفيني على طول. مروة بتسرع وضحك: لأ لأ، أنا بهزر. ادم وهو واقف ورا مروة: بقولك إيه؟ يالا بينا.

مروة بتشبه على صوته وتلف له. مروة وتوجه كلامها لزياد: هو انت تعرفه؟ زياد: ده صاحب عمري. وبعدين ثواني، انتي المفروض تكوني عارفاه انتي كمان. مروة: أنا أعرف المتخلف ده. ادم بضيق خلق: ما تحترمي نفسك. زياد: احم، ده آدم ابن صاحب الشركة اللي باباكي شغال فيها. ادم: واللهِ يا زياد... ادم ويبتسم لمروة: حلو، يبقى عرفني عليه عشان شكلي هصفي ناس. مروة بصدمة: اااحيه! ***

سام بلوم وهي في حضنه: انت ليه يا بيبو سبتنا آخر تلات سنين وجيت هنا؟ وحشتني أوي. بهاء: وانتي كمان وحشتيني أوي يا سامية. سام بقمص: يووه! مش كنت بتناديني بسام؟ بهاء بضحك: اومال فين آدم حبيبي؟ وحشني. زينة: راح مشوار مع صاحبه. بهاء: بقي كده تتجوزوا بالسرعة دي؟ حتى من غير فرح؟ زينة بإبتسامة: معلش يا جدو، بس أنا مبحبش الزحمة والصوت العالي والجو ده. سام بإبتسامة ونظرة شفقة: قصدك خايفة حد يشوفك وانتي بتتحركي على الكرسي كده؟

أصل يعيني منظرك صعب برضه. زينة ونظراتها على أهلها، وللحظة بتحس بإحراج والدموع تتجمع في عينيها.