رواية تزوجت جميله لكن معاقه الفصل السابع والعشرون 27 - بقلم دنيا فادي

عزيز ويمسك يديها: محتاجك جنبي يا زينة. زينة: هو انت شارب حاجة؟ بقولك إيه أنا مش ناقصة قرف. وهو لسه بيفتح باب العربية. عزيز ويشد يديها: رايحة فين؟ زينة بزعيق: سيب إيدي. عزيز: لا مش هسيبك، أنا بحبك يا زينة. زينة: قولتلك ميت مرة أنا ما بحبكش، انت إيه مش بتفهم؟ عزيز: ليييي؟ في حد في حياتك غيري؟ زينة: أيوا في وبحبه. عزيز بعدم وعي: لا انتي بتحبيني أنا ومحدش هيخدك غيري. انتي ليا أنا وبس، ملكي لوحدي.

زينة: انت شكلك اتجننت رسمي. وتفتح باب العربية. عزيز ويقفلوا وبيمشي بالعربية. زينة بزعيق: وقففف العربية وقففف. عزيز ويضحك بعدم وعي: مش هسيبك لحد غيري يا زيننه وهاخدك لمكان بعيد بعيدددد عن الدنيا عشان محدش يقربلك غيري. زينة بخوف وعياط وتعلّي صوتها: لااااا سيبنيييي أنا مش عايزززه اروح معاااك سيبني. عزيز: لا هتيجي غصب عنك. ويمشي بأقصى سرعة. زينة بعدم استيعاب وتفتح باب العربية وترمي نفسها.

وفي نفس اللحظة بتيجي عربية وتشالها والدنيا تسود في عينها. زينة بصريخ: لاااا. آدم بفزع ويقوم من مكانه ويقعد جنبها: في إيه؟ زينة بعياط: لا ضلمة. آدم ويفتح النور: أهدي، نورتوا أهو. زينة بتلمحه وتدخل في حضنه. آدم: أنا مش فاهم أي الي بيحصلك الأيام دي. ويخرجها من حضنه ويمسحلها دموعها: حلمتي بحاجة؟ زينة: كابوس. آدم: شوفتي إيه؟ زينة: شوفت يوم الحادثة. آدم: هي الحادثة حصلت إزاي؟ زينة: عربية خبطتني. آدم: وشوفتي شكل اللي خبطك؟

زينة وتهز رأسها بمعنى لا: الدنيا اسودت في عيني. آدم: مش يمكن بسبب كده بتحلمي باليوم ده وتفتكريه؟ زينة: قصدك إيه؟ آدم: قصدي إن ممكن شوفتي حاجة فكرتك باليوم ده أو حصل موقف ليه علاقة بالحادثة. زينة بتفكير: أه يمكن. وتركز في هدومها. زينة بصدمة: إيه ده؟ أنا ماكنتش لابسة دول. انت استغليت فرصة إني نايمة؟ آدم بضحك: استغليت إيه؟ أنا غيرتلك عادي، ما جتش جنبك، متفهمنيش غلط. زينة: وعملت كده ليه؟

آدم: انتي قولتي إنك مش بترتاحي في النوم غير باللبس ده، أنا بس فكرت في راحتك. زينة بابتسامة: ممم وانت يهمك راحتي ليه؟ آدم: ما يتهمنيش في حاجة. زينة: بجد؟ آدم: أه. ويقوم من مكانه. زينة بخوف وتمسك إيده: لا والنبي خليك. آدم: انتي كويسة أهو، سمي وارجعي نامي تاني. زينة: خليك جنبي الليلة دي بس. آدم وهو مديها ضهره ويبتسم ويستوعب اللي حصل ويخفي ابتسامته بسرعة: دي بس؟ زينة: أه. *** 10:45 AM الصبح.

مروة بتوتر: هو أستاذ آدم موجود؟ منال: أهه. مروة: تمام. وتخبط وتدخل المكتب. مروة: أنا آسفة على التأخير. آدم: اقعدي. مروة: أنا تعبت أوي امبارح معلش عشان كده اتأخرت، راحت عليا نومة من التعب. آدم: كان مالك؟ مروة: دوخت وجسمي كان واجعني. آدم ويبصلها بحدة: عشان كده تصرفاتك كانت غريبة قصاد زينة. مروة: زينة مين؟ آدم: اللي كانت معايا امبارح. مروة بتساؤل: أيوا عارفة، هي بقي تبقي مين؟ آدم ويسكت للحظات: بنت عمي.

مروة وتداري صدمتها: بجد؟ آدم: انتي ليه كنتي خايفة منها؟ مروة بتردد: خايفة منها؟ لا انت فهمت غلط، أنا قولتلك كنت تعبانة بس. آدم بابتسامة: طيب هحاول أصدقك. مروة بلامبالاة: براحتك. آدم: روحي على شغلك. مروة باستغراب: حاضر. وتخرج من المكتب. مروة وتاخد نفسها: هوف الحمد لله. *** سام بتركيز: ادخل. زياد بيدخل ويقفل وراه الباب. زياد بابتسامة: صباح الخير. سام وتبادلوا الابتسامة: صباح النور. زياد: شكلك مركزة أوي في الشغل.

سام: أه، أنا بحب الشغل زي آدم. وتكمل بابتسامة: فينا صفات من بعض. زياد وابتسامته تختفي: ممم. ويكمل بابتسامة أمل: طيب انتي عارفة إن أنا بدعم الست اللي بتشتغل ويكون ليها كارير. سام بفهم: عارف، رغم إني بحب الشغل بس بحب الراجل اللي ما يخليش مراته تشتغل ويعيشها ملكة في بيتها. زياد: عارفة بقي سبحان الله، أنا بحب برضه الست اللي تقعد في بيتها معززة مكرمة من غير تعب الشغل. سام وتبتسم بخجل: انتت عايز إيه؟

زياد: أنا عايز أعزمك على الغدا النهارده بس من غير ما آدم يعرف. سام: ليه؟ زياد: عشان مش هيوافق. سام: مم خلاص أنا موافقة، هو أنا لسه هاخد إذنه يعني؟ زياد بتلقائية: هستناكي برا الشركة الساعة 5. سام بضحك: إيه ده؟ في إيه؟ *** زينة بصدمة وعدم تصديق: أنا واقفة! بهاء بفرحة: أيوا. زينة بوجع وتقعد على الكرسي.

سهيلة بابتسامة: دي نتيجة التزامك بالتمارين والعلاجات، دلوقتي بس هتحسي بشوية وجع لما تقفي شوية، بس مع العلاج والتمارين هترجعي أحسن من الأول بكتير. زينة: عايزة أكمل التمارين، أنا عايزة أرجع أمشي وانهاردة قبل بكرة. *** وبعد ساعات. آدم بعصبية: انتي فين؟ سام بغيظ: وانت مالك؟ آدم: هو إيه اللي وانت مالك؟ انتي فين بقولك. سام: في البيت. آدم: إزاي تمشي من غيري؟ ومشيتي من امتى؟ سام: أهو اللي حصل، ومشيت من 7. آدم: ماشي يا سام.

ويقفل في وشه. مروة بإنشغال: مالك في إيه؟ آدم بزعيق: وانتي مالك؟ بيام. مروة: لا أهدي، أنا غلطانة إني سألت، وأنا مالي فعلاً. آدم: انتي ما روحتيش ليه؟ الكل روح. مروة: أهو هخلص الورق ده وأروح، أنا بس عايزة إمضتك عليه. وتخلص وتحط الورق قصاده. آدم بيراجعه ويمضي. آدم: خلاص كده؟ مروة: أه. وتمشي خطوة وترجع تاني. مروة: أنا مش عايزة أعرف مالك، بس أنا عارفة مكان ينسيك كل حاجة وقريب مننا. آدم: ينسيني همومي؟

مروة بابتسامة: ينسيك الدنيا. وبعد نص ساعة. آدم بإنبهار: انتي بتيجي هنا؟ مروة: باجي لما أعوز أنسي قرف الدنيا، أو أنسي اللي حصل في يومي، المهم أنسي عشان أعرف أكمل. آدم ويقعد: عجبتني دماغك. مروة وتبص لشخص وتغمزله ويفهم قصدها.