رواية تزوجت جميله لكن معاقه الفصل السادس والعشرون 26 - بقلم دنيا فادي

عزيز: إيه ده يا زينة؟ أنا مش مصدق إني شايفك قدامي. زينة بصدمة: عزيز. عزيز ويبتسم: اتغيرتي واحلوتي. زينة بخوف وتأخذ نفسها بصعوبة. ويقاطعهم آدم. آدم بعدم فهم: هو في حاجة؟ زينة ودموعها تنزل. آدم: زيننننه؟ عزيز باستغراب: هو إنت تعرفها؟ زينة بخوف وعينيها على عزيز: آدم، يلا نمشي من هنا بسرعة. *** مروة وتكلم نفسها: لسه عايشة، لسه عايشة. سارة: يا بنتي اهدي بقى، وترتيني. مروة: أهدي إيه؟ ده أنا شوفتها بعيني.

سارة: طيب، وإيه يعني؟ كانت عملت حاجة؟ مروة: بس شبهت عليا يا سارة، لأ أنا مش هروح الشغل تاني، مش هروح. سارة: هو إيه اللي مش هتروحي؟ وأبوكي؟ مروة بزعل: أنا مش هستنى لحد ما تفتكرني. سارة: هي شغالة في الشركة؟ مروة: معرفش، معرفش. هي كانت مع آدم في مكتبه، يمكن جاية تقدم على شغل، يعني هشوفها كل يوم. سارة: ما يمكن مش كده خالص، وتكون صاحبته ولا حاجة، مش قولتي كانوا بيضحكوا.

مروة بلوم: واللهِ ما كان قصدي أعمل كده، مكنش قصدي يا سارة. سارة: عارفة واللهِ، ده قضاء وقدر. مروة وتحاوط يديها على رأسها: أنا ما صدقت أعرف أعيش حياتي من غير خوف بعد اللي حصل. سارة: لأ، إنتِ تروحي الشغل عادي، وتتصرفي طبيعي، ومتخليش حد يشك في تصرفاتك لحد ما تخلصي اللي رايحة عشانه. *** آدم بعدم فهم ويوقف العربية: بتعيطي ليه؟ إيه اللي حصل؟ ومين ده؟ وقالك إيه عشان تبقي كده؟ زينة وصوت شهقاتها يعلو.

آدم ويمسك يديها: إيدك بتتعرّش كده ليه؟ ويكمل بعصبية: مالك؟ ردييييي علياااااااا، أنا مش فاااااهم حاجة. زينة وتبص له بخضة وتنهار أكثر. آدم بندم ويمسك يديها ويطبّط على كتفها: أهدي طيب، أنا آسف. زينة: أنا عايزة أروح. آدم: حاضر، بس فهميني الأول إيه اللي حصل وخلاكي بالشكل ده. زينة بتفكير وتسرح. آدم: زينة! زينة وتبص له. آدم: مالك؟

زينة بدموع: افتكرت اليوم اللي عملت فيه الحادثة، كان يوم صعب أوي، أنا مبحبش أفتكره عشان ببقى في حالة وحشة أوي. وتكمل بشهقة: أنا خايفة أوي يا آدم. آدم من غير تفكير وياخدها في حضنه ويطبّط عليها: خايفة من إيه؟ أنا معاكي، متخافيش. زينة بطمئنان وتهدأ. آدم: طيب، مين اللي كان واقف معاكِ؟ زينة بقلق: هاه، معرفوش، ده كان بيسألني الساعة كام. خالد ويعدي جنبهم: استغفر الله العظيم، إيه الجيل ده. آدم وزينة ويضحكوا في نفس الوقت.

آدم ويخرجها من حضنه: أهدي خلاص، وبعدين مفيش واحدة تعيط يوم عيد ميلادها،، إمْسِكِي الآيس كريم بتاعك. زينة وتمسح دموعها وتبتسم: مجبتش لنفسك ليه؟ آدم: مليش فيه. زينة: هو إيه اللي مليش فيه؟ وتمد يدها. آدم: مش عايز. زينة: اخلص يا آدم، خد. آدم وياكل منها. زينة بإبتسامة: شكراً يا آدم، بجد، إنت متعرفش أنا كنت محتاجة حضنك قد إيه. آدم: احم، يعني ده واجبي، ومتنسيش إن إحنا اتفقنا نبقى صحاب، ملوش لازمة الشكر.

زينة بإبتسامة: ممم، عندك حق. وتسند رأسها على الشباك وتغمض عينها. وبعد ساعة يكونوا وصلوا. آدم: زينة، وصلنا. زينة متردش. آدم ويخبط على كتفها: زينة. ويقوم من مكانه ويشيلها ويقفل باب العربية ويفتح باب البيت ويدخل ويتحرك لحد أوضتها ويدخل وينايمها على السرير. آدم بتردد ويجيب لها بيجامة من الدولاب ويغير لها هدومها. *** الساعة 4:35 صباحًا، الفجر. زينة بعصبية وصوت منخفض: إنت مش شايف إن الوقت متأخر؟ وكمان جايلي لحد بيتي؟

إيه البجاحة اللي إنت فيها دي؟ عزيز: الموضوع اللي محتاجك فيه مهم، ومايستناش لبكرة. زينة بتوتر: موضوع إيه؟ اخلص، مينفعش حد يشوفني معاك كده. عزيز: أنا تعبان أوي يا زينة. زينة بزعيق: إنت متخلف؟ هو ده الموضوع اللي مخرجني عشانو؟ وأنا مالي؟ عزيز ويمسك يديها: محتاجك جنبي يا زينة. زينة: هو إنت شارب حاجة؟ بقولك إيه، أنا مش ناقصة قرف. ولسه بتفتح باب العربية. عزيز ويشد يديها: رايحة فين؟ زينة بزعيق: سيب إيدي.

عزيز: لأ، مش هسيبك. أنا بحبك يا زينة. زينة: قلتلك مليون مرة، أنا مبحبكش، إنت إيه مش بتفهم؟ عزيز: لييييه؟ في حد في حياتك غيري؟ زينة: أيوا، في، وبحبه. عزيز بعدم وعي: لأ، إنتِ بتحبيني أنا، ومحدش هيخدك غيري،، إنتِ ليا أنا وبس، ملكي لوحدي. زينة: إنت شكلك اتجننت رسمي. وتفتح باب العربية. عزيز ويقفلها، وبيمشي بالعربية. زينة بزعيق: وقفففف العربية، وقففف.

عزيز ويضحك بعدم وعي: مش هسيبك لحد غيرييي يا زيننننه، وهاخدك لمكان بعيد بعيييييد عن الدنيا عشان محدش يقربلك غيري. زينة بخوف وعياط وتعلي صوتها: لااااا، سيبنييييي، أنا مش عايزززززه أروح معاااك، سيبنيي.