رواية تزوجت جميله لكن معاقه الفصل الثالث 3 - بقلم دنيا فادي

ادم بعصبية وخنقة: أنا مجبور عليكي، ودي وصية أبويا. عشان نبقى من أولها كده، انسي إني ممكن ألمسك أو يبقى في بينا حاجة. أنا متجوزك بس مصلحة، فبلاش العشم ياخدك لبعيد. يقرب ليها ووشه في وشها: متنسيش نفسك، ده إنتي معاقة. زينة بدموع وكسرة: ادم!! ادم بيسيبها ويخرج ويقفل باب الأوضة وراه. زينة بصدمة ودموعها تنزل زي السيال، وتستوعب كلامه: مجبور عليا؟

وأنا اللي كنت فاكرة إنك بتحبني. لا لا يارب أكون بحلم. هو ده الكلام اللي كنت مستنية أسمعه منك يا ادم؟ وتنهار أكتر بكلمته اللي بتتردد في مخها: "متنسيش نفسك، ده إنتي معاقة". زينة وقلبها يوجعها: أنا وهمت نفسي، أنا غبية. هو عنده حق. هيحبني امتى ولا إزاي؟ وتضرب بإيديها على رجليها: عشمتتت نفسي على الفاضي طول السنين دي، برفض الكل عشانك، على أمل إنك هترجع يا ادم وتبقي ليا ومعايا. وأهو رجعتلي وبقيت معايا، بس مجبور عليا.

زينة وتمسح دموعها وتنسي كل اللي قالو: لا، أنا مش هسيبك. أنا بحبك، حتى لو مش بتحبني. أنا مش هضيعك من إيدي تاني. كفاية السنين اللي فاتت، كفاية بعدي عنك الوقت ده كله. أنا مش هسمح لأي حاجة تبعدني عنك تاني. إنت دلوقتي تبقي جوزي، وهخليك تحبني أكتر ما اتخيلت. *** ادم: ألو. مؤمن: ألو يا ادم، إزيك عامل إيه؟ ادم: كويس، كنت عايز أسألك عن شغل بابا عشان لسه نازل مصر من كام يوم. مؤمن: آه، حاضر يا ابني. والبقاء لله يا حبيبي.

ادم: في حياتك الباقية. إنت عارف بيتنا اللي هنا. هستنى حضرتك يوم ما تبقى فاضي تنورنا. عايزة أعرف كل حاجة عن الشغل. مؤمن: تمام. *** سمر: مين يا مؤمن؟ مؤمن: ده ادم، ابن خليل بيه. سمر: يييه، وده عايز إيه؟ مؤمن: عايز يعرف كل حاجة عن الشغل. شكله راجع يمسك شغل أبوه. سمر وتلطم: يالهوي!

كده هيعرف إن الشركة كانت بتكسب ومش بتخسر زي ما مفهمهم، وهيَسألك عن الملايين اللي كسبتهم الشركة، ده غير الناس اللي رفعوا قضايا على الشركة لما عرفوا إنك بتغشهم. مؤمن: اخرصيي يا بوز الفقر، ما إنتي السبب في كل ده. زينة: لي يا أخويا؟ هو أنا اللي قولتلك اضحك على الناس اللي بتشاركهم؟ مؤمن: مش إنتي اللي كنتي بتلعبي في مخي وتقنعيني أنصب على الراجل اللي مأمنلي وأقوله إن الشركة بتخسر، وهي كانت بتكسب.

سمر: يا سلام، وإنت مكنتش بتعمل كده بمزاجك. أنا آه قولتلك، قولوا إنها بتخسر، بس مش تضحك على الناس. كنت بقولك خلاص كفاية كده، وإنت تقولي: "لي ما ربنا مباركلنا في الفلوس". وأهي ضاعت عشان كانت فلوس حرام. مؤمن بخنقة: أنا مش عارف هعمل إيه. سمر بتفكير: بص، ميتهيأليش إنه يعرف أو يهمه حوار إن الشركة كانت بتكسب ولا بتخسر. ولو على القضايا، أنا هقولك تعمل إيه فيها. *** 9:20 AM ادم بيصحي على صوت هو عارفه. وسام بابتسامة: ادم.

ادم بخضة: إنتي جيتي امتى؟ وسام: من شوية يا حبيبي. وتضحك: مالك اتخضيت كده ليه؟