تحميل رواية «تزوجتك لأجل أبنتي ولكن أحببتك» PDF

ريم:

يا ماما حرام عليكي شي فاني فايتني القطر قدامك عايزة تجوزيني واحد مراته ميتة وعنده بنت.

رجاء (الأم):

ابن خالتك وشاب زي العسل وصغير في السن وبعدين مش ده اللي كنتي بتموتي فيه زمان.

ريم:

أديكي قلت كان زمان لكن دلوقتي لا بعد ما اتجوز وبعدين هو عايز واحدة تربي له بنته مش أكتر.

رجاء:

يا حبيبتي وافقي ده برضو ابن خالتك وإنتي مفيش ولا عريس وافقْتِ عليه معناها إنك لسه بتحبيه.

ريم:

أيوه بحبه بس ده كسر قلبي يوم ما اتجوز.

رجاء:

أنا قلتها كلمة وخلاص.

ستوب * ريم نصار:

فتاة في عمرها 25 سنة هي فتاة جميلة وطيبة ومحجبة درست كلية تجارة إنجلش.

في مكان آخر.

نجاة:

يا حبيبي دي بنت خالتك وبعدين هتصونك ومش هتلاقي أحن منها على لين.

أسر:

يا ماما ما أنا عارف الكلام ده بس برضو هي لسه بنت وأنا مش عايز أظلمها معايا.

نجاة:

أسر اسمع كلامي خالتك لسه قايلالي إنها موافقة.

سامي:

ما تسمع الكلام يا بني وتخلص.

أسر:

ماشي يا بابا أنا موافق.

ريناد (أخت أسر):

خد يا أسر لين زعلانة.

أسر:

هاتي يا ريناد أنا طالع شقتي.

ستوب * أسر السيوفي:

رجل أعمال عنده 30 سنة.

لين:

طفلة عمرها 3 سنين طفلة جميلة جداً.

وراحوا اتقدموا لها وعملوا خطوبة وحددوا الفرح بعد شهر بس ريم شرطت يكون كتب كتاب بس.

رواية تزوجتك لأجل أبنتي ولكن أحببتك الفصل الثاني 2

بارك الله لكم وبارك عليكم وجمع بينكم ف خير

رجاء: مبروك ي ولاد

ريم: الله يبارك فيكي ي ماما

اسر: الله يبارك فيكي ي خالتي عقبال رنا

رنا اخت ريم عندها 22 سنه

رنا: مبروك ي ريمو

ريم: حبيبتي عقبالك يارب

ريناد: مبروك ي اسر مبروك ي ريمو

ريم: عقبالك

اسر: الله يبارك فيكي

لين جريت ع ريم وحضنتها: مامي

ريم اتنفضت وراحت اخدتها ف حضنها وشالتها

لين: تيته لتلي ان اتي بقيتي مامي وايجي اعدي مايا انا وبابي ف البيت ( تيته قالتلي ان انت بقيتي مامي وهتيجي تقعدي معايا انا وبابي ف البيت

ريم: ايوه صح ي قلبي

لين بفرحه: انا بهبك اوي &;

ريم: وانا بموت فيك ي صغنن

اسر: وانا نسيتيني بقى ي استاذه لين

لين: ات بيبي ي بابي ( انت حبيبي ي بابي)

وعدى الوقت وكانوا اسر و ريم ماشيين

نجاه: خلي لين معانا هنا النهارده

اسر: ماشي

سامي * حبيبه جدو هتقعد معاه النهارده

لين بحزن: لا نا عاسه نام مه مامي ( لا انا عايزه انام مع مامي)

نجاه: مش هينفع ي لين اسمعي الكلام

لين بدموع: حاتر(حاضر)

ريم: لينو قلر مامي هتيجي معانا فوق ي خالتو لو سمحت

نجاه: مش...

ريم: معلش ي خالتو يلا ي لينو

لين: هيييي هييييي حبك مامي

اخدها و طلعوا عشان يناموا

ريم: يلا ي قلبي هروح اغير هدومي وارجع

لين: ماسي

دخلت ريم الاوضه وغيرت هدومها ولبست بيجامه و طلعت

ريم: يلا ي لينو عشان اغيرلك

شالتها ريم وغيرتلها وعملت اكل عشان ياكلوا

ع السفره

اسر: كلي ي ريم ولا مكسوفه

ريم: باكل

وخلصوا اكل وقامت ريم مع لين نيمتها وخرجت دخلت الاوضه

اسر لسه هيقرب منها راحت منعاه بايدها

ريم: اسر لو سمحت انت مش هتلمسني

ايه اللي انت بتقوليه ده.

ذى ما سمعت.

يعني إيه؟ انتي مراتي على سنة الله ورسوله.

والله هو ده اللي عندي، وانت براحتك.

اتعدلي وبطلي برود، أنا هسيبك تفكري بهدوء.

وبعدين أنا عارف إنك بتحبيني.

مش ده حب مراهقة زي ما قولت ولا إيه؟

فلاش باك.

اسر كان عنده 25 سنة وريم 20 سنة.

لما اسر قرر يتجوز بنت عمه مريم.

اسر أنا بحبك أوي، حرام عليك عايز تتجوز ليه.

انت لسه صغيرة، إيه اللي بتقوليه ده.

والله أنا مش صغيرة، ومتأكدة إني بحبك.

حتى لو كان، أنا بحب مريم وهاتجوزها.

لا والنبي يا اسر متعملش كده.

ابعدي عني أحسن لك، أنا عمري ما اعتبرتك غير أخت وبس.

ومشي وسابها.

انتهاء الفلاش باك.

افتكرت أنا بقى من يومها وقررت إني أطلعك من حياتي.

بس انتي دلوقتي مراتي.

اللي اتجوزتها عشان بنتك مش كده؟

اسم...

لو سمحت يا اسر خلاص، مفيش كلام تاني.

واتجهت للسرير عشان تنام.

جه اسر ونام جمبها.

لو سمحت متقربش مني.

أوكي.

عدى الليل وجاء تاني يوم الصبح.

صحت ريم على صوت خبط بسيط على باب الأوضة.

فتحت.

صباح الخير يا قلبي.

صباح الخير يا مامي، فين بابي؟

بابي نايم.

يلا عشان ناخد شاور ونحضر الفطار.

أخدتها ريم وحمّتها ولبستها وهي كمان.

وبعد كده عملت الفطار وصحوا اسر وفطروا.

وجاء أهلهم وقعدوا شوية ومشوا.

وعدت الأيام، كانوا كل يوم بيقربوا من بعض.

واسر بدأ يحس بمشاعر ناحيتها، وهي بتحاول تنسى.

ولين اتعلقت بيها جدا، وهي حبت لين جدا وبقت بنتها بجد.

مر 4 شهور على جواز أسر وريم.

في يوم من الأيام، كان أسر في الشغل وريم قاعدة هي ولين في البيت.

ترن ترن ترن.

فتحت ريم الباب وكانت أمها وأختها وخالتها وبنت خالتها.

ريم: اتفضلوا.

رجاء: عاملة إيه يا بنتي؟ البيت من غيرك ملوش طعم.

ريم: كويسة يا ماما.

ريناد: أمال فين لينو؟

ريم: نايمة.

رنا: وحشتيني قوي يا ريمو.

ريم حضنتها: أنتِ وحشتيني أكتر يا قلبي ❤️.

لين: تيته اتي جيتي.

نجاة: قلب تيته، وحشتيني.

لين: جدو جاس ليه وهسني؟

نجاة: جدو عنده شغل كتير.

ريناد: مش هتسلمي على عمتو؟

لين: ازيك يا عمتو، وحشتيني جدا.

رجاء: لينو عاملة إيه يا حبيبتي؟

لين: كويسة يا تيته.

وقعدوا مع بعض وريم قامت تجهز الغداء.

ترن ترن ترن.

ريم: الو، إزيك يا جزمة؟ يا اللي مش بتسألي من ساعة ما اتجوزتي.

ريهام: على أساس إن أنتِ اللي بتسألي، مع إنك عارفة إن عمر وأحمد مجننيني.

ريم: يا بنتي أنا اتجوزت، اتصلت عليكي مردتيش.

ريهام: يا خاينة، تتجوزي من غيري!

ريم: ما أنا معملتش فرح، كان كتب كتاب وبس.

لين: مامي، يلا بابي جه وبيقولك جعان.

ريم: ماشي يا لينو، روحي أنتِ ❤️.

ريهام: يخرب بيتك، لحقني تخلفي إمتى؟

ريم: لين عندها 3 سنين، أنا اتجوزت أسر.

ريهام: لعبتي معايا أنا للآخر وخدتي اللي بتحبيه.

ريم: هو...

أسر: يلا يا ريمو، خلصي.

ريهام: سلام أنا، دلوقتي نتكلم بعدين.

ريم: باي.

أسر: كل ده بتعملي الأكل؟

ريم: يلا نودي الأكل.

حطوا الأكل وأكلوا وخلصوا.

بيشربوا الشاي.

نجاة: مش ناويين تجيبوا أخ للين؟

أسر: لما ربنا يريد.

نجاة: بس برضه اكشفوا أو أي حاجة.

رجاء: ما خلاص يا نجاة، هما بقالهم 4 شهور، لسه.

وأخدوا بعضهم ومشوا.

تاني يوم.

أسر: صاحبي متقدم لريناد والنهاردة جاي.

ريم: ألف مبروك.

أسر: أنا بقولك عشان هتأخر.

ريم: أنت نسيت إنك قولتلنا هتخرجنا النهارده.

أسر: معلش، في يوم تاني.

لين: لا يا بابي، إحنا عاوزين نخرج.

أسر: معلش، في يوم تاني.

لين: لا، أنا عاوزة أخرج النهارده.

أسر بنفاذ صبر: ما خلاص بقى يا لين، اهدي! أنا ماشي من وشكم.

وراح مشي ورزع الباب.

ولين انفجرت في العياط وريم أخدتها في حضنها.

ريم: بس يا قلبي، هو بابي مضغوط في الشغل، متبكيش.

لين ببكاء: هو زعقلي أوي.

هدتها ريم.

ريم: إيه رأيك أعملك كيك؟

لين: هيييييي هييييي، بيبتي يا مامي.

ريم: قلبي ❤️.

عدى الوقت وهما بيتفرجوا على التلفزيون.

في بيت أبو أسر.

ترن ترن ترن.

أسر: ده أكيد مراد.

سامي: افتح يا أسر.

فتح أسر الباب.

أسر: اتفضلوا.

مراد: شكراً يا أسر.

كان مراد وأمه وأخوه.

قعدوا.

نبيل: أنا يشرفني يا حج أطلب إيد بنت حضرتك لابني.

سامي: وأنا اتشرف بيكم طبعاً.

دخلت ريناد وكان معاها العصير.

وقدمت العصير وقعدت.

سحر: ما شاء الله، زي القمر يا حبيبتي، عرفت تختار يا مراد.

نبيل: طب نسيب العرسان مع بعض شوية.

سامي: آه طبعاً، روحي يا ريناد أنتِ ومراد البلكونة.

في البلكونة.

مراد: إزيك يا ريناد؟

ريناد: الحمد لله.

مراد: طبعاً أنتِ عارفة إني معجب بيكي.

ريناد: اممممم.

مراد: وأنتِ إيه رأيك؟

ريناد: الرأي لبابا وأسر.

وطلعوا وقعدوا ووافقوا على مراد واتفقوا الخطوبة بعد أسبوع.

اسر البيت لقى ريم ولين قاعدين بيتفرجوا ع التلفزيون.

اسر: السلام عليكم ورحمة الله.

ريم: وعليكم السلام ورحمة الله.

اسر: ازيك ي لينو.

لين بوزت ومردتش.

اسر: لينو زعلانه مني ي ناس لازم اصلحها.

لين: مش هتصالحك.

اسر: خلاص هدي الشوكولاتة اللي جايبها ل ريم.

لين: عادي مامي عملتي مس أيسة منك حاجة انت وهس.

ريم: أنا قولتك عيب ي لينو تقولي ل بابي كده.

لين: هوووف ما هو زعق فيا.

اسر: خلاص ي ريم نروح أنا وانت نخرج بكرة ولين لا.

لين قفزت من مكانها: بابي حبيبي.

اسر: مصلحجية أوي انت.

تاني يوم.

ريم صحيت وعملت الفطار وصحت لين وراحت تصحي اسر.

ريم: اسر اصحي.

اسر: امممم سيبيني شوية.

ريم: خلص بقى ي اسر.

شدها اسر وقعت عليه، فهي شهقت بخجل.

ريم بخجل: ابعد عني عيب سيبني.

اسر: انت مراتي على فكرة.

ريم: بس سيبني عيب.

اسر باسها ف خدها: يبنتي ده انتي مراتي.

ريم حاولت تقوم مقدرتش.

ريم: خلاص بقى.

اسر: تو تو وقرب وباسها برقة على شفايفها.

قطع قبلتهم صوت الصغيرة.

لين: عيب ي بابي سيب مامي.

اسر وريم اتنفضوا وريم قامت بسرعة.

اسر: صباح الخير ي قلب بابي تعالي هاتي بوسة.

لين: لا ما أنا بست مامي كفاية.

ريم: يلا نفطر وقامت بسرعة.

اسر: جهزوا نفسكم عشان نخرج.

وقاموا وفطروا ولبسوا ونزلوا.

اسر: عايزين تروحوا فين.

ريم ولين ف حماس: الملاهي.

اسر: أطفال.

ريم: بس بقى متبقاش رخيم.

اسر: طب يلا.

وراحوا الملاهي وكانوا مبسوطين جدا.

ولعبوا كتير وكانوا فرحانين جدا.

وراحوا مطعم واتغدوا وبعدين راحوا المول عشان يجيبوا.

ف المول.

اسر: يلا شوفوا هتجيبوا ايه.

ريم: إحنا هنجيب هدوم زي بعض مش كده ي لينو.

لين: طبعًا ي مامي.

اسر: طب يلا يا آخرة وصبري.

وجابوا هدوم كتير.

اسر: وأنا مش هتجيبولي حاجة.

ريم: تمام واخترتلوا طقم حلو جدا يليق مع فستانها هي ولين ف خطوبة ريناد.

اسر: هدخل أقيس أنا.

ريم: أوك.

وريم بتختار بس لين موقفها جنبها ولين لفت انتباهها دبدوب عجبها فراحت بسرعة تشوفه وريم مخدتش بالها.

اسر: أي رأيكم.

ريم: اممم جميل.

اسر: فين لين.

ريم: اهي.

اسر: فين.

ريم: كانت هنا ليييين ي ليييين.

عند لين مسكت الدبدوب ومعرفتش ترجع وقفت تبكي ومش عارفة حاجة.

لين: ماااامي ي ماااامي.

عند اسر وريم.

اسر: مش عارفة تاخدي بالك منها.

ريم بدموع: والله هي كانت واقفة وأنا كنت بختار.

اسر بزعيق: ما انت لو واخدة بالك منها بس هي مش بنتك عشان تخافي عليها.

ريم بدموع غزيرة: لا لين بنتي متقولش كده.

اسر بعصبية وزعيق: كان لازم أعرف من الأول إنك مهملة بس أنا اللي غبي.

مش بنتك هتهتمي بيها ليه.

الناس كانت بتتفرج عليهم وريم منهارة واسر بيزعق فيها.

راحوا يشوفوا ف الكاميرات.

بس ريم ف واحد قالها إن فيه ميكروفون تروح تتكلم فيه وأي حد ف المول هيسمعها.

ريم ببكاء: لين ي قلب مامي أنا هنا ي روحي انت فين تعالي ي لينو.

بصي ي لين خلي أي حد يجيبك عند الإدارة ي لييييين تعاااالي ي ليييين.

ف الوقت ده ف المول المكان اللي فيه لين سمعت صوت أمها فرحت جدا.

لين: طنط وديني عند مامي.

المرأة: مامتك اللي بتتكلم دي ي عسل.

لين: امممممم.

أخدتها المرأة عشان توديها.

وريم كانت قاعدة واسر جنبها.

لين: مااااااامي.

جريت ريم بسرعة وراحت أخداها ف حضنها وهي بتعيط جامد: كنت فين ي لين كده تسيبيني مش أنا قولتلك متتحركيش من مكانك.

لين: آسفة ي مامي.

جري اسر وشدها من حضن ريم وحضنها جامد.

اسر: كده ي لين حرام عليكي.

اسر وريم شكروا المرأة جدا.

اسر: يلا عشان نرجع البيت ومشى وهو شايل لين راحت مشيت وراه ريم من غير ما تتكلم.

ف العربية شايلة ريم لين وحضناها جدا وبتبكي لأن حقيقي هي بقت بنتها متتخيلش حياتها من غيرها.

لين ببراءة: متعياطيش ي مامي.

ريم ببراءة مسحت عينيها بأيديها زي الأطفال: مش هعيط تاني وراحت باستها ف خدها.

في البيت.

لين نامت.

أسر: ريم أنا آسف.

ريم بزعيق: آسف على إيه ولا إيه؟ تعرف إن أنا كرهت حياتي من وقت ما شوفتك، بتمنى إني في حياتي ما كنت قابلتك أبداً.

أنت النهاردة اتهمتني جامد، بس مش كل الناس أنانية زيك. أنا لين أعتبرها زي بنتي وأكتر كمان، كنت متوقعة النهاردة تاخدني في حضنك تهديني، لكن أنت عملت إيه؟ قعدت تتهمني، مش شوفتش إن أنا كنت منهارة؟ لا زدتها عليّ أكتر، بس لا أنا تعبت بجد، عارف إن أنا بقيت بكرهك أوي، بكرهك.

لسه أسر هيقرب.

ريم: ابعد عني، متلمسنيش، أنا بكرهك.

أسر مستحملش ومشي ورزع الباب، هو بقى بيحبها جداً، هي بقت كل حياته، بس هو في بيته هو اللي جرحها.

دخلت ريم نامت جمب لين لأنها تعبانة.

رجع أسر بعد نص الليل، دخل الأوضة ملقاش ريم، خاف لتكون مشيت، طلع يدور عليها، لقاها نايمة هي ولين وحاضنين بعض.

طلع دخل أوضته ونام.

وهكذا توالت الأيام بين أسر وريم، هو حاول يصالحها بس هي متجاهلاه جداً وب تنام مع لين وتعمل الأكل وعايشة هي ولين، كانوا مش موجودين لغاية ما جه معاد خطوبة ريناد ومراد.

يوم الخطوبة.

أسر: يلا......

طلعت ريم من الأوضة وهو اتسمر في مكانه من جمالها.

أسر: إيه الجمال ده كله بس!

ريم: أسر يلا.

لين: إيه لايك في فستاني؟

أسر: قمر يا قلب بابا.

أسر: يلا...

مشيوا راحوا القاعة اللي هيتم فيها الخطوبة.

ريم أخدت لين وقعدت مع أهلها.

وأسر راح وقف مع أصحابو.

جه مراد وريناد.

راح أسر وريم ولين.

أسر: مبروك يا مراد وأنت يا رينو.

مراد: الله يبارك فيك.

ريناد: الله يبارك فيك يا حبيبي.

ريم: إيه الجمال ده كله يا رينو مبروك.

مبروك يا أستاذ مراد.

ريناد: أنت الأحلى يا حبيبتي.

مراد: الله يبارك فيكي.

سيف: مبرووك يا غالي.

مراد: حبيبي يا خويا عقبالك.

سيف: ربنا يرزقنا ببنت الحلال.

رنا: رينو مبرووك يا روحي.

ريناد: الله يبارك فيكي إيه الجمال ده بس.

رنا بغرور مصطنع: طول عمري.

سيف: رنا....

رنا: سيف......

ريم: أوبااا أنتوا تعرفوا بعض؟

رنا: أه سيف زميلي في الجامعة.

ريناد: سيف أخو مراد.

رنا: أمممم عن إذنكم.

سارا: هاااي إزيكم يا بنات ألف مبرووك يا ريناد.

ريناد: الله يبارك فيكي.

سارا، بنت خالة ريم وأسر وكانت بتحب أسر بس هي بنت خبيثة.

سارا: أسوره عامل إيه؟ ومدت إيدها.

ريم مدت إيدها مكان أسر: أهلاً يا سارا أولاً اسمو أسر ثانياً بقى مبيسلمش على بنات احنا متفقين على كده مش صح يا حبيبي؟

أسر: طبعاً يا قلبي.

سارا دمها اتحرق ومشيت.

وهكذا مرت الحفلة بسلام وكل واحد روح بيتهوا.

بعد مرور عدة أيام.

في بيت رجاء.

رجاء: في عريس متقدم لك يا رنا.

رنا: وأنا مش موافقة.

رجاء: ليه؟ ما هو شاب كويس. كل ما يتقدم لك عريس ترفضي، قرفتيني.

رنا: يا ماما مش عايزة أتجوز عادي يعني.

رجاء: مش عايزة تتجوزي ولا بتحبي حد؟

رنا بتوتر: لا مين... قال... كده؟

رجاء: يكون أحسن. العريس هييجي النهارده.

رنا: ما...شي...

دخلت رنا أوضتها وقعدت تعيط لأنها بتحب سيف، فاكرينه أخو مراد.

(توقعاتكم هتتجوز سيف ولا للقدر رأي آخر).

في بيت ريم.

ترن ترن ترن.

أسر: اتفضلي تليفونك بيرن.

ريم: الو، إزيك يا ماما؟

رجاء: إزيك يا بنتي، عاملة إيه؟

ريم: الحمد لله. وانتوا؟

رجاء: كويسين. وإسر ولين عاملين إيه معاكي؟

ريم: زي الفل يا ماما.

رجاء: في عريس متقدم لرنا، وكنت عايزة إسر ييجي يقعد معانا في الرؤية الشرعية. وانت عارفة إن مفيش حد.

ريم بتفهم: حاضر، هقول له وأرد عليكي. باي.

رجاء: سلام.

ريم: إسر، في عريس متقدم لرنا، وماما بتقولك تقعد معاهم.

أسر: حاضر، جهزي نفسك ونروح مع بعض.

عدى اليوم وراحوا أسر وريم عند بيت أبوها.

في أوضة رنا.

ريم: بتعيطي ليه يا حبيبتي؟

اترمت رنا في حضن أختها وفضلت تبكي.

ريم: طب اهدي واحكيلي.

رنا: مش عايزة أتجوز.

ريم: ليه يا حبيبتي؟ ما يمكن العريس كويس.

رنا: مش بحبه.

ريم: هنصحك نصيحة، سيبك من حكاية الحب دي خالص لأنك مش هتستفادي حاجة.

رنا: بس...

ريم: ما تبسيش. أنا بقول لك لمصلحتك. شوفي العريس ويمكن يكون كويس.

رنا: حاضر.

رجاء: يلا يا رنا العريس جه.

رنا: حاضر.

طلعت ريم ورنا ودخلوا قعدوا.

يامن (العريس): شاب عمره 27 سنة، يتيم الأب والأم، متربي مع عمه.

سامح (عم يامن):

(طبعاً انتوا توقعتوا إن العريس هيبقى سيف والتمثيل الفاضي ده، بس مش عليا، أنا بحب النكد).

سامح: أنا يسعدني أطلب إيد بنت حضراتكم.

أسر: وأنا يشرفني، بس أهم حاجة رأي العروسة.

سامح: طب نسيبهم مع بعض شوية.

طلعوا وكانوا قاعدين قداهم عشان يشوفوهم.

يامن: امممم، مش هتتكلمي؟

رنا: اممم، هقول إيه؟

يامن: أي حاجة. ده انتِ متعرفيش اسمي.

رنا: اتفضل قول.

يامن: اسمي يامن، عندي 27 سنة، بشتغل مهندس، عندي شركة صغيرة بس هكبرها إن شاء الله. أهلي متوفيين من وأنا عمري 6 سنين في حادثة وعشت مع عمي.

رنا: الله يرحمهم.

يامن: طب يا آنسة رنا، إيه رأيك؟ لأني عايز أتوز علطول، الحمد لله عندي شقة وهجيب فيلا.

رنا بحزن: الرأي رأي أهلي.

يامن: هو أنتِ زعلانة؟ لو مش موافقة قولي وأنا هفهمك وأقول الرفض من عندي.

رنا: اممم، لا عادي.

يامن بسعادة: أشطا، كده خلاص.

أسر: إيه رأيك يا رنا؟

رنا: اللي تشوفوه.

سامح: على بركة الله، نقرا الفاتحة.

يامن: أنا عايز الجواز علطول.

رجاء: اللي تشوفوه.

وحددوا ميعاد الفرح بعد 3 أسابيع.

في بيت أسر وريم.

أسر: ريمو، مش ناوية تسامحيني بقي؟

ريم: أس...

أسر: والله يا ريم غصب عني، مكنتش عارف بقول إيه ولا بعمل إيه. قدري حالتي.

ريم: بس أنت زعقتلي أوي.

أسر: آسف يا قلبي ❤️.

ريم باستغراب: قلبي ❤️؟

أسر: قلبي وروحي وعقلي وحياتي كلها كمان.

رمقته ريم باستغراب.

أسر: والله بحبك أوي، لأ، أنا بقيت بعشقك.

ريم: هو أنت شارب حاجة ولا بتضحك عليا؟

أسر بضحك: لا، هي دي الحقيقة.

ريم ويكاد يغمى عليها.

(وووووولخيالكم بقى لأني مقدرش أقول أكتر من كده). هي أصبحت زوجته وهتكون أم عياله.

تاني يوم أسر صحى لقى ريم نايمة على صدره، قرّب منها وباسها لأنّو بجد بقى بيعشقها، هي بقت كل حياته هي ولين.

ريم بدأت تِصْحَى.

أسر: صباح النور ع وردة حياتي.

ريم بكسوف: صباح النور.

أسر: صباحية مباركة على أجمل عروسة في الكون.

ريم بكسوف: بس بقى يا أسر.

أسر قرّب منها وباسها: قلبي يا ناس.

ولسه بيقرّب تاني وسمعوا صوت لين بتعيط.

ريم: لين يلا هوي.

وقامت بسرعة لبست الروب.

ريم: مالك يا قلبي.

لين ببكاء جريت حضنتها: مامي... كنتي... فين...

ريم: كنت نايمة يا قلبي متعيطيش يا روحي.

لين وهي بتمسح دموعها: خلاص.

أسر: إيه يا لينو زعلانة ليه؟

لين: مفيش.

أسر: يلا يا ريم حضّريلنا الإفطار عشان رايح الشغل.

ريم: أوك يا قلبي.

أسر: أحلى قلبي دي ولا إيه؟

لين: أحم أحم إحنا هنا.

أسر وريم ضحكوا عليها.

أسر راح يلبس وريم راحت تحضّر الإفطار.

عدى اليوم ومفيش أي أحداث تحكي.

عدّت تلات أسابيع، كانوا عايشين أحلى أيام حياتهم، فيهم أسر وريم سهر وخروج وعايشين أحلى أيام في حياتهم.

أما ريناد ومراد بداو يحبوا بعض عشان بقوا يتعاملوا، الأول كان إعجاب متبادل دلوقتي بقى حب متبادل.

أما سيف فهو خطب.

رنا بعد ما عرفت إن سيف خطب زعلت.

بس بعد كده انشغلت مع يامن في حاجة الفرح، بجد يامن قدر ينسيها سيف، بدأت تعجب بيه بحنانّه وطيبّه وحبّه ليها، بجد إنسان عظيم (أنا سريعة مش زي الباقي سنة عشان يحبوا بعض، لا هما تلات أسابيع ملخّصين).

يوم الفرح كان يوم جميل جداً.

الكل كان مبسوط بيهم، كانوا كابلز جميل لايقين ع بعض جداً.

الحفلة بدأت وكل كابلز طلع يرقص على أغنية (أوعديني) أغنية رومانسية وخلاص.

عدى الفرح.

في شقة يامن، هي شقة جميلة مكوّنة من تلات أوض.

(أوضة نوم وأوضة أطفال وأوضة الإنتريه والليفينج).

يامن: يلا يا قلبي ادخلي غيّري هدومك واتوضئي وتعالي.

رنا بخجل: حاضر.

بعد شوية صَلُّوا و......... وسكتّت شهرذاد عن الكلام الغير مباح.

(طبعاً الكل كان متوقّع إن هي مش هتخلّيه يلمسها بس أنا أختلف عن الآخرين).

تاني يوم في بيت رنا ويامن.

رنا صحيت لقت نفسها نايمة في حضن يامن وهو باصصها ومبتسم.

رنا: يلااااااهووووووووي انت عملت فيا ايه.

يامن: اهدي ي حبيبتي عملت ايه يعني.

رنا: عااااااااا متقلش حبيبتي ي متحرش.

يامن بضحك: حرام عليكي متحرش اية ده انا جوزك ي ابت.

رنا: بت اما تبتك.

يامن: حاسبي ع لسانك لقصهولك.

رنا: عاااااااااا وكمان عايز تقصلي لساني ي وحش.

يامن: ي حياتي انهارده الصباحية لتاعتنا بدل ما اصحى عليكي وانت بتبوسيني صاحيه تزعقي.

رنا: عااااااا وكمان قليل ادب عايزني ابوسوا.

يامن: بس ي قلبي الناس هتتلم علينا ويقولوا اني خاطفك.

رنا: احسن ارتاح منك.

يامن بزعل: خلاص زعلان منك.

رنا قربت منه وحضنته وباسته في خده: ي قلبي متزعلش كنت بهزر معاك.

يامن قرب منها واتكلم بهمس قدام شفايفها: انت متعرفيش انا بعشقك اد ايه.

رنا بهمس: وانا بموت فيك.

يامن: طب ايه.

رنا: ايه.

قرب منها يامن وباسها برقة و................... وسكتت شهرذاد عن الكلام الغير مباح.

**********

في بيت ريم.

ريم: يلا ي حبيبي اصحى بقى.

اسر: هووووف سيبيني انام شويه بقى.

ريم بغيظ: تستاها حد قالك تسهر.

اسر بخبث: ي حبيبتي كنت بعمل حاجات مهمه.

ريم: اي هي.

اسر: مابلاش اقول عشان انا عارف انك هتقلبي طماطم دلوقت.

ريم: ي قليل الادب.

اسر بضحك: ههههههه 😂 مش قولتلك.

ريم: يلا بقى عشان لين عايزه تفطر.

اسر: ماشي ي ستي يلا.

ع السفرة.

لين: ماما انا عايزة اتجوز زي خالتوا رنا.

ريم: عيب ي حبيبتي انت لسة صغيره.

لين: لا كبيرة.

اسر: بس ي لين لازم تكبري زي ماما عشان تتجوزي.

لين: ماثي لما نثوف.

ريم بضحك: مستعجله ع ايه بس.

اسر: البنت طالعه سريعه.

لين: مامي انا عايزه اجوز مهاب ابن طنط صفاء.

اسر: عييب.

ريم: اشمعنا.

لين: هو قالي انوا هو بيحبني وهيكبر ويجيب فلوس كتيير ويتجوزني.

ريم: ههههههه مش معقول ههههههه.

اسر: كفاية ضحك.

ريم: مسخره هههههه.

اسر: خلاص ي ختي.

ريم: صحيح ي اسر هتروح معانا النهاردة الصباحية بتاعت رنا ويامن.

اسر: لا روحي انت ولين.

ريم: اوك.

في بيت يامن

ترن ترن ترن

رنا: هوووف قوم ي يامن افتح بقى الباب عمال يخبط

يامن: هوووف سيبيه يخبط براحته

رنا: ماشي

ترن ترن ترن

رنا: افتح بقى مش هيسكت

يامن: خلاص اديني قايم

قام لبس وراح فتح

يامن: إيه

سامح: افتح ياض خلينا ندخل

يامن: اتفضلوا

دخلوا وقعدوا

ريم: أومال فين رنا

يامن: هدخل أناديها

رجاء: ماشي ي بني اتفضل.

يامن: اصحي ي رنا

رنا: بس ي حبيبي سيبني أنام شويه

يامن: قومي أهلنا بره

رنا بخضه: بيعملوا إيه

يامن: شكلك نسيتي إن النهارده صباحيتنا

رنا: أوبس أنا هقوم ألبس

يامن: بسرعة

قامت رنا ولبست دريس أبيض ضيق من فوق ونازل بوسع من تحت ولافه حجاب باللون الأحمر مع بشرتها البيضه وحاطه روج

رنا: السلام عليكم

الكل: وعليكم السلام ورحمة الله وبركاته

سامح: قمر ي مرات ابني والله وعرفت تختار ي يامن

ثريه بغيرة: بس ي سامح بتعاكس فيها وأنا قاعدة

سامح: ده انت اللي ف القلب ي قلبي

ريم ورنا: الحب ولع ف الدره

رنا قامت تجيب عصير وريم دخلت وراها.

ريم: عملتوا إيه

رنا: الحمدلله

ريم: يعني كله تمام

رنا: اممممم

ريم: نستنى عيل بعد تسع شهور

رنا: إن شاء الله

ريم: مبروك ي قلبي يامن شكله بيحبك جدا

رنا بتلقائية: وأنا بعشقه

ريم: أيوه كده

رنا: يلا

طلعوا ورنا قدمت العصير

وقعدوا شويه ومشوا

ف بيت ريم

ترن ترن ترن

اسر: خالتي إيمان اتفضلي

إيمان: شكراً ي حبيبي

سارا: أومال فين ريم

اسر: النهارده صباحية رنا هو انتوا مروحتوش

إيمان: لا إحنا هنروح لها بعدين

اسر: أوك هقوم أجيب لكم حاجة تشربوها

سارا: أجي أساعدك

اسر: شكراً

سارا بدلع: مش بعزم عليك بتكلم بجد

اسر بحده: اعدلي طريقتك وإنت بتتكلمي معايا فاهمه

إيمان: هي متقصدش ي ابني

اسر: ماشي ي خالتي

قام اسر صب عصير من التلاجه

اسر: اتفضلوا

شكراً

ريم: أسورتي أنا جيت

اسر: نورتي ي قلبي تعالي

لين: وأنا بقى

اسر: حبيبتي

ريم: اس... خالتي إزيك وإنت ي سارا

سارا: الحمدلله

إيمان: كويسة ي بنتي وإنت عاملة إيه

ريم: كويسة ي خالتي

سارا: إزيك ي لينو

لين بضيق: إزيك ي خالتي

سارا: مليون مرة قولتلك متقوليليش خالتي دي أنا صغيرة

لين: لا إنت كبيرة وأنا هقولك خالتي

سارا: ي شيخة غوري عيلة لسانها طويل زيك دي أمك ارتاحت منك لما ماتت

...

وفجأة صفعه نزلت على وش سارا