رواية تزوجتني رغما عني فأحببتك الفصل السابع عشر 17 - بقلم فاطمة سيد

«الدكتور بشك» أنا شاكك إن المريضة عندها سرطان في الدم. «مني برعب» إنت بتقول إيه يا دكتور؟ مش ممكن. «الدكتور بشك» أنا شاكك جدًا يا أستاذة مني، بس إحنا هنعمل تحاليل وأشاعات وهنتأكد إن شاء الله إذا كان سرطان ولا لأ. المهم دي شوية أدوية تسكّن الألم اللي عندها لحد ما نتائج التحاليل والأشاعات اللي هنعملها تظهر. «مني بخوف» تمام يا دكتور. ***

صباح يوم جديد. قام زين من نومه، توضأ وصلى، ثم خرج من المنزل ليعمل صدقة جارية باسم مروان وسالي. «حياء بتعجب» هو زين راح فين؟ ثم قامت حياء، أخذت شور واهتمت بنظافة جسدها، ثم توضأت وأحسن الوضوء، ثم صلت ركعتين داعية الله أن يرحم والدها ومروان وسالي وجميع المسلمين. ثم قرأت صفحتين من القرآن الكريم.

"أهم حاجة يا بنات نبدأ يومنا كده بشور خفيف وركعتين وصفحتين من القرآن عشان يومك يكون فيه بركة. وقراءة القرآن مهمة جدًا، وكل حرف بحسنة. متضيعيش الأجر ده كله بسبب الكسل. لازم يكون عندك ورد قرآني يومي يشفع لك القرآن يوم القيامة. تكوني صحبة القرآن." «حياء تقول لنفسها» كده أبدأ يومي براحة وطمأنينة. فضلت حياء قاعدة في سجادتها ولم تتركها. افتكرت ذكرياتها مع والدها الحنون عليها.

نزلت من حياء دمعة قائلة: "اهدّي يا حياء، باباكي عند ربنا الرحيم، وإن شاء الله تشوفيه تاني في الجنة." ثم استمعت حياء الباب يخبط، قائلة: "اتفضلي." «كانت ندي الطفلة الصغيرة هي التي تخبط على الباب» قائلة: "حياء ممكن أدخل؟ «حياء بحب» اتفضلي يا حبيبتي، تعالي. ثم دخلت الطفلة في حضن حياء، ثم قامت حياء باللعب معها مما أضحك ندي بشدة.

"لما تشوفي طفلة، سواء تعرفيها أو لأ، هَزري معاها وكلميها، بالذات لو هي جايلك لحد عندك. متكسريش بخاطر الطفلة الصغيرة، حتى لو إنتِ مضايقة. الأطفال بيبقوا عايزين يلعبوا ويلاقوا الحنان، مش تزعقي لها أو تتجنبيها." «ندي بغيظ طفولي» كفاية بقى يا حياء تزغزغيني. «حياء بضحك» أنا آسفة يا ست البنات. «ندي بحب» كنت عايزة أقولك حاجة بس، أوعي تقولي لحد. «حياء بحب» أبدا أبدًا، عمري ما أقول. عايزة تقولي إيه؟ «ندي بزعل»

أنا خصمت صحبتي دينا. «حياء بزعل» ليه بس خصمتيها؟ «ندي بزعل» عشان مردتش تلعب معايا في المدرسة. «حياء بحب» مش ممكن تكون تعبانة ومش قادرة تلعب معاكي يا ندي؟ «ندي بزعل» مش عارفة يا حياء، يمكن. بس هي حاولت تكلمني وأنا رفضت عشان أنا زعلانة منها قوي. «حياء بحب» لا مينفعش كده يا ندي. إنتِ متعرفيش إن النبي

صلى الله عليه وسلم قال: "لا يحل لمسلم أن يهجر أخاه فوق ثلاث ليالٍ، يلتقيان، فيعرض هذا، ويعرض هذا، وخيرهما الذي يبدأ بالسلام." متفق عليه. النبي صلى الله عليه وسلم نهى عن ذلك. مينفعش يعدي تلت أيام وإنتي مبتكلميهاش. لازم تروحي تصالحيها. لازم نسمع كلام النبي يا ندي. «ندي بطفولة» أنا بحب النبي أوي، عليه أفضل الصلاة والسلام، وهسمع كلامه، بس خايفة متسامحنيش. «حياء بحب» متخافيش، هتسامحك.

قولي لها: "أنا آسفة، حقك عليا"، وهاتي لها وردة حلوة كده شبهك. «ندي بحب» حاضر يا حياء، أنا بحبك أوي. «حياء بحب» وأنا بحبك أكتر. تعالي يلا ننزل نشوف ماما سلمى وماما وفاء. *** قام زين بعمل صدقة كبيرة لمروان وسالي، داعيًا الله أن يتقبل منه. ثم ذهب إلى مقبرة مروان ولم يتمالك نفسه، قائلًا: "مش مصدق إني واقف قدام قبرك يا مروان. حياتنا كلها كانت سوا، ماكناش بنفارق بعض فجأة كده. تموت؟

الموت طلع قريب مننا أوي يا مروان وإحنا مش حاسين. كنا نقول إحنا لسه شباب، بس الموت ميعرفش صغير ولا كبير. ربنا يرحمك ويتجاوز عن سيئاتك يا رب." ثم مشى زين. لاحظ قبرًا مفتوحًا، نظر إلى هذا القبر قائلًا: "قد إيه الحياة دي متسواش إننا نعصي ربنا فيها. قد إيه الحياة دي فتنة وكذبة كبيرة. أراد الله أن يختبرنا فيها. أنا مش متخيل إني هقضي حياتي كلها في القبر لحد قيام الساعة؟

قد إيه الإنسان ده ضعيف بشكل." ثم دعا الله قائلًا: "يارب خدني بس وإنت راضي عني يا الله." "الصدقة أمر مهم جدًا ومن أهم الأعمال اللي بيتقرب الإنسان بيها لربه. هي اللي بتكفّر عن ذنوبه وتقلل من خطاياه. قال صلى الله عليه وسلم: 'لا يتصدق أحدكم بتمرة من كسب طيب إلا أخذها الله بيمينه فيربيها كما يربي أحدكم فلوه أو قلوصه، حتى تكون مثل الجبل أو أعظم'. مش قادرة تعمل صدقة؟

تصدقي لو بجنيه، والله أجرها كبير عند الله. كل يوم الصبح اعملي حسابك في فكة في جيبك. أي فقير محتاج، أديهاله. مش هتاخد منك وقت ولا مجهود، وكفاية الدعوة اللي الفقير بيدعيهالك. إحنا بشر وكلنا واحد، نساعد بعض لو بحاجة بسيطة. لو بجنيه والله بتفرق. لو لقيتي حد من صحابك على قد حاله، شوفي هي محتاجة إيه. لو محتاجة لبس، أديها لها من اللي عندك لو متاح، أو حوشي لحد ما تقدري تجيبي لها لو دريس واحد، والله إنتِ بتعملي عمل خيري. وكفاية الفرحة اللي هتسببيها في غيرك."

*** «أيمن بقرف» مالك يا ابني مدايق كده ليه؟ «أحمد بخنقة» خالتي تعبانة أوي وخايف يجرالها حاجة. أنا شاكك أصلًا تكون عندها سرطان. «أيمن بخطة» يانهار أسود، سرطان؟ يا عم متقولش كده. «أحمد بخنقة» مش عارف، حاسس كده. "كلمة يانهار أسود أو ياسنة سودا أو هو يوم منيل من أوله، ده ذنب خلي بالك. دي أيام الله عز وجل، فمينفعش نقول عليها كده. فقد جاء في الحديث القدسي:

يقول الله تعالى: 'يؤذيني ابن آدم، يسب الدهر، وأنا الدهر، بيدي الأمر، أقلب الليل والنهار'. رواه البخاري ومسلم، واللفظ للبخاري. وكفارة هذا السب هو التوبة والاستغفار." *** بعد أن ظهرت أشعة وتحاليل أكدت كلام الدكتور أن صفاء تعاني من السرطان في الدم، فعندما علمت صفاء بذلك، جن جنونها. «صفاء بعصبية كبيرة» أنا عندي سرطان في الدم؟ إزاي وإزاي ده حصل؟ «الدكتور بهدوء»

اهدّي لو سمحتي. إنتي لازم تاخدي كيماوي فورًا عشان حالتك بتسوء. «صفاء بتعب شديد» وهي تخرف في الكلام: بس مفروض هي اللي يجيلها السرطان مش أنا. «الدكتور بعدم فهم» هي بتقول إيه يا أستاذة مني؟ «مني بتوتر» ها؟ لا مبتقولش حاجة. اتفضل إنت يا دكتور جيب الكيماوي وأنا جنبها هديها. «الدكتور بهدوء» تمام. ثم غادر الدكتور الغرفة. «مني بشك» صفاء، إنتي قصدك إيه بالكلام اللي إنتِ قولتيه ده؟ مين دي اللي مفروض يجيلها سرطان؟

«صفاء بتواهان» حياء. أنا عملتلها عمل يجيلها سرطان في دمها عشان أدمر حياتها. «مني بصدمة» إنتي إزاي تعملي كده فيها؟ لدرجاتي يا صفاء بتكرهيها؟ «صفاء ببكاء شديد» روحي بسرعة للدجال اللي عملت عنده العمل يفكه. هو إزاي العمل اشتغل عليا أنا؟ «مني برعب» أنا هروح عنده أعرف إزاي. اديني عنوانه بسرعة. قالت صفاء العنوان إلى مني ذاهبة إليه لتعلم كيف ذلك، ولاكنها كانت مصدومة من فعل أختها وتقول في سرها: "وانقلب السحر على الساحر." ***

جاء العريس مرة أخرى إلى ريم ليتحدث إليها. قائلة كل شروط ضوابط الخطوبة. «جاسر بضيق» بس كده كتير أوي، مش هعرف آخد راحتي معاكي في الكلام. «ريم بهدوء» فترة وهتعدي إن شاء الله، وبعديها إحنا عايزين رضا ربنا في العلاقة دي عشان تكمل بخير. «جاسر بضيق» تمام. ثم قال في سره: "اخطبك بس وهخليكي إنتي اللي تتنازلي على الضوابط دي." «ريم بفرحة» جزاك الله كل خير. «جاسر بحب» يعني موافقة على الخطوبة؟ «ريم بحب» أيوه.

ثم اتفق الأهل أن الخطوبة بعد أسبوع. *** نزلت حياء هي وندي من غرفتها، قائلة: "صباح الفل يا ماما سلمى وصباح الفل يا ماما وفاء." «سلمى بحب» صباح الخير يا حبيبتي. «وفاء بحب» صباح الورد يا بنتي. تعالي يلا يا ندي عشان تعملي واجب المدرسة. «ندي بحب» حاضر يا ماما. «حياء بتوتر» ماما، هو زين فين؟ «سلمى بحزن» راح عشان يعمل صدقة لمروان يا حبيبتي. «حياء بحزن» ربنا يرحمهم يا رب ويغفرلهم. «سلمى بحب» يارب يا ابنتي. «حياء»

بعد إذنك يا ماما، هكلم زين أطمن عليه. «سلمى بحب» اتفضلي يا ابنتي. قامت حياء بالاتصال إلى زين، قائلة: "السلام عليكم ورحمة الله وبركاته." «زين بحب» وعليكم السلام ورحمة الله وبركاته. «حياء بحب» عملت الصدقة يا زين لمروان وسالي؟ «زين بحب» أيوه الحمدلله. «حياء بحب» طب هتيجي امتى؟ «زين» راجع البيت، مش هتأخر. «حياء» تمام، ماشي. مستنياك. في حفظ الله. مع السلامة. «زين بحب» الله يسلمك. مع السلامة.

حس زين أنه بدأ يحب حياء ويتعلق بها، وربما أحبها بالفعل، قائلًا: "والله ووقعت يا زين في حب حياء، بس هي تستاهل الصراحة." *** ذهبت مني إلى الدجال لتعلم منه كيف ذلك. «الدجال بمكر» أختك هي اللي غبية جدًا، أكيد الشعر اللي طلبته مكنش تبع حياء، كان تبعها هي. وأكيد برده الهدومة اللي جبتها هي آخر واحدة لابساها، فعشان كده السحر اتقلب عليها هي. «مني برعب» طب فك السحر، أختي بتموت. «الدجال بمكر»

مقدرش أفكه إلا بحالة واحدة بس، والسحر هينفك لوحده. «مني» قول بسرعة الحل إيه. «الدجال» ... يتبع