تحميل رواية يا انا يا انتي بقلم سلسبيل احمد pdf

انا مسافره يا يوسف!

بصتلها بأستنكار: ايه؟ بتقولي ايه؟

دموعها نزلت: انا عارفه وحاسه بيك عشان كده طلبت اتكلم معاك وافهمك

- عارفه ايه!!!؟ انتي مش عارفه والا مكنتيش قولتي كده يا ليلي !! انتي متعرفيش اي حاجه !!

= لا عارفه!!

- عارفه اني بحبك ؟؟؟؟؟

= يوسف ارجوك..!

- انتي عارفه من اول ما جيت وشوفتك و كانت معاملتك معايا وحشه! بس انا كنت مازلت مشدود ليكي! مفقدتش الامل فيكي وفضلت أحاول و في اليوم الى عملتي فيه موضوع الأوضة انا مزعلتش! بالعكس! انا عرفت وقتها انك عاوزة تخلصي مني عشان حاسه اني هخليكي ترجعي زي ما كنتي! كنت شايف امل مبطلتش احبك يا ليلي رغم كل حاجه معرفش السبب ايه! بس بعد كل ده عاوزة تبعدي ؟؟

= يوسف افهمني!

الدموع اتجمعت في عيني وبصتلها: افهمي انتي انا بحبك! ومش عايز نبعد!.. انتي مش بتحبيني؟!

" مسحت دموعها و فضلت ساكته وبصالي بصمت..! "

- ردي عليا فهميني؟

رفعت عيونها وبصتلي: انا مش هقدر أجاوبك

- ليه يا ليلي!!

اتكلمت وهي بتاخد انفاسها من بين العياط: عشان انا..

عشان... لسه مش كويسة...! مش حاسه اني كويسة.. انا خايف و تايهه ومش عارفه هنجح اني اتخطي كل ده ولا لاء!! انا يا يوسف... مش عارفه اتقبل نفسي انا وحشة اوي!!! ازاي حتي بتحبني؟؟

رفعت ايدي وطبطبت عليها: ممكن تهدي..! اهدي ده كله غصب عنك يا ليلي دي ضغوطات

- وانا كنت عارفه اني مش هستحملها انا ضعيفه!

= لا انتي قوية و هتعدي من كل ده.. بس خليكي انا.. مش عاوزك تبعدي.. عني مش هبقي مطمن وانتي بعيد

ابتسم بسخريه: انا لازم ابعد.. عن الكل

- هاجي معاكي!

ابتسملتي وبصت لعيوني: مش هينفع انا مفروض اعدي ده لوحدي.. مش انت قولت اني قوية انا هحاول يا يوسف وهرجع زي ما كنت وهتغلب على الشخصية الوحشه الى عقلي خلقها.. لكن مش هقدر اعمل ده غير لو انت وثقت فيا

بصتلها بضعف: مش هقدر ابعد عنك

- وانا مش هاخد الخطوة دي غير لما تقولي

= مينفعش تحطيني في موقف زي ده.. وانتي عارفه اني بحبك وعارفه ازاي صعب ابعد عنك

- متقلقش.. ولو حصل حاجه هبقي اطلع شخصيتي الوحشة تتعامل هي

" ابتسمت لها وبعدين حضنتها بقوة.. وكان ده وداع بينا.. نزلت بعدها لقت مريم بتعيط فا انا استنتجت انهم قالو لها جريت على ليلي وحضنتها "

- انا هكلمك كل يوم و مش هسيبك لحظه انتي اخترتي تسافري وتبعدي بس انا مش هبعد تاني يا ليلي!

= وانا مش عاوزاكي تبعدي ابدًا يا مريم!

عزيز: الطيارة معادها قرب.

" ودعتهم كلهم و طلبت منهم يفضلوا في الفيلا وانا بس الي روحت معاها لحد المطار.. طلعت حاجتها وبصتلها قبل ما تتحرك بحزن فا قربت ناحيتي "

- يوسف.. انت لسه زعلان؟..

مردتش فا بصتلي بنص عين: انا هرجع تاني وخليك فاكر يا انا انت

بصتلهغ وضحكت غصب عني: انتي لسه مش عارفه مين كسب يا ليلي؟

ربعت ايدها وبصتلي: مين يا يوسف؟

- هقولك لما ترجعي

= بس انا عايزه اعرف دلوقتي..

- يبقي ارجعي بسرعه.

" هزت راسها بهدوء وبعدين طلعت السلم عشان تروح الطيارة..وخلاص.! مشيت.. "

>>>>>>>>>>>>>>>>>>>>>>>>>>>>>>>>>>>>

صلي على محمد

|| بعد مرور 8 شهور | في امر..يـ.ـكا ||

- Miss Lily, please come in, doctor golia waiting for you.

- انسة ليلي اتفضلي دكتورة جوليا مستنياكي..

= okay thank you

" قومت عشان ادخل للدكتورة الى بتابع معاها من ساعه ما وصلت هنا.. "

- hey lila I see that you are in good condition and you came to the session early.!

- ازيك يا ليلي شايفه إنك كويسة وجيتي الجلسة بدري عن المعاد..!

= yeh i was really want to thank you doc

and.. , i just came to say goodbye

= انا بس كنت عايزه اشكرك يا دكتور وجيت اقولك مع السلامه

- oh! really? are you sure!

- فعلا؟ انتي متأكده

= Yeh!.. with all these work out and sports for the eight months that I was receiving treatment, I finally feel fine and I really want to come back to my family! and be with them

= أيوه! كل التمارين و الرياضة الى عملتها طول التمن شهور دول وانا بتعالج خلوني احس اني كويسة! و حقيقي عاوزة أرجع لعيلتي و أكون معاهم.

- In that case, I hope to you have safe journey lila

- في الحالة دي اتمني ليكي رحلة آمنه يا ليلي!

= thank you doc golia!

= شكرا ليكي دكتورة جوليا.

" سلمت عليها ورجعت الشقة الى كنت وخداها عشان اطمن ان حاجتي تمام و كنت اوردي بخلص ورقي الايام الى فاتت عشان ارجع! ومحدش يعرف برجوعي غير جدو! "

>>>>>>>>>>>>>>>>>>>>>>>>>>>>>>>>>>>

|| في مصر | في شركة عزيز عبدالرحمن | مكتب يوسف||

* طق طق طق *

- اتفضل..

= يوسف ؟!

- خير تعالي في حاجه

= مفيش انا خلصت وقولت اشوفك كده

- انا برضو بقفل يعتبر

قعدت وبصتلي: يوسف؟

= فيه ايه

- مالك بقالك حبه متغير

= مفيش.. هي ليل بتكلمك؟

- لا بقالها فترة مش بتكلمني.. هي مش بتكلمك برضو فا ده الى مزعلك

= مش الفكره.. انا مش حابب ابقي بزن عليها وفي نفس الوقت هي وحشتني اوي فكرت اروح لها بس مش عارف انتي رأيك ايه؟

- انا رأيي انها وحشتني اوي وياريت لو نطب عليها اكيد مش هتزعل يعني

= ونسيب لجدك الشركه و المصنع؟

- متقوليش انك بترمي تروح لوحدك يعْدار

= نكلم جدو ونشوف طيب.. يلا نروح انا خلصت

" وفعلا روحنا سوا قعدنا مع طنط هدي الى كانت نفسيتها بتتحسن فكل مره ليلي بتكلمها وتقولها انها بقت احسن وكويسة.. كنت مرتاح لما حسيت فعلا ليلي كويسة.. وصلنا الفيلا و بعد ساعتين جدو وصل واتجمعنا على الأكل "

عزيز: مالكم عمالين تبصوا لبعض؟

بصيت لمريم: احنا؟

هدي: فيه ايه يا ولاد

مريم: متتكلم يخويا!

جدو بصلي وضحك: فيه ايه؟

- مفيش.. بصراحه كنا عاوزين اجازه نروح نزور ليلي صد رد ونرجع

ابتسم: اممم بقا كده عاوزين تسيبولي الشركه بقا

مريم: خلاص ياحبيبي رجعلنا ليلي ولا ايه يا طنط هدي

هدي: انا كمان كنت عايزه اشوفها وحشتني!

يوسف: طب هاه؟

عزيز: خلاص كملوا اكل وهنشوف الموضوع ده

" وطبعا جدو خدنا على قد عقلنا زي كل مره وبعد الغدا مريم روحت لكن اتفقنا نزن عليه تاني.! طلعت اوضتي عشان انام بعد ما دخلت اوضة ليلي بصيت عليها.. لما بعمل كده بحس انها هترجع.. "

>>>>>>>>>>>>>>>>>>>>>>>>>>>>>>>>>

بقلمي slsbell_ahmed_سلسبيل_أحمد

" وصلت الفيلا الساعه 1 ونص بليل الحرس دخلوا شنطي و اول حد شافني من الجنينه كانت داده فاطمه جريت عليا "

شاورت لها تسكت: شششش!

حضنتها وانا بضحك: وطي صوتك عامله لهم مفاجأة!!

فضلت تحضن وهي عيونها مدمعه: وحشتني يا لوله!!! كل دي غيبه؟؟ نهون عليكي!!

- قوليلي بس ماما في اوضتها!!

= ايوه تعالي تعالي

" طلعت اوضتها براحه و دخلت كانت نايمه فا طبطبت على كتفها "

- احمممم.. هدهد؟!

لقيتها فتحت عيونها بلهفه وقامت فركت عيونها وبصتلي: ليلي !!!!!

" قامت حضنتي وفضلت تعيط قعدت اقولها توطي صوتها وفضلت قفشه في حضني لدقايق!! كانت وحشتني اوي!!! "

- اخيرا يا ليلي !!!!

= اخيرا يا ماما. خلاص مش هبعد تاني

- ابدا! مش هتبعدي ابدا يا ليلي فاهمه!!!

ابتسمت وحضنتها: حاضر

" روحت لجدو و كان صاحي اصلا مستنيني وبعد ما سلمت عليه وفضل يتكلم قولتله يجي معايا اوضة يوسف ودخلنا بهدوء وانا كنت كاتمه ضحكتني "

- يلا يا جدو زي ما اتفقنا..

قرب عنده وصحاه: يوسف... يوسف قوم بنت عمك بره

= ايه جابها دلوقتي بس الساعه كام

- قوم شوفها

" جدو سابه وخرج دخل اوضته وانا كنت في اوضتي وبعد ما شوفته من البلاكونه فتح عينه وقام بالعافيه دخلت اوضته من بلاكونتي "

قام بص قدام اوضته وبعدين استوعب الوقت: انا بحلم ولا ايه؟! جدو؟؟

"رجع اوضته تاني وهو بيفرك عينه وانا كنت قدامه"

بصتله و ابتسمت: مش قالك شوف بنت عمك!! بس محددش انهي واحده !!

" بصلي بصدمه و فضل يفرك عينه بص حواليه وبعدين شغل نور الاوضة وبصلي انا كنت عماله اضحك مسك كوبايه مايه كانت على التابلوه ودلقها على نفسه "

قربت ناحيته وضحكت: انت مجــ.نون!!

حط ايده على خدي ومسكه: انتي حقيقيه !!

- انا حقيقة.. وجيت!! هاه هتقولي مين فينا كسب؟

بصلي وابتسم بعدم وعي وعيونه مدمعه: ليلي!

= أيوه.. ها هتقولي بقا مـ

" قاطعني وحضني وانا اتفاجئت فضلت ثابته ومندهشه وبعدين بعدت خطوة وبصتله"

- يوسف.. انا كنت عايزه اقولك

= انتي الي كسبتي

ابتسمت وبصتله: وانا كمان بحبك.

ابتسم بسعاده ومكنش مصدق نفسه: بجد!! انتي تعرفي وحشتيني قد ايه؟؟ وكنت مستني الكلمه دي بقالي قد ايه!!

- من ساعه ما سافرت؟

= لا من اول ما جيت وشوفتك يا ليلي!

- في حاجات كتير عاوزه اقولها لك.. احنا كنا بنتكلم من وقت للتاني لكن انا محكتش كل حاجه! ومقلتش كل الى عاوزاه.. كنت مستنيا لما ارجع ونبقي مع بعض.

= لينا وقت و هستفرد بيكي.

>>>>>>>>>>>>>>>>>>>>>>>>>>>>>>>>>>

صلوا على محمد

" خرجت وقعدت معاهم كلهم و لحد ما النهار طلع! و لقيت مريم هي كمان جت وعمي عبدالله حسيت بالدفا الى كنت مفتقداه وانا بره لوحدي..! وحسيت بكذا شعور بقالي سنين مش بحس بيه! "

مريم: انتي عارفه لو فكرتي تبعدي تاني !!

عبدالله: مفيش الكلام ده احنا ناخدها معانا الشركه وتاخد شيفت ونقفشها صح

"ضحكنا كلنا"

لقيت داده فاطمه جت جمبي واتكلمت بصوت واطي: لوله.. الأمن بيقولوا صحابك بره!

رديت بتعجب: ايه!! صحابي!!؟

يوسف بصلي: ايه يا لولي مالك؟

لقيت داده فاطمه جت جمبي واتكلمت بصوت واطي: لوله.. الأمن بيقولوا صحابك بره!

رديت بتعجب: ايه!! صحابي!!؟

يوسف بصلي: ايه يا لولي مالك؟

"بلعت ريقي وبعدين قومت ومن نظراتي فهم اني عاوزاه بره لوحدنا."

- في حاجه ولا ايه؟!

بصتله بتوتر: بص.. داده فاطمه بتقول ان صحابي بره!

اخد ثواني عبال ما يستوعب وبعدين كان عاوز يخرج لهم وقفته ومسكت ايده: يوسف!

- هما ازاي عرفوا وازاي ليهم عين يجوا لحد هنا يا ليلي فهميني؟؟؟؟

= معرفش عرفوا منين! الى اعرفه اني عاوزاك تديني فرصه اتصرف!

- انا مش عاوزك تكلميهم بأي شكل!

= يوسف انا لسه راجعه.. وفاهمه انك قلقان بس احنا اسه متكلمناش انت متعرفش انا عديت بإيه! فا خليني اتكلم انا ممكن!

"فضل واقف بعدم رضا ومش موافق اني اروحلهم"

- ممكن تيجي معايا طيب؟!

- يا يوسف؟

= تمام يا ليلي يلا

" خرجنا وأول ما شافوني الابتسامه اترسمت على وشهم ونادين جريت عليا حضنتني "

" مش هنكر ان شعوري اختلف عن قبل ما اشوفهم.. غضبي منهم قل شوية لما حسيت انهم وحشوني..! "

بصتلي بدهشه: انتي احلويتي اوي يا ليلي!!

عمر: حمدلله على السلامه يا ليلي

"ابتسمت لهم و اخر حد قرب كان احمد وكان متوتر بسبب وجود يوسف جمبي"

- احنا شوفنا الستوري الى نزلتيها واول ما عرفنا قولنا نيجي نطمن عليكي!

يوسف بحده: واطمنتوا.؟!

"بصتله بمعني اهدي! وهو كان مضايق"

احمد وعمر سكتوا لكن نادين قربت: ليلي احنا بس كنا عاوزين نطمن عليكي ونرجع سوا احنا أتـ..

يوسف قاطعها بعصبيه: ترجعوا فين ؟؟ انتوا جايبين البجاحه دي منين!

عمر: انت بتتكلم علي لسانها ليه؟؟

بصتله: يوسف اهدي لو سمحت!! اهدوا يجماعه

"بصتلهم وكان الكلام صعب عليا"

- انا اسفة بس احنا مش هينفع نفضل صحاب زي الأول! انا مش هي هي! انا مبقتش زي الأول؟؟ واخدت وقت كتير اوي عبال لما اعرف ابقي كويسة انتي معندكيش اي فكره يا نادين ولا كلكوا تعرفوا مريت بإيه..! ولسه على فكره حالتي مش احسن حاجه! لسه!

احمد: احنا فاهمين كل ده واحنا كمان مبقناش زي الأول!

نادين بصتلي وعيونها مدمعه: احنا كمان مرينا بفترة صعبه! بعد ما حسينا اننا ممكن نحْسرك وحسينا ان السكه دي غلط! احنا بعدنا عن كل حاجه وبطلنا!

عمر: وانتي كنتي من الاسباب الى خلتنا نتعلم يا ليلي.

قبل ما ارد عليهم يوسف قاطعني: انتوا فاكرين اننا هنصدق؟؟

احمد: ليلي قدرت تبطل.. واحنا كمان بطلنا ايه الصعب في ده؟

يوسف بقسوة: الصعب انها مش زيكم اصلا ! انتوا من البداية ماشين فالسكه دي واختوها معاكم لكن هي ولا زيكم ولا شبهكم عرفت فين الصعب؟؟؟

وبعدين بطلتوا ده لنفسكم مش ليها!! محدش منكم يفكر يقرب منها انا مش هسمح للي حصل زمان يتكرر دلوقتي ولو فعلا بتحبوها وقلبكم عليها يبقي ابعدوا عنها مفهوم؟

"فضلت مندهشه من الى بيحصل حواليا وساكته.. يوسف خدني من ايدي ودخلني الفيلا وسبناهم..! سبت ايده بهدوء فا وقف و بصلي بعدم فهم.. لكن انا مكنتش قادره اتكلم فا طلعت اوضتي.."

>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed سلسبيل احمد

عزيز: اي يا يوسف فيه ايه؟

- مفيش يا جدو.. انتوا ماشين ولا اية

عبدالله: اها انا هسبق انا

مريم: انا هطلع اشوف ليلي قبل ما امشي.

" قعدت وانا بتنهدت بهدوء فا جدو بصلي وكانت طنط هدي ملاحظه برضو ان في حاجه "

- طيب بختصار شديد صحابها كانوا بره عاوزين يشوفوها وخرجت معاها ونهيت الموضوع قولت لهم محدش له دعوة بيها

هدي بتعجب: ازاي مطردتهمش !! هما جايبين الجراءه دي منين عشان يجوا لحد هنا؟!

عزيز: وبعدين يا يوسف؟

- مفيش لقيتها طلعت اوضتها مش فاهم هي كده اضايقت ولا اية

هدي: انا هكلمها

عزيز: لا يا هدي استني.. احنا لسه ملحقناش نقعد مع البنت ونخليها تتكلم ونفهم حالتها ايه حاليا سيبها دلوقتي ترتاح و تحس انها في وسط اهلها

هدي: هنتعامل معاها بنفس طريقه زمان!؟؟

ماهي الى وصلتنا لكل الى حصل يا عمي

يوسف: جدو عنده حق.. مينفعش نخدها عالحا..مي انا شايف اننا نكلم الدكتور النفسي الى مفروض متابعها و نعرف منه بعدين ياهدهد متخافيش ليلي مش هيحصلها اي حاجه طول مانا جمبها

"قعدت بقلة حيلة بعد ما طمنتها.. وانا كنت اقصد كلامي فعلا.. انا مش هسمح لأي حاجه تحصلها.."

>>>>>>>>>>>>>>>>>>>>>>>>>>>>>>>>>>

صلي على محمد

|| في غرفه ليلي ||

- ايه يا ست ليلا؟ اخيرا هستفرد بيكي انا عاوزاكي تحكيلي كل حاجه وكمان تيجي الشركه و

قاطعتها: حيلك! انا منمتش من امبارح والله مش قادره خالص يا مريم!

= طيب.. يعني.. بس موافقة تيجي؟

- عاوزاني اجي يعني اقـ..ـطع عليكي في الشغل

بصتلي بتفكير: بصلي يا لوله.. انا معنديش اهم من شغلي حاليا بس الاهم منه هو وجودنا سوا فا معنديش اي مشكلة تيجي وتحطي عليا المهم تيجي ونكون سوا.. في شركه جدو.. وكمان فالمصنع

بصتلها وعيوني بتلمع: انا بحبك اوي يا مريم

حضنتني: وانا كمان يا ليلي.. انتي وحشتيني بشكل.. عمري ما فقدت الأمل اننا نرجع صحاب و قريبين!

خرجت من حضنها: مريم انا كنت اعتذرلك عشان كنـ

قاطعتني: شششش ولا كلمه.! الى فات ما..ت وانا مش فكراه! احنا دلوقتي سوا خلاص؟

"هزيت راسي بالإيجاب فا باستني"

- هسيبك دلوقتي عشان تنامي يا لوله..

>>>>>>>>>>>>>>>>>>>>>>>>>>>>>>>>>>

سبحان الله و بحمده سبحان الله العظيم.

" لقيت مريم نازله من عندها واستغربت ان ليلي مش معاها.. "

- ايه رايحه الشركه؟

= ايوه.. ليلي تعبانه فا قالت هتريح

- طيب استني هلبس ونروح سوا

= لا استني مين انا اتأخرت

- مانتي كنتي هتستني ليلي!

بصتلي من فوق لتحت: انت هتقارن نفسك ب لولي!!!

= بقي كده يا مريم؟

- كده ونص سلام

ضحكت: ندله..

>>>>>>>>>>>>>>>>>>>>>>>>>>>>>>>>>

|| في كافيه | مصر الجديدة ||

- متبطلي عياط يا نادين!!!!

عمر: ملكش دعوة بيها ياعم!

احمد: يعني انت عاجبك عياطها

عمر: انت لو تطول تعيط جمبها هتعيط

احمد: انا غلطان اصلا اني جيت معاكم!

عمر: فكك انت جاي عشان عاوز تشوفها!

نادين: بطلوا كلام انتوا الاتنين بقا بس !!!

عمر: طب اهدي ممكن؟

نادين بعْل: انا مش مصدقه... كله بسبب ابن عمها !!

عمر: نادين هي هتاخد وقت وتفكر و يمكن ترجع لنا ونرجع سوا!

احمد: كنتوا فاكرين الدنيا هتبقي وردي اول لما نبطل! اهي اقرب واحده لينا ومش مصدقه اصلا

عمر: احنا مبطلناش عشان حد!! احنا فوقنا عشان نفسنا

نادين: انا عايزه اروح..

احمد: وانا كمان ماشي بس عامة انا يوسف ده ولا يشغلني وهكلمها سلام.

>>>>>>>>>>>>>>>>>>>>>>>>>>>>>>>>>>>

استغفروا..

|| في الشركه | بعد انتهاء اليوم | في مكتب عزيز||

- خير يا زيزو طلبتني ليه وحشتك!؟

ابتسم: اه يا مريم يا بكاشه اقعدي..

- فيه ايه

" خبطت ودخلت لقيت مريم قاعده "

- اية ده يا جدو البت البياعه دي بتعمل ايه هنا.؟

عزيز: كل واحد فيكو هيهزر مش هعرف اقول كلمتين جد هنا بقا ولا اية

"مريم عملت حركه السوسته على بوقها"

"بصتله بأهتمام فا اتنهد وبصلنا"

- شوفوا بقا.. انا كلمت الدكتور بتاع ليلي لكن من قبل ما اكلمه وانا عايز اطلب منكوا تفضلوا جمب ليلي بطريقه معينه مش عاوزاها تحس انها فيها حاجه او تعاملوها على انها مريصْه

بصتله بتردد: حضرتك تقصد ايه بالظبط عشان الى عملته مع صحابها يعني!؟

- حاجه زي كده

مريم: لا مش فاهمه حصل ايه؟!

- مفيش.. صحابها جم الفيلا و انا قابلتهم معاها وقولت لهم يمشوا!

بصتله وهي عاقده حواجبها: طب ماهو معاه حق يا جدو

- معاه حق يفضل جمبها لكن ميقررش عنها انا مش عاوز ليلي يحصلها اي ضغط لحد ما نطمن!

= تمام ياجدو انا فاهم حضرتك حاضر.

>>>>>>>>>>>>>>>>>>>>>>>>>>>>>>>>>>>>

لا إله إلا أنت سبحانك إني كنت من الظالمين

" لما خلصنا كلام قومت روحت انا وجدو واول ما وصلت الفيلا دورت على ليلي "

- هدهد؟ بنتك فين مش سامع صوتها

= لسه نايمه

- الساعه 8 نايمه كل ده؟

= أكيد تعبانه من السفر

- اممممم.. طب انا عاوزك في كلمه سر

ضحكت: قول يا يوسف.

" خلصت كلام معاها وطلعت اوضتي قلعت البدلة وغيرت وبعدين خبطت على ليلي كذا مره مفيش رد طبعا دخلت في غيبوبة الاستاذة.. "

" فكرت شوية.. أكيد مش هعمل زيها وانط للبلاكونه.. يلا بقا يارب مقعش."

" نطيت عندها ودخلت لقيتها في سابع نومه فا صعبت عليا اصحيها بصتلها شوية.. واتنهدت.. طول عمري كنت اسمع ان الحب صعب.. بس انا كل الى حاسس بيه دلوقتي هو اني عديت بالصعب عشان اوصل لقلب اجمل إنسانه في الدنيا..ومعنديش اي مشكله اعيد ده مره واتنين وتلاته.. ومليون! "

" كنت خارج لحد ما لاحظت تعابير وشها بتتغير وفجأة قامت من النوم وهي بتتنفس بسرعه جدا..! "

جريت ناحيتها وطبطبت على ضهره: اهدي انتي كويسه!!

"اتكلمت بصوت رايح وكانت عماله تشاور على شنطتها فا جبتها وانا مش فاهم حاجه خدتها بسرعه ودورت فيها لحد ما طلعت بخاخه اكسجين وحطتها في بوقها وبدأت تتنفس واحده واحده"

- انا عاوز افهم اية ده!؟؟ انتي كويسة!!!

هزت راسها وقامت: انا كويسه

- امال إيه ده.؟! عندك مشكله فالتنفس؟

= مفيش حاجه يا يوسف صدقني.. الدكتوره قالت لي اخليها معايا عادي لكن انا كويسة.. انت كنت بتعمل اية هنا؟؟

- انا كنت جاي اطمن عليكي.. ودلوقتي مش مطمن

= طب ممكن نتكلم بعدين.. مش هنا

- انا كنت عايز نخرج ونتكلم بس انتي شكلك تعبان!

= لا مش تعبانه.. هفوق واغير وانزلك

- ماشي

كان رايح ناحيه الباب فا بصتله: انت جيت منين؟

لف وبصلي وهو بيبتسم: من نفس المكان الى بتيجي منه

" خرج وقفل الباب وانا ضحكت بعدين بصيت على البخاخه بقلة حيلة.. دخلت الحمام غسلت وشي عشان افوق وغيرت هدومي بعدين روحت اوضة ماما "

- هدهد؟ صاحيه

= اه يا ليلي تعالي ياحببتي

- انا كنت هقولك بس اني نازله.. مع يوسف

= ماشي يا ليلي خلي بالك على نفسك.

- ماما.. انا كنت عايزه اتكلم معاكي في حاجات كتير.. هو..انتي فاهمه صح؟

= اتكلمي

- انا مش عارفه ابدء منين بس خليني ابدء بالاعتذار عن كل الى عملته معاكي وطريقتي معاكي وكل مره قلقتك عليا.. انا مكنش ليا غيرك بعد..

بعد لما .. ...

قاطعتني: فهماكي ياحببتي! وانا مليش غيرك! ومش زعلانه منك انا معنديش اي هدف غير اني اشوفك دايما بخير و كويسة يا ليلي! ده كل الى عاوزاه!

عيوني دمعت وهي حضنتني: انتي اغلي ما عندي ياحببتي

- وانتي اغلي حد في حياتي يا ماما صدقيني انا بحبك اوي واوعدك اني هفضل زي مانتي عاوزة.

ابتسمت لي بحنان: وانل واثقه في ده.. روحي دلوقتي عشان متتأخريش وعشان تيجي بسرعه

"هزيت راسي بأبتسامه وخرجت ملقتش يوسف بس سمعت صوت بره صوت مميز! صوت حاجه بحبها اوي وكانت وحشاني اوي.! "

" خرجت بسرعه الجنينه وشوفته جمب البايك بتاعتي"

- دي لسه هنا !!!!

= امال ايه طبعا

- هنخرج بيها؟

= ايه رأيك تيجي معايا

- اركب وراك؟

= اه

- طب و البايك بتاعتي

= مهي موجود هتروح فين يعني؟

بحماس: طيب يلا

" ركبت وراه وفضل سايق وانا كنت حاسه بشعور جميل! وحاسه بسعاده و امان! شعور ميتوصفش وصلنا مكان هادي ومليان شجر و زرع "

نزلت وبصتله: اشمعنا هنا بقا؟

= اخترت مكان هادي ومريح نتكلم فيه..

بصتله وانا ببتسم بحزن: تعرف اننا قريبين من مكان بحبه وعادي ومريح برضو

- طيب تعالي نروح؟

" بصتله بتفكير بعدين وافقت .. وافقت اوريه مكاني المفضل اول لما وصلنا بص حوليه وعينه ثبتت عند الشجرة الكبيرة "

- ده جنينه جميلة اوي! والشجرة دي حلوة.. جدا.

= انا عندي كلام كتير عايزه اقوله ليك يا يوسف بس هقولك الأول احنا فين.. فاكر زمان لما قولتلي اني فضلت اتكلم بحاجات مش مفهومه لما كنت شاربه.. انا وقتها قولت شجرة وانت قولتلي اني جبت سيرتها.. انا كنت اقصد المكان ده

- طب اشمعنا المكان ده بالذات و ليه الشجرة؟

عيوني لمعت بالدموع: عشان.. كنت باجي هنا مع بابا وكنا بنقعد عند الشجرة ومن ساعة الى حصل عمري ما جيت هنا كنت خايفه.. لكن دلوقتي انا مطمنه.. انا عارفه يا يوسف انت تعبت معايا قد ايه وكنت عارفه انك بتحبني.. وانا حبيتك بس مقدرتش اقولك غير لما اتعالج.. لكن انا حاسه أنوه لسه جوايا خوف

دموعي نزلت فا قرب ومسح خدي: اهدي يا ليلي انا معاكي تحت اي ظرف..!

- الدكتورة قالتلي ان طبيعي يجيلي ضيق نفس واني احلم بكوابيس واصحي في نص اليل قالتلي مش هيحصل دايما وهيختفي مع الوقت وانا بتمني ده! انا لما كنت في المصحه هناك كنت خايفه! وكنت لوحدي لكن حاربت كل حاجه عشان ابقي كويسة!

ومع ذالك حاسه ان لسه شوية!! عبال ما ابقي كويسة خالص.. كمان العمليه الى علمتها عاوزة روتين معين امشي عليه ومجهدش نفسي وانا معنديش مشكله اعمل كل ده انا كل خوفي.. ان يحصلي زي ما حصل قبل كده انا مش عايزه ارجع للشخصيه دي يا يوسف!!

مسك ايدي وقربني له وبعدين باسها: هدي نفسك ممكن تسمعيني ؟ انا مش عاوزك تخافي عشان كلنا جمبك يا ليلي.. و انا بحبك وهفضل احبك في اي حال! وهفضل علطول مهما حصل في ضهرك زي ما عملت قبل كده و اوعدك بده.. والطريق ده هنمشي فيه سوا يا لولي فهماني؟ متحمليش اي هم ولا تقلقي من حاجه!

- لا! كل حاجه مخلياني اقلق.. انا صحابي وحشوني!

و معرفش ده معناه ايه لكن انا مكنتش حابة ان علاقتنا تنتهي و في نفس الوقت انا المفروض اخلي بالي ومرجعش لأي حاجه قديمه و.. انا مش فاهمه حاجه! حاسه اني هيبقي صعب اتأقلم واتعامل ان كل حاجه عادي

= طيب براحه! انتي عايزه تفضلي على علاقة بيهم؟ بالعقل كده؟ شايفه ده صح

- هما اتغيروا! انا اكتر واحده حاسه بيهم ومفروض اديهم فرصه زي ما انتوا ادتوني فرصه!

= دي حاجه و دي حاجه ليلي صحابك دول هما السبب فكل حاجه اصلا!

- لاء يا يوسف !!

= لاء ايه؟؟؟

اتكلمت بنرفزه: انتوا ليه مصممين كلكوا تنكروا اني غلطت !!! ليه محدش بيحاسبني !! انا غلطت ومسمعتش كلام بابا زمان !! هما مصْربونيش على ايدي انتوا كلكوا محدش بيلوم عليا ابدا مع اني انا الى وقعت نفسي فكل ده بأختياري حتي لو مكنتش فكامل وعي لكن بتتعاملوا معايا بشفقه!

رفع ايده ومسك كتافي: شششش اهدي براحه!!

براحه على نفسك!!! احنا محدش فينا غلطك عشان الدكتور وضح انوه كان غصب عنك!! ازاي عاوزة نعاقبك على حاجه مكنتش بمزاجك؟ ده اختيارك وكل حاجه لكن يا ليلي انتي كنتي في حالة صدمه! مكنتش عارفه بتعملي ايه واديكي اهو بقيتي احسن!! فا ممكن تهدي على نفسك؟؟

دموعي نزلت بحزن: بس انا مضايقه من نفسي اوي يا يوسف!! انا اتعالجت وفهمت الى حصلي وفهمت كل حاجه بس مش قادره اتخطي الى حصل.. لما بشوف بتعاملوني ازاي ولا كأني كنت وحشه معاكم بحس بالذنب!

"حضني بحنان وفضل يطبطب عليا"

- اهدي يا ليلي كل حاجه هتبقي كويسة صدقيني

= يوسف

بصيت لعيونها: أيوه

- اوعي تسبني ابدًا.!

= والله عمري ما هعمل كده.. كنت بعدت زمان يا ليلي بس صدقيني مش هسيبك بعدين انتي عماله تعيطي بوظتي الخطه خالص مش هينفع كده

مسحت دموعي وضحكت: خطه ايه.؟

- مش قولتلك يا انا يا انتي؟ و فالاخر انتي كسبتي؟

= تقريبا؟!

" طلعت من جيبي علبه صغيره وقدمتها ليها "

- افتحي دي.

" فتحتها و اتفاجئت بالدبل الى موجوده فيهم "

بصتلها بحب: تقبلي بيا يا لولي؟

"مكنتش مصدقه وحضنتني بفرحه وهي بتتنطط لبستها الدبله وهي كمان لبستني بتاعتي "

- دي ماما هتفرح اوي !!!

= طنط هدي عارفه و كمان قولت لجدو.. والخطوبة بعد أسبوع

بصتله بتعجب: ايه!

- متأخر صح نخليها بكره؟

ضحكت: بطل هزار!! انت بتتكلم بجد!

- انا مش هضيع اي وقت واحنا بعيد عن بعض!

= انا بحبك اوي!

- وانا كمان..!

>>>>>>>>>>>>>>>>>>>>>>>>>>>>>>>>>>>

" فات يومين! الكل مبسوط بـ خبر الخطوبة! طايرين من الفرحه! وانا كمان مش هنكر.. نزلت الشركه معاهم مره.. واكتشفت عالم تاني خالص وحاجات مهمه وتركيز وجد! عجبني الموضوع مع اني كنت خايفه مقدرش افهم او محبش الشغل ده.. لكن حسيت اني تمام خصوصا ان مريم و يوسف وحتي جدو بيساعدوني.. وانهارده كان تالت يوم ليا في الشركه.. وجدو عملي مكتب مخصوص مع اني لسه مبدأتش اي شغل فعلي..! "

- ليلي !

= هاه؟ بتقولي حاجه يا مريم؟

- انتي شكلك فصلتي روحي ريحي شوية وبعدين تعالي نكمل..

= اوكيه..

" دخلت المكتب.. بصيت موبايلي لأني كنت سرحانه فالمسدجات الى شوفتها الى كانت مبعوته من احمد.. وانا لحد دلوقتي معرفتش ارد.! شوية ولقيت موبايلي رن وكان رقم غريب بس حسيت انه هو "

- الو؟

= ليلي

- احمد؟

= انا تحت الشركة

رديت بدهشه: فين!!

- انا مش عايز حاجه انا بس عايز اتكلم معاكي

= انت بتهزر؟!

- هتعرفي تنزلي؟

>>>>>>>>>>>>>>>>>>>>>>>>>>>>>>>>>>

- انت عايز تعمل مشاكل صح؟

= لا! مش عايز اعمل حاجه يا ليلي عايز اتكلم معاكي

- طب يلا نمشي مش هنتكلم قدام الشركه

" اتمشينا بعيد عن الشركه خالص وبعدين وقفت وربعت ايدي وبصتله بعدم فهم "

- نادين قالت انك هتتخطبي ليوسف!

= قالتلك؟!

- انتي مكنتيش عاوزاني اعرف! وبعدين انتي فعلا مش عايزه تكلمي حد فينا وبتكلميها هي بس على الفون؟!

= احمد هو انت عايز ايه!

- انتي عارفه! اكيد انتي عارفه و فاهمه!

= انت مش قادر تستوعب اني مش هي!

- انا حبيتك زي مانتي زمان وهحبك زي مانتي دلوقتي

"صدمني بجملته و معرفتش ارد..!!!"

>>>>>>>>>>>>>>>>>>>>>>>>>>>>>>>>>>>>

- نادين قالت انك هتتخطبي ليوسف!

= قالتلك؟!

- انتي مكنتيش عاوزاني اعرف! وبعدين انتي فعلا مش عايزه تكلمي حد فينا وبتكلميها هي بس على الفون؟!

= احمد هو انت عايز ايه!

- انتي عارفه! اكيد انتي عارفه و فاهمه!

= انت مش قادر تستوعب اني مش هي ليه؟؟

- انا حبيتك زي مانتي زمان وهحبك زي مانتي دلوقتي يا ليلي!

"صدمني بجملته و معرفتش ارد"

قرب مني وكمل: ليلي انتي مستحيل تكوني بتحبي يوسف! هما اجبروكي عليه؟

بصتله بهدوء: محدش اجبرني يا احمد!

- يعني ايه؟

= بص.. افهمني انا حقيقي بحبكوا كلكوا وانتوا صحابي.. بس.. انا مينفعش ارجع معاكم

دلوقتي على الأقل لازم افضل بعيد لحد ما احس اني تمام بس في المجمل صدقني مش بكرهكم ولا بحملكم ذنبي لأن انا كمان غلطت!.. و على فكره يا احمد حتي زمان كلكوا بالنسبالي كنتوا صحاب.. وانا فعلا مقدره مشاعرك.. لكن آسفه.!

" مشيت وسيبته.. اعصابي تعبت فا حسيت اني مش هقدر ارجع الشركه بس برضو مرجعتش البيت كلمت نادين عشان نتقابل وكنت متأكده انها هتجيلي "

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed سلسبيل احمد

|| في كافيه ||

" شوفتها جايه من بعيد واول لما شافتني ابتسمت وقعدت قدامي بشغف "

- عامله ايه؟ وحشتيني!

= ليه قولتي لاحمد على الخطوبة

- انا؟! بس انا مقلتش لـ..

سكتت وهي بتستوعب: عمر! انا قولت لعمر واكيد هو عرفه..!

- انا مكنتش عاوزاه يعرف

= هتفرق معاكي في ايه يا ليلي هو كدا كدا كان هيعرف!

- لأني خوفت يحصل الى حصل دلوقتي جالي لحد الشركة.. انا فاهمه احمد يا نادين.. هو مش بيسيب حاجه بسهوله.. وانا كنت عارفه انوه بيحبني بس مش قادره اصده

= هو قالك!! انا بجد يا ليلي آسفة.. بس هو فعلا بيحبك وكان طول الوقت مستنيكي ترجعي و

قاطعتها: نادين كفاية بجد! انا مش حمل كل ده! انا بحاول ارتب حياتي

- معاكي حق وانا اسفه تمام! بس متطردنيش من حياتك انا مليش دعوة بيهم وحتي عمر.. انا وعمر سوا اه لكن لو مش عاوزة تكلميه براحتك بس انا مليش دعوة! انا طول الوقت كنت بحبك من غير حاجه يا ليلي حتي قبل ما تدخلي شلتنا زمان

= تمام يا نادين انا عمري ما هخرجك من حياتي عشان مشوفتش منك حاجه وحشه بس من فضلك ممكن تحاولي تتكلمي معاه.. انتي وعمر وتخلوه يهدي!

- حاضر يا ليلي أكيد.

= انا همشي عشان تعبانه.

" مشيت وسيبتها وانا حاسه بلخبطه.. بعد كل ده! كنت متردده اروح للدكتور لما جدو قالي ولكن كلمته وقولتله لو ينفع اني اروح دلوقتي و استغربت لما قالي اروحله وقت ما احب.! "

>>>>>>>>>>>>>>>>>>>>>>>>>>>>>>>>>>>

صلي على محمد

|| في عيادة دكتور وليد الصواف | للعلاج النفسي||

" دخلت العياده و السكرتيرة سألتني عن اسمي واول لما قولتلها قالتلي ان الدكتور مستنيني و دخلتني.."

- ازيك يا استاذة ليلي اتفضلي

قعدت وبصتله: معطله حضرتك؟

- لا ابدًا

= اصلي جيت فجأة! من غير معاد

- متشغليش بالك انا مكنتش مشغول اوي يعني المهم قوليلي اخبارك و عامله ايه؟

" بدأت احكيله عن كل حاجه.. و كل الكوابيس الي بتجيلي! وحالتي النفسيه الى مكنتش فاهمه فيها حاجه! واني مازلت مش قادره اتخطي.. "

- تمام كملي يا ليلي

= بس كده.. انا مش قادره بس ليه مازلت حاسه اني متعالجتش لكن عارفه اني اتعالجت انا فهمت غلطتي و بصلحها بس يا دكتور.. مش قادره اتخطي الى حصل بيني وبين..

بصلي وكمل: و بين والدك الله يرحمه

عيوني دمعت وكملت: انا مكنتش هرتاح غير لو صالحته لكن ملحقتش!!

- طيب يا ليلي خليني افهمك حاجه بما اني اب.. مفيش اب بيزعل من اولاده ممكن نضايق شوية وبعدين بنعدي لكم و بنحط لكم اعذار.. وخصوصا ان والدك كان بيحبك.. الدكاترة اكدت انوه توفي طبيعي ولا من الزعل ولا من اي أسباب من الى في دماغك

= انا عارفه كل ده.. لكن حاسه بالذنب

- طبيعي تحسي كده.. متحاوليش تضغطي على نفسك و تكبتي شعورك! طلعيه ازعلي وعيطي لكن مش علطول ادي كل حاجه وقتها..وتأكدي ان باباكي مسامحك والى فاضل انك تسامحي نفسك بجد

= حاسه انوه مش حقي اسامح نفسي!

- حتي لو كان والدك مسامحك؟!

= هعرف منين؟

- افتكري ذكرياتك معاه يا ليلي.. هل كان بيفضل زعلان منك؟ او كنتي بتهوني عليه؟ ولا كان بيفهمك!

"فكرت لثواني وبعدين ابتسمت من بين دموعي"

= هحاول اعمل كده يا دكتور

- متفكريش زياده عن اللزوم يا ليلي واهدي على نفسك و اسمحي لمشاعرك انها تتحرك لكن وانتي متحكمه فيها فاهمه؟

" هزيت راسي بالإيجاب "

>>>>>>>>>>>>>>>>>>>>>>>>>>>>>>>>>>>

سبحان الله و بحمده سبحان الله العظيم.

" مشيت بعد كلامنا سوا بعد ما شكرته كتير لأني ارتحت شوية.. بس كنت مرهقه من الاحداث بتاعت اليوم روحت الفيلا ومبصتش في الفون من بدري فا اتفاجئت بـ يوسف قاعد في الجنينه تقريبا كان مستنيني وقتها استوعبت اني فعلا مفتحتش الفون بقالي فتره..! "

"قرب ناحيتي بسرعه لما لمحني"

- ليلي.! انتي كنتي فين كل ده؟

= مفيش.. انا كنت بـ... كنت..

بصلي بنص عين: مالك؟! انا كلمتك كتير عشان اطمن عليكي ؟؟

- الفون كان سايلنت

= طيب كنتي فين

- كنت بقابل احمد.. كنا بنتكلم

"لاحظت ملامحه الى بدأت تتبدل وبصلي بغيظ"

- انتي بتهزري صح ؟؟؟

= انا بقولك الحقيقة

- وتقابليه ليه!!

= عشان انا مش هعرف اتجاهل وجودهم لكن اقدر اقولهم يفضلوا بعيد دلوقتي

- انتي بتتكلمي عنهم بصيغه الجمع ليه ؟؟ مش قابلتيه لوحده؟؟

= ايوه!

- ليلي هو انتي بتتصرفي كده ليه ؟؟ وليه معرفتنيش

= هو طلب يقابلني كلن تحت الشركه! وانا كلمته وفهمته عشان لو كنت قولتلك كان زمانك عامل خناقه و

قاطعني بعصبيه: جالك الشركه !! انتي فاكره انوه بيتعامل كأنكم صحاب ؟؟ ده شايفك غير كده خالص و نظراته ليكي مش عاديه كله على بعضه مش مظبوط !

بصتله وانا بتنفس بهدوء وبحاول متعصبش: وانا مش هبـ.له انا عارفه.. وهو قالي مشاعره لكن فهمته اننا هنتخطب وان انا وهو كنا مجرد صحاب و مش هينفع نرجع حتي دلوقتي صحاب

- يعني انا صح! تمام انا هعرف اتصرف معاه

مسكته قبل ما يتحرك: استني هنا!!! هو ده الى لفت نظرك في كلامي يا يوسف !!!

= انتي عايزه ايه دلوقتي؟؟ مش بتتصرفي من دماغك!

- انا عملت ايه غلط ؟؟

= انا بقولك مش مرتاح له!! وملكيش دعوة بيهم تنزلي تقابليه لوحدك؟؟

- انا مش صغيره يا يوسف! ومن حقي اتصرف لوحدي لما اتحط في اي موقف

قرب وبص لعيني: وانا لزمتي ايه؟ هاه؟ ردي عليا

- يوسف ايه العلاقه؟

= لا لا ردي على سؤالي

- انا مكدبتش وقولتلك الحقيقة! ليه مش واثق فيا

= انا واثق فيكي! بس خايف عليكي منهم! لأني مش واثق فيهم هما!!

- كفاية تبقي واثق فيا!

= تمام

- استني! انت رايح فين؟

= خارج شوية

" مشي وسابني وانا دموعي نزلت بتعب!! مكنتش فاهمه عملت ايه غلط وكنت مستغربه طريقته معايا عيطت لما معرفتش ايه وطلعت اوضتي لكن لقيت ماما جاية ورايا "

- ليلي حببتي مالك!!

" حكيت لها الى حصل وهي كانت وخداني في حضنها وبتطبطب عليا "

= انتي غلطانه عشان كنتي مفروض تعرفيه يا ليلي وهو خايف عليكي وبعدين ده يوسف يعني هيهدي و شوية و هتلاقيه جاي!

- لا يا ماما كلمني بطريقه مش حلوة!

ابتسمتلي: لا اكيد كان مقموص

بصتلها بقمص: بطلي تدافعي عنه انا الى بنتك!

ضحكت ودخلتني في حضنها: اكيد طبعا انتي بنتي حببتي بس بعد كده انتوا داخلين على خطوبة ومينفعش تتصرفي من وراه فاهمه يا روحي؟

- حضرتك عاوزاني اصالحه؟

= انتي شايفه ايه

- هو الى يجي يصالحني.!

= امممم طيب عموما مش بعيده يوسف طيب

- ماشي ماشي.

>>>>>>>>>>>>>>>>>>>>>>>>>>>>>>>>

|| مصر الجديدة | في الكافيه ||

احمد: هو اتأخر ليه ؟

عمر: مش عارف بس هو قالي جاي

احمد: خليه ينور

" وصلت الكافيه وشوفتهم قاعدين.. واحمد قاعد بمنتهي البرود دخلت ومكنتش قادر اتحكم في اعصابي واول لما قربت منه مسكته من هدومه "

- انت عايز ايه بقا ها؟

عمر اتفاجئ و بعدني عنه: فيه ايه يا يوسف !!!

= ايه الى فيه ايه ؟؟ انا مش نبهت عليكوا بالذوق و الأدب محدش لي دعوة بـ ليلي رايح لها عند الشركه ليه ؟ وانت تلاقيك كنت عارف اننا هنتخطب اصلا صح؟؟ مانا فاهم حركاتك الرْباله!!

ابتسم بأستفزاز و بصلي: انت فاكرني برضو مش فاهم انكم اجبروتها على كل ده

"كنت هقرب تاني امسك فيه عمر وقفني"

- كفايه بقا انتوا الاتنين !!

بصيت لاحمد: انت يابني مريض؟؟؟ مش قادر تستوعب انها مش بتحبك ؟؟

" احمد بصله بعْل وعْضب!!! وقرب ناحيته مره واحده صْربه بالبونية فوشة "

- هو اتأخر كده ليه.؟

عمر: مش عارف بس هو قالي جاي.

احمد: خليه ينور.

" وصلت الكافيه وشوفتهم قاعدين.. واحمد قاعد بمنتهي البرود دخلت ومكنتش قادر اتحكم في اعصابي واول لما قربت منه مسكته من هدومه "

- انت عايز ايه بقا ها؟

عمر اتفاجئ و بعدني عنه: فيه ايه يا يوسف !!!

= ايه الى فيه ايه ؟؟ انا مش نبهت عليكوا بالذوق و الأدب محدش لي دعوة بـ ليلي رايح لها عند الشركه ليه ؟ وانت تلاقيك كنت عارف اننا هنتخطب اصلا صح؟؟ مانا فاهم حركاتك الرْباله!!

ابتسم بأستفزاز و بصلي: انت فاكرني برضو مش فاهم انكم اجبروتها على كل ده ؟

"كنت هقرب تاني امسك فيه عمر وقفني"

- كفايه بقا انتوا الاتنين !!

بصيت لاحمد: انت يابني مريض؟؟؟ مش قادر تستوعب انها مش بتحبك ؟؟

" احمد بصله بعْل وعْضب!!! وقرب ناحيته مره واحده صْربه بالبونية فوشة "

" زقيت عمر بعيد ومسكت فيه و صْربته اضعاف الصْربة الى ادهالي وبعدين وقعته على الارض وكنت هكمل عليه لكن مسكت نفسي بالعافيه وسبته مرمي علي الارض عمر كان عمال يقومه وهو مكنش فيه زقه اساسا "

"بصيت لهم بعد ما المكان كله اتلم وحصلت مشكله"

- المره الجاية مش هخليك تتحرك خالص يا احمد فاهم ؟؟؟؟ وافتكر كلامي

بصيت لعمر: وانت ابقي عقل صاحبك !

" سبتهم ومشيت بمنتهي اللامبالاة "

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed سلسبيل احمد

|| في الفيلا | غرفة ليلي ||

- بس يابنتي.. كده انا غلطانه ؟؟

= مش غلطانه يا ليلي بس انتي عارفه انوه بيخاف عليكي وحقه يخاف عليكي منهم بالذات

- ماشي يا مريم وانا كمان من حقي محسش انوه بيعاملني كأني طفله!

= بصي عموما انا من رأيي تتكلمي معاه

- لا! اكلم مين ده مفروض يصالحني ده فضل يزعق فيا واول مره يكلمني وحش كده

سمعت ضحكتها: لكن ده مش هينفي انوه بيحبك!

= مش سامعه الصوت بيقطع

- ماشي يا كدابه هشحن الفون وارجع اكلمك

= لا انا شكلي هنام بقا باي

- اوكيه تصبحي على خير.

" قفلت معاها و جربت انام بس معرفتش.. لحد ما سمعت صوت البايك بتاعته! عرفت انوه جه اخيرا الأستاذ.. فضلت في اوضتي وبعدين مسمعتوش وهو طالع ولا سمعت الباب بيتقفل فا خرجت من اوضته لاقيته كان طالع بيتسحب! "

بصتله بستغراب: انت طالع تتسحب ليه؟

"بصلي وقبل ما يتكلم شوفت وشه الى فيه كدمه"

قربت بحْضه: ايه ده ؟؟ وشك ماله يا يوسف!!

- خشي نامي يا ليلي

كان رايح ناحيه اوضته وقفت قصاده: مين الى صْربك !!

ولا ده ايه؟؟

- شششش اي صوتك ده!! وطي صوتط ولا متروحي تقولي لجدك احسن

= وانت خايف يسمعوني ليه؟

"سابني ودخل وشغل النور فا دخلت وراه راح قفل الباب و بصلي بنفاذ صبر"

- انا مش طالبة معايا خناق الساعه واحده بليل!! روحي نامي وسبيني

"تجاهلت كلامه وقربت منه اوي ولمست مكان الصْربه وهو اتفاجئ من قربي وفضل باصصلي وساكت.!"

" خرجت من الاوضة روحت جبت كيس تلج ورجعت وهو قاعد كان على سريره مديت ايدي بكيس التلج فا خده و حطه مكان الكدمه "

ربعت ايدي وبصتله: ممكن بقا تقولي اية ده؟

= مفيش حاجه اتخانقت

بصتله بشك: مع مين!

= تفتكري مع مين

- اكيد لاء!! قولي ان الي بفكر فيه غلط!!

= لا مش غلط يا ليلي

- يعني روحت لاحمد!

= اه

- و صْربتو بعض؟؟ من امتي بقيت كده؟؟ ومستني افرح بردة فعلك دي ولا مفروض اعمل اية؟؟؟

= انا مكنتش هتخانق اصلا هو الى مد اديه انا روحت اقوله ملوش دعوة بيكي مره تانيه! ولا انتي كنتي مستنيا مني اعمل ايه؟

"قربت منه وانا بحاول امسك اعصابي"

- يوسف انت صْربته ! مستوعب

= اه!

الصدمة بانت على وشي فا ساب كيس التلج وقام وقف قدامي: انتي زعلانه عليه ؟؟

- انت مش فاهم حاجه! ليه!!! ليه عملت كده؟؟

= مش فاهم ايه بالظبط! وقلقانه كده ليه!!!

- انت كبرت الموضوع يا يوسف مكنش يستاهل كل ده!! انا اتكلمت معاه وفهمته ليه تعمل كده؟؟ هو انا عيله!! ليه مش واثق فيا اني هقدر اتصرف وابعده عني بطريقتي !!

= لأنك مش عاوزاه يبعد اصلا يا ليلي!!

- نعم ؟؟؟؟ انتي ازاي تقولي كده؟؟

= انتي عاوزة علاقتكم تفضل مستمره بس تكون مسطحه ومش زي الاول وده عمره ما هيحصل !! مش وهو بيحبك وعاوزك! ؟؟؟

رديت بعْضب: تمام ! ولما عرفت قولتله يبعد عني!!! مكنتش عاوزاه في حياتي لما فهمت مشاعره !! كنت هقوله يبعد خالص !!!

= واديني بعدته خالص زعلانه ليه؟؟؟

- عشان طريقتك.. انت عمرك ما كنت كده! انت اتغيرت!

وانا بجد عمري ما هستحمل ده

" سيبته ومشيت دخلت اوضتي وقفلت الباب قعدت على السرير و دموعي بتنزل بقوة وافتكرت ذكري معينه مكنتش بحبها ابدًا "

فلاش باك - احمد؟! ما ترد عليا يابني بنعمل اي هنا

= اصبري بس واتفرجي

- مش دي عربية سيف الجمال ؟

= شاطره.. هي بعينها

- واحنا بنعمل ايه عندها ؟

طلع حاجات صغيره من جيبه: شايفه دول هيتوزعوا على العربية و عند الكوتش واول لما يركب العربية هتعمل بوووووم

ضحكت جامد: ده انت منستش تارك بقا

- شوفي يابنتي.. مبعرفش انام ولا يغمضلي جفن وانا ليا حق بره..

= طيب يلا قبل ما حد يشوفنا..!

- متقلقيش مفيش كاميرات هنا و سيف هيجي ياخدها على الساعه 6

" حط الحاجات في العربية و عند الكوتش و بعدين مشينا و قعدنا في مكان بعيد جدا عن العربية لكن كنا لسه شايفينها لحد ما لقيت احمد بيناديني "

- اهو اهو ركزي طلع بيها! ست دقايق بالظبط وهنسمع احلي بوم..

باك " افتكرت يومها سيف اتحرك بالعربية و مشي على سرعه عاليه اوي وده الي احمد مكنش عامل حسابه هو كان مخطط العربية تتضرب من كل حتة من الخارج لكن الى حصل ان العربية انفـ.ـجرت من ورا فا اتقلبت على الطريق و قبل ما تو..لع ب ثواني الناس لحقوا سيف وطلعوا بالعافيه.. لكن نتج عن الحدثه دي انوه حْسر رجله و مبقاش بيتحرك ولا بيدخل سباقات ولا حد بيسمع عنه.. وحالته كانت صعبه جدًا و احمد محسش بالذنب لحظه واحده.!! و كان شايف ان ده حقه وخده مش مهم ازاي ولا مهم انوه آذي سيف اضعاف ما آذاه! "

" مسحت دموعي وانا بحاول اهدي.. بعتله مسدجات كتير بعتذرله فيها عشان كنت اوزة اطمن انوه مش هيعمل اي تصرف متهـ.ـور لكن هو مردش عليا خالص."

>>>>>>>>>>>>>>>>>>>>>>>>>>>>>>>>>>

صلي على محمد

|| تاني يوم | الساعه 7 الصبح | على السفرة ||

فاطمه: و ادي ياستي الجبنه بالطاطم الى بتحبيها

- شكرا يا دادة.

عزيز: يوسف كل ده مصحيش؟

- معرفش يا جدو..

هدي: طب ما تطلعي تشوفيه يا ليلي عشان يفطر معانا

" قبل ما ارد شوفته نازل فا اتنهدت بأرتياح مكنتش عايزه اكلمه اصلا. "

عزيز: صباح الخير يا يو... ايه ده ايه الى في وشك ده ؟؟

هدي: ايه ده يا حبيبي!؟ انت كويس

- ده... احم.. دي حْبطه

هدي بستغراب: ازاى اتحْبطت في ايه

- في باب اوضتي... مكنتش شايف بليل كويس بعدين بسيطه مش وجعاني.

" كملنا اكل بهدوء لحد ما جدو قرر يقطـ.ــع الصمت.! "

- خلاص فاضل تلت ايام على الخطوبة.

" بصينا لبعض انا و يوسف لكن انا بعدت عيني عنه و بصيت لجدو "

= مش مرتحاله لك يا زيزو

هدي ضحكت: ليه

- عشان طالما بتحسب كده يبقي مرتب لها كويس و هتبقي كبيرة و عازم ناس كتير وانتوا عارفين انا مش بحب الزحمه

ضحك و بص ليوسف: كلامك طلع صح يا سيدي تكسب.

بصتله بعدم فهم: كلام ايه؟

هدي: ماهو قالنا هنعمل خطوبة في الخفيف كده عشان ليلي مش بتحب التجمعات و الزحمه

" ابتسموا كلهم بسعاده.. وانا ابتسمت بالعافيه.. خلصنا اكل وطلعت اغير عشان نروح الشركه سوا و كنت زهقت من العربيات فا روحت ناحية البايك بتاعتي عشان اركبها وكانت وحشاني.. "

- انتي مش هتيجي معايا؟

= عايزه اروح بالبايك بتاعتي

- ماشي يا ليلي خلي بالك على نفسك

بصتله بغيظ: انا مش عيله والله وعارفه اخلي بالي مش محتاج تقولي وتتلزق فيا وانت عارف اني مش طايقه اكلمك اصلا!

ابتسم بهدوء ابتسامه حلوة اوي! كانت طالعه من قلبه عليا علطول!! قرب ناحيتي وباس خدي بسرعه وبعدين بصلي: عارف بس بحب اتلزق فيكي اه.

" سابني تحت صدمتي وركب عربيتة "

بعدين بصلي من مرايا العربية: يلا؟ هنتأخر

" طلع بالعربية وانا فوقت ولبست الخوذه بعدين اتحركت وراه.. "

>>>>>>>>>>>>>>>>>>>>>>>>>>>>>>>>>>

لا إله إلا أنت سبحانك إني كنت من الظالمين

|| في بيت احمد ||

- ما تقوم تمشي بقا انت وهي !

نادين: ما تهدي يا احمد فيه ايه

عمر: انا مش هسيبك لوحدك عشان عارف انك مش هتعدي الى حصل على خير وانت الى غلطان خلي بالك انا مكنتش بعرفك عشان تقوم تروح لها هناك الشركه!!!!!

نادين: كله منك كان لازم تقوله؟؟

احمد بصلهم بنرفزه: والله ده الى ناقص خدوا صفهم ومتعرفونيش حاجه بعد كده ولا تتكلموا معايا كمان

عمر: ممكن تبطل هبـ.ـل ! وبعدين ليلي متستاهلش كل ده متبوظلهاش حياتها

بعصبيه: متتكلمش على لسانها !!! و ملكش دعوة يا عمر!!!

- يعني ايه مليش دعوة؟؟ انا قولتلك من البداية! متعلقش نفسك بحاجه مش موجوده ومسمعتش كلامي!! بص بقيت عامل ازاي

قعد ببرود: مالي؟!! عامل ازاي قول

نادين: واضح انك نسيت لما سافرت تتعالج ولما خالد حْطـ.ـفها انت روحت عملت في نفسك ايه!!!

- ميخصش حد فيكم؟؟ فاهمين؟

عمر: تمام يا احمد يعني برضو مصمم تعلق نفسك بحاجه ملهاش وجود

بصله و زعق: اسكت !!! ايه الى مش موجود انت متعرفش حاجه !!! انتوا كلكوا مش عارفين حاجه اصلا !!

- اه ! وانت بقا الى عارف !!

= اه عارف

- عارف ايه يابني !!؟؟

= عارف انها بتحبني !

نادين قربت منه: احمد! ليلي قالت لي لما اتقابلنا انها موافقه على خطوبتها من يوسف محدش اجبرها زي ما انت متخيل! افهم ده عشان محدش هيتعب ويعاني غيرك! احنا بنقولك كده عشان خايفين عليك ولأنك تهمنا

زق ايدها: خليكي في حالك انا مش عايز حاجه من حد

- فعلا؟

عمر مسكها: نادين خلاص يلا نمشي دلوقتي

- لاء يا عمر!

= بقولك يلا!

" مشيوا وسابو.. فا دخل اوضته وقعد على السرير.. فضل يفكر.. ولما زهق فكر حاجه واحده ممكن تخرجه من كل ده! "

>>>>>>>>>>>>>>>>>>>>>>>>>>>>>>>>>>>

استغفروا.♡

|| في مصنع عزيز عبدالرحمن | في دور التغليف ||

مريم: زي مانتي شايفه بقا ياستي ده مكان التغليف كله و طبعا انهارده رايق شوية عشان عندنا تسليم شحنه صغيره.. و.... هاي ؟ انتي مركزه معايا؟

بصتلها: ايوه ايوه.. معاكي.. لا .. الحقيقة انا سرحت شوية اسفه

طبطبت على ايدي: ولا يهمك تعالي معايا

" طلعنا المكتب و قعدنا وهي فضلت بصالي عاوزاني اتكلم بس انا مقدرتش.. "

- طيب اتكلم انا اسهل يا لولي؟

" بصتلها بأستفهام "

- انا فاهمه سرحتي في ايه.. عمي الله يرحمه.. الى مش قادره افهمه ليه بتضغطي على نفسك لو مجيك هنا هيضايقك ليه بتـ

قاطعتها: بالعكس يا مريم.. بابا كان بيحب المصنع و العمال و كان دايما يحكيلي بيتعامل معاهم و يكسبهم ازاي.. وجودي هنا بيحسسني اني قريبة منه كل الفكره بس اني لسه مش قادره اتأقلم وخايفه ابوظ اي حاجه وكده.. فهماني

= متخافيش! الموضوع سهل.. في الاول هتحسي بلخبطه لكن بعد كده هتتعودي متقلقيش وانا معاكي و.. كلنا! فا مفيش داعي تخافي

- مش عارفه اقولك ايه بجد.! شكرا

= انتي بتهزري؟ متقوليش اي حاجه! كفاية بس انك تبقي جمبنا و مبسوطه ماشي؟!

ابتسمت: ماشي...

- عموما انا بقول نكمل بكره ايه رأيك؟

= لا بصي بفكر اروح مكتبي في الشركة.. اراجع شوية حاجات برضو..

- اوكيه الى يريحك بس متجهديش نفسك بس لو سمحتي عشان عاوزاكي تركزي في الخطوبة عايزه اللبس فستان بدل اللبس الفورمال ده!

ضحكت: حاضر هاخد اجازه من اول بكره.

>>>>>>>>>>>>>>>>>>>>>>>>>>>>>>>>>>>

بقلمي / Salspil_A_Mahmoud.

|| في الشركه | مكتب ليلي عبدالرحمن ||

" قعدت بزهق وانا بطلع ورق من الدرج وقبل ما ابص فيه لقيت الباب اتفتح و يوسف داخل! "

- يخبر ده الشركه نورت! اتأخرتي ليه؟

بصتله بتعجب: حد يدخل كده؟؟ وبعدين انا مقلتش اني جاية الشركه اصلا!

- قلبي حس!

= بطل تلزيق بقا.!

قفل الباب و قرب عندي: مش قولتلك بحب اتلزق فيكي؟

رفعت صباعي وبصتله بتحذير: اياك تفكر تعمل حاجه زي الى عملتها الصبح تاني فاهم

ضحك: يبقي تيجي معايا نخرج بالذوق.

- نروح فين انا عندي شغل وانت كمان عندك

= مشوار بسيط..!

- لا مش هاجي و انا مش بكلمك متنساش ده و كمان

"قاطعنا حْبط على الباب و كانت السكرتيرة بتاعت يوسف.."

- استاذ يوسف انسة ليان في مكتب حضرتك

= وصلت بسرعه كده؟!

- اه

" خرج معاها وسابني!!!! بيحْوني معقول؟ و في قلب الشركه؟ روحت وراهم فا دخل المكتب وسلم عليها وبعدين قعد وفضلوا يتكلموا"

ميلت على سارة: بقولك ايه مين دي؟؟

- دي تبقي صاحبة شركه لسه جديده بنتعامل معاها بقالنا فترة

بصتلها بتعجب: صاحبه الشركه وجاية بنفسها؟

- هي غريبة فعلا

= ايه!!

- أقصد يعني.. يمكن عشان في إجتماع وكده كمان ربع ساعه و هيحضره جد حضرتك اكيد هي هتحضر.

= وهي هتحضر بصفتها ايه؟

- أعتقد هيناقشوا الصفقه الى هي عرضاها وكده؟

= امممم...

" فضلت واقفه براقبهم وهما بيتكلموا لحد ما خرجوا سوا و راحوا اوضة الاجتماعات.. وغمزلي وهو ماشي المستفز..!!!! فضلت نص ساعه قاعده في مكتبي كنت حاسه اني جسمي سخن من الغيظ.. فا زهقت و قومت عشان انزل وهما كانوا خارجين والبيه بيسلم على البنت بكل سرور وسعاده طبعا ماهي لابسه جيبه فوق الركبه هستني ايه "

" نزلت و قبل ما اركب لاقيته نازل هو وهي !!!! ركبت عربيتها و هو قرب عندي "

- رايحه فين مش قولت في معاد

صْربته ف صدره فجأه: يا مهزق

بصلي بدهشه: ايه ده !! فيه ايه

- خلي قلة ادبك تنفعك يا يوسف !!!!!!

" مشيت بالبايك وسيبته واقف "

= ليلي !!

>>>>>>>>>>>>>>>>>>>>>>>>>>>>>>>>>>>

سبحان الله و بحمده سبحان الله العظيم.

" روحت الفيلا وكنت متعصبه اوي ومش شايفه قدامي !! فا كملت طريقي لأوضتي "

فاطمه: لوله مش هتتغدي؟

- سبيني في حالي دلوقتي يا داده

هدي: خدي دي عامله مكرونه من الى بتحبيها

= مش جعانه يا ماما.

" طلعت اوضتي وقفلت الباب و بعد دقايق سمعت صوت العربية بتاعت الاستاذ شرفت.. "

هدي: ازيك يا يوسف تعالي كل الغدا خلص!

- مش جعان يا هدهد والله

هدي: العيال دي مالها!

" طلعت على فوق بسرعه اشوفها خبطت على الباب بتاع اوضتها "

- ليلي افتحي ! حلو الهبـ.ـل الي عملتيه ده يعني

= غور من قدام الباب يا يوسف !!

- اغور!! البت اجننت خالص!!! يعني مش هتفتحي؟

= لاء !

- طب ماشي يا ليلي ماشي.

" و طبعا سهله وبسيطه دخلت اوضتي و نطيت من الشباك بتاعي للشباك بتاعها ودخلت اوضتها بمنتهي السهوله.. "

- والله؟ اطلع بره !

= انا عايز افهم فيه ايه !

- خلي ام جيبه تفهمك!

= ليلي بطلي هبل دي كلاينت ولينا شغل معاها وبعدين لو غيرانه اوي كده كنتي تعالي اقفي معايا عادي كأنك بتعرفي الشغل! انا معملتش حاجه! وكنت بكلمها عادي!

- انا مش غيرانه اطلع بره بقا و سبني لوحدي يا يوسف

قربت ناحيتها فا بعدت وبصتلي بقمص: مش عايزه اتكلم معاك بجد!

= متبوظيش الخروجه

- اعتبرها باظت و اتلغت و كل حاجه

= لا مش هعتبرها وهتيجي معايا

- و ده ليه ان شاءالله؟

بصلي بجديه واتكلم بنبره حزن: عشان مضايق وعايز اتكلم معاكيمن امبارح و الموضوع مهم.. هنزل استناكي في العربية.

" نزل وسابني.. وحسيت فعلا انوه فيه حاجه فا اتنرفزت اني مش هقدر اخد منه موقف..! ونزلت له ركبت معاه العربية و اتفاجئت انه راح عند الشجرة..فيه مكاني المفضل قعدنا وخد نفس عميق قبل ما يبدأ كلام بعدين بصلي "

- انتى عارفة انى بحبك صح..؟

عقدت حواجبي: ليه بتسأل.. اه عارفه يا يوسف وبعدين

= عشان مكنتش أقصد ازعلك او مثقش فيكي ولا كل ده.. الفكره كلها بس يا ليلي اني شوفتك في الوقت الى مكنتيش كويسة فيه و شوفتك دلوقتي و مستعد اعمل اي حاجه عشان مترجعيش لنقطه الصفر وتفضلي كويسة ومبسوطه مش عاوزك ترجعي لـ اي حاجه تأثر عليكي او حتي اي حد! انا اتعصبت وطريقتي اتغيرت عشان خايف عليكي مش اكتر!

- انا فاهمه كل ده يا يوسف بس..

قاطعني: انتي مش فاهمه يا ليلي صدقيني.. مش فاهمه انا عدي عليا اوقات بره.. كنت وحيد اوي و قربت اتـ.ـجنن فترة صعبه مش حابب افتكرها.. لكن لما جيت هنا كل ده اختلف و حبيتك و بقيتي جزء كبير من حياتي مش هقدر اخسرك ولا ابعد عنك انا عارف ان انتي الى طلبتي مني مسبكيش بس انا الى عاوزك توعديني انك متسبينيش تحت اي ظرف

بصتله بعيون بتلمع ومسكت ايده: انا بوعدك اني عمري ما هسيبك يا يوسف.. اقصد يا قلبظ

ضحك بحزن: بكره الاسم ده

- عارفه

= بس كنت بحبه منك انتي بس

ضحكت: عارفه برضو!

بصلي بعيون كلها حب: مستعده بعد يومين تلاته للخطوبة؟

- مستعده.. بس يعني ممكن اغير رأيي ونأجل.

= متقدريش

- و ده ليه بقا؟

= عشان مهما أجلتي او حاولتي تبعدي برضو مش هسيبك لحد غيري انا ، خليكي عارفه ده.

ابتسمت: طيب.. انت مستعد؟

- انا لو عليا عاوز نتجوز مش نتخطب اصلا

= اممم للدرجه دي؟

- أيوه.. بعد الخطوبة هنتفق على الموضوع ده خدي بالك

= امممم طيب.. بقولك؟

- قولي

= بص للسما كده اصلي بحب شكلها و طول عمري مستنيا اشارك حد اللحظه دي.. اننا نبص للسما و النجوم والقمر سوا واحنا ماسكين ايد بعض ونتمني امنية.

- بس كده؟ عيوني يا لولي.

بصيت للسما وابتسمت: بتمني منبعدش ابدًا.. عشان انا كمان بحبك يا يوسف.. ومش عاوزه ابعد عنك!

بصلي: انا كمان بحبك

بصتله..: طب اوعدني منخبيش حاجه على بعض.. ولا حد فينا يكدب على التاني

- اوعدك

= طيب يلا نرجع نبص للسما..

" وفعلا مسك ايدي و بصينا سوا على النجوم و القمر.. واتكلمنا كتير سوا وفهمنا بعض! وتاني يوم الصبح بدأنا نجهز ليوم الخطوبة.. ويوم فالتاني خلاص بقينا في حفله خطوبتنا رسمي!! وسط الناس الى بنحبهم.. في اجواء هاديه مبطلش يبصلي بأنبهار وكان فرحان جدا و ماما ومريم برضو كل العيله كانت فرحانه بينا حتي داده فاطمه! و كلمت نادين قبلها بيوم تيجي لو حابة لكن هي مجتش.. فا حسيت وقتها ان كده خلاص كل صلتي بالماضي انتهت.. كان شعور غريب.. كأني هجرت جزء مني غصب عني عشان بيآذيني.. كنت بحبهم اه.. لكن اكتشفت يومها ان مش كل حاجه بنحبها لازم تفضل موجوده في حياتنا.. لازم نحط الاولوية لحاجات تانية.!! وبقيت مقتنعه بقرار البعد عنهم والبعد عن الماضي.. لكن واضح ان الماضي رفض يبعد..! "

>>>>>>>>>>>>>>>>>>>>>>>>>>>>>>>>>>

|| بعد مرور ايام بعد الخطوبة ||

" كنت نازله انا و يوسف عشان نروح الشركه.. واتفاجئت بـ نادين قدامي وكانت شكلها متوتر "

- نادين؟

= عايزه اتكلم معاكي!

يوسف اتنهد بزهق: طيب هستناكي في العربية.

" مشي وهي فضلت متبعاه لحد ما اتأكدت أنوه ركب العربية وبصتلي "

- متتكلمي يا نادين حصل حاجه؟

= اه يا ليلي حصل..

- قولي فيه ايه!!

= احمد...

>>>>>>>>>>>>>>>>>>>>>>>>>>>>>>>>>>>>

- متتكلمي يا نادين حصل حاجه؟

= اه يا ليلي حصل..

- قولي فيه ايه!!

= احمد..

- ماله؟؟

= من ساعه ما عرف انك اتخطبتي وهو..

بصتلها: عمل ايه؟

= رجع يشرب.. وبقي اسوء من الأول مش راضي يتكلم معايا و عمر والى حصل صدمه كان معشم نفسه بحاجات مش موجوده و مش متخيل انك هتتخطبي بجد.

"بصتلها بتعجب وصدمه من الى سمعته"

- انا المفروض اعمل ايه؟؟ انا حاولت اتكلم معاه اكتر من مره! وفهمته يا نادين! انا دلوقتي حياتي استقرت ومعنديش اي استعداد إني اخسر اي حاجه في حياتي دلوقتي

= انا عارفه كل ده! عشان كده حبيت اعرفك.. لو حاول يكلمك او يتواصل معاكي بلاش تردي لأنه اصلا كتر الحاجات الى رجع يشربها هتجـ.ـننه!

" هزيت راسي وحزن.. وبعدين روحت ركبت العربية مع يوسف.. وانا ببدل ملامحي عشان ميلاحظش حاجه.! "

- مالك؟ نادين كانت بتكلمك في ايه

= كانت بتعتذر عشان مجتش الخطوبة و بتبارك لي

- بس كده؟ ما انتي قولتيلي انها باركت لك على الفون

= عادي يا يوسف.. يلا بينا..

>>>>>>>>>>>>>>>>>>>>>>>>>>>>>>>>>>>

بقلمي Slsbell Ahmed سلسبيل احمد

|| في الشركه | دور الرؤساء ||

" اول ما طلعنا لاحظنا حركه غريبة!! فا اتجهنا علطول لمكتب جدو واتفاجئنا بمريم و عمي عبدالله"

مريم: ايه الى اخركم كده؟!

يوسف: ده الطريق بس فيه ايه؟؟

عبدالله: في كارثه يا يوسف.. في معلومات مهمه جدا اتسربت عن كذا صفقه و أجهزه و حاجات خارجه من الشركه هنا!!

مريم: بنحاول نعرف اي حاجه وازاي الخطه الى شغالين بيها اتسربت للمنافسين مش لاقين اي غلطه في الشغل!!

يوسف: يعني ايه؟؟ يعني مش هنعرف مين عمل كده؟؟

بصتلهم: المهم دلوقتي نعالج الى حصل!

عزيز اتكلم بخيبه امل: الاسهم هتنزل بشكل مش طبيعي.. الى حصل ده صْربة كبير لينا!

مريم: محدش يقدر يخرج معلومات زي دي من القسم هنا!!

عبدالله: احنا بعتنا لمهندس الكمبيوتر عشان يتصرف ولو في اي حاجه تاني نلحقها

عزيز: مش فاهم ممكن يبقي عمل كده

" كنت جمب يوسف فا بصتله بتوتر.. وهو لاحظ "

- مالك؟؟

همست له: انا عايزه اقولك على حاجه..

" الباب خبط و كانت السكرتيرة "

- استاذ عزيز.. نادر من قسم الادارة هو الوحيد الى مجاش انهارده.. وكمان.. تفريغ الكاميرات مفصول من مكتبة

عبدالله: بس مش مفصول من باقي الشركه!

- أكيد يا فندم.. ودقايق وهيبقي عند حضرتك

" بدأنا نحاول نلم الموضوع ولأني مكنتش لسه احسن فالشغل فا كنت بساعد بالي اقدر عليه! وهو اني افضل بعيد واسيبهم يتصرفوا لاني مش فاهمه اي حاجه فالحسابات الى اتسربت و التعاقد بتاعنا لكن فهمت ان لما خططنا توضح للمنافسين هيعرفوا ماشين ازاي و ايه نقط قوتنا وهنتـ.ـحارب فيهم! رجعت مكتبي وحاولت اكتر من مره اكلم أحمد.. لكن هو برضو رافض حتي يرد عليا "

- ليلي..

= ايوه يا يوسف؟

- انتي واخده جمب ليه

= مفيش.. لكن مش فاهمه اوي الموضوع فا.. قولت بلاش اعطلكم..!

- الموضوع وحش بكل المقايس.. وهيجيب خساير كتير للشركه وانا.. انا حاسس بالعجز

مسكت ايده: متقلقش احنا كلنا سوا وهنعدي اي حاجه يا يوسف.. طالما مع بعض.

ابتسم وبعدين طلع لي مفاتيح العربية: طب روحي انتي

- انت بتهزر؟ انا هفضل معاكم

= ملهاش لازمه و انتي أصلا مكنتش كويسة امبارح وتعبتي فا ريحي.

- برضو؟ قولتلك الفكره كلها اني اخد الدوا فا مكنتش قادره اتنفس كويس مش اكتر!

= ماشي ياستي.. بس هبقي مطمن لما تريحي وتبعدي عن التوتر ده..

" ولأنه صمم اني اروح معرفش ليه.. بس قررت ارجع البيت و افضل على اتصال بيهم.. "

>>>>>>>>>>>>>>>>>>>>>>>>>>>>>>>>>>>>

بقلمي / Salspil_A_Mahmoud

" وصلت الفيلا ومرضتش احكي لماما عشان موترهاش على الفاضي وبما ان يوسف مكنش في اوضتة.. فا دخلت اقعد فيها وانا ببص لتفاصيلها بهدوء.. الدرج بتاع الكومود كان مفتوح ولاحظت فيه كتاب لونه بينك.. كان ده لوني المفضل! جالي فضول اشوف فيه ايه ولما فتحته اكتشفت انها تقريبا مذكرات يوسف.. "

" بصيت على اول صفحه بتاريخ قديم كان كاتبها وهو بره.. شوفت كلام قاسي مكتوب.. بيدل على حزنه و حدته الفترة الى قالي مش حابب اتكلم عنها! فا مرضتش اكمل قرايا و فضلت اقلب لحد ما جت الصفح الى كاتبها وهو هنا.. و سادس صفحه كانت بتاريخ اول يوم وصل "

- شوفت ليلي بنت عمي.. وحشتني اوي قالتلي يا قلبظ.. اكتشفت انها فاكره طفولتنا سوا وده شيء بسطني جدا بما اني كنت خايف ابقي منبوذ لما ارجع! لكن الغريب ان شخصيتها فيها حاجه مش فاهمها مش بس عشان مرضتش تقوم تسلم عليا لكن حاسسها بارده..! او مخبيه حاجه..

" فتحت عيوني بدهشه انوه كان فاهمني.. وكملت الصفحه التانيه كان برضو بيتكلم عني قلبتها لحد ما جت صفحه اول سطر فيها لفت انتباهي! "

- الدكتور النفسي قالي اعمل الحاجات الى هي بتعملها واحسسها اننا زي بعض اتمني الطريقة دي تنفع

" دماغي وقفت وافتكرت اليوم الى اتفاجئت بيه معايا فالسبق وانوه كمان كسبني!! "

" انا فضلت اقرأ وانا مش فاهمه يوسف بيتكلم عني كأني مريضه و اواقات كأني بنت عمه الى بيحبها؟؟ لحد ما وصلت لصفحه!! مكنتش اتمني اشوفها "

- أعتقد اني انهارده قدرت اعالج ليلي او حتي اكون جزء من الاسباب الى خلتها تتعالج.. و بقت كويسة واخيرا جدو هيرتاح من قلقه عليها والأهم من كل ده اني نفذت كلام عمي مهدي الله يرحمه..

" سبت الكتاب من ايدي وانا مصدومه! مبقتش فاهمه حاجه؟!!! مسكته مره تانيه وقلبت فيه بعشوائية!!! عاوزة افهم ايه علاقة بابا بكل ده !!! فكرت اكلمه لكن انا متلخبطه و جوايا شعور عْضب فضلت اهدا بخوف لما العْضب زاد جوايا خوفت يحصلي اي حاجه وارجع زي الاول فا هديت و لقيت دموعي بتنزل بصمت فا خرجت من اوضتي و روحت لماما "

- ليلي؟ مالك يا حببتي فيه ايه ؟؟

= هو بابا كان بيكلم يوسف عليا ؟ كان قايله ايه عني يا ماما ؟

- مش فاهمه يا حببتي تقصدي ايه؟؟

= بابا! عمره ما قالك انوه كلم يوسف عني؟

- كلام زي ايه يا ليلي ؟؟ انتي ياحببتي مكنتيش بترضي تكلميه زمان بعد ما سافر او مكنتوش قريبين فا كان بيسأل عنك لما بيكلم مهدي وخلاص!

= انا مكنتش برضي اكلمه عشان سابنا ومشي !!

- عشان سافر مع ابوه!! عمك اختار يسافر هو ومراته ده مكنش قرار يوسف ده كان صغير! بعدين يا ليلي انتي ايه فكرك بكل ده دلوقتي؟؟

مسحت وشي بهدوء: مفيش حاجه يا ماما.. مفيش

" رجعت اوضتي لقيت موبايلي بيرن فا مهتمتش و فضلت افكر بعصبيه وفي نفس الوقت باخد نفسي بهدوء عشان مش عايزه اضغط على نفسي.! محدش غيره هيفهمني اية الى هو كاتبة ده.. مسكت موبايلي وبصيت فيه اكتشفت ان احمد الى كان بيرن فا كلمته تاني بسرعه و هو رد "

- الو.... احمد؟؟

= ليلي!

- احمد انا كنت عايزه اتكلم!! و كـ

"سكت لما سمعته بيتكلم"

= كنت عايز اسمع صوتك قبل ما اعمل كده

- تعمل ايه. ؟؟ رد عليا!

= انا عايز اقولك حاجه.. انا فعلا حبيتك يا ليلي

- احمد؟؟ انت فين؟؟ انت في البيت؟

= انا مكنتش عايز حاجه غير انك ترجعي ونفضل سوا

- احمد انت فين رد عليا؟؟ قولي انت فين لو سمحت!

= خلاص يا ليلي.. انتهت

- الو ! يا احمد ! الو !

" الخط قطـ.ـع وانا قلقت!! خت مفاتيح البايك ونزلت بسرعه مكنش في بالي غير مكان واحد ممكن يبقي فيه!!

فا روحت بسرعه بدون تفكير لكن وانا طريقي فكرت ممكن يبقى في البيت!! انا كنت سامعه حوليه هدوء!"

" كلمت عمر و قولتله يدور عليه ويحاول يوصله و قولت لنادين تشوفه لو في البيت "

>>>>>>>>>>>>>>>>>>>>>>>>>>>>>>>>>>>>

صلي على محمد

|| في الشركة ||

عزيز: يعني كده المشكلة اتحلت.؟!

مريم: مش بالظبط يا جدو.. بس على الأقل هنخرج بأقل خساير.. و بالنسبة للصفقات فا انا أكدت على كل الى بنتعامل معاهم اننا هنغير العقود لما نمضي المره الجاية.

يوسف: والاخبار الى نزلت كلها طلعنا اشاعه انها تصْليل ونزلنا كذا خبر في وسطهم عشان الموضوع يبان مقلب مش اننا اتسـ.ـرب من عندنا معلومات!

عبدالله: وبالنسبة لنادر؟؟

عزيز: هيتحول للتحقيق طبعا و هناخد حقنا بهدوء

" نهي كلامه وهو بيبصلي عشان عارف اني مندفع! اتفاجئت برد فعل مريم "

- لا يا جدو فيه ناس مينفعش معاها الهدوء ! مش بعد ما شوفناه بيسر..قنا! واحنا بنثق فيه !

عبدالله: مريم!

مريم: تمام بعد اذنكم

" خرجت و عمي بص لجدو فا ابتسم "

- انا متعود عليها ملكش دعوه

" ابتسمت على تفهم جدو للموقف بصيت في موبايلي بالصدفه و لقيت حاجه غريبة..! "

>>>>>>>>>>>>>>>>>>>>>>>>>>>>>>>>>>>>

سبحان الله و بحمده سبحان الله العظيم.

" وصلت عند الجبل ده اكتر مكان كنا بنروحه انا و احمد!! واتنهدت بهدوء لما شوفت البايك بتاعته و فضلت ابعتلك فـ فويسات اني وصلت و بدأت اطلع الجبل لحد ما شوفته!! واقف بعيد عن المعتاد و بيبص لتحت..! قربت ناحيته بهدوء واول ما حس بيا اللتفت "

- ليلي!!!؟؟

= احمد انت هتعمل ايه؟

- كنت حاسس انك هتعرفي اني هنا!

= طيب ممكن تبعد من عندك..؟؟

لاحظت الازايز الى حوليه: انت مش قولت بطلت يا احمد

ضحك بعدم وعي: بعد ايه بقا مانا كنت بطلت عشانك

- طب عشان خاطري ابعد شوية من عندك!

= انتي عرفتي اني هنا وجيتي يا ليلي جيتي عشاني صح! انا عارف انك مش بتحبيه! انا عارف و قولت لهم بس محدش صدقني!

بصتله وانا حاسه بضيق: يا احمد.. انا مش عاوزاك تعمل حاجه بسببي وتضيع حياتك! انت.. انت تهمني عشان كنا صحاب وانا عرفاك.. وكنت عارفه إنك مش هتعدي الموضوع وحاولت افهمك! فا ارجوك اوعي تفكر تأذي نفسك..

ضحك وبصلي: و مين قال اني هعمل كده بقا

- انت! .. انت قولت لي زمان انا لو معرفتش اخد حقـ.ـي من حد مش هقدر اعيش.. وقولتلي انك لو عوزت حاجه ومقدرتش تاخدها.. ممكن تـ.. تموـ ت نفسك! بس فاكر انا قولتلك ايه؟؟ مفيش حاجه تستاهل!!

دموعه نزلت وقرب ناحيتي: انتي تستاهلي..! انا حبيتك من اول يوم شوفتك فيه في الكلية! مشوفتش بنت جر..ئية زيك! انتي كنتي مختلفة!! وكنا قريبين

"مقدرتش اتحكم في دموعي انا كمان وعيطت"

قرب ومسك دموعي فا انا بعدت بحْوف: الى انت حبيتها واحده مش موجوده دلوقتي يا احمد!! عشان خاطري انسي ومتحسسنيش اني السبب في كل ده

- انا عارف انها مبقتش موجوده! وعشان بحبك قررت اتغير زيك.. عشان نبقي شبه بعض! ومن يوم ما سافرتي مشربتش حاجه لكن.. انتي اتحْطبتي له !!! تعرفي حسيت بإيه؟؟ اني حْسرت كل حاجه!! انتي كنتي الأمل الى عايش عشانه! انا مليش حد عمر ما حد حبني ! ولا حد اهتم لوجودي! او خاف عليا.. انا طول حياتي منبوذ و عايش كأني نكره..! لكن معاكي.. فكل لحظه كنت بحس بالحياة.. لكن سبتيني يا ليلي!! مرتين!!

"نهي جملته بعدم رضا وبصلي بعتاب"

" قرب مني جدا وانا كنت خايفه "

= ليلي انتي بتحبيني انا صح؟ قولي! قوليلي انهم اجبروكي على يوسف وبعدوكي عني قولي!!

- انا بحب يوسف!! يا احمد

" ملامحه اتبدلت فا بعدت خطوه و حطيت راسي بين ايدي واستحْبيت بحْوف وعيطت "

" حسيت بأيده بطبطب عليا "

= متحْافيش يا ليلي! انا بحبك! عمري ما هآذيكي!!

بعد عني وبدء يقرب من حافه الجبل فا بصتله بعدم استيعاب: احمد! لاء

صرحْت وجريت ناحيته: اوعي تفكر تعمل كده

زعق جامد: متقربيش !!!!!!

- لو عملت كده هنط انا كمان !!!! سامع؟؟؟ هنط وراك!!!

" رجع خطوه وبصلي بقلق "

" وقاطعنا احنا الاتنين صوت من بعيد بيزعق "

- ليلي !

" اتفاجئت أنوه يوسف جريت ناحيه احمد وشديته لورا واحنا الاتنين وقعنا يوسف قرب بسرعه و قومني وانا فضلت اتكلم برعب "

- امسكه !!! امسكه متسبوش !!!!

" احمد كان بيفرك بعدم اتزان من كميه الحاجات الى شربها..! ويوسف كتفه ومسكه ومكنش فاهم اي حاجه لكن باين انوه اعصابة سابت بصتله وانا بتنهد بهدوء ان المشهد المر..عب ده محصلش قدامي!!! ولا كنت هستحمل حتي يحصل بسببي. "

>>>>>>>>>>>>>>>>>>>>>>>>>>>>>>>>>>>>>

سبحان الله و بحمده سبحان الله العظيم

|| بعد ساعات | قدام مصحه للادمان ||

عمر: كويس انك لحقتيه يا ليلي.. و ورايح احنا مش هنسيبه و هنتابعه هنا علطول لحد ما يتعالج

" هزيت راسي ليهم ومشيوا خرجنا انا و يوسف عند العربية بصتله لقيت عيونه كلها اسألة "

- انا لحد دلوقتي بحاول افهم يا ليلي

= لما نروح .. انا كمان محتاجه افهم حاجات كتير

- تفهمي ايه؟ انتي كنتي بتعملي ايه هناك؟ ايه وصلك لي ؟ وليه كان عاوز يرمي نفسه؟؟

قربت وبصتله بهدوء: هو انت عرفت ازاي اني هناك

- يعني ايه؟

= السؤال واضح

- هو ده وقته؟!

ضحكت بسخريه: البايك صح؟ كنت حاطط فيها جهاز تتبع تاني؟

= لا

- لا ايه ؟؟

= لا مش حاطط حاجه فالبايك يا ليلي

- مش فاهمه!

بص للأرض وسكت شوية: السلسلة الى في رقبتك

ايدي راحت عليها ولمستها ورجعت ابصله: فعلا ؟ جبتهالي يوم لما صالحتني وضحكت عليا عشان تراقبني؟ انت عمرك وثقت فيا يا يوسف!؟؟ عمرك احترمت قراري؟ طب عمرك حبتني يا يوسف؟؟

رفع راسه وبصلي وهو عاقد حواجبه: اكيد بحبك !! وبثق فيكي ليلي انا عملت كل ده عشان كـ

قاطعته: بابا طلب منك ده؟؟

"بصلي بعدم فهم"

- اسفه عشان فتحت المذكرات بتاعتك!

ضحكت بهستيريا: كنت فكراك بتحبني ! وبتحاول عشاني.. وراسم حْطط عشان بتحبني لكن ايه ده؟؟ ولا حاجه فكل ده طلعت صح؟؟ ده انا حتي قولتلك قبل الخطوبة! خلينا نبقي نصارح بعض!! تيجي بعدها تحطلي جهاز تتبع !!!!! وقبلها تبقي عامل عليا فيلم ! ده انا طلعت غبيه اوي !

= ليلي اهدي واسمعيني !!

" زقيته بعيد عني و قلعت الدبله رميتها بعصبيه"

- انا مش عاوزاك في حياتي انت هتفضل شايفني مريضه ولا هتحبني ولا هتثق فيا !!

قرب ومسك ايدي: كفايه بطلي هبـ.ـل !!! انتي متعرفيش بتقولي ايه اصلا !!!

زعقت: ابعد عني !!! انا بجد مش مصدقاك !

- انا عملت كده عشان كنت عارف انهم هيضحكوا عليكي ويدخلوا بالحنين وانتي بقيتي حساسه بزياده!!! خوفت تحني ليهم و يحصل اي حاجه!! حطيت الجهاز ده عشان لو حصل اي حاجه اللحقك!! لأني مش واثق فيهم هما يا ليلي مش انتي !! والمذكره دي... انا بكتب فيها من بدري واكيد انتي شوفتي ان..

اتنهدت وبصلي: انا مكنتش عايزك تعرفي.. قبل ما عمي يتوفي انا كنت على اتصال بيه.. فضل يشرح لي وضع الشركه وطريقة الشغل لأني قولتله بفكر انزل فا قالي تعالي و تمسك الشركه مع مريم.. قولتله و ليلي؟ قالي لسه بتدرس وبعدهاا حصلت المشكله بينك وبينه عشان صحابك دول.. وحكالي عادي! ساعتها قولتله متقلقش انا اخدت قرار انزل يا عمي و مش عاوزك تقلق فا قالي..

بصتله والدموع نازله من عيني: قالك ايه ؟؟ اتكلم!!

- قالي انوه.. انوه.. خايف يجراله اي حاجه وميبقاش جمبك فا وعدته اني هبقي جمبك!! وقولتله مش هيحصل اي حاجه.. لحد ما عمي كلمني وقالي الى حصل ساعتها اتصدمت و اتكسر..ت حسيت ان كل شوية ببقي لوحدي.. مقدرتش انزل علطول لأني محبتش ان حد يشوفني في حالتي دي.. دخلت في حالة وحشه ومكنتش قادر اعمل حاجه!! لحد ما الوقت فات وانا فوقت.. واكتشفت اني منفذتش وعدي معاه ومكنتش جمبك فا قررت انزل مصر

فضلت اعيط بحر..قه وبصتله: كل ده وعمرك ما فكرت تقولي يا يوسف !!!

- عشان انا حبيتك يا ليلي كل ده مكنش لي اهميه مكنش لازم تحسي اني بعمل كده عشان حاجه انا صحيح رجعت عشان عمي لكن مكنش ده السبب الوحيد انا كنت تعبت من الوحده بره و خت قرار ارجع هنا واكمل حياتي هنا واول ما شوفتك.. افتكرت كل ذكرياتنا سوا وحبيتك! كنت مستعد اعمل اي حاجه عشان نكون سوا فالنهايه ولسه عندي استعداد اعمل اي حاجه عشانك

" فضلت اعيط وهو قرب وشدني لحضنه وطبطب عليا..!! مكنتش قادره استوعب كل ده.. وحاسه بضغط شديد "

" روحني البيت يومها وطلعني الاوضة و قبل ما يخرج من الباب بصلي "

- انا اسف على كل حاجة بس انا حقيقي حبيتك ومازلت بحبك مفيش حاجه في الدنيا هتغير شعوري ده.. ولما قولتلك ان أكيد عمي مسامحك ده مكنش كلامي.. ده كان كلامه معايا عنك انوه بيحبك اوي ومش بيعرف يزعل منك

ابتسم وهو بيبص للفراغ: انا كمان اتكـ.ـسرت زيك كنت بحبه.. بس تعرفي؟ انتي الوحيده الى حسيت اني عايز اكمل حياتي عشانها يا ليلي

" بصتله بعيون بتلمع وجريت حضنته وانا بعيط"

- انا اسفه يا يوسف

شد على حضني: بس يا ليلي اهدي.. متقلقيش انا كمان مش بعرف ازعل منك.. حتي بعد ما رميتي الدبله فوشي

خرجت من حضنه وانا ببتسم وسط دموعي: انا بحبك يا يوسف

مسح الدموع من على خدي: وانا بحبك اكتر والله لو توافقي بس ونتجوز

- انا موافقه!

= اية؟؟

- انا تعبت من كل حاجه..وجه الوقت اننا نفضل سوا طول الوقت ومنبعدش ابدًا.. الدكتور في اخر جلسة قالي.. قالي انوه الحب بيحل كل حاجه..

= وانا طول عمري بحب الدكتور

"ضحكت وبصتله بحب.."

- يبقي نقولهم و نحدد الفرح؟

= نحدد الفرح.

>>>>>>>>>>>>>>>>>>>>>>>>>>>>>>>>>>>>>

|| بعد مرور شهر | و بعد الفرح بساعات ||

- يا ليلي يا حببتي افتحي بقالك ساعه في الحمام.!

= الفيلا مليانه حمامات ايه التناحه دي يا يوسف ؟؟

- تناحه؟؟..

= ماشي بس انا قلقان عليكي!

- بطل محن!

= محن وتناحه؟ لا ده كده كتير..

"روحت اغير وقعدت على السرير لقيتها جت ولابسه بيجامة! قعدت جمبي وبدأت تتغطي بصتلها بعدم فهم"

- معلش لو مش هزعجك

= اتفضل

- انتي بتعملي ايه؟

= هنام.. انا طول اليوم تعبانه و زهقانه وانت عارف اني بكره الزحمه و بتعصب منها واستحملت بالعافيه وبعدين انا مبعرفش انام بره بيتي و كمان انا متعوده ابقي مع ماما و جدو وانت صممت ناخد فيلا لوحدنا وانا حقيقي يا يوسف مش فا...

"حطيت ايدي على بوقها"

= همممم امممم

- اسكتي ايه!!!! ايييييه انتي بلعتي الدي جي الى كان في الفرح !!! خلاص نامي !!!

" شلت ايدي من على بوقها فا بصتلي بنص عين و بعدين شدت الغطا وحطت راسها على المخده "

- ليلي.. معلش سؤال..

= ها

- هو انتي شخصيتك التانيه رجعت وانا مش واخد بالي

=.........................

- تمام شكلها رجعت.. مفيش مشكلة يا روحي براحتك

=........................

- طب هل هنعيد كل حاجه من الأول ولا الاجراء ايه دلوقتي؟

" سمعت ضحكها المتواصل و قامت بصتلي "

- انت عايز ايه بقا؟ مش هتنام

= مش قادر انام من الفرحه والله

"قربت ناحيتي زي القطط ودخلت في حضني"

- طب بطل كلام عشان اعرف انام انا.. بقا

" حسيت بقمة السلام و الهدوء و الحب وختها حضني وايدي سرحت في شعرها.. "

= ليلي اخر حاجه بقا

- هممم؟

= تعرفي اني بحبك قد البحر وسمكاته

اتكلمت بصوت نايم: وانا بحبك قد السما و النجوم والقمر يا قلبظ.

>>>>>>>>>>>>>>>>>>>>>>>>>>>>>>>>>>>>>

واخيرا؟ 🩷